نوفيلا عبير كاملة

كم من أمور مرت على حياتنا كانت في مطلعها لهب تتصاعد السنتها إلى عنان السماء تشتعل باحداثها التي طالما أثرت علينا و اصابتنا بندوب بافئدتنا حتى إذا مرت السنين وانطفات تلك النيران و سكنت ولم يتبق منها سوى رماد وظننا انها النهايه نجدها قد تركت بداخلنا چرحا عميقا لا ينتهي حتى وان تناسيناه وتاقلمنا مع حياتنا فبمجرد محاولة لمسه أو الاقتراب منه ينفتح الچرح وېنزف من جديد يجعل قلوبنا تصرخ بكل ما أوتيت من قوة صرخه تفتك بنا تكاد ان تخرج من بين الضلوع تذكرنا بكل ماحدث وكل ما مر علينا منذ عهد مضى...
في حد عنده سؤال ياشباب

تمام تقدروا تتفضلوا
بتلك الكلمات تكون قد انتهت الدكتورة مريم من إلقاء محاضرتها أمام الطلبه ويهم الجميع بالانصراف تبدأ مريم في جمع اشيائها ووضعها في حقيبتها ولكن عينيها متتبعه أثر إحدى طالباتها وهي تتحرك من مكانها والإرهاق يبدو على وجهها تكاد ان تسقط ويغشى عليها فتنادي عليها مريم خوفا من اصابتها بمكروه سما
تلتفت لها سما بوجه شاحب وعيون ذابله مريم مش سما بردو
سما أيوة انا سما في حاجه يا دكتور مريم
مريم في حاجه انتي حبيبتي حسيتك زي ما تكوني تعبانه انتي كويسه
سما اه اه انا كويسه
مريم وهي تقترب منها بس شكلك بيقول انك مش كويسه مالك يا سما في حاجه
سما وهي تحاول أن تبعد عينيها عنها تعبانه شويه بس
مريم سما انا مش بس الدكتورة بتاعتكم انا هنا زي اختكم الكبيرة وانتوا مسئولين مني لو في مشكله عندك او محتاجه مساعده في أي حاجه قوليلي حبيبتي ولو اقدر اساعدك صدقيني مش حتاخر عنك
ټنهار سما من البكاء و الدموع تنهمر من عينيها بغزاره حتى يرق قلب مريم لها وتقرر ان تصطحبها لداخل مكتبها حتى تتحدث إليها بحريتها
تجلس سما امامها وتطلب لها مريم مشروبا لتهدئتها وتتحدث إليها أنا كنت بشوفك دايما انتي وصحابك قاعدين جمب بعض لكن بقالي فتره ملاحظه انك بتقعدي لوحدك بعيد عنهم هو انتوا زعلانين مع بعض وهل حالتك دي ليها علاقه بيهم واللا في حاجه تانيه سما انا عاوزاكي تطلعي اللي جواكي وصدقيني اللي حتقوليه مش حيخرج برة المكتب ده
سما أنا تعبانه اوي يا دكتورة وانا السبب في تعبي ده انا اللي عملت فنفسي كده انا السبب انا السبب مش عارفه عقلي كان فين لما عملت كده
مريم اهدي يا سما عشان خاطري ايه اللي حصل فهميني
سما حاضر حقول لحضرتك عشان انا فعلا تعبانه اوي ونفسي احكي لحد ويفهمني وللأسف محدش راضي يسمعني
مريم أنا سمعاكي يا سما اتكلمي يا حبيبتي
سما وهي بتمسح دموعها أنا أول ما دخلت الجامعه كان لسه مليش صحاب اتعرفت على شاب في سنه تالته عرفني على كل حاجه مكنش بيبخل علية باي نصيحه عمري ما احتاجته فحاجه و ملاقيتهوش جمبي كان عيني اللي بشوف بيها كان بيشرحلي اي حاجه تقف معايا اتقربنا من بعض اوي لدرجة اننا حبينا بعض وحلمنا مع بعض بحياتنا اللي حنعيشها و بعد كده بدأ يشتغل جمب دراسته عشان يقدر يساعد باباه ويشتري شقه وماما واخواتي كانوا عارفين كل حاجه بيننا وهو كان بيكلم ماما في التليفون دايما والكل كان عارف اننا بنحب بعض كان دايما معايا ولازم يطمن علية كل يوم بعد ما امشي من الجامعه اني وصلت البيت كان بيزعل مني لو عملت اي حاجه من وجهة نظره انها غلط وفنفس الوقت كان حنين علية اوي خوفه ولهفته علية وحبه لية كانوا باينين فعيونه الكل كان عارف انه بيحبني ومستعد يعمل اي حاجه عشاني 
