رواية رائعة جدا جدا الفصول الاخيرة

ثم وضع يده على جبينه ليتأكد من حراره جسمه ... نظر سامح إلى ريهام التى تبكى وقال
فى علامه صغيره فى رقبته ودى تدل على أنه اتحقن بمخدر تأثيره قوى ولما تأثير المخدر يروح هيفوق.
استطاع سامح حمل أمجد بمساعده ريهام وذهبوا إلى منزل أمجد ... وضع سامح أمجد فى فراشه وخرج من الغرفه ... بعد مرور ساعتين استيقظ أمجد وعلم بكل شىء ولكن لم يفهم لماذا لم يحقنه رجال ممدوح بمخدر مفعوله قصير المدى كى تصدق ريهام حقا أنه ېخونها ... أخبر سامح بهذا الأمر ليضحك قائلا
كلامك صح فعلا يا أمجد هو المفروض كان يحقنك بمخدر مدته صغيره مش مخدر يخليك نايم كذا ساعه بس اللى أنت متعرفوش إن ممدوح غبى وهيفضل طول عمره غبى وعشان كده راحت عليه حكايه نوع المخدر دى واللى بسببها ريهام اتأكدت إن كل اللى حصل مجرد لعبه قذره من ألعابه.
أقسم أمجد أنه سيجعل ممدوح يندم ويدفع ثمن فعلته ... طلب أمجد من ريهام احضار أدوات الرسم خاصته مع ورقه كبيره ... أحضرت ريهام ما طلبه منها وهى لا تفهم أى شىء ... طلب منها الجلوس بجانبه وقال
اوصفى شكل البنت اللى شوفتيها فى الشقه عشان أرسمها.
ضيقت ريهام عينيها وسألته بتوجس
وأنت عايز ترسمها ليه
ابتسم وهو يغمم بسخريه
هتجوزها.
نظر له سامح بذهول ولكن غمز له أمجد بطرف عينيه فعرف أنه يمزح أما ريهام صاحت به قائله پغضب
نعم ... هى مين اللى تتجوزها أنت بتتكلم فعلا بجد
تعالت ضحكات أمجد وسامح لترمقهم ريهام بغيظ ... ابتسم أمجد وقال
أكيد طبعا لا ... المهم دلوقتى اوصفى شكل البنت وأنا هفهمك كل حاجه بعدين.
وصفت له ريهام وجه تلك الفتاه وهو يرسم وبعد انتهائه من الرسم أدار لها الورقه وسألها قائلا
هو ده شكلها
أومأت برأسها قائله
أيوه هو ده شكلها بالظبط.
نظر سامح إلى الرسمه وهتف قائلا بإنبهار
أنا أول مره أعرف إنك شاطر فى الرسم أوى كده برافو عليك ... أنت ناوى على إيه بالظبط
ناوى على كل خير .
قالها أمجد پغضب وهو يمسك بالورقه وينظر إلى وجه تلك الفتاه.
داخل مديريه الأمن 
جلس ياسر أمام الضابط المسؤول عن قضيه مقټل هايدى بعدما تم استدعاؤه سأله الضابط عن هايدى ولماذا اتصلت به ليجيب قائلا
أنا معرفش هايدى دى أساسا ... كل الموضوع أن فى واحده اتصلت بيا من يومين ولما رديت عليها اتضح أنها اتصلت بيا غلطه.
تنهد الضابط قائلا
تمام تقدر تتفضل يا أستاذ ياسر.
خرج ياسر من المديريه واستقل سيارته وعندما كان على وشك المغادره تفاجأ برؤيه يامن وزوجته ... فكر كثيرا هل يمكن أن يكون ليامن علاقه بمقټل هايدى ... لماذا يفكر بيامن أليس هو من تخلى عن طفله وهو يصارع المۏت 
تأكد ياسر أن هايدى كانت تقول الحقيقه وأن مۏت عمر