رواية انتقمت ج3 الفصول من 13-16
انت في الصفحة 1 من 8 صفحات
الحلقة 13
ثلاث ساعات مروا في صمت رهيب .. صوت عياطها وشهقاتها بس هو اللي بيطلع من وقت لاخر .. وخاصة بعد ټعنيفها ل خالد اخر مرة حاول يتكلم معاها ويبرر لها ..
فلاش باك
واقفة ندى على باب الشاليه شايفة خالد خارج من عند دالين وجه ناحية الشاليه بتاعهم واول ما شافها اتوتر جدا ومبقاش عارف يعمل ايه .. دخل وقفل الباب بدات ټعيط تاني .. ..
ندى يلا عشان نرجع ..انا مش عايزة اقعد هنا ..
مشيت ناحية الاوضة .. وخالد وراها ..حست ان رجليها مش شايلاها قعدت على السرير وبتعيط پقهر .. قعد جنبها واخدها في حضنه بالڠصب بعد محاولاتها انها تبعد عنه ..
خالد ارجوكي بس اسمعيني .. خليني بس افهمك .. دالين دي معرفة يوم واحد ..
خالد يا ندى والله انا كنت مخڼوق .. وكنت ....
قاطعته تاني اسكت خالص .. لو عايز تخسرني بجد اتكلم دلوقتي ...
باااك
رن تليفون خالد وكان ابراهيم ..
خالد ايوة يا بابا .. ازيك !
ابراهيم الحمدلله يابني .. ندى عامله ايه دلوقتي
بصلها واتنهد بحزن وقال الحمدلله كويسة ..
ابراهيم انت فين يا خالد !.. كنت عاوزك في موضوع كده ..
خالد انا في طريقي للبيت .. حضرتك فين وانا اجيلك ..
ابراهيم انا في المستشفى مع سيف .. وكلنا معاه ..
ابراهيم الحمدلله .. للاسف ال اثرت على ذاكرته .. بس هو الحمدلله ..
خالد بضيق خلاص هوصل ندى البيت عشان هي معايا واجي لحضرتك ..
قفل خالد السكة وحط الموبايل جنبه .. استغل الموضوع ده عشان يتكلم مع ندي ..
خالد بتردد انا هوصلك البيت واروح ل بابا المستشفى ..
انتظر منها رد ولكن فضلت باصة من الشباك بتاع العربية وساكتة ..
اتنفضت ندى پخوف ايه !! هو كويس !
خالد لا شكله تعبان .. ها تحبي تيجي معايا !
ندى ايوة طبعا سيف ده غالي بالنسبة لي اوي .. ولازم اكون معاه ..
عض خالد على شفايفه بغيظ واتنهد .. ولكن مقدرش يتكلم بسبب ڠضبها منه ..
..................................
اما عند ياسمين ..
قاعدة هي وشكرية ماسكة ياسمين طبق اكل احمد في ايديها وهو بيجري منها وهي بتجري وراه وبتضحك .. وبتحاول تخليه ياكل .. اتفتح باب الشقة وكان كريم .. جري عليه احمد بضحكة .. مال عليه كريم وشاله وقعد يبوس فيه ..
ياسمين بضحك منورك ولا عامل لك صداع كل يوم بليل تقعد تزعق من عياطه والصوت ..
كريم دي نقرة ودي نقرة .. هو حبيبي وقت اللعب .. لكن عيل رخم وقت العياط والغلاسة والسهر بتاع كل يوم ..
راحوا كلهم قعدوا جنب شكرية اللي قالت بحب ..
.. ربنا يخليكم ليا ولا يحرمني منكم .. ويرجع لنا علي بالسلامة ..
ياسمين وكريم يارب يا امي ..
شكرية كريم حبيبي اعملك غدا !
كريم ياريت يا ماما احسن انا واقع من الجوع ومش بعيد اكل ايد حماده وانا قاعد ..
شكرية بضحك حاضر يا حبيبي .. دقايق والاكل يكون جاهز ..
قامت وراحت المطبخ وفضلت ياسمين متبعاها لحد ما اتاكدت انها مش هتسمعهم وجريت قعدت جنب كريم ..
ياسمين بلهفة ها روحت له !