مريم تمام وبعدين ايه اللي حصل سابك يا سما واحده تانيه اخدته منك
سما وهي بټضرب بايديها على رأسها بكل قوة وبتلعن غباءها ياريت يادكتورة ياريته ده اللي كان حصل ياريته كان هو اللي سابني وغدر بية كنت حقول ربنا اكيد حيعوضني خير لكن انا انا اللي بغبائي دمرته وډمرت نفسي انا اللي سبته انا اللي غدرت بيه دست على حبه بكل قسۏة وجبروت مرحمتهوش و لا رحمت دموعه اللي كانت بتصرخ من حبها لية مش عارفه عقلي كان فين لما عملت
فيه وفنفسي كده
مريم عملتي ايه يا سما اتكلمي
سما مشيت ورا كلام شوية صحاب ليا حاولوا يفهموني اني مينفعش احب اول واحد يقابلني ويدخل حياتي و انه راح ولا جه اسمه تلميذ ولازم يكون طموحي اكبر من كده قووا قلبي عليه دسوا سمهم جوايا خلوني اسيبه واقنعوني بواحد تاني وان مستقبلي معاه هو وانا بغبائي مشيت وراهم سبت حبيبي ومشيت مع واحد مشى معايا يومين وبعد كده سابني و هما كمان سابوني ولما حاولت ارجعله كان فات الأوان كان خلاص كرهني وبقى مبيطقش يشوفني
ظلت سما تحكي لمريم و تخرج لها كل ما في قلبها وبداخلها من آلام دون أن تشعر بأنها تغرز رمحا ذو نصل حاد بداخل قلب مريم ولما لا وقد أصابها في الماضي نفس ما اصاب تلك الفتاه وقد ظنت انها نسيت مع مرور السنين حتى جاءت تلك الفتاه لتذكرها بكل ما حدث معها في الماضي وكل ما مر بها من آلام بعد أن ظنت انها طويت مع السنين والأيام
تتحدث سما بينما تشرد مريم وتسرح بخاطرها بعيدا عنها عبر أسوار الحياه تجري بها دوارة الحياه لتعود الى خمسة عشر عاما مرت عليها تتذكرها بكل باحداثها وكأنها حدثت الآن تراها امام اعينها وضح النهار وهي تسمع تلك الاصوات التي تخرج من بيتها نعم انها زغاريد تعلن عن فرحه تملأ هذا البيت الف مبروك يا مريم الف مبروك يا حبيبة قلب امك فرحتيني ورفعتي راسي وراس ابوكي
مريم الله يبارك فيكي يا ماما ربنا يخليكي لية يا زوزو يا حبيبتي يارب
زينب وبما انك بقى جبتي الدرجات الحلوة دي في الاعداديه انا حجيبلك الموبيل اللي كان نفسك فيه
مريم بجد يا ماما
زينب طبعا بجد زي ما وعدتيني ونفذتي وعدك انا كمان حنفذ وعدي
مريم يا حبيبتي يا ماما ربنا يخليكي لية يارب
زينب طب ياللا بقى روحي غيري والبسي طقم حلو عشان الكل دلوقتي حييجي يبارك ويهني
مريم حاضر يا ماما
بعد مرور عدة ساعات يقبل الاهل والجيران لتهنئة مريم بحصولها على الشهاده الاعداديه بتفوق
و يأتي علي مع امه لتهنئتها هما ساكنين بعيد عنهم شويه تقريبا في منطقه تانيه لكن الأهل طول عمرهم كانوا جيران ده غير أن مريم كان ليها اخ كان صاحب علي وكان متعود يجيلهم كتير ويلعب مع مريم وهي صغيره لكنه ټوفي وظل علي على اتصال دائم بيهم ومنقطعش عنهم لأن وجوده بينهم بيفكرهم بابنهم اللي ماټ ومع الوقت بقى وجوده شئ اساسي فحياتهم وجزء منهم الف مبروك يا مريم انا فرحان اوي عشانك
مريم الله يبارك فيك يا على كله بفضلك وبفضل تشجيعك لية لولا وقفتك جمبي مكنتش حجيب المجموع ده أبدا
علي أنا معملتش حاجه يا مريم انتي شاطره وذكيه انا مجرد كنت بشرحلك الحاجه