رواية تقي الفصول من 16-25

منها وبنبرة رخيمة خاڤتة تشدق
شششششش اهدي ماتكلميش خالص
ارتفع صدرها وهبط من كثرة البكاء فضمھا إلى صدره مجددا وإحتضنها بشدة و
ليوووو بليز !
هدأت هي قليلا في أحضانه فابتسم في لؤم و
أنا بأحبك يا ليووو ومش عاوز أبعد عنك لحظة 
ولا أنا
أبعد هو رأسها عن صدره ونظر لها بعينيه الناعستين ولم يرمش للحظة و
ليان تتجوزيني ! بس عرفي !
فغرت هي شفتيها من الصدمة وتوقفت عن النحيب والبكاء ونظرت إليه بعدم تصديق فعاود تكرار جملته اﻷخيرة على مسامعها ولكن بنبرة أكثر جدية
ليان أنا عاوز أفضل جمبك على طول وظروفي حاليا ماتسمحش إني أتجوزك رسمي بس أنا مش قادر أشوفك كده ومعملش حاجة أنا عاوز أكون سندك صدرك الحنين اللي ترتاحي عليه
ثم صمت لثوان معدودة قبل أن يتابع ب
حبيبتي إنتي مش عارفة حبك عامل فيا ايه بعدك عني مخليني مش على بعضي انتي عارفة جوازنا ده هيقرب أوي ما بينا لحد ما الظروف تظبط ونعلنه رسمي ها قولتي ايه موافقة تتجوزيني
لم تعرف هي بماذا تجيبه فقد باغتها بسؤاله هذا فظلت صامتة عاجزة عن الرد ووجهها جامد خالي من التعبيرات
هزها هو من كتفيها بهدوء حينما لاحظ صمتها المخيف و
ايه مش موافقة !
مط فمه في يأس وأرخى قبضتي يده تماما عنها وأجفل عينيه في إنكسار و
خلاص يا ليان أنا مش محتاج أعرف ردك هو بابن على وشك وأنا أسف إني آآآ
وضعت هي كف يدها على فمه ونظرت له بنظرات فارغة ثم قالت بنزق
أنا موافقة نتجوز عرفي !!!
داخل الصالون الشعبي
احتقن وجه بطة بالډماء المشټعلة من الغيظ وظلت تهز ساقيها بعصبية مفرطة و
ولية استغفر الله العظيم تفور الډم
عبثت نسرين بخصلات شعر بطة لتعيد ترتيبه من جديد بعدما أفسدته إحسان في حين ولجت أم بطة لداخل الصالون وعلى وجهها ابتسامة مشرقة ولكن سرعان ما تلاشت ليحل محلها علامات اﻹنزعاج الممزوجة بالصدمة
تسمرت لوهلة في مكانها ولم تطرف بعينيها ثم إذ بها تلطم فجأة على صدرها في فزع وهي محدقة في ابنتها وتشدقت ب
يخربيتك يا بعيدة ! ايه المنظر المفضوح ده يا مفضوحة !!
نفخت بطة في ضيق ونظرت إلى والدتها بنظرات غير عابئة و
في ايه يامه !! 
دك موو
ثم رفعت إصبعها لتشير إلى مفاتن ابنتها البارزة من اﻷعلى وهي مقطبة الجبين و
إنتي حماتك شافتك بالبتاع ده كده !
زمت بطة شفتيها في برود و
آه
وضعت أم بطة إصبعيها على طرف ذقنها ولوت شفتيها في سخرية و
ليها حق الولية تقلب وشها ومتردش عليا السلام ولا حتى تبوسني بنفس ما هو بنتي جيبالي الكافية وڤضحاني !
لوحت بطة بيدها في الهواء وهي تشيح بوجهها بعيدا عن والدتها و
بناقص من أم دي جوازة !! 
بقولك ايه يا بت أمور الهبل والاستعباط دي مش هتطلع دلوقتي مش اللي بنيته في سنين تجي انتي و تهديه في لحظة !!
لوت بطة شفتيها أكثر في استهجان و
يعني جوازة الأمل يامه دول عالم ژبالة لولا الحظ بس كان زمانتهم آآ
قاطعتها والدتها بحزم وهي تشير بإصبعها محذرة ب
بلا حظ بلا نيلة قفلي على الكلام ده خالص مش ناقصة إنك تتوكسي جمبي 
يامه انا مش عاوزاه 
ڠصب عنك هاتتجوزيه انتي عاوزة تجرسيني قدام أهل الحارة كلهم
ثم سمعت كلتاهما أصوات أبواق سيارات تأتي من خارج الصالون فإنقبض قلب أم بطة وظهرت تعابير الړعب على وجهها واضحة و
يادي النصيبة عريسك جه برا ربنا يستر وماتقلبش بغم
ابتسمت بطة إبتسامة سخرية من زاوية فمها و
ولا تقلب مش فارقة !!
