رواية لن اكن ملكك يوما
المصريين الفرصه المناسبه حتى يهجموا على المنزل ويحرروا ايلا
احد الضباط..احنا هنستنى لما اخوها يمشي لانه معاه حراسه كتير وده غير الحراسه اللى على البيت نفسه والحراسه اللى معاه شكلها بيقول انها مدربه على اعلى مستوى واحنا مش عايزين مجازفه احنا عددنا مش كتير
ضابط اخر ..والحل ايه يا فندم
الضابط..احنا نستنى لما يمشي لان المعلومات اكدت انه مش عايش معاها فاكيد هيمشي
ايلا..امشي من هنا انا مش عايزه اشوفك اخرج بره
جاك..حاضر يا روحى همشي بس هرجعلك تانى بالليل واسلمك بايدى للى هيدفع فيكى اكتر
خرج جاك ورجاله ورحل عن المنزل
فى الخارج
الضابط..استعدوا هنجم بس اما نتاكد انهم مشيوا
بعد قليل
الضابط..انت هتروح من الناحيه دى وانت هتروح من الناحيه التانيه وانتوا الاتنين هتلفوا من ورا البيت اما انت هتقتحم معايا يالا يا رجاله
الضابط ..غطينى على ما اطلعها من جوه
كانت ايلا فى الداخل ترتجف وتدعوا ربها ان ينجيها ويحفظ حبيبها وابنتها
اقتحم الضابط واخرج ايلا
ايلا ..انت مين وعايز ايه
الضابط..انا ضابط مصرى وعندى اوامر انى ارجعك مصر ويالا مفيش وقت
فرحت ايلا بشده انها سوف تاتى الى مصر
تم تحرير ايلا وركبت الطياره الهيليكوبتر الى مصر
فى المساء
فى فيلا مالك
ارتدى مالك ثيابه وهى عباره عن بدله كلاسيكيه وذهب مع اهله ليعقد قرانه على اسيا
اما خالد ذهب مع زوجته فقط لان ابنته رفضت الحضور واحضر معه الماذون
فى منزل اسيا
دق جرس الباب وكان خالد والهام والماذون
خالد..مبروك يا اسيا
اسيا..اخويا عملت فى موضوعه ايه
خالد..فى واحد دلوقتى بيعترف على نفسه واخوكى هيفرجوا عنه بكرة الصبح
اسيا..سعيكم مشكور ياام زينات
الهام..ايه ام زينات دى يا لوكال وبعدين انا بنتى اسمها ريناد مش زينات
اسيا ببراءه..سورى نسيت اصلى بنسي الاسامى التافهه وبعدين زينات احسن من ريناد اسم له وزنه كده
كانت الهام سترد عليها ولكن دق جرس الباب
فتح خالد الباب وكان مالك واهله
خالد..اتفضل يا مالك بيه الماذون جوه يالا علشان نكتب الكتاب
دخل مالك واهله ونظر الى اسيا وجدها
تنظر اليه بتحدى كانها على وشك دخول معركه فبادلها نفس النظرة
تم عقد القران والبس مالك لاسيا شبكتها
مالك..بعد اذنك يا خالد بيه انا هاخد مراتى تعيش معايا
خالد..براحتك هى دلوقتى مراتى وانت حر فيها
اسيا..انا مش موافقه احنا لسه كاتبين الكتاب نستنى اسبوعين ولا حاجه اكون حضرت حاجتى
مالك..كل اللى هتحتاجيه هجبهولك انا عايزك تيجى معايا زى ما انتى وبكرة هخلى رنا تنزل معاكى تجيبى اللى انتى عايزاه
رنا..تعالى يا حبيبتى وانا هاجى معاكى نجيبلك اللى انتى عايزاه
اسيا..لا انا مش محتاجه حاجه
ناهد..خلاص يا اسيا تعالى معانا بقى
اسيا..انا اسفه انا مش هقدر اجى معاكم دلوقتى ادونى فرصه اتعود على الوضع الجديد
خالد..تعالى يا اسيا عايزك فى كلمتين وامسكها من يدها ودخل بها احد الغرف
خالد وهو يضغط على ذراعها بت انتى روحى معاه بالذوق احسنلك بدل ما اعمل تليفون اخليهم يدخلوا لاخوكى واحد السچن يخلص عليه
اسيا جذبت ذراعها من يده ..ايدك تتمد عليا تانى هقطعهالك يا يا عمى وانا هروح يا عمى بس هييجى اليوم الل هتترجانى فيه انى ارحمك
خرجت اسيا اليهم واعلنت موافقتها واخذت حقيبه يدها ودست فيها شيء ما
وذهبت معهم
فى منزل اللواء احمد المغازى
احمد..ملك قومى جهزى نفسك الماذون هييجى مع اياد كمان شويه
ملك..وماما
احمد..جايه معاهم
ملك ..بجد يا بابا وذهبت الى غرفتها حتى تجهز نفسها لاستقبال امها
بعد قليل جهزت ملك ودق جرس الباب
