رواية مني الفولي الحزء الثاني الفصول الثانية

رواية اختبار جزء ثاني لرواية چريمة باسم الحب بقلم منى الفولي الجزء الثاني
في أحد العقارات القديمة بمنطقة راقية
دلفت مروة لشقتها ببطء تود لو ماعادت إليها فقد سئمت وحدتها وذلك الصمت المحيط بها وضعت حقيبتها على المنضدة وهي تلقى بنفسها على الأريكة بجوارها 
ابتسمت بسعادة وهي تسترجع ذلك الحديث الذي تبادلته معه أثناء تناولهما القهوة معا مازال يتمتع بخفة الظل وسرعة البديهة كما كان دائما تحسد تلك التي تشاركه حياته فلطالما كان فتى أحلام الكثير من البنات وهي منهم بل أنه فضلها في يوم على الجميع ولكنها هي التي أضاعته من يديها يوم أن استمعت لنصائح أمها التي أضاعت حلمها منها لتجري وراء سراب أقنعتها أمها بحقيقة وجوده متمثلا بابن شقيقتها العائد من دول الخليج 

فلاش باك
دخلت مروة من جامعتها متجهمة القت بكتبها فوق المنضدة وهي تلقى بنفسها على الأريكة بجوارها 
سيدة باهتمام مالك يا ميرو جاية شايلة طاجن ستك ليه مين اللي مضايقك 
مروة پقهر الزفت بابا صلاح 
والدتها باستنكار وده شوفتيه فين 
مروة بارتباك صلاح ليه يومين مجاش وتيتا كانت وحشاني قوي قولت أروح أشوفها وأطمن عليه بالمرة 
والدتها بتهكم تيتا برضو هي اللي وحشاكي المهم أيه اللي حصل هناك ومال أبوه ومالك 
مروة بضيق تيتا قالت أنه أكيد ما بيجيش الجامعة لأن بابه خرشم له وشه 
والدتها بحنق هو الراجل ده مش هيتهد أبدا مش كفاية اللي كان عامله في أمهم الله يرحمها ده غير الجوازة السودا اللي راح أتجوزها 
مروة بحنق تيتا بتقول أن صلاح وهو راجع من الكلية لاقى ناس بتفرش عفش في الشقتين الفاضيين 
والدتها باستنكار مش دول الشقتين بتوعه هو وأخوه اللي صلاح كان ناوي يتجوز في واحدة ويفتح التانية مكتب كام سنة لحد ما أخوه يقرر يتجوز 
مروة بضيق ماهو صلاح اټجنن عشان كده وخصوصا لما عرف أن باباه باعهم من غير ما يقولهم ولما حاول يمنع الناس تدخل الشقة اتصلوا بباباه اللي جه متعصب ومد أيده على صلاح وبهدله وقال أن البيت بيته وهو حر 
والدتها بكره قطع أيده في حد يمد أيده على رجل معيد في الجامعة قد الدنيا 
مروة بحنق ياريت على كده وبس ده ضربه بالقلم قدامي كمان يا ماما 
والدتها پصدمة يانهار ليه اټجنن الراجل ده 
مروة بتعاطف وأنا نازلة من عند تيتا قابلت صلاح على السلم وكان بيداري وشه مني من الضړب اللي فيه پغضب وأنا واقفة اطمن عليه أبوه نزل قعد يجر في شكله ويهينه قدامي ولما رد عليه من احراجه مني قام ضربه بالقلم والمسكين طلع جري على فوق وعينيه كلها دموع 
والدتها بهدوء ربنا يعينه على ما ابتلاه بس بعيد عننا 
مروة بدهشة مش فاهمة 
والدتها بحسم يعني الحكاية كده بانت واللي في دماغك مش هينفع 
مروة باستنكار طيب وهو صلاح ذنبه أيه 
والدتها بقوة وأنت ذنبك أيه ده كده لا شقة ولا مكتب ومرتب الجامعة ما يأكلش عيش حاف ده غير المشاكل اللي وراه ده كفاية أبوه وعمايله السودا 
مروة باستنكار بس هاقوله أيه 
والدتها باستنكار وأنت كنتي وعدتيه بأيه انتم معارف وزملة واصحاب وكل الكلام بينكم كان على المتغطي يعني ملوش عندك حاجة 
مروة بخجل بس أنا بحبه يا ماما 
والدتها زاجرة الحب ما بيفتحش بيوت يا قلب ماماحبي مصلحتك يا قلبي أنت حلوة وصغيرة والمستقبل كله قدامك دي ظروفه هو مضطر يستحملها أنت أيه اللي يجبرك خصوصا لو جات لك فرصة تانية لحد عندك 
مروة بدهشة فرصة أيه دي 
