رواية مليكة من 101-110

وهي ضحېة
مليكه خلاص قفلي على الموضوع ربنا يستر علينا بجد أنا مش عايزة مشاكل
في الشركة
فارس كده تمام
أكرم طيب لازم تقول لجدي إن الملف اتسرق منك وإنك مادخلتش المناقصة
فارس ما هي ممكن تسأل وتعرف أن اسم الشركة بتاعتك
ادهم لا حاجة زي دي مش حاتفوتني
أنا وأكرم
فارس دي تبقى الضړبة القاضية ليها
أكرم إن شاء الله بقولك يا أدهم أنا لازم أرجع القاهرة شغلي متأخر هناك
أدهم آه طبعا الفيلا تقريبا خلصت بس الفرش مش عارف مليكه عايزة تغير حاجة أو لا
أكرم خليها تحس إحساس اتحرمت منو لما اتجوزتك ماختارتش حاجة وحتى لما سكنت في شقة في الحارة الناس اللي فرشو ليها
أدهم أنا نفسي تختار وتعيش وتنسي بس شكل الموضوع صعب عليها هي في فترة علاج صعبة لأنها بتتكلم على الماضي
فارس ربنا يريح بالكم بكل صراحة مراتك ست هادئة كويسه فرق كبير بينها وبين كامليا بقولك هو أنت عندك عادي لبسها أوفر مهما كان هي مراتك وشايله اسمك وأسف بدخل
أدهم مش راضي وبتكلم وبعمل مشاكل بس اعمل إيه هي من زمان كده كامليا عايشه في عالم وحدها بعيدة عن ربنا أنا عمري ما شوفتها بتصلي
أكرم أنت عندك نوعين من الستات
هههه ربنا معاك بس مش بتفكر تطلقها
ادهم جدي وصاني ما طلقهاش لانها حاضيع والله أحيانا بتصعب عليا لأني كمان بظلمها بس ڠصب عني
أكرم هي مش الزوجة المناسبة ليك
ادهم عارف قولي أعمل إيه
أكرم هو أنت واثق في أخلاقها 
ادهم قصدك أنها تخوني
فارس بص لي أكرم بحضرو بي عنيه إنو مايقولش ليه
أكرم تصرفاتها غلط بتسهر وتسكر ودا وحش لسمعتك خاصة الفترة دي
ادهم خاېف أدور وراها ألاقيها پتخوني لأني مش حارحمها هي أكيد عارفة نقطة ضعفي الخېانة
أكرم طلقها يا أدهم
أدهم بص ليه انت عارف حاجة 
أكرم مش لازم اعرف حاجة أنت تستاهل مليكه وطول ما كامليا في حياتك مش حاتعرف تقرب من مليكه هي بتغير عليك والكل شايف نظرتها
أدهم بتغير عليا يعني بتحبني 
أكرم هي كانت بتحبك ولا أنت نسيت مليكه كل حاجه وحشة عملتها معاها وفضلت معاك مليكه جواها طيب
أدهم خاېف تطلب مني الطلاق
أكرم يبقا طلق كامليا
أدهم وبنتي 
أكرم ما هي أصلا مش بتهتم بيها أنا مش عارف هي آية مش بتحس بنتك على طول مع مليكه وبتروح كمان عند سارة
البنت تعبانة وهي شايفة الأمهات بيعاملو أولادهم ازاي وهي لا
اتفق معاها إديها فلوس وخودها حتى لو وصلت المحكمة أنت ممكن تثبت أنها أم فاشلة بدليل
أدهم حاسس إنك
مخبي عليا حاجه
أكرم أنا خاېف عليك
لازم امشي
فارس وانا كمان
أدهم أنا بس أخلص وحارجع القصر الجماعة شوية و يوصلو
أكرم طلع مع فارس
وهما في الأسانسير
فارس أنت اټجننت تشككو في مراته
أكرم أنا خاېف عليه اللي شوفتو النهارده حاجه صعبة
فارس شوفة أية
فارس لا لانو مش بحبها
أكرم الخېانة ملهاش علاقة بي بحبها ولا لا أنا داخل الجهاز بتاعها براقبو والله اتكسفت من أخو مراتي لما بعت الصور و انا عارف إنو مافتحهمش كامليا في خطړ الزفت بهددها وأنا مش عارف أعمل إيه عايز انتقم من عصمت بس كامليا لا
