رواية شيقة مطلوبة الفصل الاول والثاني والثالث

ضړبا متواصلا قائله إحنا جايين في شغل مش جايين نعجب بحد .
فقالت لها شهد ضاحكه خلاص خلاص مش هعمل كده تانى يا ست زهره فضحكت زهره بالرغم منها قائله تصدقى لايق عليكى موضوع الهبل ده فبادلتها شهد الضحك قائله طبعا يابنتى أنا انفع ممثله بس انتى متعرفيش قيمتى فابتسمت لها قائله بس بجد مش عايزه تصرفاتك الطايشه دى تبوظلى اللى بعمله وبلاش كلام كتير قدامه أحسن تلاقيه طردنا في أى وقت فقات لها بجديه حاضر علم وينفذ بس أنا عايزه أسألك سؤال فقالت لها إسالى فقالت لها مهاب ده ممكن يكون إبن مراد ولا إيه .
فقالت لها بتفكير مش عارفه بس أنا حاسه انه مش هوه فاستغربت قائله لها يعنى هيكون يقربلوا إيه يعنى فقالت لها بتفكير هنعرف بعدين بس خلى في بالك لازم تعملى حسابك وتمشى على نظامهم أحسن شكله هيكون مستقصدنا لغاية ما يطمن لنا فا خدى بالك كويس .
ثم نظرت في ساعة يدها قائله لها يالا بينا بقى نغير هدومنا علشان نقوم نجهز ليهم الغداء علشان نمشى على المواعيد اللى قايلين عليها يالا فقالت لها حاضر هقوم
أخذت كل منهما ترتدى ثياب الخدم التى أتت بها عزيزه لهم بعد أن شرحت لهم النظام الذى سيمارسونه داخل الفيلا بعد أن تجهزوا قالت شهد وهى تنظر إلى نفسها في مرآة صغيره شايفه بقى شكلى خدامه ازاى عجبك كده يا ست زهره فضحكت زهره قائله منا زيى زيك أهوه عايزه إيه تانى شكلنا فعلا خدامين وده اللى أنا عاوزاه .
فقالت لها بهمس يعنى مش هلبس لبسى الجميل تانى فضحكت قائله إنسيه دلوقتى خالص إوعى تفكرى فيه نهائى ومش هتلبسيه يا حبيبتى إلا في حاله واحده فقالت لها بلهفه إمتى يعنى فقالت لها ضاحكه إلا إذا إتكشفنا بس ساعتها مش هتلحقى تلبسيهم فقالت لها باستغراب ليه فقالت لها علشان هنكون دخلنا السچن ولبسنا العبايات البيضه .
اتسعت عينيها بذهول قائله إنتى هتودينا السچن كمان يا زهره فضحكت قائله الله أعلم بقى على حسب ذكائك اللى بحذرك منه وانتى مش سامعه الكلام فقالت لها لأ خلاص أنا هبقى أسكت أحسن وأحسن يضيع جمالى وشبابى في السچن فقالت لها بهدوء صح يبقى إعقلى كده ومتتكلميش كتير خصوصا قدامه فقالت لها قدام مين فقالت لها بالتأكيد هيكون قدام اللى حضرتك بتقولى عليه وكيل نيابه فقالت لها حالمه آه فعلا والله ينفع وكيل نيابه ده كفايه إسمه يازهره يرعبك وانتى قاعده في مكانك .
فقالت لها بجديه طب خلاص كفايه عليكى هيام لغاية كده وخلينا في الجد ويالا بينا على الشغل لنتطرد من أولها تركوا الغرفه معا وتلفتوا على المطبخ فلمحتهم عزيزه قائله لهم تعالوا يا بنات المطبخ من هنا فلمحوه فاتجهوا ناحيته أسفل درجات السلم الداخلى للفيلا من الداخل .
دخلوه معا وبدأو في إعداد الطعام فدخلت عليهم بعد مرور الوقت الهانم الكبيره وفاء فنادت قائله عزيزه عزيزه كل حاجه جهزت ولا لأ الكل قرب ييجى من الشركه ولازم يكون الأكل جاهز فقالت لها نصف ساعه يا هانم وكل حاجه هتكون جاهزه فلمحت الهانم الكبيره زهره وشهد فقالت لها هما دول يا عزيزه الخدامتين الجداد فقالت لها أيوه هما تحبى تكلميهم بنفسك فقالت لها لأ مش دلوقتى خليها بعد الغداء .تركتهم سعاد وذهبت إلى غرفتها .
تم تجهيز كل الطعام ووضعته زهره ومعها شهد تساعدها في التقديم وعزيزه أيضا حتى لا يخطؤا بشىء فتجمع الجميع على المائده ما عدا مهاب ومراد فشعرت زهره بالأحباط قائله لنفسها ياترى إتأخروا كده ليه .
جلس جلال وبجانبه زوجته الفتاة الشابه سهر ومن الناحيه المقابله لهم كان يجلس معتز شقيق مهاب فقال له جلال هوه مهاب إتأخر ليه النهارده في الشركه فقال له معتز وهو يتناول الطعام مش عارف بس تقريبا عنده عشاء عمل النهارده فا مش هييجى حتى على العشاء فقال له هوه اللى قالك كده فضحك قائلا إنت عارف أبيه معقول هيقولى حاجه زى دى أنا عرفت من هشام مدير مكتبه لما سألت عليه .
فقال له جلال أنا مش عارف واخد الخصال