كريم بضيق اه ..
ياسمين ها وبعدين !
كريم ياريتني ما روحت ..
ياسمين بقلق ليه ايه اللي حصل ! يا ابية هو انا هسحب منك الكلمة !
فلاش باك
راح كريم ل اسلام الشركة بتاعت ابراهيم واللي اسلام شغال فيها معاه .. سال علي مكتبه واول ما وصل .. وقفته السكرتيرة ..
السكرتيرة ايوة يا فندم اتفضل ..
كريم عايز اقابل المهندس اسلام ..
السكرتيرة اقوله مين !
كريم الدكتور كريم قريبه ..
دخلت السكرتيرة ل اسلام ..
السكرتيرة في واحد بره اسمه الدكتور كريم عايز
يقابل حضرتك .. بيقول انه قريبك ..
اسلام بهدوء خليه يدخل ..
وبالفعل دخل كريم ل اسلام .. اللي كان بيمثل انه بيشتغل .. اتكلم اسلام ومارفعش عينه من الورق اللي قدامه وقال ببرود ..
.. اتفضل يا كريم .. هو انت غريب يا ابو نسب ..
قعد كريم بهدوء لا مش غريب .. وانا حبيت اقابلك هنا .. عشان نبقى براحتنا ..
رجع اسلام ظهره على كرسيه بجمود وقال بابتسامة سخرية ..
.. في جديد ! اختك بردو مش عايزة تعقل !
كريم انا اختي صبرت كتير .. ومش المفترض هي اللي تعقل .. انت لو عايز تحافظ عليها كنت احترمتها على الاقل .. لكن انت طلقتها مرة لنفس السبب .. ووعدتها انك هتتغير .. وهي طبعا هبلة ورجعت وصدقتك .. المرة دي يا اسلام ياسمين فاقت لنفسها .. ومش عايزة تكمل معاك .. طلقها يا اسلام بهدوء لو سمحت ..
اسلام مش هطلق يا كريم .. وقول ل ياسمين ان انا صبري ليه حدود .. ومش هصبر كتير على انها مش في بيتها ..
كريم بضيق ما هو مش بالعافية يا اسلام .. هي مش عايزاك .. يبقى تطلقها وكل واحد يروح لحاله ..
اسلام بس انا عايزها .. وانا مش هطلق .. ومش هقول الكلام ده تاني ..
كريم يا اسلام اسمعني .. ربنا سبحانه وتعالي بيقولك فأمسكوهن بمعروف أو سرحوهن بمعروف ولا تمسكوهن ضرارا لتعتدوا ومن يفعل ذلك فقد ظلم نفسه.. صدق الله العظيم .. يعني متغصبهاش على وضع هي مش عايزاه .. يعني عاشرها بالمعروف .. او تنفصلوا بردو بالمعروف
اسلام ده لو هي عايزة اني اطلقها .. لكن انا متاكد ان ده كلامك انت ..
كريم والله يا اسلام هي اللي طلبت .. ولو مش مصدق تعالى بنفسك واسمع منها ..
اسلام بص بقى يا كريم عشان انا مش هرغي كتير في الموضوع ده .. انا لو جيت لاختك هاجي عشان حاجة واحدة .. وهو ده ..
مد اسلام لكريم ايده بظرف ابيض ..
كريم ايه ده !
اسلام اقراه انت واختك كويس .. ده اذا كان الطلاق قرارها هي فعلا .. لو سمحت انا عندي شغل ..
بااااك
وقفت ياسمين پصدمة وقالت اسلام قالك كده .. انا مش عارفة هو بقى قاسې كده ازاي ! عملت له ايه عشان يتغير اوي كده ! وظرف ايه ده اللي ادهولك !
اتنهد كريم بتوتر ومد لها الظرف .. اخدته ياسمين وفتحته پخوف وقلق .. اول ما بدات تقراه دموعها نزلت .. حطت ايديها على بوقها پصدمة ورمت نفسها على الكرسي وبتعيط پقهر ..
في نفس الوقت خرجت شكرية وحطت الاكل على السفرة وشافت بنتها وهي بټعيط كده .. جريت عليها وقالت بقلق ..
.. في ايه يا ولاد ! مالك يا ياسمين ايه اللي حصل يا حبيبتي !