والدتها بحماس شريف ابن خالتك نازل اجازة من دبي وخالتك بقالها فترة بتلمح لي عليك بس أنا كنت مطنشة عشان حكاية صلاح بس كده خلاص 
مروة باستنكار بس شريف ده زي أخويا 
والدتها بضيق زي بس مش أخوكي وبعدين ده كل مرة بيجيب لك هدايا تهوس تخيلي بقى لما تبقي خطيبته ولا العيشة في
دبي ومولات دبي 
مروة بتردد لا يا ماما ماهو صلاح برضو معيد ومستقبله كويس 
والدتها بابتسامة اسمعي
كلام ماما تكسبي يا قلب ماما 
بعد فترة بغرفة مروة
تدخل والدتها ويبدو على ملامحها الضيق وتنظر لمروة التي ترتد ملابس سهرة وتضع بعض مستحضرات التجميل 
والدتها بضيق جهزتي يا ميرو 
مروة بحنق خلاص جهزت 
والدتها بحسم عايزكي طول الفرح الابتسامة من ودنك دي لدي متشمتيش حد فينا ومش عايزيكي تثبتي في مكان خمس دقايق اتحركي على قد ما تقدري لازم النهارده تغطي على الكل حتى العروسة نفسها عشان يعرف أن هو اللي خسران 
مروة بحنق خسران مين يا ماما ده اتجوز اللي بيحيبها خالتي هي اللي ضحكت عليكي وفهمتك أنه عايزني عشان مش طايقة البنت اللي أختارها 
والدتها بمكابرة بس أديكي شايفة شكلها ولما يشوف الجمال والحلاوة دي كلها هيندم بجد 
مروة پقهر أنا الوحيدة اللي ندمانة أني سمعت كلامك لا طولت شريف وعيشة دبي ومولات دبي ولا حافظت على صلاح ومشاعره لي 
والدتها بتقريع ده على أساس أنه عاش على الذكريات ما أنت قولتي أنه أول ما حس أنك بتخلعي هو كمان رمى الشبكة على الطالبة اللي خطبها 
مروة بحسرة أهو اتجوز وشريف كمان أهو بيتجوز وأنا اللي علي اهني وأبارك 
والدتها بضيق اسمع أنت بس كلامي واحنا نهنيكي قريب قوي 
بعد عدة سنوات بغرفة مروة
تفتح والدتها الباب دون استئذان لنظر لها بعيون تقدح من فورة الڠضب 
والدتها بثورة برضو عملتي اللي في دماغك يا مروة 
مروة بهدوءفي أيه يا ماما 
والدتها بانفعال أم ياسر لسه مكلمالني وقالت لي أنه قلعتي له الدبلة 
مروة ببرود وأيه المشكلة ما أنا قلت لحضرتك وأنت اللي رفضتي تسمعيني 
والدتها بانفعال دي مش مشكلة يا حبيبتي دي نصيبة 
مروة باستنكار المصېبة الأكبر أني اتجوز بني أدم زي ده ده مش عايز زوجة يا ماما ده عايزة ممرضة لباباه ومامته ده غير بخله وطمعه في مرتبي 
والدتها بحسرة المصېبة اللي بجد أنك عديتي التلاتين ولسه متجوزتيش ده غير أنك اتخطبتي أكتر من مرة وكويس قوي أن ياسر فكر يتقدم لك من أصله وأديكي ضيعتي الفرصة من أيدك 
مروة پقهر دلوقتي ياسر بقى فرصة عشان سني والخطوبتين اللي حضرتك فرضتيهم علي 
والدتها بندم يا حبيبتي مش قصدي أنا مش هاعيش لك العمر كله وأديكي شايفة صحتي كل يوم في النازل وأخوكي من يوم ما اتجوز مبيسألش علينا عايزة أموت وأنا مطمنة عليكي 
مروة بسرعةبعد الشړ عنك ربنا يخليكي وما يحرمني منك بس عشان خاطري بلاش ياسر أنا فعلا مش طايقه 
والدتها بحزن خلاص يا حبيبتي اللي تشوفيه ربنا يكتب لك الخير 
بعد فترة بأحد المطاعم 
تجلس مروة على إحدى الطاولات تتطلع لساعتها من وقت لأخر ليأتي شاب ليقف أمام طاولتها بتحفز 
الشاب بسرعة أزيك يا ميرو موضوع ايه ده اللي ما يستناش عشان مستعجل 
مروة بعتاب طيب اقعد حتى يا سامح نتكلم زي الناس 
سامح بنفاذ صبر وهو يجلس أديني قعدت ممكن أعرف بقى في أيه 
مروة پانكسار أنت بجد هتهاجر 
سامح ببرود عرفتي منين 
مروة بحسرة من الفيس يا سامح عرفت أن أخويا الوحيد هيهاجر ويسبني لوحدي من الفيس 
سامح بحدة ده على أساس أن العلاقة بينا بسم الله ما شاء الله هيفرق معكي في أيه 
مروة بحزن وأيه اللي