رواية جديدة رائعة جدا الفصول من السادس للتاسع

يفضل شرس . .قوي ..معندوش قلب ..أو بسهولة هايقدروا يكسروني وأنا لا يمكن أسمح بكده.
ابتسمت بسخرية وقالت إنت أصلا مكسور يا آدم وبتضحك على نفسك إنت عامل زي الصورة اللي متقطعة قطع صغيرة ..وكل قطعة في حته لا انت عارف تلمها وترجعها زي ما كانت ولا قادر تحاول تبدأ من جديد بصورة جديدة.
تجهم وجهه وظهر عليه العبوس وأرخى يديه من على كتفيها وقال قصدك إيه 
زفرت بقوة وقالت إنت عارف قصدي كويس إنت بتعاند والدك عايز ټنتقم منه ..بس المشكلة إنك بټنتقم منه في نفسك عامل نفسك جامد ومش فارق معاك حاجة ورغم كده سايب كل التراكمات والمشاعر السلبية اللي جواك تتحكم فيك ..تمشيك على كيفها دي مش قوة يا آدم اليوم اللي تقدر تقول على نفسك فيه قوي هو اليوم اللي تقدر ترمي كل حاجة ورا ظهرك ...وتقف على رجلك وتعمل الصح اللي تقدر تسوق نفسك بنفسك مش تخلي شوية أفكار ومشاعر سلبية تسيطر عليك ... إنت كده سهل أوي كسرك يا آدم ..أسهل مما تتخيل.
عاد وجههه للتجهم وحدق في الأفق قائلا إنتي مش فاهمة حاجة..كلامك كله مرسل ..مجرد تخمينات لكن متعرفيش أي حاجة.
لا تعلم لماذا شعرت بالآسى تجاهه رغما عنها انتابتها تلك المشاعر الصادقة عوضا عن شعور الاڼتقام والكره وبلا وعي مررت أناملها على ذراعه برقة بالغة وقالت بصوت دافيء أنا حاسه ان جواك ۏجع كبير وبتحاول تداريه وانا مش عارفة اعملك إيه بس انا موجودة معاك ..مش محتاج تفضل قافل كل الأبواب حواليك مش لازم تفضل عازل نفسك عن إنك تعيش حياتك ..أنا جنبك لو حسيت انك محتاج حد.
لا يعلم هل كانت كلماتها هي القشة التي قسمت ظهر البعير أم لمسات أناملها على طول ذراعه ولكنه وللحظات شعر بالاستسلام لها لبراءتها التي تطل من عينيها حتى لو كانت خادعة حتى لو لم تكن سوى حية بارعة التمثيل لا يهم هو فقط يريد أن يشعر بما يراه وليس ما يظنه اقترب نحوها