رواية روعة الروعة الجزء الثاني الفصول من التاسع للثاني عشر

بحب في حفظ الله يا حبيبي.
أغلقت الهاتف لتشعر پاختناق وعدم الرغبة بالعودة لتك الجلسة السخيفة فاتجهت للخروج من النادي عائدة للمنزل لتستمتع بصحبة ابنها الذي تفتقده كثيرا رغم علمها بأن هذا سيفتح عليها باب سخط والدتها الذي لا قبل لها به.
بعد فترة بشقة محمود
نغم بسعادة حمد الله على السلامة كل ده يا شهاب.
شهاب بحب ڠصب عني والله كويس أني سافرت لاقيت المقاول مبوظ الدنيا وبيشتغل بطريقة مش تمام كان لازم يفضل تحت عيني بدل ما يودينا في داهية ده غير أن كان في شغل كتير غير موافق للمواصفات وكان لازم يتغير والا الشركة ترفض تستلم القرية.
محمود بتقدير ربنا يوفقك يا ابني ويقويك أنت بسم الله ما شاء الله عليك فهمت السوق في فترة قليلة وعملت سمعة ممتازة لشركة والدك.
شهاب بسعادة وهو يحتضن طفلته بشوق شكرا يا عمي ربنا ما يحرمني منك كله بفضلك لولاك كان زمنا خرجنا من السوق قبل ما ندخله.
نورا قادمة بخجل وبصوت متردد سلام عليكم أزيك يا شهاب حمد لله على السلامة.
شهاب بترحيب وبشاشة وعليكم السلام الله يسلمك يا ماما أزيك يا حبيبتي.
نورا بحرج تسلم يا حبيبي معلش يا شهاب على الموقف اللي حصل أخر مرة كنت هنا سامحني يا حبيبي.
شهاب بتسامح لا بجد أنا كده هزعل مفيش أم تعتذر لابنها وأنا مقدر الموقف وحاسس قد أيه خضتك على نعم أنا كل اللي كان مزعلني حالتك أنت وهي وخۏفي عليكم.
محمود بابتسامة شيبو كان بيكلمني كل يوم يطمن علينا كلنا بس كان ما بيحاولش يكلمك الا لما تهدي ولما عرف أنك فكيتي حظر التجول كان عايز يكلمك بس أنا قولت ليه أحسن تقعدوا سوا لما يرجع بالسلامة.
نورا بحرج طول عمره ابن أصول حقك علي مرة تانية يا حبيبي.
شهاب باعتذار لا يا ماما أنت كان عندك حق حقك تفتكري أني مش مهتم لما تلاقيني سيبتها مڼهارة كده ورحت اجيب العربية بس أنا كنت متغاظ عشانها و عارف أيه اللي ممكن يوجع صلاح الناس المادية تتضايق لما يتاخد منها حاجة و كمان الناس المظهرية اللي زيه تتحرق لما تحطيها في وضعها الطبيعي وتعرفيه أنه بيتباهى بحاجة غيره فمينفعش يعلى عليهم بصدق اما وقت ما نصحتها أنها لو راحت له تروح من غير فلوس مكنتش باتصرف من دماغي وعارف كويس أنها فلوسكم وحريين فيها بس أنا معتبرها أختي وكنت خاېف عليها مش على الفلوس كان لازم أتأكد أنه عايزها هي مش هياخدها عشان فلوسها أوياخد منها الفلوس وبعدين يرميها بعد ماتكون فقدت احترامها لنفسها و اتخلت عن الدنيا عشانه ومش هانكر أني كنت شاكك فيه وعارف أنه ممكن يكسرها بس كان هيبقى الچرح أهون وأقرب من بعد كده ممكن أكون فكرت بشكل عملي زيادة بس في الأول والأخر والله من خۏفي عليها.
محمود بأسف الحمد لله أنها جت على قد كده وفعلا الحمد لله أن ربنا ظهره على حقيقته قبل ما تضيع عليه من عمرها أكتر من كده.
نورا بحزن الحمد لله محدش بياخد أكتر من نصيبه بابتسامة مکسورة هاقوم بقى أعمل لك غدا حاجة سريعة كده بما أنك رجعت فاجأة لكن بكرة هاعمل لك غدا يستاهل بوقك.
شهاب ضاحكا لا متتعبيش نفسك ياماما أنا جايب معايا أكلة سمك سويسي وصايا استاكوزا على جمبري على كله وعديتها على المطعم يجهزوها.
محمود ضاحكا هو ده الكلام مفيش سفريات تاني قريب.
شهاب ضاحكا حضرتك تؤمر بأي وقت يجي لغاية عندك.
نورا بهدوء طيب قومي يا نغم نعمل شوية سلاطات و رز صيادية عقبال ما المطعم يبعت السمك.
محمود هامسا باهتمام بعد انصرافهما أخبار ماهي أيه.
شهاب بهدوء متقلقش يا عمي الوضع ده مش هيستمر كتير ماهي بتحب حسين ولا يمكن تستغنى عنه والموضوع كله هينتهي بمجرد رجوع بابا بس أنا نفسي هي اللي تفوق من نفسها عشان كده بلغت بابا أنه يكمل شغله وميحاولش يعجل بالنزول عشان نيها فرصة.
محمود بعتاب ليه كده يا شهاب ده مودي وحشاني قوي.
شهاب بعزم أنا بعمل كده عشانه مخصوص يا عمي ماهي لازم تبطل التذبذب اللي هي فيه ده وكمان تحدد هي عايزة أيه لأنها حتى لو رجعت بأمر من بابا مع أول مشكلة مامي هترجع تسيطر عليها تاني ومتقلقش أنا فعلا حاسس بأنها اتغيرت ويمكن الموضوع ده ينتهي حتى قبل رجوع بابا بإذن الله.
محمود بهم ربنا يهدي الحال يا بني.
شهاب بتهذيب بإذن الله يا عمي باهتمام هي نعم عاملة أيه دلوقتي.
محمود بحزن أهي زي ما هي عاملة فيها جدعة ومش هاممها بس أنا حاسس بيها وبوجعها تقريبا ما بتخرجش من أوضتها وبترد علينا بالعافية.
شهاب برفق بكرة لما تعدي مرحلة الصدمة