رواية جديدة الفصل 19

ما تمر به حيث أن تفكيره منصب على شئ اخر مختلف تماما لذلك عند انتهاءه من تناول طعامه سارع بالتحرك من مقعده متحججا بالعمل بعدما أومأ لشقيقته بعينيه كعلامة سارعت أسيا بالوقوف هى الأخرى عند رؤيته يتحرك وهى تقول بلهفه 
مراد بعد أذنك أنا كمان خلصت وكنت عايزاك فى حاجة 
هنا انتفضت ليلي من مقعدها تقول بأستماته وهى تشير بكفها لمراد ليستأنف حركته 
لا أسيا مش هينفع قصدى يعنى خلى مراد يشوف الشغل اللى وراه وانا عايزاكى فى حاجة مهمه 
أجابتها بأستغراب وقد توجهت بكليتها نحوها 
طيب ثوانى بس هقول لمراد حاجة مهمة وارجعلك 
أنهت حديثها وألتفت مرة أخرى نحو موضع وقوفه لتتفاجئ به أختفى من أمامها تهدلت أكتافها بأحباط ثم عادت تقول ل ليلي بخفوت 
تمام تعالى نقعد بره 
ضغطت ليلي على كف كرم الجالس جوارها يتابع ما يحدث بين زوجته وشقيقها بصمت كعلامة على توديعه قبل أن تركض نحو الخارج لأشغال أسيا فى الساعة القادمة 

بعد مرور نصف ساعة تأففت أسيا وهى تراقب ليلي الجالسة قبالتها فى أحد أركان الحديقة المنزوية قبل أن تهتف بأستنكار 
فى أيه يا بنتى أنطقى بقالك نص ساعة مقعدانى فى الحتة الغريبة دى تحت الشجرة ومش بتتكلمى 
أجابتها ليلي وهى تحرك ساقيها مدعية عدم الفهم 
مالها يعنى الشجرة ماهى جميلة أهى 
حدقتها أسيا بعدة نظرات مستنكرة قبل أن تقول بأستهجان واضح 
حلوة !!! ده أحنا لو بنستخبى من حد مش هنقعد بالمنظر ده !! 
أصدرت ليلي صفيرا متقطعا كانها لم تستمع إلى حديث صديقتها فسارعت أسيا تنحنى بجسدها أستعدادا للذهاب وهى تقول بحنق 
تمام خليكى انتى قاعدة تحت الشجرة كده وأنا هروح أشوف مراد 
أنتفضت ليلي من جلستها بعجالة ويدها تجذب ذراع أسيا بلهفه لتعاود الجلوس وهى تقول بتوسل 
خلاص والله أقعدى عايزة أقولك حاجه مهمة 
نظرت أسيا إليها بتشكك قبل أن تعاود الجلوس أمامها مرة أخرى بتأهب واضح فتحدثت ليلي تقول بخجل شديد وهى تبتسم بحرج 
أسيا أنا وكرم أتصالحنا إمبارح 
شهقت أسيا بسعادة واضعة كفها فوق فمها لعدة لحظات بعدم تصديق ثم سرعان ما جذبت ليلي لاحتضانها وهى تغمغم بسعادة 
أخيرا يا ليلي !!! مش متخيلة أنا فرحانة أزاى 
تركتها ليلي على مضض ثم أجابتها وعيونها تلمع بدموع السعادة 
ولا أنا أسيا أنا مش مصدقة اللى حصل من إمبارح أنا وكرم !! 
تنهدت بوله قبل أن تستطرد حديثها بهيام 
أنا بحبه أوى أكتر من نفسى مشفتيش إمبارح كان بيدافع عنى پجنون إزاى فى اللحظه دى حسيت أن كل حاجة تهون بس أبقى معاه 
تنهدت أسيا هى الأخرى بحرارة وعينيها تسبح فى الفراغ فسارعت ليلي تقول بعدما شعرت بحزن صديقتها 
وأنتى كمان على فكرة مشفتيش مراد كان هيتجنن عليكى لما عرف اللى حصل 
رمقتها أسيا بعدة نظرات معاتبة ألتقطتها ليلي على الفور فعادت تقول بصدق 
صدقينى والله دى الحقيقة أنتى بس مش عايزة تشوفى ده 
قاطع حديثهم صوت مراد الذى أشرأب بقامته ينظر إليهم من فوق وهو يقول بحنق واضح 
أنا مش فاهم فى أيه بقالى ساعة بدور عليكم !!!! أيه المكان الغريب ده !! 
كانت أسيا هى أول من أعتدلت فى جلستها قبل نهوضها لتقف أمامه تلتها ليلي التى قالت بامتعاض وهى تدفع جسد