أدهم الشك دخل قلبه اتصل بي واحد يخلي كامليا تحت الحراسة
في القصر
مليكه سارة هو في آية الحركة غريبة في القصر والخدم طالع نازل
سارة هي عارفة إن أهلها جايين بس مش عايزة تقول ليها
سارة ماعرفش يمكن بنضفو أو في عزومة عندهم ماتشغليش بالك
بعد ساعتين رجع أدهم القصر
كانت مليكة في البلكونة بتقرا كتاب نصحتها بيه الدكتورة النفسية
ادهم دخل الجناح بعد
ما خبط كثير
أدهم سلام عليكم
مليكه اتخضت أنت دخلت أمتي
أدهم والله خبطت كثير بس أنت ماسمعتيش
مليكه مش مشكلة بقولك هو في حاجة في القصر
أدهم قرب منها آه عاملك مفاجئة
مليكه بعدت شوية مفاجئة أية
ادهم بصي البسي أشيك حاجه عندك وزبطي نفسك عندك ساعة وقت وتعرفي المفاجئة
مليكه عامل حفله
ادهم لا هي عزومة أنا داخل اخد دوش ولا قولك حاروح الجناح الثاني علشان أسيبك على راحتك
فعلا مليكة دخلت آخدت شاور وراحت تشوف تلبس إيه طلعت فستان موف بارد حلو أوي لمت شعرها وعملت ميكاب طلعت تجنن
ادهم لبس بدلة في كحلي وراح عندها خبط الباب
مليكه ادخل
فتح الباب فضل متنح من كثله الجمال اللي شافها قدامو
ادهم مشاء الله عليك إيه الجمال دا
مليكه اتكسفت وفعلا هي حاسة من جواها حلوة حابت تلبس زي كامليا الضيوف وصلوا القصر تحت شهقاتهم وصدمتهم
صباح اللهم صلي على النبي
سها شايف أختك عايشه فين واحنا سايبانا في الشقة المعفنه
عبد الرحمن اياكي تعملي مشاكل اسكتي
دخلوا القصر
أدهم طلع بي مليكه مع أولاد ونازلين السلم الكل مبهور بيهم
صباح ربنا يحفظك من العين يا ننن عيني
سها هي دي أختك
مليكة بصت لي أدهم ونزلت تجري علي السلم اترمت في حضڼ صباح
الحلقة المائة وستة
مليكة وحشتيني أوي
صباح يا ضنايا وأنت أكثر ربنا عالم بيا من ساعة ما مشيتي وابتدت تسلم عم محمد
محمد إزيك يا بنتي عامله أية 
مليكه أنا بقيت كويسه لما شوفتكم
أولاد راحو يجروا على صباح يسلموا عليها
كامليا طلعت من الجناح لما سمعت الصوت العالي الوقت دا أكرم وساره طلعوا هما كمان
كامليا آية الدوشة دي
سارة أكيد أهل مليكه وصلوا
كامليا أية أهلها !!! يعني القصر فيه ناس بيئة
أكرم أقسم بالله لو فتحت بؤك بكلمة أو اهانتيهم حايكون ليا حساب عسير معاكي
كامليا أنت مين أصلا علشان تتكلم معايا بي الأسلوب دا انت نسيت نفسك ولا إيه
أكرم أنت اللي نسيتي نفسك يا بنت عصمت بقولك إيه صورك جامده جدا
سحب سارة من أيديها ونزلوا
أما كامليا كا أنها اتشلت ماقدرتش تنطق ولا تتحرك
تحت في صالون كبير في القصر الكل قعد
يوسف راح جنب مليكه باس رأسها والله يا ملوكه ما كنت أعرف معزتك عندي قد إيه إلا ما مشيتي
ياسين هي ولا فنجان القهوة بتاعها
يوسف الكذب خيبة الاثنين
مليكه سلمت علي سها بطريقة باردة جدا ودا استغربتو سها جدا لأن مليكة عمرها ما كانت كده
مليكه قولي لي يا مريم هي حماتك أفرجت عنك ازاي !!!
