رواية روعة الروعة الفصول من الثالث عشر للسابع عشر

نورا باستنكار ليه بس يا ماما ده محمود والله بيحبك.
زينب بحرج أنا مكسوفة اتقل عليه أكتر من كده يعني متكفل بخالتك وبيدفع ايجار قد كده من غير ما يستفاد من المحل ده غير كل يوم والتاني يبعت فاكهة وأكل جاهز كمان هاجي اقعد معكم إذا كان حبيبك عسل.
نورا باستنكار أيه اللي أنت بتقوليه ده والله محمود ما بيفكرش كده خالص ده معتبرك زي أمه وبيحبك جدا وبيقولي دايما أن موافقتك على جوازنا جميل شايله ليكي طول العمر طيب بصي كده تفتح الدرج المجاور لها كل يوم بيجيب الفلوس يحطها هنا ويقولي لو عوزتي حاجة أو حبيتي تهادي مامتك بحاجة هاتي اللي أنت عايزة من غير ما تسأليني. 
زينب بسعادة بسم الله ما شاء الله يا حبيبتي ربنا يزيدكم ويوسعها عليكم ويهديه لك يا حبيبتي.
 نورا بحب ربنا يخليه لي وميحرمنيش منه.
زينب بمشاكسة يا سلام يا ست نورا مش ده اللي كنت محسساني اني رميتك لما جوزتك ليه.
نورا بندم بلاش يا ماما الكلام ده أنا بتجنن كل ما افتكر اللي كنت باعمله فيه ومش مصدقة أنه يحبني الحب ده كله ويعاملني كده بعد ده كله.
زينب بابتسامة لا باقولك أيه الزعل وحش على الحمل ارمي اللي فات ورا ضهرك المهم أنكم دلوقتي بتحبوا بعض وجيلكم اللي هيحببكم في بعض أكتر وأكتر.
نورا بحب مفيش أكتر من حبي ليه اصلا.
زينب ضاحكة اتلمي يابت على الأقل قدامي يا بجحة.
نورا بصدق لا بجد يا ماما أنا فعلا حبيته بعد كتب كتابنا بفترة لما شوفت حنيته ورجولته وبعد ما اتجوزنا حبيته أكتر من عشرته الحلوة وأخلاقه بس عمري ما تخيلت أني بحبه قوي كده لغاية ما شوفت البوكس قدام الورشة وافتكرت أن اللي بتصوت دي نعمات وقلبي كان هيقف وكان هاين علي انط له من البلكونة لحد ما اغمى علي من خۏفي عليه.
زينب بلهفة بعد الشړ عنك وعنه ربنا يبعد عنكم الشړ كل واحد بياخد اللي يستاهله.
نورا بحيرة اه صحيح هو البوليس كان في الحارة دي والست دي من ضهرها كده بس عارفها. 
زينب بجدية اللهم لا شماتة دي الولية أم سالم كانت بتجري بعد ما قبضوا على ابنها.
نورا پصدمة قبضوا على سالم ليه.
زينب بهدوء ما أنت عارفة من يوم ما سالم اتجوز وأمه ومراته كل يوم صوتهم في الجو وكل يوم ڠضبانة بسبب أمه وتحكماتها اتريها أخر مرة ڠضبت طلعت عملت له محضر وعملت تقرير طبي أنه ضربها وكان قاصد يسقطها ده غير أنها كانت رافعة عليه قضية تبديد ووصل أمانة لأنه كان ماضي لها على وصل قصاد الحاجات اللي جبتها عشان هو معهوش والنهاردة أخوها جاب البوكس وخدوه.
نورا پصدمة لا حول ولا قوة لا بالله مش ده أخوها اللي يوم الخطوبة لفت على الحارة كلها تقول ابني ناسب ظابط وده النسب اللي يشرف ويليق بيه.
زينب بلوم كله ألا الشماتة يا نورا بلاش يا بنتي عشان ربنا يفرحك ويتم لك على خير وتقومي لنا بالسلامة.
نورا بصدق لا والله يا ماما ما شماتة أنا باستغرب على حكمة ربنا الجوازة اللي كنت فاكرها عدلة واديني شوفت نهايتها أيه وأم سالم كمان حسبتها زيي وأهو ابنها اللي مش بتطيق عليه الهوا مرمي في السچن ومحمود اللي لو كان حد قالي أني ممكن اتجوزه كنت مۏته طلع ضفره برقبة الكل فعلا المظاهر خداعة.
زينب برضا الحمد لله ربنا فعلا بيختار لنا الأحسن باسى بس تصدقي والله صعب علي وهو راكب البوكس يعني برضه هو غلبان عايز يبر أمه وبرضه يتجوز ويرتاح مش ذنبه أن أمه حرباية.
نورا بحسم ذنبه أنه مش راجل لو أدى كل واحد حقه مكنوش وقفوا لبعض على الواحدة البر مش أنه يطلق أمه على بنات الناس تطلع عينيهم طيب تعرفي محمود عامل لنعمات درج زي ده بيحط فيه فلوس من فترة للتانية وبيقول أمي ما ينفعش تطلب من حد فلوس حتى لو أنا ده غير أنه أول ما بينزل الصبح بيبعت صبي يجيب لها كل طلباتها وأول ما بيخلص بيدخل يغير عندها ويقول مش عايزها تحس أن حد خدني منها ولا أنها ضيعت عمرها هدر ومع ذلك عمرها ما اتدخلت في حياتنا ولا قال لها على حاجة بنا ولا خد أذنها ولا شار عليها في حاجة تخصنا.
زينب بسعادة ربنا يكرمه زي ما كرمها هي تستاهل كل خير وربنا قعد لها اللي عملته معه عقبال ما ربنا يرزقكم بر ولادكم.
نورا برجاء يارب يا ماما.
في إحدى المستشفيات
رقدت نورا فوق فراشها تنظر بانبهار لذلك المهد الرائع التي ترقد به ابنتها مجاورة لفراشها من ناحية بينما من الناحية الأخرى  يجلس زوجها بجوارها ممسكا