رواية رهيبة جامدة جديدة الفصول من واحد وثلاثون لخمسة وثلاثون

اكتر من فضلك
الدكتور جابر مقعدش فالغيبوبه يوم واللا شهر واللا حتى سنه ده قعد سنين  وده حيخليه يسترجع ذاكرته بصعوبه وكل حاجه حيتعلمها كأنه طفل صغير لسه بيتعلم كل حاجه زي الأكل والكلام والمشي وواحده واحده ان شاء الله حيفتكر كل حاجه أهم حاجه دلوقتى إننا نفكره بكل حاجه حلوة بالناس اللي كان بيحبهم ببنته مثلا اللي هي دلوقتى أكيد أهم حد فحياته وبلاش خالص نفكره بالحاډثه اللي ماټت فيها مراته لأنه حاسس انه كان سبب فمۏتها
حمزة ممكن يخرج من المستشفى امتى
الدكتور في أي وقت هو خلاص استرد وعيه ومفيش داعي لوجوده بس الأفضل نستنى بس لحد مانطمن إن أجهزة جسمه كلها بقت بتشتغل بشكل طبيعي
وطبعا هو حيخرج من هنا على كرسي متحرك لحد مايقدر يتحكم فاعصابه كويس وحتكون في ممرضه مقيمه معاه فترة
وطبعا حطمن عليه وحتابعه باستمرار
حمزة تمام متشكر أوي يادكتور ممكن أدخله اطمن عليه قبل ماامشي
الدكتور طبعا تقدر تدخله
يدخل حمزة يلاقيه عينيه مفتوحه لكنها تايهه مش عارفه هي فين
حمزة ألف حمد الله على السلامة يا جابر
جابر بيبصله وبيبتسم من غير مايتكلم
حمزةانت فبلدك يا جابر انت فمصر اطمن ياجابر كل حاجه تمت زي ماكنت عاوز بالظبط اسسنا شركه هنا كبيرة
وانت حترجع تقف على رجلك من تاني وحتستلم كل حاجه ياجابر
وحشتني اوي ياجابر وحشتنى اوى أنا مش مصدق نفسي إنك رجعتلنا من تاني كلنا محتاجينك انا محتاجك أوي أنا فاشد لحظات حياتي ومفيش حد حيحس بية غيرك ياجابر
وبنتك سيلا ياجابر محتاجاك هي كمان ويمكن أكثر مني بكتير
بمجرد ماجابر سمع اسم سيلا الدموع جريت على وشه
حمزة سيلا كبرت بقت عروسه جميله بنتك بقت زي القمر ياجابر على فكرة كانت بتجيلك هنا علطول وكانت بتقعد تقولك وحشتني يابابي وانا متأكد ان هي كمان وحشتك أوي ياللا قوم عشان تربيها وتكبرها وتحقق فيها كل احلامك
متخافش عليها يا جابر سيلا مفارقتنيش طول السنين اللي فاتت كنت بخاف عليها من الهوا الطاير فضلت محافظلك على أمانتك ياجابر لحد ماتستلمها وتكمل رسالتك معاها
يعلم ربنا انا حبيتها ازاي وحافظتلها على مالها لكن انا عارف اني مهما حبتها وخفت عليها حبك ليها حيكون حاجه تانيه خالص ياللا عشان تربيها على عاداتنا وتقاليدنا زي مااتمنيت ياجابر
قعد جمبه يتكلم ويحكي وجابر بيسمعه صحيح مكنش بيرد عليه بس كان بيسرح زي مايكون بيحاول يفتكر ويسترد ذكرياته
حمزة مكنش عاوز يقوم ولا يمشي مش مصدق ان جابر أخيرا وبعد السنين دي كلها فاق ورجع من تاني
نسيبهم بقى مع بعض ونروح لياسمين نشوف عملت ايه بعد ما وصلت البيت
طالعه السلم طبعا تعبانه لقت اللي فوشهاسحر مالك في ايه يا حبيبتي واقفه كده ليه
سحر مستنياكي من بدري وما صدقت لقيتك داخله قلت الحقك
ياسمين طب تعالي ندخل
سحر لاء تعالي عندنا متقلقيش ماما جوة عند مامتك تعالي بقى
تدخل معاها ياسمين وتقفل الباب في إيه يخرببيتك شكلك بيقول في حاجه حصل ايه
سحر ده اللي حصل واللي جرا لا ينكتب ولا بنقرا يا سوادك ياسحر  ولسه لما ييجي سامي حيخلص علية يااختيي انا عاوزة انطق الشهادتين قبل ما ييجي
ياسمين لا ده انتي تقعدي كده وتفهميني بالراحه هببتي إيه الله يخرببيت معرفتك السوده
سحر حكت لياسمين كل اللي حصل في الجيم
مش تتقلي شويه يامتخلفه ده الراجل بيحب البنت التقيله كده مش الخفيفه
سحر خفيفه ايه وتقيله ايه بس ياياسمين هي كوباية شاي يابنتي بقولك اتشقلبت وقعت وربنا ما كان قصدي حاجه وانا ماتخيلتش ان يحي اول ماحيقول لسامي
سامي حيكون رد فعله كده ده زي مايكون ظبطنا فوضع مخل
ياسمين طب احمدي ربنا بقى يافالحه انتي عارفه لو كان اخوكي دخل وشافك وانتي دايبه فعيونه ورايحه فدنيا تانيه كان اقام الحد عليكي وطخك عيارين  وقالك جبتلنا العاړ يافاجرة ده شرف البنت زي عود الكبريت
هات الطبنجه ياولد اتشاهدي على روحك ياهنادي
سحر لا ياخال متجتلنيش البشمهندس هو اللي غواني
ياسمين بشمهندس الري مش أجده لازم اطخك واغسل عاړك يافاجرة
سحر وين هنادي ياخال
ياسمين هنادي راحت في  الوبا يا أمنه
سحر يامرك ياسحر يامرك رحت بلاش ياعلوان
ياسمين وسحر هههههه هههههه
ياسمين يخرببيتك ياشيخه ضحكتيني ومكنش لية نفس اضحك بصي انتي حتستحملي الكلمتين اللي سامي حيقولهوملك انتي عارفه اخوكي بېخاف عليكم ازاي اديكي شايفه حاكم على سميرة وسعد ميخرجوش مع انه ابن خالتكم يعني مش غريب بېخاف عليكم حقه
مترديش وتقولي حاضر وطيب ونعم
سحر طب والجيم
ياسمين تروحي طبعا هو انتي عملتي حاجه غلط دي لحظة شيطان وراحت لحالها وان النفس لامارة بالسوء
سحر شيطان إيه منك لله انتي كمان انتي شكلك وربنا اللي حتوديني فداهيه
ياسمين خلاص ياهبله مفيش حاجه ساميه بيحبك ده مش بعيد نلاقيه داخل علينا دلوقتى بكيس لب وبيصالحك
يسمعون طرقا على الباب
سحر دي خبطته عارفاها جالك المۏت ياتارك الصلاة
بصي انا حعمل نفسي مت وانتي تصوتي علية يمكن أصعب عليه
ياسمين ياختي اتنيلي ادخل