ياسين البركة فيا بقا
رحيم كان قاعد مبسوط بي اللمة دي مع العيلة البسيطة
اللي كلها حب لي مليكه
رحيم والله نورتونا جدا
عم محمد والله دا نورك يا باشا
رحيم بلاش باشا دي كلنا ولاد تسعة ولا إيه رأيك
عم محمد مافيش كلام بعد كلامك
سارة عارفين أنكم وحشتوني آوى و وحشني أكل ماما صباح
صباح وانت كمان سيبني فراغ كبير عندنا
جات الشغالة
علشان تبلغهم أن الغدا جاهز
رحيم يلا بينا يا جماعة نتغدى
الكل قام على السفرة الكبيرة اللي فيها كل أنواع ما لذ وطاب من الأكل
رحيم كامليا فين
كامليا كانت نازلة السلم بكل أناقتها فستان في أزرق سماوي ضيق لحد الركبة مع كعب عالي
عامله ميكاب وريحه البرفان من أكبر البرندات العالمية اللي ريحتها فواحة كل ما تنزل السلم
يوسف قرب من أكرم مين المزة دي
أكرم دي أم أربعة وأربعين بنت العقربة
يوسف مرات أدهم 
أكرم أيوه دي خيبة أدهم
يوسف بي طريقه كوميدية بس برضو مزة مالكومش حق مش مدينها حقها في الحياة ليكي ربنا يا مليكة
كانت كامليا وصلت لتحت
كامليا ملك يلا بينا
بس ملك مسكت ايد مليكه
أدهم وقف الأول سلمي علي الضيوف
كامليا أنا ما بسلمش على الأشكال دي
رحيم كان قريب منها لانها كانت واقفه جنب الكرسي بتاعو
هو قام بكل قوة ضربها علي وجها
رحيم شكل أمك ماعرفتش ترابيكي
كامليا أنا تضربني عمرك ما مديت إيدك عليا الا لما الزفته دي دخلت القصر
رحيم لما تهيني ضيوفي في بيتي يبقا أضربك واكسر راسك كمان
انا سكت كثير عليكي وجيت على حفيدي علشانك بس أنت ما تستهليش
ادهم كنت رايحه فين
كامليا هي الدموع في عينيها كنت رايحة عند مامي
رحيم مافيش خروج يا تقعدي تترزعي تتغدى معانا يا غوري على غرفتك
كامليا أنت ازاي تكلمني كده من ساعة ما جات الجربوعه دي هنا كلكم اتغيرتو
معايا
رحيم غوري من قدامي
كامليا طلعت تجري بسرعة
رحيم أنا آسف يا جماعة دي بنت بنتي عصمت ومرات أدهم
أكرم أحسن حاجة عملتها يا جدي منعتها تطلع الله أعلم هي وأمها كانو عملو ايه
الكل اتغدا في هدوء ومع خفة ډم يوسف نسيو اللي حصل
إما كامليا حلفت أنها ټنتقم منهم كلهم
أدهم اخد كل واحد لي غرفته
فوق في القصر في جناح كبير خاص بي الضيوف الخدم جهزوه
صباح راحت مع مليكه لي غرفتها
صباح اللهم صلي على الحبيب المصطفى آية الجمال دا شوفتي يا مليكه ربنا كبير وعارف إنك بنت غلبانة وطيبه اداكي علي قد نيتك
مليكه طمنيني عليكم وعلى الحارة
صباح يا بت أنت في العز دا كلو وبتسألي علي الحارة وش فقر من يومك
مليكه مقبولة منك يا أحلى صباح
صباح إيه الحلاوة دي كلها والله قمر قوليلي عامله أية مع جوزك
مليكه الحمد لله
صباح اتنهدت يعني سامحتيه
مليكه لا
