رواية رائعة فوق الوصف الفصول من الخامس عشر للثامن عشر

الأتصال لتسمعه يقول ببرود
لما أتصل تردى يا زوجتى المصونه .
لم تجيبه ليكمل هو كلماته المستفزه 
شكلى وقعت فى واحده خارسه ومعقده ... يا بختك المايل يا كامل يا أبن صفيه .
لترفع حاجبها وهى تقول 
أيه شغل الحريم ده .. أنت بتندب .. ولما أنت مش مقتنع بالمعقده الخارسه أتجوزتها ليه 
ليضحك بصوت عالى وهو يقول بأستفزاز 
لا خارسه أيه بقى دى طلعت عندها لسان حيه بتتلفح بيه 
لتنتفخ أوداجها ڠضبا وهى تقول 
على فكره بقى أنت قليل الزوق .. وأنا غلطانه أنى رديت عليك .
ليقول سريعا قبل أن تغلق 
عيب يا شاطره تكلمى جوزك كده .. وأنا مش متصل أحب فيكى .. أنا متصل علشان أعرفك أن أنا جايلك النهارده ... سلام 
وأغلق الهاتف سريعا دون أن يعطيها فرصه للرد لتلقى الهاتف على الطاوله أمامها پغضب وهى تقول 
مستفزز .
. 
كان يجلس بالغرفه بعد أستيقاظه من النوم يشعر بالجوع ولكن عفاف مازالت نائمه ... منذ الأمس وما حدث وهى لا تتوقف عن رميه بكلمات جارحه .. لم يعد يتحملها ولا يعلم لماذا لا يسكتها بطريقته المعهوده التى يتبعها مع نعمات ... نظره عينها قويه تجعله يتراجع دائما عن أى فعل مهما كان يجد نفسه يريد أن يتودد لها ... شوقه الجارف لملامستها .. والشعور بأنوثتها التى تحرمها عليه يجعله لا يريد إغضابها .. ولكنها لم تترك كلمه على أبنته وعليه ولم تقولها 
مين إللى هيقبل بيها بعد إللى حصل ..... كل الناس هتتكلم فى شرفنا وسمعتنا .. أنا أيه إللى خلانى أتجوز واحد زيك ... لا ليه قيمه ولا لازمه نفخ بضيق وهو يتذكر باقى ما حدث 
جلس على الأريكة الكبيره بهم ... لتلوى هى فمها وهى تقول 
أنت جاى تقعد يا سيد الرجاله ... ده بدل ما تروح ټقتلها هى وأمها ... مش شاطر غير فى الكلام ..هعمل وهجبلك وهسعدك بلا وكسه 
نظر إليها بأندهاش لتكمل قائله 
ابقى قوم شوفلك شغلانه الفلوس خلصت .. وأنا بقيت فى نص هدومى من أبويا 
ليخفض رأسه أرضا وهو يقول 
حاضر يا عفاف حاضر .... بس أنا جعان دلوقتى من صبحيه ربنا وأنا على لحم بطنى .
لتضع يدها على خصرها وهى تقول 
مش فاضل جوه أكل كتير وكنت هسيبه علشان غدا أبويا بكره .... هجبلك عيش وجبنه 
وغادرت من أمامه بغنج يثير كل مشاعره تنهد بهم عاد من أفكاره ثم عاد ليتمدد بجانبها من جديد ينظر إليها وهى نائمه يتأمل ملامحها الشابه .... جسدها الناعم الممتلئ بإغراء ... وأقترب منها يحاول أن يقبلها لتفتح عيونها القويه تنظر إليه پغضب ثم أعتدلت للجهه الأخرى وهى تقول بأحتقار 
متحلمش يا سيد الرجاله .. مش هتلمس شعره منى ولا تشوف كعب رجلى إلا فى البيت الكبير ... وبما أنك طلعت .. يعنى ولامؤخذه .... تبقى يا تنام ... يا تفضل ساكت مش عايزه دوشه . 
ظل ينظر إلى ظهرها ....ثم وضع رأسه على الوساده لم يعد يحتمل .. فغادر الغرفه 
. 
دلف الى البيت الكبير ليجد الجميع يجلسون على طاوله الإفطار نظره مثبت على من ذبحت رجولته تحت قدميها وقدم ذلك العاشق الوهمى ... الذى أستغلها ليضربه بقوه .. وهى من كانت من المفترض أن تحميه أن تحافظ عليه من أمسكت السکين لتنفذ 
أندهش الجميع من وجوده فقد غادر أمس مساء ماذا حدث لياتى اليوم 
وقفت وداد سريعا تحتضنه وهى تسأله بلهفه 
أنت كويس يا حمزه .. فى حاجه يا أبنى 
شعر بالخۏف من أن يغمض عينيه وأن يلقى بنفسه داخل صدر أمه الواسع الحنون ټخونه عينيه ويبكى كطفل صغير ... خائڤ .... ظل نظره معلق بعلياء .... التى تشعر بالأندهاش ولا تعلم ما سر ذلك الشعور أن هناك شئ ما مختلف فى حمزه ..
ظل الجميع صامت وكأنهم جميعا شعروا به لا يحتاج إلى الكلام ولكن الحج عمران قال 
سيبى إبنك يجى يفطر يا وداد .
لتبتعد عنه وهى تقول 
تعالى يا حبيبى أفطر معانا 
ليظل على وقفته وهو يقول 
معلش يا جدى ... أنا فطرت .. أنا بس كنت عايز علياء طبعا بعد إذنك يا عمى معايا فى مشوار