رواية الشغف العاشق الفصول 13-14

أنا بخير
ديما يا بنتي
تسلم يا حبيبي بقولك يا خالو عايزة أسألك بس ياريت ما تفهمش سؤالي غلط بس ڠصب عني و الله
أدرك خالها ماهية سؤالها قبل أن تتلفظ به فأخبرها بحزم
غلط يا مريم و أوعي تعملي كدة أنت دلوقتي ست متجوزة حتى لو ما بتحبيش جوزك بس لو سألتي على راجل تاني كان ما بينك و ما بينه أي مشاعر دي تعتبر خېانة و أنا ما ربتكيش على كدة أبدا أنت بينضرب بيك المثل فى الأخلاق و الأدب
أجابت على مضض
حاضر يا خالو أطمن بالتأكيد مكنتش هعمل كدة كان مجرد سؤال مش أكتر
أوعي تكوني زعلتي يا بنتي
طيف ابتسامة لاح علي ثغرها فقالت
و هزعل من إيه مفيش حاجة أبقي سلملي على أمنية و طنط سلام
أنهت المكالمة و عادت لمتابعة الفيلم صدح رنين جرس المنزل فأمسكت بجهاز التحكم الخاص بالتلفاز و ضغطت على زر كاتم الصوت ثم ذهبت لتري من الزائر نظرت عبر فتحة الباب أولا
مين
أجابت فى الخارج
أفتحي يا مريم أنا خالتك راوية
قامت بفتح الباب فألقت الأخرى التحية فأجابت مريم أيضا بالتحية مشيرة إليها نحو الداخل
أتفضلي يا طنط
ذهبت كلتيهما فجلست راوية ثم مريم التي سألتها
حضرتك بتحبي تشربي إيه
أنا مش جاية عشان أشرب أنا عارفة إن ابني مش هنا و زمانه سهران فى الكباريهات و أنا اللي كنت بقول ربنا هداه و أتجوز رجع أنيل من الأول ليه سيباه يعمل كدة يا مريم
تعجبت من لوم هذه السيدة و كأنها لا تعلم طريقة زواج ابنها منها تحت الټهديد و المساومة جزت على أسنانها ثم قالت
أعتقد حضرتك مش واضحة لك الرؤية خالص ابنك مين اللى ربنا هداه ابنك يقول للشيطان قوم و أنا أقعد مكانك
نظرت إليها والدة زوجها بلوم و عتاب
ما هو ده دورك يا بنتي المفروض تخليه يتغير أنا عارفة إنه فيه كل العبر مش لو حبتيه و غيرتيه يمكن ينصلح حاله و يرجع الحقوق لأصحابها و يبقي كسبتي فيه ثواب
قد فاض بها الأمر و لم يعد للصبر مكانا الكل يلقون عليها اللوم و كأنها هي الجانية و ليست المچني عليها صاحت بكل ما يجيش في صدرها
أنت أصلا بتقولي إيه! ابنك اټهم خالي بقضية سړقة لفقها له عشان يساومني علي تنازله عن المحضر مقابل إنه يتجوزني و وافقت ڠصب عني عشان الراجل اللي رباني و عمره ما خلاني محتاجة حاجة
اقتربت خطوة وعيناها تنضح بالشرر و تلوح بيدها مردفه
ابنك اللي أكل ميراث أخوه و مليون في lلمية زور في الأوراق و عارف إن أنا و أخوه بنحب بعض و أتجوزني عشان يقهره مش عشان يحبني و جاية تقولي لي حبيه! أنا بكرهه و كل يوم بكرهه أكتر و بدعي عليه و مش هقولك غير حسبي الله و نعم الوكيل عشان معرفتيش تربي
لم تكن راوية قادرة على الرد تعلم أن مريم لديها كل حق في كل كلمة و تذكرت ما تم تداوله بين أهل الحارة و هو أن ولدها يريد الزواج من ابنة خالها عرفة لكن وجدت أن هذا لم يؤثر في الأخرى سواء علمت بذلك أم لا.
حقك عليا يا مريم و معلش جيت أخدت من وقتك عن إذنك
قالتها و غادرت خالية الوفاض تاركة الأخرى في بحر من الأحزان. 
تجبرنا الحياة على خوض معارك نحن الطرف الأضعف فيها و علينا الصمود حتى الرمق الأخير فكيف لنا أن نحارب في معړكة خاسرة مجهولة النتائج! 
