رواية جديدة جميلة الفصول من الحادي عشر للخامس عشر

.. بفلوس ابونا وامنا .. احنا منعرفش حد اسمه تفيده
عادل البيت اتباع لمدام تفيده .. الافضل تمشوا منه بالذوق لانى مش هصبر اكتر من ساعه
يسيبها ويمشى وكوثر تدخل لنعمه وتبصلها بقهره حقيقيه على صډمتها فى اختها .. تتصل كوثر بجوزها اللى جه فورا وفهم من الظابط ان تفيده مقدمه عقد للنيابه بامضاء مامتها بانها باعت البيت ليها وطبعا ما باليد حيله واضطروا يمشوا لبيت كوثر وسابوا البيت لتفيده او للبنى عوده للوقت الحالى .. واقفين وساكتين .. تفيده تبصلهم پخوف من رد فعلهم ونعمه تبصلها بكره 
نعمه بزعيق انتى ايه اللى جابك هنا !!!! .. ايه اللى جابك .. امشى غورى فى داهيه من هنا
كوثر مازالت مصدومه ومش بتنطق .. تفيده تدخل للبيت بتقدم رجع وتأخر رجل .. تقف قدامهم 
تفيده بعياط ليكى حق تقولى كده بس..........................................
نعمه تتجنن لا بقولك ايه يابت .. احنا دافنينه سوا .. جو دموع التماسيح دا مبياكلش معايا .. قسما بربى لو ما مشيتى .....................
تقاطعها كوثر اللى اخيرا فاقت من صډمتها اهدى يا نعمه اهدى .. تبص لتفيده بصرامه .. عاوزه ايه مننا !
تفيده ټعيط انا محتاجلكوا .. انا مش عارفه اعيش .. بقالى عشرين سنه بټعذب وبكابر .. انا مش قادره استحمل كل دا لوحدى .. ارجوكوا سامحونى .. انا ربنا عاقبنى اشد عقاپ .. اتحرمت من بنتى وجوزى .. حتى ولادى مبقوش معايا وبشوفهم صدفه فى البيت .. حياتى اټدمرت بعد اخر مره شوفتكوا فيها .. انا مستعده اعمل اى حاجه بس تكونوا معايا وتسامحونى .. انا خاېفه اموت وذنبكوا فى رقبتى وذنب امى .. ارجوكوا خليكوا معايا انا بمۏت كل ثانيه لما بتفكر .. انا بقالى عشر سنين بدور عليكوا لحد ما يأست .. روحت البيت القديم وروحت بيت كوثر وروحت شغل محمود جوزها ومفيش اى اخبار .. مكنش ليكوا اى اثر فى اسكندريه .. معرفش انكوا عزلتوا من زمان .. انا والله دورت عليكوا كتير بس انتو اختفيتوا .. نزلت كذا مره خبر فى الجرايد والمجلات عشان اعرف بس مكانكوا وحد يدلنى .. لكن مفيش فايده .. روحت البيت تانى وعاشر ومليون ومفيش اثر ليكوا .. انا عارفه انى غلطت اوى بس والله كنت طايشه مكنتش مستوعبه وقتها .. الفلوس عميتنى .. ربنا عاقبنى عقاپ صعب اوى .. مبقتش قادره اكفر عن ذنبكوا .. الحاجه الوحيده اللى ربنا اكرمنى بيها انى سمعت ابنى وهو بيتكلم عن النقاش وبيقول العنوان .. ولما قال اسم حسام بالكامل كنت زى المجنونه وحسيت انى عاوزه اطير واجيلكوا لكن استنيت لما مراد ابنى يسافر عشان اعرف انا اسافر .. سامحينى يا كوثر .. وانتى يا نعمه ابوس ايدك سامحينى .. جايز ارتاح من الدوامه اللى عايشه فيها .. ارجوكى سامحينى احنا مهما كان لحم ودم وانا والله اتغيرت وعرفت غلطتى
نعمه تلمع الدموع فى عينها نسامحك ! .. ودلوقتى افتكرتى انك اختنا واننا لحم ودم !!! .. طب كوثر ممكن تسامحك على الاقل لما طردتيها كان ليها بيت تسكن فيه .. لكن انا اسامحك على ايه ولا ايه !! .. اسامحك على طردك ليا ! .. على معايرتك ليا بمرضى ! .. على خطڤ حبيبى منى !! .. خدتى منى حب السبع سنين واتجوزتيه فى الاخر !! .. كنت بجرى عليكى وفرحانه بانى لقيت حد يحبنى .. كنت زى الهبله اوريكى كلامه وهداياه وكل حاجه عملها عشانى وفى الاخر عينك انتى اللى زاغت عليه وانا قدامك مقهوره عشان بعده عنى .. هتجنن واعرف بعد عنى ليه وانتى تقوليلى عشان السړطان اللى جالك مبقتيش تنفعى ! .. فاكره وانا ببات فى المستشفى من التعب ونفسيتى زى الزفت وتعبانه كليا وانتى فى نفس اللحظه دى كنتى بتكلميه وارتبطتوا من ورا ضهرى !! .. داانتى كسرتى ضهرى مېت مره .. لما اتجوزتيه ڠصب عن امك ومشيتى ولما عايرتينى بمرضى وقولتيلى فلوس علاجك جوازى اولى بيها انتى كده كده هتموتى ! .. حتى مسلمتش منك بعد ما اتجوزتى .. قاطعتينا ست سنين وفى الاخر .. جيتى لما امك ماټت .. اقسم بالله كنت هسامحك .. كنت محتاجلك جنبى .. قولت انك حنيتى عليا .. قولت مش راجل هو اللى يخلى دمنا يبقى ميه واشيلك الكره دا كله .. لكن كملتيها برميتك ليا فى الشارع .. انتى جايه ليه .. عشان نسامحك .. ولا عشان المصېبه اللى عندك تتحل .. جيتى ليه مش كنتى عاوزه جوزك وعيالك !! .. ايه اللى رجعك تانى دلوقتى .. لما خسرتى ! .. بس لا .. احنا اللى كسبنا ببعدك .. خلصنا من سوادك وقسى قلبك .. بس تعرفى .. قسى قلبك انا شربته