صباح يخيبك يا بت ليه بس
مليكه أنت أكثر وحده عارفة أنا اتعذبت قد إيه ازاي اسامحو بسهولة دي
صباح يبقا ماحصلش بينكم
مليكه يحصل إيه مش فاهمه
صباح يا بت فتحي مخك هو إيه بيحصل بين الراجل والست لما يتقفل عليهم باب واحد
هنا مليكه اتكسفت
مليكه لا
صباح ويرضيي ربنا يا مليكة دا جوزك وليه حقوق عليكي والراجل شاريكي يا بنتي واعتذر ومكبر بيكي ودخلك القصر واعترف بيكي لناس كلها يبقا ليه تحرميه وتحرمي نفسك من حاجه حللها ربنا
مليكه ياما أنا اشترطت عليه قبل ما آجي هنا قدام ياسين وهو وافق يبقا هو حلني من أي حقوق
صباح برضك مايرضيش ربنا وبعدين ولا مؤاخده دا حقك أنت كمان ليه تحرميه على نفسك حاجة ربنا ميديكي فيها أجر طاعة الزوج واجبه قوليلي هو حاول يقرب منك
مليكه بصراحة لا
صباح راجل وقد كلمته
مليكة يارب يفضل كده أنا عمري ما
أكون زوجة ليه
صباح تف من بؤك إيه الكلام الخايب اللي انت بتقوليه دا هما زعل وحايمشو
انت شوفت ضرتك يا مراري البت مزه الصراحة حادي علي جوزك يا بت أنت عندك عيلين محتاجين حضڼ أبوهم وفلوسو كمان مش حانكدب على بعض أنا كنت عارفة إنه غني بس مش كده دا الله أكبر العربيات اللي بعث لينا عمري ما ركبت ولا كنت أحلم أركب فيها دي الحارة بتحسدك
بصي يا بنتي سيبك من المشاعر والحب والكرامة والكلام الفارغ دا جوزك راجل مالي هدومو شكلو حلو وأنيق وغني هو عايزك وبحبك حادي عليه حطيه تحت باطك وأنت ادلعي عليه وشكليه على مزاجك ابني مستقبلك الكرامة حاتعمل ليكي إيه أوعى تعملي معاه مشاكل علشان انت اللي حاتخسري لا قدر الله واخد أولادك أنت ساعتها تعملي إيه تغني ظلموه
مليكه فتحي مخك الفرصة بتيجي مرة وحده في العمر
أنا أمك وعارفه مصلحتك والراجل بحبك إدي نفسك فرصة ومن غير ماتحوري عليا أنت كمان بتحبينه بس دماغك مقفلة
مليكه ربنا يسهل
صباح هو أنت لسه زعلانة من سها 
مليكه آه
صباح اخوكي شايف مرار طافح منها البنت لا بتطبخ ولا بتنضف الشقة الله وكيلك اتكركبت علي الآخر
مليكة عبد الرحمن كل يوم بيشتكي منها
صباح طيب أنا رايحة أشوف جوزي راح فين أصل الستات عندكم هنا حلوه وانا ست غلبانة
وابتدو يضحكوا
صباح طلعت ودخل أدهم
أدهم كلو تمام حبيبتي 
مليكه هو أنت كل شوية تقولي حبيبتي 
أدهم آه لأنك حبيبتي وأم أولادي إيه رأيك في المفاجئة 
مليكه بجد شكرا وحشوني أوي
أدهم عارف علشان كده عزمتهم مليكه أنا عايز أعمل أي حاجة علشان تبقى فرحانه
مليكه ادهم هو أنا لو مش عايزة أعيش معاك ممكن تاخد أولادي مني
أدهم اتنهد ليه يا مليكه كل شوية تعذبينني الصبح اتكلمتي علي الطلاق ودلوقتي بتقولي أن اخد أولادك