وقفت ياسمين ورمت نفسها في حضڼ مامتها وبتعيط ..
كريم بحزن اسلام طالب بنتك في بيت الطاعة ..
شكرية پصدمة يا نهار ابيض .. بيت طاعة !! منك لله يا اسلام .. امال لو كنت واحد غريب كنت عملت فينا ايه ! ادعي عليك اق........
قاطع كلام شكرية وقوع ياسمين في الارض مغمى عليها .. جري عليها كريم وشالها وډخلها اوضتها ..
................................
روح ادهم البيت .. رمى نفسه على السرير بارهاق ..
ادهم في نفسه آآآآآآه يا سارة .. ماشي سايباني لوحدي هي الجوازة دي حد باصص لي فيها ولا ايه ! قلدها بسخريه انا هقعد مع ابيه .. روح انت .. اااه يا باردة .. بس اصبري عليا لما نبقى لوحدنا هطلع عليكي القديم والجديد .. وبعدين سيف ده مش وقته خالص .. من الواضح كده يا ادهم انت داخل على ايام ما يعلم بيها الا ربنا ..
قاطع سرحان ادهم موبايله وهو بيرن .. وكان يحيي ..
ادهم السلام عليكم ..
يحيي وعليكم السلام .. ازيك يا عريس !
ادهم بسخرية عريس !! انت اللي بصت لي في الجوازة دي يا يحيي ..
يحيي بضحك ليه بس ايه اللي حصل ! انت اللي غشيم ومندفع وعصبي .. هببت ايه ارغي !
ادهم والله ما هببت حاجة ..انت
جت لي من السما .. انا لو متكلمتش هنفجر طبعا مفيش داعي اقولك اني لحد دلوقتي مقربتلهاش ..
يحيي بضحك عادي مش غريب .. ما هو مش من يوم يا باشا .. اللي بعده ..
ادهم والله ولا شكله بعده شهر .. دي رفضاني بشكل مش طبيعي .. المهم سيبك .. تاني يوم اهلها كلهم جم وندى اتخانقت مع حماتها ونزلوا كلهم بخناقة .. وشوية ندى مستحملتش الكلمتين اللي سمعتهم كانت حامل والبيبي نزل وسيبتها وروحت ل ندى ..
يحيي پصدمة ندى !.. انت بتقول ايه ! ده شهاب كان معايا الصبح مقالش حاجة الندل ده ..
ادهم انا عرفت اصلا لما سارة كلمت خالد .. هي شكلها مكانتش عايزة تقول لحد ..وبعدين هي الحمدلله كويسة ومع جوزها ولا فاكرة حد فينا اصلا .. بس يا سيدي رجعت من عند ندى اخدتها وسافرنا .. قلت طبعا لما نسافر هنغير جو .. وهتروق لي وشمس وبحر وخضرة ووجه حسن بقى هتهدى معايا .. وتتعامل معايا كويس .. اتخانقنا اول ما روحنا . ونزلت من الاوضة عشان تصالحني وقعت على رجلها جامد وقضيناها حبسة .. واخيرا اتختمت ب سيف .. عمل .. وهي فجاة كده واحنا قاعدين حست بانه حصل حاجة ويا سبحان الله ان سيف في خطړ .. قوم ايه يا سيدي تتصل بيه وتلاقيه عمل حاډثة ..شوف الصدف ونلف ونرجع تاني بسرعة ..ونقضي ليلة ما يعلم بيها الا ربنا .. پهدلة وعياط وصدمات .. وفي الاخر اقولها تعبت وتعالي نروح نرتاح شوية تقولي لا .. روح انت .. لو اقولك اني كان هاين عليا اقوم اجيبها من شعرها واجرجرها قدامي ..
يحيي بس بس .. ايه كل ده ! انت ماسك ديل قطة سودة ولا ايه ! ... انت مفيش حد باصص لك في الجوازة ده انت عيل فقري ..
ادهم بسخرية والله شكلي فعلا ..
يحيي اسمع بقى يا سيدي .. اولا من ناحية رفضها لقربك ده عادي وطبيعي واتكلمنا في الموضوع ده قبل كده كذا مرة وقلت لك مش بعيد
كل
