رواية شيقة رائعة الفصول من السابع للاخير

الرد على سؤالى انتى عاوزه انهى فيهم حازم ولا جوهر .. اجاوبك انا انتى عاوزه الاتنين بس من غير عيوبهم .. يعنى عاوزاه جد وقت الشغل انسان مسؤول ليه شخصيته وسط الناس وفى نفس الوقت معاكى انتى شخصيه جوهر اللى بتضحك ومش مكلكعه .. يعرف يسهرك ويفسحك وتعملى معاه كل اللى انتى عاوزاه .. بس تكونى انتى الوحيده فى حياته صح ..
تعجبت فجر من فهمه لطريقه تفكيرها الى تلك الدرجه فلم تجيبه لكنه اكمل عاوزه مكس من الاتنين وانا قدامك اهو .. هتحتاجى ايه اكتر من كده .. 
فجر بتحدى هحتاج انى احب الشخص اللى هتجوزه مهما كانت شخصيته
جوهر باستفزاز ليه وهو انتى محبتنيش .. نظراتك اللى كانت منبهره بكل تفصيله فيا دى محبتنيش .. غيرتك اللى كانت هتنط من عنيكى اما شوفتينى مع غيرك دى مكنتش حب !
فجر باستغراب انا حقيقى عمرى ماشوفت حد وصل للدرجه دى من الغرور .. مش معنى انك غنى وابن ناس وحلو شويه ان كل اللى تشوفك تقع فى غرامك ..
نظر الى عينيها مباشره وهو يبتسم ابتسامته الجذابه تلك معلقا حلو شويه متأكده 
فجر لا وماشاء الله طلعت تافه .. مفيش راجل بيتباهى بحلاوته غير التافهين .. تقدر تقولى ايه مميزاتك غير الحاجات الهبله اللى بتوقع بيها البنات زى عينيك وضحكتك وانك تقعد تهزر معاهم والحاجات العبيطه دى..
اقترب منها وهو لازال ناظرا الى عينيها لا من ناحيه المميزات ففى كتير اوى انتى مش شايفاه اخاڤ عليكى تشوفيه متستحمليش 
فجر بذهول هو ايه 
ابتعد عنها ضاحكا قبل ان يضيف بجديه فجر انتى بجد متعرفنيش كويس انا مش مجرد الشخص التافه اللى فى خيالك 
فجر محدثه نفسها بصوت عال دون ان تشعر ماهو ده اللى هيجننى ازاى انت حد مثقف مخك ذرى فى الاقتصاد عقليه رجل اعمال من الدرجه الاولى مقنع جدا فى اى حوار لبق فى كلماتك .. مهذب وجنتل مان الصبح وبليل العكس .. وقح وبتاع بنات ولعبى وبترقص وبتهزر ومش هامك اى حاجه ولا اى حد طب مش پتخاف على سمعتك او حد بشوفك .. 
استمع الى حيرتها تلك قبل ان يجيبها بخفوت اشبه الى الهمس فجر انا ميهمنيش اى حاجه دلوقتى غير انى بحبك .. ولاول مره بحس ان وزن الكلمه دى اقل اوى من اللى انا حاسه ناحيتك ..
فجر بحيره انت ليه مش عاوز تجاوبنى على اسألتى .. طب بلاش .. هو انت حاسس بجد ان انا بحبك ازاى تعرف انى لو قولتها هبقى بقصدها ولو مقولتهاش هبقى بخبيها عنك مش يمكن فعلا مش بحبك او اقبل اتجوزك عشان فلوسك او وضعك الاجتماعى .. ليه واثق اوى كده وليه اختارتنى انا بالذات 
امسك حازم بيديها قائلا انا مختارتكيش .. ولو عليا فدى آخر حاجه هتمناها انى ارتبط اواتجوز .. بس ڠصب عنى لقيت جوايا لغبطه .. هلاوس بتدور كلها حواليكى.. هلاوس بعنيكى وشعرك وشخصيتك حتى بأسمك ..
انا بجد حبيتك بكل كيانى لدرجه انى ممكن انسى اى حد واى حاجه الا انتى .
اقشعر قلبها من كلماته تلك واستغرقت دقيقتان حتى اجابته رغم الحاح قلبها قبل فمها للبوح له بحبها الا انها اجابته بثبات وانا مقدرش اكون الست اللى توافق انها تكون مع انسان متعرفش عنه اى حاجه وتتجوزه لمجرد انها بتحبه وعاوزه تكون معاه ..
فجأه قفز من مكانه صائحا ايوه بقى اخيرا قولتيها .. رغم انى كنت متأكد يعنى 
ادركت متأخرا اعترافها له فقد خاڼها قلبها ولسانها وتآمرا ضد عقلها ليخرج اعترافها دون وعى منها فاضافت بخجل على فكره انا مقصدش 
انحنى بجزعه قائلا بحماس وهو يرفع اسفل ذقنها باصبعه متقصديش ايييه بس .. قوليها تانى كده .. اه لو تعرفى انتى فى عنيا وفى قلبى ايه مكنتيش تبخلى عليا بالكلمه دى .. انتى اجمل نساء الدنيا جوه قلبى ..
رفعت احدى حاجببها قائله بامتعاض قبل ان تغادره قائله اه طبعا ماانت تعرف ستات الدنيا كلها .. انا استحاله اتجوز واحد بتاع بنات كده .. 
تسمر جوهر فى مكانه مايقارب الدقيقه محاولا استيعاب طريقه هروبها منه بذلك الشكل .. تبتسم فيروزيتيه قبل من خجلها الواضح والذى تحاول مداراته بامتعاضها ... 
هو لم يرى تلك الابتسامه على وجهها والتى لازمتها حتى اختفت داخل غرفتها امسكت وسادتها متمتمه وكأنها تتحدث اليها معتذره والفرحه تطل من عينيها انا عارفه انك معايا من سنين وعمرى مانمت غير وانتي معايا بس شكلى كده هخونك قريب وهنام فى حد تانى ... ڠصب عنى مش هقدر اقوله لا بس لازم اعذبه شويه الاول على المقلب اللى عمله فيا ده .. يستاهل صح ..

فى اليوم التالى جلست رحاب بجوار صديقتها بداخل سيارتها والتى مالبثت ان روت لها كل ماحدث بالامس..
اعتلت نظرات الدهشه والغبطه وجه رحاب وهى تقول اه يابنت المحظوظه ..