لا يا حبيبتي مش حاخدهم منك أنت أم رائعة حلاقي أم تانية لي أولادي فين بلاش يا مليكة تفكري كده خلي الأمور ماشية أنا بطلب من ربنا يصبرني على بعدك عني بس أهم حاجة أنت تكوني كويسه عارفه إنك لسه مش متأكدة أني بحبك بس وحياة ولادي بحبك وعمري ما حبيت حد
دا انت الحب الأول والأخير وحب بجد أنا مهما عبرت مش حاتعرفي مشاعري
هنا الباب خبط
وفتحت الباب كانت سهي
وشافت ادهم واقف قدام مليكه
سهي آسفة فكرت مليكه وحدها
أدهم لو سمحت دا الجناح بتاعنا أنا ومليكه فا خبطي واستني لحد ما نأذن ليكي بدخول ممكن تشوفي حاجة تكسفك
مليكه ضحكت علشان عارفة إنهم مش طايقين بعض
أدهم رجع عند مليكه باس رأسها
ادهم حبيبتي نازل عند الرجالة ارجوكي متخليش أي حاجة تضايقك
وراح
دخلت سهى
سهى هو مالو شايف نفسو علينا وبصت على الجناح أوبا آية العز دا كلو
علشان كده سامحتيه ورجعت عندو ممممم مش بطال أنك تتخلى عن كرامتك مقابل الفلوس
مليكه سهي أوعي تنسي نفسك إني أختك الكبيرة ولازم تحترمينني ودي حياتي ماحدش ليه دخل فيها
مريم اول ما شافت سهى راحت عند مليكه راحت تجري
وخبطت الباب
مليكه راحت تفتح
مريم آسفة لو جيت عندك
مليكه حبيبتي تيجي في أي وقت اتفضلي
مريم اللهم صل على محمد آية الجمال دا
مليكة خشي يا حبيبتي
مريم ربنا يزيدك من نعيمه إيه الحلاوة دي كنت مخبياها فين
الفستان عليكي تحفه ولا المكياج والله كا أنك مليكه تانية
سهى الفلوس بتغير يا مريم
سهي واخدا راحتها
راحت على التسريحة اللي في دريسنك وفتحت الدرج لاقت علب كثير فتحتهم سهي هو دا فلسو
مليكه لا دا الماز
كان جابهم ليا زمان
سهى قصدك قبل ما تهربي
مريم سهي إيه اللي انت بتقوليه
سهي هو أنا قلت حاجة غلط
وبصت على الصور
ياه اللي يشوف الصور يقول كانت بينكم قصة حب كبيره
مريم ومين قالك إن مكانش في بينهم حب بصي علي عيونهم بصي حاضنها ازاي وهي بتضحك ازاي
ولا الصورة دي عينيه كلها حب ليها
لا فعلا كان بينهم حب وهو لسه بحبها ودا باين عليه أنت ماشوفتيش طول الغدا بيبص ليها ازاي
سهي آه حب زي حبك أنت وتوفيق أبو كرش
مليكه أنت اټجننت ولا إيه مالك فيكي إيه
سهي فيا إيه أنت عايشه في العز دا وسايباني أنا واخوكي في الشقة المعفنة مافكرتيش تقولي لجوزك ياخد لينا شقة في حتة كويسه
مليكه اوعي تفتحي الموضوع دا قدام ادهم والشقة هو كتبها في اسمي سهى أنت عايزة إيه طالما شايفاني معنديش كرامة وعايشه معاه ودلوقتي بتقولي إنك عايزة شقه مش فاهماكي
الرجالة كانو طالعين علشان يغيروا ويلعبوا كورة سمعو صوت مليكة عالي
أدهم طلع يجري السلم
وفتح الباب
أدهم في أية صوتك عالي ليه
مليكه مافيش
أدهم ازاي مافيش وانت بتترعشي