رواية جديدة جامدة الفصول من السابع عشر للعشرين بقلم الكاتبة الرائعة

يجفف حبات العرق التى أندت جبينه من هول الموقف الذى انخرط به و أردف بتلعثم
يعنى..يعنى يمكن يا باشا بيدارى ورا بنته..
رمقعه پغضب جم و صاح به بحدة
انت متخلف يلا!...فى حد عاقل هيدخل بنته الوحيدة ف شغل خطړ زى دا!
يا باشا الكلام اللى قولتهولك دا الحاجة الوحيدة اللى أنا متأكد منها...صدقنى يا باشا أنا مش جايب الكلام دا من دماغى..
هتف به بحدة
انت عارف معنى كلامك دا ايه!...ان عادل دا أب جاحد...لا دا مش أب أساسا.
الموضوع دا تتأكدلى منه ف أسرع وقت..مفيش قدامى وقت كتير...انا عندى معلومات إن الشحنة على وصول...فاهم!
هز رأسه پخوف عدة مرات و أجابه بشفتين مرتجفتين
ح حاضر يا باشا...عن إذنك..
غووور بسرعة.
هب سريعا من المقعد و فر بخطى متعثرة يسقط و يقف إلى أن خرج من هذا المنزل اللعېن.
فى مساء اليوم التالى اتصل زايد بيزيد و أخبره بأنه وجد شقة صغيرة بحى مجاور لحى الجامعة و أملاه العنوان و طلب منه يزيد أن يتفق مع مأذون شرعى على موعد بمساء الأربعاء و أن يحضره و معه شاهد أمين فى الشقة لكى يعقد قرانه على أثير طلب منه كل ذلك تحت ذهوله التام فقد أصبح ذلك الأمر بمثابة لغز عويص امتنع يزيد عن فك شفرته على الأقل فى الوقت الحالى و لكنه وافقه باستسلام فليس لديه سوى أن يساعده فى محنته التى لا يعلم ملامحها بعد.
فى مساء الأربعاء....
كان يزيد يجوب غرفته ذهابا و إيابا كل خلية بجسده تنتفض حسرة على حال تلك المسكينة لن يهدأ له بال حتى ينتشلها من ذلك القصر اللعېن و تصبح تحت صك ملكيته و حينها لن يستطيع اى مخلوق انتزاعها منه و لو دفع روحه ثمنا لذلك. 
انتظر حتى انتصف الليل و قام بالاتصال بزايد ليؤكد عليه موعده مع المأذون و ألا يتركه يغادر مهما تأخر عليه ثم اتصل بأثير.... 
ألو... أثير انتى صاحية! 
كنت لسة هنام دلوقتى
طيب ممكن تفتحيلى باب قوضتك... عايز أتكلم معاكى ف موضوع مهم و مش هينفع ف الجنينة لأنى مش عايز حد يحس بينا او يسمعنا. 
إزاى بس يا يزيد... لا لا ميصحش... افرض حد دخل علينا فجأة هيقول ايه! 
أثير خلى عندك ثقة فيا... أنا قبل كدا شيلتك و انتى نايمة و نيمتك ف السرير و قفلت عليكى القوضة و نزلت من غير ما ألمس منك شعرة. 
احم..أنا واثقة فيك طبعا...طيب ثوانى هفتح الباب و اطلع...هستناك..
اوكى...باى.
وضع الهاتف بجيبه و وضع ملابسه و أغراضه فى الحقيبة الصغيرة و وضعها فى متناول يده ثم سار بحذر و هو يتلفت برأسه فى كل اتجاه خشية أن يراه أحدهم و هو يدخل جناحها إلى أن وصله بسلام و ولج إلى الداخل سريعا و أغلق الباب بهدوء فوجدها تقف فى منتصف الغرفة فى انتظاره أشار برأسه على الشرفة و هو يقول بهمس
اقفلى البلكونة دى..
حاضر..
أغلقت باب الشرفة و قفت قبالته تطالعه بترقب فى انتظار الأمر المهم الذى سيلقيه على مسامعها...
ادار دفة الحديث قائلا بتوجس
أثير احنا لازم نهرب من القصر دا حالا..
رمقته بذهول و استنكار فى آن واحد قائلة
نعم!..ايه اللى انت بتقوله دا
تقدم منها خطوتين قائلا بجدية
صفقة المواد الغذائية اللى جاية المينا باسم شركتك بكرة دى صفقة مخډرات متخزنة ف وسط علب الجبنة و اللبن...و المباحث كلها مستعدة لتفتيش الشحنة دى و لو ثبت كلامى هيقبضوا عليكى و هتتحبسى يا أثير..
هزت رأسها بعدم تصديق و هى تقول باستنكار
ايه التخاريف اللى انت بتقولها دى!...أنا عمرى ما أعمل چريمة زى دى أبدا...
هز رأسه بأسف و هو يقول
للأسف مش انتى اللى بتعملى...دا عادل الشرقاوى و صلاح اللى شغال عندك ف الشركة..
لوت شفتيها لجانب فمها قائلة بتهكم
يزيد ايه الفيلم الهندى اللى انت بتحكيه دا!...بابى قاسى أه بس مش لدرجة إنه يتاجر ف المخډرات باسمى..
أجابها بوجوم و حزن
مش لو كان أبوكى أصلا يا أثير...
انقلبت ملامحها للڠضب قائلة بانفعال
ايه الكلام الفارغ اللى انت بتقوله دا!...من ساعة ما جيت و انت عمال تقول ألغاز و كلام غريب ميتصدقش أصلا...و بعدين انت جبت كل الكلام دا منين!
ابتلع ريقه بصعوبة ثم أخرج من جيبه الأوراق الخاصة بدار الإيواء و أعطاها لها و حثها على الإطلاع عليها فأخذتها منه بيد مرتعشة خشية أن يكون كلامه صحيح فتحت الأوراق و راحت تقرأها بتمعن و هالها ما قرأت حتى كاد قلبها أن يتوقف عن النبض و كادت تفقد توازنها فهرول لها لكى يسندها و لكنها استوقفته بإشارة من كفها أى لا يقترب فتسمر بمكانه و أخذ يراقب ملامحها المشدوهة عن كثب و قد اجتاح القلق كل جوارحه و لكنها طالعته بجمود و عدم تصديق و هى تقول
ايه اللى يثبت ان الورق دا أصلى مش مزور!
أجابها بجدية
الورق دا أنا جايبه من خزنة عادل اللى ف