رواية رهيبة جامدة جديدة الفصول من السادس عشر للعشرين

ياشهاب
شهاب ترجع فين ياحسين ترجع للبهدله وقلة القيمه كانت عجباك عيشتك هناك ياحسين
حسين نفسي ولادي يتربوا فبلدهم وعلى عاداتنا وتقاليدنا
شهاب ولادك قصدك حمزة اللي لسه يادوب سنه ونص واللا اللي جاي في السكه ولسه أصلا خلود في أول حملها ومحتاجه راحه
اعقل ياحسين انت جاي بعد ماقدرت تثبت نفسك في الشغل وتكسب ثقة الناس اللي هنا
بدأت تحس بقيمة شغلك اللي بتحبه
بدأت تعرف طعم الراحه والهدوء والاستقرار وجاي عاوز تهدم كل ده بالسهوله دي
لا ياحسين انا مش معاك نهائي في القرار ده
حسين انت عارف غلاوتك عندي وانا ميهمنيش غير مصلحتك وانا من رايي ان من مصلحتك انك متفكرش في الرجوع نهائي وعالاقل في الوقت الحالي
حسين اللي عاوزه ربنا هو اللي حيكون
في صباح يوم جديد يشرق على الجميع ليبدا كل منهم يومه
ياللا ياماما الله يخليكي حتاخر عالكليه
سعادنيله عليكي وعلى كليتك بدل ماتدخليلي كليه عدله رايحه تدخليلي حقوق فاكرة نفسك حتبقي وزيرة الحقانيه
سحر حقانية ايه ياماما انتي قديمه اوي انتي فاكرانا فعصر الاحتلال البريطاني اسمها وزارة العدل
سعاد بقولك إيه بلاعدل بلاظلم ياللا اتكلي على الله خليني الحق أخلص اللي ورايا
سحر ايديكي عالمعلوم وانا اتكل
سعاد معلوم ايه ياروح امك انتي مش لسه واخده من ابوكي ميتين جنيه
سحر ياماما مش قلتلك عاوزة اروح الكوافير اعمل شعري
تعملي شعرك فين ياهانم هو احنا بردو بتوع الكلام ده
سحر سامي من فضلك متدخلش انت
انا من حقي احافظ على برستيجي وسط زمايلي فالجامعة عاوزاهم كده من اولها يعرفوا اني مهتميه بنفسي وشياكتي وشعري
ساميعاوزة تغشيهم يعني
سحراغشهم ليه ان شاء الله
سامي ايوة مانتي لما حتروحي تعملي شعرك حيفتكروه ناعم وسايح وهو اصلا اكرت وزي الزفت على دماغك
سحر بقى انا شعري اكرت اسم الله على سلوك الحرير اللي نازله على وشك حوش حوش القصه ياولا
سامي والله انا راجل ميعيبنيش حاجه
سحر طب ممكن بقى ملكش دعوة بية ومتدخلش فحاجه تخصني
سامي لا ده انتي شكلك اتخبطتي فمخك ده انا اخوكي يامتخلفه وبعدين تعالي هنا إيه اللي انتي لابساه ده
سحر اه ده انت شكلك ناوي على خڼاقه بقى مانت فاضي
سامي مانا مش مركب اريال ياهانم عشان تنزلي بالشكل ده
سحر وانت مالك بية أصلا انت ملكش حكم علية انا بابا مبيقوليش حاجه يبقى خليك فخيبتك
سامي ياسنتك السوده على دماغك انتي عاوزة الناس تقول شوف اخت سامي خارجه من بيتهم ازاي ده انتي يومك مش فايت
سحر كل البنات بتلبس كده يابني ادم انت
سامي بقولك ايه من غير لك كتير اللبس ده يتغير والا مفيش كلية
سحر ماما قوليله ملوش دعوة بية احسنله
سامي وهو يجلس على الكرسيوادي قاعده أهيه وريني بقى ياحلاوتهم حتخرجي برة عتبة البيت ازاي
وبعدين انتي اصلا إيه اللي يخليكي متتحجبيش هو انتي صغيرة
سحر أيوة صغيرة ومش حتحجب دلوقتى
سامي مانتي اختك متحجبه وهي فالاعدادي
وياسمين ماهي متحجبه وعمري ماشفتها لابسه حاجه ملفته وكل لبسها محترم
سحر مليش دعوة بحد
سامي طب لو شعرك سلوك حرير كنت قلت معذورة مش قادرة تخبي حلاوته على الناس
ده احنا بنقص من شعرك عشان نغسل المواعين يابت
سحر احترم نفسك بقى خليك في الست جميله بتاعتك اللي مفيهاش ريحة الجمال
سامي بردو مش حتخرجي غير لما تغيري البتاع اللي انتي لابساه ده
ولو شاطرة قربي ناحية الباب برجلك عشان اكسرهالك
تطرق ياسمين عليهم الباب فتجري سحر لتفتحه
ياسمين الحقيني خديني معاكي
ياسمين مالك في إيه انا سامعه صوتك من المنور
سحر ياسمين بزمتك الطقم ده وحش علية
ياسمين لا مش وحش ده حلو جدا ومخليكي زي القمر بس انا قلتلك قبل كده انه ضيق اوي ياسحر والمفروض ميتخرجش بيه
سامي اهوه وشهد شاهد من أهلها اللي اتحاميتي فيها وفاكراها حتمشي على هواكي رأيها من راينا بردو
سحر كده بردو ياياسمين وانا اللي قلت انك حتنصفيني وتقفي معايا
ياسمين يعني ارضيكي واغضب ربنا لا ياسحر الهدوم اللي عليكي دي حتشيلك ذنوب طول مانتي ماشيه حرام عليكي ياحبيبتي ولازم كمان تخافي على نفسك اللبس ده يطمع الناس فيكي ودلوقتى ولاد الحړام كتير
البسيه هنا في البيت
سحر نعم البسه هنا لمين ان شاء الله
سامي متتعبيش نفسك ياياسمين معاها دي بني ادمه متخلفه واديني قاعدلها اهوه
سحر ربنا ياخدك يارب ويريحني منك
ياسمين بعد الشړ عنه ياسحر بتدعي على اخوكي عشان بيحبك وخاېف عليكي ده انتي المفروض تشكريه على حبه ليكي واهتمامه بيكي ياريتني انا كان عندي اخ يعمل كده معايا وانا كنت ابوس التراب اللي بيمشي عليه لكن انا ربنا ابتلاني بأخ عمره مااهتم انا رايحه فين ولا جايه منين ولاحتى لابسه ايه ده انا حتى لما اتحجبت مكنش عجبه شكلي بالحجاب وكان في الرايحه والجايه يتريق علية ويقول الشيخه ياسمين
مكنش بيسال عني غير لما يكون عاوز ياخد مني فلوس بس غير كده ولا يعرفني
عارفه ياسحر انتي لو كنتي جربتي اللي جربته كنت وطيتي بوستي ايد اخوكي وقلتيله ربنا يخليك لية يااخويا ياسندي وتخاف