مرت أيام معدودة و تم زواج جاسر و أمنية في حفل عائلي فكلا والديها رافضين هذه الزيجة التي ستأتي من خلفها الخلافات و المصائب كما أخبرتها والدتها لكن كان إصرار ابنتها عجيبا و كأنها تريد خوض معړكة تريد أن تنتصر فيها بشتي الطرق. 
كانت مريم حينذاك تتصفح حسابها علي تطبيق التواصل الاجتماعي وقع أمامها اقتراح إرسال لطلب الصداقة خفق قلبها حينما رأت الاسم بالإنجليزية و صورته داخل الشركة التي رأت إعلان لها من قبل أخذت تتصفح حسابه و علمت إنه شريك مالك لهذه الشركة ضغطت علي اسم الشركة و كان أزرق اللون فانفتحت الصفحة الخاصة بالشركة في الأعلى خريطة للموقع الجغرافي و أسفله تفاصيل و العنوان التقطت علي الفور صورة للصفحة و الجزء الخاص بالعنوان. 
وصل إلي سمعها صوت زغاريد يدوي صداها في الخارج هذا الصوت بغريب عنها تعلمه جيدا اسرعت إلي باب الشقة و قامت بفتحه لتجد جاسر يرتدي حلة سوداء و تمسك بساعده ابنة خالها التي ترتدي ثوب زفاف أبيض حدقت إليها الأخرى بنظرة لإغاظتها و قالت 
معلش بقي يا مريم نسينا نعزمك علي فرحي أنا و جاسر أصل مفيش واحدة عاقلة هترضي تحضر فرح جوزها 
لم تشعر مريم بأي مشاعر سلبية نحو ابنة خالها بل أسعدها أنها تزوجت من الرجل الذي أحبته وتمنت أن تكون زوجة له فابتسمت و قالت لها نقيض ما كانت تتوقعه الأخرى 
ألف مبروك يا أمنية أنا فرحت لك أوي 
جز جاسر على أسنانه بڠيظ من ردة فعل مريم و التي تبدو إنها سعيدة بزواجه عقبت هويدا بعدما تنفست الصعداء خوفا أن تنشب معړكة بين ابنتها و بين الأخرى 
الله يبارك فيك يا حبيبتي طول عمرك عاقلة ماشاء الله عليك 
نظرت مريم إليها و قالت 
تسلمي يا مرات خالي يعلم ربنا إن أنا بعتبر أمنية زي أختي و أكتر و النهاردة فرحت لها أوي
حدقت جاسر و مازالت تبتسم قائلة بتمني عقبال يا جاسر لما نتطلق 
اقسمت إنها تري نيران من الچحيم تندلع داخل عينيه و قبل أن يقترف فعل أحمق معها أمام زوجة خالها و ابنتها قالت 
عن إذنكم هاروح أنام تصبحوا علي خير 
و أغلقت الباب قبل أن يفتك بها زوجها أمامهم فصب غضبه علي والدة أمنية قائلا 
مش زغرطي يا حماتي و وصلتي بنتك لحد باب الشقة يلا بقي أنزلي لعم عرفة تحت هتلاقيه بينادي عليك 
حدقته بامتعاض و قالت 
مقبولة منك يا بني أهم حاجة عايزاك تاخد بالك من بنتي 
صاح الأخر بنفاذ صبر 
ما أنا واخد بالي منها اهو ليه محسساني إن هاكلها يلا بقي أتكلي علي الله 
لكزته أمنية وأخبرته بنهي 
اتكلم مع أمي عدل يا جاسر 
تسحبت والدتها و هبطت علي الدرج بينما جاسر لم يتحمل أكثر من ذلك فقبض علي عضد أمنية و دفعها أمامه 
قدامي يا عروسة و أنا هوريك هاتكلم إزاي 
و بعد قليل... 
كانت نافذة غرفة النوم التي تتمدد فيها مريم مقابل نافذة غرفة النوم داخل الشقة المقابلة دوي صوت صړخة ابنة خالها و اتبعه صوت جاسر يوبخها 
اكتمي صوتك ده خالص 
أدركت ما يفعله معها فوضعت الوسادة علي رأسها لا تريد سماع أي شيء أخر تذكرت ما
ستفعله غدا ابتسمت و ظلت تفكر في الرجل الوحيد الذي أمتلك قلبها و إنها سوف تراه غدا برغم خۏفها من ردة فعله. 
ترجلت من السيارة أمام مبني الشركة و أخذت تتأمل البناء من خلف نظارتها الشمسية السوداء دقات قلبها تخفق بقوة عليها أن تتشبث بثباتها حتي لا ټنهار أمامه لديها يقين إنه سيلقي عليها أقسي