جذبتها والدتها من على المقعد الحديدي لتنهض رغما عنها ثم حاولت أن تخفي كتفي ابنتها بالطرحة المعلقة في التاج المثبت على رأسها ومطت شفتيها في توتر
عدي الليلة دي على خير يا رب !!
ثم استدارت برأسها في اتجاه نسرين وأشارت لها بعينيها و
هاتي ياختي الشال اللي عندك ده أما أشبكه باﻹبرة 
ايه اللي بتعمليه ده يامه !
اسكتي يا بت خليني اصلح اللي هببتيه
شكل الفستان هايبوظ
يبوظ ولا يولع مش احسن ما تفضحينا يا مفضوحة
هزت بطة جسدها في اعتراض وزفرت عاليا ب
اووف
ڼهرتها والدتها بشدة وحدجتها لنظرات حادة و
اثبتي يا بت داهية تاخدك 
يا ريت ربنا ياخدني عشان ترتاحوا كلكم مني
لم تنظر لها والدتها بل ظلت منحنية الرأس مسلطة
بصرها على مافي يدها حتى تكمل حياكة الشال بالفستان و
وماله ! بس ياخدك وإنتي في بيته وإنتي على ذمته مش وإنتي متعلقة لسه في رقبتي كفاية كوم اللحم اللي ورايا غيرك !!
حسبي الله ونعم الوكيل
تأكدت أم بطة من إتمام عملها فتنهدت في إرتياح ثم لكزت ابنتها في ذراعها لتتحرك إلى اﻷمام وظلت تغمغم في خفوت بكلمات غير مفهومة
في الخارج
اصطفت سيارة كحلية اللون من ماركة هوندا مزدانة بالبلالين والشرائط الورقية بجوار الرصيف الملاصق للصالون الشعبي وترجل منها عبد الحق وهو متأنق على غير عادته بالطبع فهو عريس اليوم وإلتف حوله بعض من أصدقائه الذين أصروا على مصاحبته خلال يومه هذا
كان عبد الحق ممسكا بباقة ورد بيضاء صناعية كي يقدمها للعروس كتقليد متبع في تلك المناسبة وباليد اﻷخرى أخذ يعدل من وضعية ال بابيون اﻷسود الذي يرتديه
لف أحد اﻷشخاص يده حول عنقه وتحدث معه بحماس زائد وهو يغمز له ب
منور يا عريس
أزاح عبد الحق يد صديقه من حول عنقه و
خف إيدك شوية يا جدع
وثب هذا الشخص في مكانه بطريقة منفعلة ثم لوح بيده و
وربنا لنخلي فرحك الحارة واللي حواليها يحلفوا بيه
طيب وروني بقى 
هاتشوف يا برنجي
مالت هنية على أذن إحسان وأسندت يدها على كتفها ثم أشارت بعينيها و
أهوو الدلعدي ابنك جه الحقي بقى قوليله على اللي بسلامتها عملته اكسبي وقت قبل ما تخرج من جوا
طيب
وبالفعل سارت إحسان في اتجاه السيارة وحاولت أن تجد السبيل إلى ابنها المحاصر وسط أصدقائه فلم تستطع لذا صاحت عاليا ب
عبده واد يا عبده إنت يا وله!!!!
انتبه عبد الحق إلى صوت والدته فإشرأب برأسه عاليا كي يراها و
أيوه يا حاجة 
تعالى هنا عاوزاك في كلمتين
بعدين يامه
عبست هي بوجهها وتحدثت بصرامة و
يا واد بسرعة بدل ما آآ
طيب طيب !
دفع عبد الحق أصدقائه برفق وهو يضحك و
وسعوا شوية يا رجالة أما أشوف الحاجة عاوزة ايه
أفسح له البعض المجال ليمر و
ماشي يا عريس
سكة يا جدعان للعريس 
منورة يا حاجة
وقف عبد الحق قبالة والدته وأخذ يعدل بيده سترة الحلة السوداء التي يرتديها ولم ينظر في اتجاه والدته و
عاوزة ايه يا أم عبده
لكزته والدته في كتفه وهي تنظر له غيظ و
بصلي يا واد وأنا بأكلمك
تحسس هو موضع اﻵلم وفركه بأصابعه ونظر في اتجاهها و
في ايه يامه بتضربيني ليه بس ده أنا عريس النهاردة 
اسمعني كويس يا واد يا عبده ﻷحسن مافيش وقت 
ها قولي !
المزغودة على قلبها ست الحسن والدلال
نظر هو لها بإهتمام و
بطة ! مالها
عاوزاك تشد معاها الوقتي
مط عبد الحق ثغره في عدم اقتناع ثم نظر لوالدته بحيرة و
ليه كده بس ده حتى فال وحش والله !!
يا واد افهم ادبحلها القطة من أول يوم عشان تكون تحت طوعك وتسمع كلامك بدل ما تركبك يا منيل وتتوكس أكتر ما أنت
حك هو