رواية روعة الروعة الفصول من الثالث عشر للسابع عشر

بروح أتعلم النيشان نفسي أخدك الملاهي واجيب لك غزل البنات ونركب كل اللعب وبعدين العب نيشان واكسب الدبدوب الكبير قوي عشانك زي ما باشوف في الأفلام.
نورا بصوت مضطرب وابتسامة للفكرة لا مش هينفع.
محمود بحزن مصطنع لاستدراجها للكلام مكسوفة تخرجي مع ابن نعمات.
نورا بسرعة لا واللهي متقولش كده أنا بس خاېف..
قاطعقها محمود بحنان هتخافي وأنت معايا.
نورا بارتباك لا بص أصل.. مش عارفة مش هارتاح لو نزلت.
محمود بغموض طيب لو قلت لك أني معايا حاجة هتريح قلبك وتخليكي تبطلي خوف.
نورا بحيرة هي أيه دي!
محمود بغموض هاتعرفيها بعد مانتفسح أنا كنت مخليها ليوم ډخلتنا عشان هي مهرك بس هاديهلك لو جيتي معايا وحققتي لي أكبر حلم في حياتي.
نورا بفضول وارتياب أوعى تكون بتضحك عليا.
محمود بعتاب أنا عمري ضحكت عليكي.
نورا وهي تومأ براسها نفيا بارتباك طيب خليها لبكرة أكون جهزت نفسي.
محمود بسعادة خلاص هانزل أشوف اللي ورايا عشان افضيلك نفسي اليوم كله.
نورا بخجل طيب مش هتستنى البسبوسة عشان تحلي بوقك.
أمسك بكفها المرتجف
محمود بابتسامة كده حليته.
ليخرج مسرعا قبل أن يفقد سيطرته على نفسه لتغلق الباب خلفه وهي تنظر لكفها بسعادة وقد احتقن وجهها خجلا.
مساءا بشقة نورا 
بينما نورا تعد القهوة وتضع البسبوسة بعناية واهتمام لمحمود الذي كان في الصالة يهمس لوالدتها 
محمود هامسا حتى لاتسمعه نورا مهو يا حجة دا حقها الفلوس دي مش ممكن احط مليم منهم بجيبي.
زينب بعتاب وانت ايه وهي ايه مانتو بقيتو واحد وهي مراتك.
محمود بأصرار على عيني وراسي وكل مليم املكه تحت رجلين ست البنات انا راجلها وهي مسؤولة مني لكن والله ما امد ايدي لقرش من فلوسها. وخصوصي اني عارف ان دول حق اذاها وقهرتها.
زينب موضحة بس يا ابن...
محمود مقاطعا وحاسما الامر والله يا حجة ولو ايه بصي عشان مش هاعيد كلامي تاني وقبل ما تيجي وتسمعني الفلوس اللي من اهل العيال السو وثمن العجل دول حق نوارة ويحرم عليا احط مليم بجيبي وانا قلت اني هاعمل بيهم الفرح وكل الكلام دا عشان ترضى تاخد الفلوس لانها كانت رافضة تاخد فلوس من الاساس وانا كنت بجبللها حقها اللي كرامتها كانت ناقحة عليها ورفضاه لكن فرحي وليلة العمر اللي كنت بحلم بيها مع ست البنات هتكون من تعبي وكدي مش انا اللي هتجوز على حساب مراته بصي انتي تاخدي الفلوس تحطيها بالبنك باسم نوارة تعاينيها عندك بشوقك لكن انا تحرم عليا.
زينب باستسلام خلاص يا بني اللي يرضيك ويريحك ربنا يوسع رزقك ويفتحها عليك ويديك لحد ما يرضيك.
محمود وهو يقبل رأسها ربنا يخليكي لينا وتفرحي بنوارة وعيالها.
انهى كلامه مع دخول نورا وهي تتهادى برقة حاملة صينية بها القهوة والبسبوسة وعلى ثغرها ابتسامة خجلة.
بصباح اليوم التالي بشقة نورا
تخرج نورا من غرفتها وقد ارتدت ملابس أنيقة محتشمة.
نورا بابتسامة خلاص أنا جاهزة. 
زينب بحنان طيب افطاروا الأول قبل ما تنزلوا.
محمود بحماس لا احنا هنقضي اليوم من أوله بره وأول حاجة هنعدي نفطر في حتة حلوة قوي.
زينب بحنان ربنا يسعدكم ويحلي ايامكم كمان وكمان.
ليخرجا سويا ممسكا بيدها بسعادة ليشعر بتباطء حركتها واضطرابها وسرعة تنفسها كلما اقترابا من هبوط الدرج والخروج للشارع فيضغط على يدها برفق ثم يرفع ذراعه ليضعه على كتفها ضامما لها اليه برفق.
محمود هامسا بحنان أنا معاكي.
يشعرها همسه بالأمان فيبتسم حين يلاحظ عودة انفاسها للانتظام تقريبا وهدوء ارتجافها وأن لم يتوقف ليعاود الإمساك بيديها ليخرجا من المنزل على هذا الوضع يسيرا سويا بهدوء لتجد الجميع يهنأها بعقد قرانها البعض بسعادة حقيقة وحب والبعض الأخر بتملق وهم ينظرون لرفيقها ليعاود جسدها الارتجاف بقوة وهي ترى احد مهاجميها جالسا بالمقهى ولكنها تفاجأ به يترك المقهى مسرعا باضطراب وهو ينظر لمحمود بخشية ليضغط محمود على كفها برفق ويبتسم بحنان وهو يلحظ ما طرأ عليها ليسكن كفها بين يديه تماما وهي تبتسم له بسعادة وتنظر له بإكبار.
ليكملا طريقهما حتى خرجا من الحارة إلى أحد الشوارع الفسيحة ليقودها لإحدى السيارات المتوقفة على جانب الطريق.
نورا بدهشة عربية مين دي.
محمود بابتسامة وهو يفتح لها الباب عربية واحد حبيبي خدتها منه عشان نقضي بيها اليوم كان ممكن أجي لك بها تحت البيت بس ركنتها هنا عشان كنت عايزك تخرجي من الحارة ماشية وأنت رافعة راسك.
نورا بسعادة وامتنان متشكرة قوي يا محمود.
محمود بحنان نورا أنت مراتي ولو معرفتش اخليكي تحسي بالأمان وترفعي راسك يبقى مستهلش أكون راجل أصلا.
نورا بخجل أنت سيد الرجالة كلها بخبث هو ده اللي أنت قلت هتورهوني وتطمني به.
محمود ضاحكا لا يا ڼصابة مش هتعرفي تسحبيني في الكلام مش هاقولك حاجة غير لما الفسحة تخلص ونروح.
نورا ضاحكة مش سهل أنت.
استمرت ضحكاتهما ومداعبتهما حتى وصلا لأحد مطاعم