رواية روعة الروعة الفصول من الثالث عشر للسابع عشر

البيتزا المشهورة طلب لها نوعها المفضل وظل يطعمها بيده بحب وكأنها ابنته الصغيرة المدللة ليخرجا بعدها متجهان لأكبر مدن الالعاب لتفاجأ هي بروحه المرحة وجانبه الطفولي الذي تراه لأول مرة فعندما عرض عليها الذهاب لمدينة الالعاب ظنت أنه يحاول أرضاءها ولكنها وجدته يستمتع بالالعاب مثلها وأكثر كان كطفل كبير حرم من كل متع الطفولة وفقد بابه اليها وكان حبها هو بوابة العودة الذي أحي الطفل بداخله وأعاده للحياة ولم تمانع أن تركب معه الالعاب الخطړة أكثر من مرة رغم شعورها أنه ينتقي تلك الالعاب خصيصا لتشبثها بأحضانه أثناء ركوبها فهو زوجها بكل الأحوال وهي نفسها كانت تتمنى تجربة تلك الالعاب ولكنها تخاف منها بطبيعتها ولكنها وجدت باحضانه الأمان فاستمتعت بتجربتها دون خوف وأن تظاهرت به بدلال أرضاء لرجولته واستمتاعا بهمساته المطمئنة لها يبثها بأذنها.
كما اشترا كل انواع الحلوى المعروضة وتشاركها بسعادة بالغة ليختتما جولتهما بلعبة الرماية.
وقف ينظر لها بغيظ وهي لا تستطيع السيطرة على نوبة الضحك الهيستيريا التي اصابتها.
محمود پغضب طفولي بطلي ضحك بقى.
نورا بضاحك مش قادرة ههههه أنت كنت بتصطاد عصافير هههههه على رأي حسن حسني في افريكانو ههههههه. 
محمود بغيظ أنت مش خدتي الدبدوب.
نورا ضاحكة ما أنا مش عارفة أساسا أنت ليه أديته الفلوس دي كلها عشان تخده ده تمنه بره أقل بكتير.
محمود بعفوية بس ده دبدوب النيشان.
نورا بتعجب هو يعني كده أنت كسبته!
محمود بمكابرة يعني عبد الحليم هو اللي كان كسبه بجد لزبيدة ثروت.
اڼفجرت نورا بالضحك مرة أخرى ولكنها تماسكت وكفت  حين رأت ضيقه لينظرا لبعضهما بوجوه جامدة لبضعة دقائق ثم ينفجرا ضاحكين معا هذه المرة.
محمود بضحك وهو يفتح باب السيارة طيب يالا ياهانم عشان نأكل.
نورا بسعادة وهي تحتضن الدمية شكرا يا محمود ربنا يخليك لي زافرة بقوة بقالي كتير ما ضحكتيش كده ولا فرحتش كده ولا فرحت أصلا من كتير قوي.
محمود بتأثر وهو يرى الحزن يسكن عينيها لا باقولك أيه اضحكي علي أحسن ولا أني أشوفك زعلانة كده مداعبا تحبي اكسب لك لعبة تانية.
لتنظر له پصدمة ثم  ينفجرا معا بالضحك.
يتحرك بالسيارة متجها لأحد مطاعم الأسماك الفاخرة.
محمود بسعادة أنا عارف أنك بتحبي السمك هنا بقى هتاكلي شوية سمك ملهومش حل.
نورا بحيرة عرفت كل ده أزاي أنت عارف كل حاجة بحبها الأكل الحلويات الشيكولاتة نوع الآيس كريم والعصير.
محمود بحب أنا بحبك من يوم موعيت على الدنيا كبرت لاقيت نفسي بحبك لما بتعدي قدامي باحفظ حركاتك  وتصرفاتك والحاجات اللي معكي لما حد بيقول أسمك كنت بركز واحفظ اللي كل كلمة بيقولها.
نورا بحيرة يعني مين كان بيكلمك عني بدهشة وأنا عمري ما شوفتك بتبص علي.
محمود حماس الأسطى رضا كان بيحبك قوي ساعات واحنا بنفطر كان بيضحك ويقول لو نورا تعرف اننا بنفطر بسطرمة كتير كانت جات تشتغل معنا ولما كانت الحاجة تبعت لنا سمك الورشة كان يقولها ابعتي لنورا نصيبها بحرج وأنا كنت براقبك من المرايات بتاعة الأوض كنت بخاف تاخدي بالك تسمي بدني بكلمتين.
نورا بندم ياه ده أنا كنت وحشة قوي مستوعبة بذهول أنت جيبت لخالتي كل البسطرمة دي عشاني لما احتاجنا بعد مۏت بابا.
محمود بارتباك بسطرمة أيه وبتاع أيه هي بنت الحاج حسين هتحتاج حاجة من حد برضه سيبك من الرغي ده أنا هنقي لك الأكل على ذوقي.
تطلعت له بشك ليتجنب هو النظر بعينيها متصنعا التطلع لقائمة الطعام ليستدعي النادل يخبره طلباتهما بلباقة لتتردد بأذنيها كلماته لها تعرفي بقى أني علمت نفسي كل حاجة بقرا وأكتب وبافهم في السياسة وبتفرج على النشرة يعني لو خرجنا سوا هاشرفك واللهي لتشعر بوخز بقلبها كيف كانت تعامله هكذا سابقا ولما اهتمت بأمور تخصه ولا تعنيها وغفلت عن نبله وسمو أخلاقه ولكن حمدا لله أن أنار بصيرتها وجعلها ترى معادن الرجال لتفرق بين ذلك الأجوف رغم ضجيجه العالي وهذا الفارس رغم أصله المتداني. 
قطع حبل أفكارها حضور الطعام ليبدأ بتناول الطعام الشهي بسعادة وسط مداعباته وإصراره على أن يطعمها بيده من آن لآخر لينتهيا من طعامهما أخيرا ويتجاها للسيارة للعودة للمنزل.
في الحارة
يوقف سيارته أمام العقار الذي تقع به شقتهما المستقبلية سبقته بالترجل من السيارة متجهة لمنزل أسرتها.
محمود باعتراض رايحة فين أنت رايحة فين.
نورا بتعجب هاروح!
محمود بحسم لا هنطلع شقتنا الأول وبعدين أروحك.
نورا بارتباك لا مش هينفع.
محمود بحنان خاېفة مني.
نورا بثقة لا طبعا بس احنا مخطوبين حتى لو مكتوب كتابنا ومش أصول نطلع لوحدينا برجاء وهي تتطلع حولها بقلق  أنا مش ناقصة حد يتكلم في سمعتي.
محمود بعتاب سمعتك من سمعتي أنا أتاخرت في العربية كنت باكلم نعمات تطلع معنا.
نعمات بسعادة وهي تحتضن أمنية سلام عليكم أزيك يا ست العرايس امبسطم.