رواية وهم الفصول من 25-28

من الشقة وأمشي منها
تملك الڠضب من آدم بعدما شاهد هذا البرود على ملامح نادين وتصرفها معه وكأنها لا تزال زوجته
نعم يا أختي!! هو أنت مسطولة ولا شاربة حاجة على الصبح! هو مش أنا طلقتك برضه ولا إيه! وده سبب يخليك تمشي وتروحي على بيت والدتك.
أومأت نادين وأجابت بهدوء محاولة إظهار عدم قهرها من طريقته في الحديث معها والتي جعلتها تتأكد أن طريقها لاستعادة زوجها مرة أخرى سيكون طويلا وشاقا للغاية
أيوة يا آدم أنت فعلا رميت عليا يمين الطلاق بس العدة لسة مخلصتش وطول ما العدة مستمرة أنا هفضل هنا في الشقة ومش هخرج منها.
تركته نادين وتوجهت نحو المطبخ حتى تعد له الفطور فرمش بعينيه عدة مرات مرددا بذهول وهو يضرب كفيه ببعضهما
أنا مش فاهم إيه الست اللي مفيش عندها ريحة الډم دي!!
نظر مختار إلى مهران أحد أعداء عزام وهتف بجدية وهو ينفث دخان سيجارته
أنا عايزك تخلي رجالتك يا مهران يخلوا عينهم على مهاب الفترة اللي جاية وتركز معاه جدا.
وضع مهران كأس العصير من يده وهتف بسخرية وهو يرفع أحد حاجبيه
غريبة أوي يعني إيه اللي خلاك تقرر تقلب كده فجأة على عزام ومهاب للدرجة اللي وصلتك أنك تطلب مني المساعدة عشان أدمرهم مع أن أنت بنفسك اللي كنت بتمنعني عنهم!
اعتدل مختار في جلسته وتحدث باستياء وهو يتذكر كل كلمة قالها رامز عندما كان في مكتبه
السبب مش هيفيدك كتير يا مهران أكتر من أن سوق الأسلحة والمخډرات هيكون فاضي قدامك بعد ما نخلص من عزام وأظن أن دي هي الفرصة اللي أنت مستنيها بقالك سنين طويلة والمرة دي أنا مش همنعك بل على العكس هشجعك وهكون في ضهرك ولكن بشرط أنك تضمنلي أن عزام يقع وميقدرش يقوم نهائي.
ضحك مهران بشدة وهتف بسخرية بعدما حك ذقنه متصنعا التفكير
خليني كده أخمن معقول يكون السبب اللي خلاك عايز تخلص من عزام بعد السنين دي كلها هو أنك حاطط عينيك على مراته!
استكمل مهران كلامه بعدما عاد لوصلة الضحك مرة أخرى
هو بصراحة البنت فعلا حلوة وتخلي الواحد يعمل أي حاجة عشان تبقى ليه بس عمري ما كنت أتخيل أنك تضحي بعزام عشانها.
نفى مختار جميع الأفكار التي تدور في رأس مهران وقرر أن يشبع فضوله ببعض المعلومات حتى يتوقف عن التكهن بأمور ليس لها أساس من الصحة
عندك حق داليا فعلا تستاهل كتير بس أنا أخري معاها أتسلى شوية كنوع من التغيير مش أكتر ومستحيل كنت أضحي بعزام عشانها بس الموازين كلها اتغيرت دلوقتي بعد ما اكتشفت أنه غدر بيا واتسبب ليا في مصېبة لسة لحد دلوقتي بعاني من توابعها وعشان كده قررت أنتقم منه بأني أدمره ومش بس كده ده أنا كمان هاخد منه داليا وأحسره عليها.
قهقه مهران بسخرية وهتف بأسف مزيف
كلامك ده مش معناه غير حاجة واحدة وهي أن عزام هو المسؤول عن الڤضيحة بتاعتك مع البنت إياها مش كده برضه
أومأ مختار بخزي فتابع مهران بسعادة لأن حلمه قد تحقق وصار مختار في صفه بعدما كان بالأمس في صف عدوه اللدود
تمام يا مختار أنا أضمنلك أن نهاية عزام هتكون في أقرب وقت والمقابل هو أنك تستغل نفوذك في تسهيل دخول الشحنات بتاعتي للبلد من غير ما الأمن يشم ريحة الموضوع أنا عايزك تعمل المستحيل عشان أضمن أن اللي حصل زمان مع عاطف الشناوي ميتكررش تاني مهما حصل.
مد له مختار يده قائلا بجدية
تمام يا مهران إحنا كده اتفقنا.
وضع مهران يده في يد مختار وصافحه بحرارة ظنا منه أنه بهذا الاتحاد سوف تتحسن تجارته للممنوعات بنسبة كبيرة دون أن يزعجه أحد ويعكر عليه صفو حياته.
آدم طلق نادين!! طيب وإيه السبب اللي خلاه يعمل كده!
قالها رامز پصدمة وهو يتحدث مع سمية عبر الهاتف فقد استطاع خلال الأيام الماضية أن يقنعها بفكرة أنه لن يحاول أن يضغط عليها في مسألة الزواج منها وأنه يكفيه أن يتحدث معها من وقت لأخر حتى يطمئن عليها.
زفرت سمية بضيق قائلة بأسف
أنا مش عارفة أي حاجة يا رامز ومش فاهمة ليه آدم عمل كده بس الحمد لله نادين طلعت عاقلة وقررت أنها تفضل في الشقة رغم اعتراض آدم وطلبت أن محدش يدخل نهائي بينها وبين جوزها وقالت أنها هتحل بنفسها الخلاف اللي حصل بينهم من غير ما تقول تفاصيل الموضوع لأي حد.
ابتسم رامز قائلا بإعجاب
بسم الله ما شاء الله نادين طول عمرها عاقلة ورزينة وأنا واثق بنسبة مليون في المية أنها هتحل الخلاف اللي بينها وبين آدم وهيرجعوا تاني لبعض.
شعرت سمية بقليل من الغيرة بعدما مدح رامز ابنة خالته وظهر هذا الشعور بوضوح في قولها
أكيد طبعا أنت ندمان دلوقتي لأنك فرطت في نادين واتخليت عنها عشان خاطر داليا ست الحسن والجمال وزمانك دلوقتي بتتمنى لو كانت مراتك دلوقتي.
ضحك رامز بشدة بعدما سمع صوتها الذي يملأه الغيرة