رواية عمر القصول الاخيرة

فهو يعلم أنه ليس هناك سوي الله يعلم بحاله وسيريح قلبه ...
ذهل حينما أتصلت به تلك التي تدعي مايا أخت ذلك الوغد وطلبت مقابلته لأمر ضروري ...في البداية رفض لكن حينما أخبرته أنه أمر شديد الأهمية بالنسبة له قرر أنه سيذهب ليعلم ما هو ذلك الأمر ...تصور أنه يمكن ان يكون بسبب مۏت أخيها ورغبتها في الأنتقام ...لكم تمني أن يتمكن من الأنتقام لأجل زوجته وابنته ولكن الله سبحانه وتعالي شاء ان كي لا تلوث يديه الطاهرتين بدم نجس كذاك ...
دخل الي المكان الذي اتفقا علي ان يتقابلا به وأخذ يبحث بنظاريه عنها فقد كان رآها من قبل في إحدي المجلات لشهرتها الكبيرة بالنسبة لسيدات الأعمال ولكن ما لم يكن بحسابه هو صوت تلك الصغيرة التي كانت تجلس علي الكرسي المجاور لها تناديه و هي تبكي قائلة 
بابا 
شعر بالخدر يسري في جميع أنحاء جسده وهو لا يصدق ما تراه عيناه الآن ...أنها لينا صغيرته أمامه معافاة ليس بها شئ ...أنها علي قيد الحياة ...لم يشعر سوي بقدميه تركض ناحيتها وهو يحملها ويقبلها بشوق كبير وعينيه تذرف دموع الفرحة 
أبتسمت مايا لرؤية ذلك المشهد وقد كانت تتمني أن يكون أخيها هو الذي ينعم بأبوة تلك الطفلة لكن ما كان قد كان ...نظر لها بعدم تصديق قائلا 
ازاي !
أهدي بس وأتفضل أقعد وأنا هحكي لحضرتك كل حاجة 
جلس بلهفة وطفلته تجلس علي رجله وهي متشبثة به كأنها تخاف أن يتركها مرة أخري ...ملس علي شعرها بهدوء ثم تركها وهو يعلم أنها ستنام الآن فهو يعلم كل ما يخصها ...
قال لها بلهفة 
أحكي يلا 
بص هو الموضوع بدأ من الوقت الي أخويا فكر فيه يجيب كل الحراس دول ويدربهم ...ساعتها حسيت أنه مش طبيعي ...الصراحة تصرفات كتيرة أوي ليه كانت بتحسسني أنه مش طبيعي وكنت فعلا قررت أني أرجعه المستشفي بس عشان يتعالج بجد المرادي
بس كان لازم الموضوع يا خد وقت لأنه فعلا اتحول لوحش بعد م طلع من المستشفي ...أنا لما قلقت منه أتفقت مع واحد من حراسه أنه يوصلي كل أخباره بالذات لأني بسافر كتير وعشان لو في حاجة أعرف ألحقه قبل م يودي نفسه وغيره في داهية ...المهم ان الحارس ده قالي أنه أداله بنتك عشان ېقتلها ..طبعا أنا اټجننت لما سمعت ده بس وقتها كنت مسافرة فقولتله يخليها في حتة أمان ويتأكد أنها متتأذيش لحد م ارجع وهمه وقت م خطڤوها وهو شافها كانوا مدينها منوم عشان متعيطش وتخرب الدنيا فمتخافش مأذهاش ...لما رجعت خدتها منه وقعدتها معايا في بيتي ومع أبني وحاولت علي قد م أقدر أني أحافظ عليها ...بس لما ...ادمعت عينيها وهي تتحدث ثم أكملت قائلة لما عمر ماټ معرفتش أوصلهالك وكان في إجراءات وحاجات كتير والصراحة لما عرفت انها بنته كنت بجد محتاجة أنها تكون معايا عشان أعدي الفترة دي ...أنا آسفة اني أتاخرت انا أم وعارفه شعور مامتها هيبقي أيه ...وآسفة علي كل حاجة عملها عمر معاكوا آسفة جدا بجد 
متعتذريش ده مش ذنبك ...كفاية بس أن ربنا بعتك لينا عشان تنقذي بنتنا من غيرك مش عارف ايه الي كان ممكن يحصل ...شكرا جدا بجد 
متشكرنيش أنا بجد عمري م كنت هسامح نفسي لو كان جرالها حاجة مش بس عشان هي بنت أخويا لا عشان أنا أم زي م قولتلك ...تنهدت وهي لا تعلم كيف تقول ذلك ثم قالت بحرج هو بس