رواية روعة الروعة الجزء الثاني الفصول من التاسع للثاني عشر

وهو يشكر حبيبته التي رغم البعد الا أنها ساعدته للتخلص من زيارة الطبيبة التي كان يخشى مما قد يحدث بها ليقسم لنفسه أن يسترد حبها وينسيها المها بعد أن تمر أزمة أسرتها ويحقق هو أحلامه.
بالنادي العريق
تجلس ماهي بمرافقة الصحبة المعتادة لوالدتها وهي تبتسم بسخرية على الحوار الدائر.
سيدة أولى بتعالي متخييلين التخلف تلبس نفس الفستان مرتين في مناسبتين ورا بعض لا وكانت لسه راجعة من باريس قال أيه كانت في مؤتمر علمي.
سيدة اثنين بسخرية بخل يا حبيبتي مش عارفة بتحوش لمين امال لو مكنتش شايلة الرحم.
السيدة الأولى بتهكم على رأيك وعايشة الدور أن مش فارق معها وحولت الأمومة اللي جواها للمجتمع والاهتمام بأطفال الشوارع والموضوع كله شو بتحاول تعيش فيه دور سيدة البر والتقوى.
السيدة الثانية ضاحكة ابعتي لها ابن رامي خطيب بنتك يا هايا.
هيام بضيق رامي معندوش ولاد يا قلبي لما يتجوز هو وميرا أن شاء الله يبقى عنده.
السيدة الثانية بخبث الله امال أيه اللي سمعناه ده.
هيام بضيق بنت ڼصابة حبت تعمل شوشرة يمكن تاخد لها قرشين.
سيدة ثالثة بسخرية بس دي كانت بتقول أنه ضحك عليها واتجوزها عرفي ده غير البنت التانية اللي سبق وقالت أنه عمل معها كده برضه وبعدين أجبرها تجهض البيبي.
هيام بضيق قالوا والكلام كتير يا حبيبتي المهم اللي يقدر يثبت ده غير أنه مستحيل أن رامي ابن الحسب والنسب يبص لواحدة زي دي لا وكمان وهو خاطب البرنسيس ميرا عن أذنكم محتاجة أقوم الف التراك.
السيدة الأولى بسرعة استني يا هايا هاقوم الف معكي.
السيدة الثالثة بخبث عارفين هي راحت معها ليه.
سوزي بفضول ليه.
السيدة الثالثة پشماتة لما سيرة الحمل اتفتحت خاڤت حد يعلق على بطن جالا بنتها اللي بقيت مترين بعد شهرين بس جواز.
سوزي بدهشة بجد أنا مشفتهاش من يوم الفرح عشان كده قدموا ميعاد الجواز.
السيدة الثانية بدفاع لا طبعا يا جماعة الفرق كبير جالا ويوسف مخطوبين من فترة يعني الموضوع مجرد تسرع شباب ده غير أنهم من نفس المستوى مش زي البنت اللي بتشتغل عند رامي طبعا الموضوع مختلف.
ارتفع رنين هاتف ماهي ليقطع حديثهم ولتجن سوزي بسعادة ماهي الجلية بتلك المهاتفة خوفا من أن يكون المتصل هو حسين.
سوزي بشك وهي تنظر للهاتف مين يا ماهي.
ماهي بابتسامة وهي تلوح بالهاتف ده شيبو يا مامي.
سوزي پغضب هامس مترديش عليه أخيرا أفتكر أن له أهل يسأل عليهم.
ماهي پصدمة مامي هو يوميا بيتصل وحضرتك بترفضي تكلميه.
سوزي بأمر ولا أنت كمان هتكلميه لحد ما يعرف غلطه ويعتذر ليكون متصل يضحك عليكي بكلمتين ويضيع مستقبلك زي ما ضيع نفسه.
ماهي هامسة بضيق كفاية كده مامي أنا مش طفلة ومينفعش تتحكمي بعلاقاتي بالشكل ده حتى علاقتي باخويا الوحيد بصوت مرتفع وهي تتحرك عن أذنكم.
سوزي بضيق ماهي يا بنت يا بنت.
شهاب ممازحا أنا حبيبك يا ڼصابة.
ماهي بصدق والله ما ڼصب بجد وحاشني جدا.
شهاب بحنان أنت كمان وحشاني جدا ووحاشني أكتر مودي حبيب خاله.
ماهي بحزن ده وحشاني أنا كمان طول النهار مع الناني.
شهاب بدهشة مع الناني لوحده وأنت بتعملي أيه.
ماهي بحزن طول النهار في النادي مع شلة المنافقين.
شهاب باستياء ينفع كده يعنى أنت عاجبك الوضع بالشكل ده.
ماهي بضيق لا مش عاجبني بس هاعمل أيه.
شهاب ببساطة ترجعي بيتك بخبث أيه هو حسين موحشكيش.
ماهي بحنين هو عامل أيه
شهاب بفضول هو ما حاولش يتصل بك.
ماهي بحنين وانكسار لا محاولش ولا مرة يكلمني بس تخيل فوجئت أنه حط مصروف الشهر في حسابي.
شهاب بثقة حسين اتفاجأ زينا يا ماهي ومضحكش عليكي زي ما ماما بتقول.
ماهي بثقةعارفة والله وواثقة أنه لا يمكن يخدعني بس الموضوع مش بالسهولة دي.
شهاب باستنكار ما أنا في نفس الوضع تقريبا.
ماهي پألم أنت وضعك مختلف و على رأي ماما مصلحة ابني أهم حاجة.
شهاب بحيرة وناوية على أيه
ماهي باستسلام مستنية لما بابي يرجع وأعرف رأيه.
شهاب بحنان محتاجة أي حاجة.
ماهي برجاء حاول ترجع بسرعة أنا مش مبسوطة.
شهاب بقلق حصل حاجة تاني.
ماهي بتأفف مفيش بس معرفتش اندمج في الحياة دي تاني كأن دي مكنتش حياتي حاسة بخنقة من كل حاجة.
شهاب بأمل بإذن الله كل حاجة تتظبط قريب.
ماهي برجاء أن شاء الله.
شهاب بحنان لو احتاجتي أي حاجة كلميني.
ماهي بحب ربنا ما يحرمني منك.
شهاب بحب سلام يا قلبي.
ماهي