رواية روعة الروعة الفصول من الثالث عشر للسابع عشر

أيه 
محمود بانفعال مش عارف شوفتها بيغمى عليها وطلعت افوقها ما بتفوقش.
هرولت زينب لغرفة ابنتها تحاول ايفاقتها والإطمئنان عليها.
نعمات بقلق طيب أنزل هات دكتور بسرعة.
محمود وهو يتبع حماته لا أنا هافضل معها وهخلي التوربيني يجيبه ويجي بسرعة.
فاقت من غشيتها لتجد نفسها ممددة علي فراشها بينما محمود يحتضنها بقوة وهو يبكي.
نورا بقلق مالك يا محمود هما كانوا هياخدوك ليه.
دلفت نعمات للحجرة بعد توصليها للطبيب.
نعمات بسعادة ياخدوا مين بعد الشړ.
دخلت زينب بسعادة للغرفة تحمل بيدها كوب من العصير.
زينب بسعادة مبروك يا قلب أمك الف مبروك ربنا يتم لك على خير وتقومي لنا بألف سلامة ويرزقكم الذرية الصالحة.
نورا بدهشة وهي تنظر لزوجها المنتحب الذي يرفض افلاتها من بين احضانه هو فيه أيه يا محمود
محمود بخفوت أنت حامل يا قلب محمود.
نورا پصدمة أيه بسعادة بجد يا محمود.
محمود بتأثر الدكتور هو اللي قال كده أنا مش مصدق أنك هتبقي أم ولادي يا نوارة هاجيب منك عيال ويبقى لي أهل وعيلة.
نعمات بعتاب وأنت ملكش أهل يا محمود.
محمود بحنان أنت أهلي كلهم ياما متاخذنيش من فرحتي بتلعثم مش مصدق أن هيبقى عندي عيال واطلع لهم شهادات ميلاد ويبقى اسمهم على اسمي ولو حد ضايقهم يجروا علي ويقولوا هاقول لابويا ويجوا في حضڼي واجيب حقهم لو حد بس اتجرأ يضايقهم ولا يقل منهم هدخلهم احلى مدارس واخليهم يرفعوا راسهم قدام الدنيا كلها.
نعمات بتأثر ربنا يفرح قلبك يا ابنى ويتم فرحتك على خير استأذن أنا بقى واسيبكم تفرحوا مع بعض.
زينب بابتسامة عندك حق يا نعمات خديني معكي ونسيبهم يباركوا لبعض براحتهم.
محمود باستنكار لا معلش بقى يا حماتي أنا سيبتك براحتك على الأخر بس أظن كده مينفعش تسيبها تاني واديكي شوفتي اغمى عليها فاجأة وهي لوحدها وبعدين أنا طول النهار في الورش ومش معقولة هنسيبها لوحدها كل ده و أنت ياما مرضتيش تعيشي معنا وسيبناكي براحتك بس اظن بقى دلوقتي  لازم تعملي خاطر لحفيدك مش بيقولوا اعز الولد ولد الولد.
نورا برجاء أه بجد يا جماعة من يوم ما رجعنا واحنا بنتحايل عليكم حتى تقضوا النهار معنا وأنتم مش راضيين أظن دلوقتي بقى مينفعش تقولوا لا.
نعمات بابتسامة متكسريش بخاطرهم بقى يا أم نورا وبعدين ده البيت في وش البيت لكن أنا لا معلش يا جماعة بس أنا حاسة أن روحي متعلقة بالأوضة دي ويوم خروجي منها هيبقى نهايتي.
محمود ونورا بلهفة وباصوات متداخلة بعد الشړ ربنا يبارك لي فيكي ياما أوعي اسمعك بتقولي كده كده برضه يا خالتي ربنا يديكي طولة العمر.
نعمات برجاء عشان خاطري سيبوني براحتي و أنت يا حاجة هي مش هتكون محتاجة حد قد ما هتكون محتاجكي خليكي أنت معهم مينفعش نسيبهم احنا الاتنين.  
زينب باستسلام خلاص هاقضي كل اليوم معها لغاية ما جوزها يرجع بالسلامة واروح لغاية ما تولد على خير.
نعمات بابتسامة ربنا يقومها بالسلامة عن أذنكم أنا بقى.
محمود بعتاب وهو يمسك العصير حتى تشربه حبيبته من يده براحتك ياما خليكي كده مش عايزة تريحي قلبي. 
نعمات بابتسامة ربنا يريح قلبك بالذرية الصالحة زي ما أنت طول عمرك مريح قلبي بس خليني براحتي ومتضغتش علي تاني. 
محمود بأمل من بوقك لباب السما في حفظ الله يا نعومة موجها حديثه لزينب ربنا ما يحرمنا منك يا حاجة وتشيلي ولادنا.
زينب متجهة للمطبخ ويخليك ليهم يا ابني ويرزقك بالذرية الصالحة.
محمود بحب وهو يرقدها برفق مش عايزة أي حاجة يا نوارتي.
نورا بحب عايزة سلامتك.
محمود بابتسامة الله يسلمك أنا هانزل الورشة دقيقة بس اقفل حاجة كنت باعملها وهاشتري شوية فاكهة وعصاير وهاجي علطول متخليش حماتي تتعب نفسها أنا هاجيب أكل معايا وأنا جاي.
نورا بحب تعيش وتجيب ربنا ما يحرمني أنا وابنك منك يا حودة.
محمود بخبث لا الكلام ده ماينفعش وأمك هنا وأنا نازل خليه بعد ما الحاجة تمشي آخر النهار واحنا بنبارك لبعض زي ما الحاجة قالت.
نورا بخجل تروح وترجع لي السلامة يا حودة.
اقترب منها ليبتعد بسرعة أثر دخول زينب للغرفة.
زينب باعتذار لا مؤخذاة يا ابني انا افتكرتك نزلت وقلت اجي اشوفها عايزة حاجة.
محمود باحراج لا ما أنا نازل أهو تؤمريني بحاجة يا حاجة.
زينب بابتسامة تسلم يا حبيبي تروح وترجع بالسلامة.
محمود بابتسامة سلام عليكم.
استمعتا لصوت الباب خلف فابتسمت نورا بخجل.
زينب بسعادة ربنا يسعدكم ويقومك بالسلامة ويفرحكم بولادتك على خير.
نورا بحب يارب يا ماما ربنا ما يحرمني منك يا ماما معلش هتعبك معي فترة الحمل.
زينب باستنكار أنت عبيطة يابت ده أنا اخدمك بعينيا ولو كان علي أنا اللي كنت عايزة أقول أقعد معكي بس كنت مكسوفة من محمود.