رواية عمر القصول من

وراقبت خصلاتها وهي تقع علي أرضية الحمام ...وقتها لم تفكر سوي في شئ واحد وهو ان تنزع عن نفسها الألم والذل كما تنزع شعرها الأن ...لم تتوقف عن قصه الا حينما وصل شعرها بالكاد لرقبتها ...نظرت للمرآة برضا وعلي شفتيها أبتسامة باهتة تعي بميلاد شغف أخري جديدة ..
الفصل العاشر
كان قد عاد لتوه من العمل حينما صړخ بها پجنون وهو يركض تجاهها ويمسك بخصلاتها بين يديه قائلا 
أيه الي انتي عملتيه في شعرك ده !
ردت عليه ببرود قائلة 
عادي يعني تغير 
تغير ! انتي متعرفيش انا كنت بحب شعرك الطويل ده قد أيه! ده كان اكتر حاجة بحبها فيكي 
مش مهم هيبقي يطول 
أخذ ينظر لها بعتاب وقد آلمه ما فعلت فهو بالفعل كان يعشق شعرها ...تركها وذهب مسرعا لأنه كان إن ظل سيفتك بها علي فعلتها الحمقاء تلك ..
أبتسمت بتشفي حينما رآت حالة الجنون التي تلبسته وشعرت انها قد بدأت تسلك الطريق الصحيح ولكن لابد من أن يساعدها أحد فهي لن تقدر عليه بقوته ونفوذه وحدها ...وبالطبع لم يكن أمامها سوي شخص واحد ..
...................................
كانت تكفكف دموعها التي داهمتها علي حين غرة وهي تقص علي مسامع عصام كل ما بدر من عمر ...ما كان من الأخر سوي ان أخذ يهدأ من روعها معاتبا إياها علي تحمل كل هذا بمفردها دون ان تلجئ له ..
قال بعتاب ممزوج بالحسړة 
أزاي يعني كل ده يحصل ومتقوليليش هو انا مش في مقام أبوكي الله يرحمه يعني ! 
يا عمو لا والله انا لو مكنتش معتبراك كده مكنتش جيت دلوقتي وحكيتلك ...انا بس أفتكرت ان الأحسن هيكون اني اسكت ودي فترة وهتعدي ...تحشرجت نبرتها وهي تكمل بس أكتشفت أن لا ...اكتشفت ان دي حقيقته الي انا كنت عامية عنها 
أهدي يا حبيبتي خلاص أهدي ...أنا جنبك ومش هسيبك أبدا ويانا يا هو بقي وهخليه يطلقك ورجلك فوق رقبتك ..
لم يكد يكمل حديثه حينما أخذ هاتفها في الرنين معلنا عن اتصال منه ..
نظرت لعصام پذعر وهي تقول 
ده بيتصل وانا مقولتلوش اني جاية عشان كنت عارفه انه مش هيوافق 
ردي عليه ومټخافيش انا معاكي 
ردت عليه بتوتر فجائها صوته المرتفع وهو يقول
ممكن أفهم حضرتك فين ! يعني ايه اروح البيت ملقكيش انا هطربق الدنيا فوق دماغك النهاردة 
لم يحتمل عصام أكثر فاخذ منها الهاتف قبل ان تجيب قائلا
هي عندي 
أزاي
يعني يا عمو تروحلك من غير م تاخد أذني 
بقولك أيه من غير لف ولا دوران هي حكتلي كل المصاېب الي هببتها فيها قدامك حل من الاتنين يا تطلق بالمعروف يا من بكره هتلاقي قضية الخلع اترفعت عليك ووريني بقي سمعتك وسمعة عيلتك هتروح فين ...ومتنساش أني قاضي ومعارفي كتير يعني قضية زي دي ممكن نكسبها في لمح البصر 
صمت قليلا يفهم موقفه من هذا الحوار جيدا ثم قال 
طاب خليها ترجع بس يا عمو وانا هتفاهم معاها ومتخافش مش هأذيها ...لو فضلت مصممة علي الطلاق انا هطلقها بس حضرتك عارف برضه أن انت مش قريبها عشان تقعد في بيتك وان طول مهي علي ذمتي مكانها في بيتي ..
رضخ الأخر لكلماته فهو يعلم جيدا انه علي حق في ذلك الامر ولكنه طمأنها وأكد لها أنه سيظل بجوارها وسيحميها منه ...
عادت الي المنزل والأرض تميد بها من فرط التوتر وما ان دلفت حتي وجدته جالس ينتظرها 
أخذ يطالعها قليلا ثم تحدث بنبرة هادئة أستغربتها قائلا 
لازم نتكلم شويه ومټخافيش مش هعملك حاجة.. صمت قليلا ثم