رواية شيقة رائعة الفصول من السابع للاخير

تلعثم سامح فضغط على فكيه بقوه وهو ينظر الى فجر متسائلا ليه وهو انت تعرفهم 
سامح ناظرا الى رحاب باعجاب اكيد ...اتعرفنا فى حفله ايمان 
كاد ان يستوعب حازم مايرمى اليه صديقه بنظراته الى رحاب وبدأ وجهه الغاضب المتيبس بالارتخاء لكن كلمات فجر اعادته الى سيرته الاولى بل اضل سبيلا حيث فضلت اثاره غيرته واستغلال ذلك الموقف للاڼتقام مما فعله بها فى الحفل .. 
فقالت بدلال سامح .. حقيقى مبسوطه انى شوفتك تانى 
نظرت اليها رحاب باستغراب وايضا ارتبك سامح من معرفتها به رغم انها كانت تعامله بعدوانيه منذ عده دقائق .. لكنها اكملت وسط ذهول الجميع مكنتش عارفه انى ممكن اشوفك تانى بسرعه كده بصراحه فى كل مره بتثبتلى قد ايه انت جنتل .. وراجل يعتمد عليه .. مش كل يوم الواحده ممكن تقابل حد زيك . 
تكورت قبضه حازم من جديد وهو يستمع الى غزلها الصريح لسامح والذى زاد ارتباكه من كلماتها الغير مبرره فهو حقا لا يعرفها ولم يرها من قبل فاجابها بطريقه مجامله انا معملتش حاجه اى حد مكانى كان هينزل يساعد خصوصا لو كان اللى محتاج المساعده حد زى القمر ..
قال جملته الاخيره وهو ينظر الى رحاب التى لم تلاحظ نظراته اليها بل اتسعت حدقتها ناظره الى صديقتها لاتفهم ماترمى اليه ولا مايحدث حولها .. لكن فى لحظه استوعبت ما يجرى عندما رأت تلك اللمعه فى عينى فجر التى نظرت الى حازم نظره جانبيه تفضح سعيها لاثاره غيرته التى بالفعل نجحت فيها ...
علق جوهر على كلمات سامح بعدوانيه شديده قائلا هى مين اللى زى القمر 
سامح بتلقائيه انا مقصدش انا ...
امسك جوهر ذراع فجر بتملك قائلا احب اقولك لو لسه متعرفش يعنى ان فجر خطيبتى ..
ارتفع حاجبى سامح باستنكار بعد ان فهم ماكانت تحاول فجر فعله بكلماتها اليه .. 
تجاهل سامح ڠضب حازم وابتسم بود وهو ينظر الى رحاب قائلا وياترى آنسه رحاب مخطوبه 
مع كل جمله يتفوه بها ثلاثتهم تزداد اتساع حدقتى رحاب بذهول الى ان التقطت اذناها سؤال سامح والذى اصابها بالارتباك فاجابت بتلعثم انا .. لا ماهو .. لا لا مش مخطوبه ..
شعر جوهر بالاستفزاز من تجاهل سامح له فادار وجه ذلك الاخير بيده قائلا هو انت عاوز ايه ياسامح .. كلمنى انا 
تغاضى سامح عن لهجه جوهر الغاضبه متفهما غيرته التى اثيرت منذ قليل فاجاب بعقلانيه الحقيقه ياجوهر الموضوع مش زى ماانت فاهم خالص .. انت لما جيت ولقتنى واقف جمب العربيه انا كنت واقف بكلم رحاب طبعا لانى اعرفها من الحفله .. مكنتش قاصد اضايقهم خالص ولا اتطفل عليهم .. 
اضاف ناظرا الى فجر وانا بعتذر لو كان صدر منى اى حاجه ضايقتك بخصوص خطيبتك بس أاكدلك انى مش فاكر انى شوفتها فى اى مكان قبل كده .. 
تحول بنظراته الى رحاب مكملا انا كل اللى فاكره الآنسه رحاب اللى عاوز اتعرف عليها اكتر لو معندهاش مانع ..
احمرت وجنتى رحاب خجلا من كلمات سامح الصريحه خاصه فى وجود حازم ففرت الى سياره فجر تحتمى بداخلها من نظرات من حولها .. 
مالبثت ان تبعتها فجر پغضب من صراحه ذلك اللئيم والذى بين كذبها وافشل خطتها ..
لانت قسمات جوهر بعد ان ادرك خدعه فجر متأخرا فأحس بندم على كلماته الجافه لصديقه فاجابه معتذرا معلش ياسامح اعذرنى انا بس كنت مشدود شويه ..
سامح متفهما ولا يهمك ياصاحبى بس شكلك بتحبها اوى وهى كمان .. متنساش تعزمنى على الفرح بس مبروك مقدما ..
جوهر لسه الدنيا مش مستقره ياسامح بس اكيد انت هتكون اول المعزومين .. لو مش منى هيبقى من رحاب .. صاحبه فجر واكتر من اختها ..
سامح بجديه طيب عندك اى اعتراض انى اقرب من رحاب اكتر
حازم رحاب انسانه كويسه اوى .. حقيقى هتكسبها لو حبتك .. ده لو انت جد من ناحيتها انما لو مش جد ياريت تبعد عنها لانها مش من النوع اللى كنا نعرفه لا هى ولا فجر ..
سامح وده اللى شدنى ليها لما قابلتها .. انسانه بسيطه مش متكلفه وعلى طبيعتها ..
حازم بصدق وان كان عليا هوصى عليك ياعم .. يارب بس ترفع راسنا ..
ابتسم سامح شاكرا قبل ان يقول شكرا ياجوهر ده العشم بردو .. قولى عاوز حاجه منى قبل امشى .. محتاج اى مساعده ...
جوهر لا اتكل انت على الله انا كلمت الونش وزمانه فى الطريق يشيل العربيه وانا معايا عربيتى هوصلهم .. 
سامح متجها الى سياره فجر طيب هاخد رقم رحاب وامشى .. سلام ياجوهر ..
رآه حازم يقترب من رحاب والتى ترجلت من سياره فجر تقف بخجل امامه ناظره الى الارض من تحتها وهى تمليه رقم هاتفها ولم ترفعها سوى بعد استقلاله سيارته ومغادرته بعيدا ..

ظلت رحاب طوال الطريق صامته تنظر الى الطريق من خلال نافذتها من وراء