رواية شيقة مطلوبة الفصل الاول والثاني والثالث

.
نظرت إليها زهره بضيق قائله بهمس إحنا شكلنا كده هنطرد على إيدك إحنا ما صدقنا انه وافق فقالت لها بخفوت خلاص مش هتكلم تانى فنظر إليهم باستغراب وضيق قائلا لهم نفسى أعرف إنتوا كل شوية بترغوا وتتكلموا في إيه فقالت له زهره بسرعه أبدا يا سعات البيه مفيش حاجه. 
نظر إليهم مهاب پغضب قائلا بنفاذ صبر عزيزه خديهم اوام من هنا بسرعه قبل ما اطردهم وأرجع في كلامى. 
فقالت لهم عزيزه يالا تعالوا بسرعه معايه .
زفر مهاب بقوه وڠضب بعد أن انصرفوا من أمامه قائلا بضيق يا ساتر دول مجانين ولا شحاتين دول مش عارف . 
سمعه شقيقه من الخارج قائلا مالك يا ابيه زعلان ومتعصب ليه كده على الصبح . 
فقال له مهاب بضيق طنط وفاء منقيه أتنين مجانين هيشتغلوا هنا خدامين. 
فضحك واستغرب قائلا له مجانين إيه إللى هيشتغلوا هنا. 
فزفر بقوه قائلا أيوه مجانين أنت لو شفتهم مش هتقول غير كده 
فقال له بجديه خلاص يا ابيه متزعلش نفسك أنت مش رايح الشغل ولا إيه. 
فقال له بتأفف هروح بس الاتنين عصبونى فتأخرت بسببهم. 
فقال له بهدوء طب خلاص تعالى نمشى سوا.
وصلت عزيزه بهم أمام إحدى الغرف قائله لهم تعالوا ادخلو الأوضه دى ومش عايزه صوت عالى الفيلا هنا ليها نظام معين لازم تمشوا عليه مفهوم فقالت زهره بهدوء مفهوم بس إنتى قوليلنا النظام هنا علشان منغلطش ونطرد زى البيه ما قال .
قالت لها طب تعالوا إدخلوا هنا الأول في الأوضه وبعدين أأقولكم على كل حاجه قالت لها شهد بطريقه فلاحى وماله ندخل مندخلشى ليه مش كده يا زهره .
نظرت إليها زهره بضيق ودخلوا وراء عزيزه إلى الغرفه فاصطنعت شهد الأعجاب بالغرفه قائله الله يا حلاوه يا ولاد ايه الأوضه الحلوه دى شايفه يازهره جميله إزاى فابتسمت لها مصطنعه الفرحه قائله الله بجد جميله أوى يا ست عزيزه فابتسمت عزيزه قائله طب كويس انها عجبتكم تعالوا إقعدوا هنا بقى لما افهمكم على النظام هنا .
جلسوا على الفراش الموجود داخل الغرفه واستمعوا جيدا لما تقوله عزيزه فقالت لهم عزيزه باهتمام إحنا هنا الفيلا ليها نظام معين في الأكل والشرب والتنضيف ولازم تمشوا عليه كويس وفيه هنا كمان مديرة للمنزل بتشرف علينا كلنا وياريت مضايقوهاش لأنها بتتعصب بسرعه فاهمين .
فقالت زهره بطريقه فلاحى أيوه فاهمين يا ست عزيزه بس قول لنا بقى نظامهم إيه بالظبط علشان لازم منغلطش أحسن البيه يطردنا فقالت لها عزيزه مبتسمه لأ مټخافيش البيه مش هيطردكم طالما إنتوا ماشيين زى ما هقولكم .
كان مهاب في مكتبه حينما دخل عليه ابن عمه مراد قائلا إيه أول مره تيجى الشركه متأخر النهارده فقال له مهاب بضيق بسبب اتنين خدامين جايباهم طنط وفاء فقال له جلال باستغراب ماما جايبه خدامين فقال له بجمود أيوه جايبه اتنين مجانين ولبسهم زى الشحاتين تمام فقال له جلال باستغراب معقول ماما تجيب أى حد كده أكيد انت غلطان فقال له بضيق والله ما غلطان أنا شفتهم وهما اللى أخرونى عن ميعادى ونرفزونى خالص النهارده على الصبح فابتسم جلال قائلا خلاص يا مهاب متزعلش نفسك .
فقال له وهو يزفر بقوه عصبونى الصبح قوى أنا أول مره أشوف الأشكال المتخلفه دى ومش عارف طنط وفاء إزاى هتشغلهم فقال له جلال خلاص أكيد إن مشتغلوش حلو أكيد ماما هتمشيهم وخاصة لو ممشيوش على النظام اللى بتقول عليه فقال له مهاب بجمود خلاص سيبك منهم بقى وخلينا في الشغل .
كانت زهره تجلس مع شهد بمفردهم داخل الحجره بعد أن إنصرفت عزيزه فقالت زهره بنرفزه إنتى بقى يا ست شهد مش هتبطلى إسلوبك ده كنتى هتكشفينا من أولها فقالت لها شهد يعنى أنا عملت إيه يعنى غير بس انى عامله فيها هبله زى ما اتفقنا فتأففت منها زهره قائله لها صح بس بردو كنتى هتكشفينا من كلامك الكتير وأول ما شفتيه نسيتى إحنا جايين ليه .
فقالت لها بإعجاب بصراحه يستحق يكون بيه له هيبه كده زى وكيل النيابه وزى البهوات اللى كانوا بيطلعوا في التليفزيون زمان قالتها وضحكت فأخذت زهره إحدى الوسائده وألقتها عليها وأخذت تضربها