جريت ملك لتفتح الباب وكان على الباب ايلا واياد وتوفيق ومنه والماذون وصديق لوالدها حتى يشهد مع توفيق على عقد القران
ايلا..ملك واخذتها فى حضنها وبكوا سويا
ملك..ياااه يا ماما كان نفسي اشوفك من زمان اوى
ايلا ..وانا كمان يا حبيبتى بابا علطول كان بيبعتلى صورك
احمد..اذيك يا ايلا
ايلا..الحمد لله يا احمد انت عامل ايه
احمد..انا كويس يالا يا ملك نكتب الكتاب مفيش وقت
ملك..اللى تشوفه يابابا
تم عقد قران اياد وملك
الماذون..استاذن انا بقى والف مبروك
احمد..استنى يا شيخنا
احمد..تتجوزينى يا ايلا
ايلا..خاېفه اعيد اللى حصل تانى يا احمد
احمد..مټخافيش انتى دلوقتى فى حمايتى انا موافقه ولا لا
ايلا وعيناها تملاها الدموع ..موافقه
تم عقد قران ايلا واحمد
فى فيلا مالك السعيد
وصل مالك واسيا وامه واخته الى الفيلا واخذ اسيا وصعد الى غرفته
دخل مالك مع اسيا الى الغرفه
مالك وهو يقترب منها..مبروك يا عروسه الليله ليلتك
ولكن اسيا اخرجت صاعق الكهرباء من حقيبه يدها واشهرته فى وجهه
اسيا ..لو قربتلى يبقى انت الجانى على روحك
البارت الخامس
اسيا وهى تمسك الصاعق..لو قربت منى انت الجانى على روحك
مالك وهو ينظر لها پصدمه ..انتى اتجننتى ولا ايه انتى مراتى
اسيا..انا صحيح مراتك بس انا اتجوزتك علشان عمى ضغط عليا بس مش هعمل حاجه ڠصب عنى انا سكت لعمى بس والله لندمه على اليوم اللى فكر يعمل فيا كده مسالتش نفسك انا ازاى فى الكليه مش طيقاك ووافقت عليك بالسرعه دى
مالك..انا فكرت فى كده بس ملقتش اجابه وانتى ليه وافقتى وعمك ضغط عليك ازاى على ما اظن انك مش من النوع اللى ممكن حد يجبره على حاجه ايه اللى خلاكى توافقى
اسيا..انت عمال تسال كتير وانا معرفش عنك حاجه تفتكر انا واثقه فيك علشان اجاوبك
مالك..انتى مراتى يعنى لازم تجاوبينى
اسيا..هو ايه اللى مراتى مراتى انت علقت ولا ايه وبعدين انا قلت اللى عندى ومش مستعده دلوقتى اقول حاجه تانيه
مالك..انا مليش دعوه بكل اللى انتى قولتيه انا ممكن اصبر عليكى على ما تتاقلمى على الوضع الجديد بس انا مش بصبر كتير وبعدين انا كنت عارف ان ده هيبقى رد فعلك بس قلت اتاكد وتركها وذهب الى الحمام
اما اسيا ذهبت وجلست على الاريكه بعد قليل دق جرس الباب وكانت رنا
رنا..احم اتفضلى دى بجامه نامى فيها لغايه ما نروح بكرة نشترى اللى انتى عايزاه
اسيا..شكرا يا رنا انا مش عارفه اقولك ايه
رنا..قولى اننا بقينا اصحاب خلاص
اسيا..انا اطول يبقى عندى صديقه عسل زيك
رنا..شكرا انا هروح بقى علشان انام
اسيا.. اتفضلى يا حبيبتى
خرج مالك من الحمام وقد ابدل ثيابه لينام وذهب الى السرير
مالك..اطفى النور ده عايزه انام
اسيا..انت هتنام على السرير وانا انام فين
مالك بخبث ..تعالى نامى جنبى السرير كبير ولا مش واثقه فيا
اسيا..انا ثقتى مش بديها لحد بسهوله
مالك..خلاص اتفلقى نامى على الكنبه ولا على الارض اونامى فى الحمام
اسيا نظرت له بغيظ ودلفت الى الحمام حتى تبدل ثيابها
مالك فى نفسه ..ولسه يا اسيا ياما هتشوفى والقطه الشرسه اللى فيكى لازم اقص ضوافرها
خرجت اسيا من الحمام وكانت ترتدى البجامه التى اعطتها لها رنا وجمعت شعرها على شكى كحكه وذهبت الى الاريكه حتى تنام عليها
اسيا وهى تتقلب ..يا ترى يا اسر لما تعرف هتعمل ايه وذهبت فى النوم
فى منزل اللواء احمد
اياد..مبروك يا ملك
ملك..الله يبارك فيك
ايلا ..لازم الفرح يتم باسرع وقت علشان لازم ملك تبقى مع اياد لان جاك قالى انه فى خلال اسبوع هييجى مصر وزمانه دلوقتى بيتوعدلى علشان انا سبته
احمد..معاكى حق انا هقول لتوفيق انه يحط اسمه فى قايمه المطلوبين علشان اول ما يدخل مصر يتمسك
ايلا..بس ممكن يدخل مصر بطرق تانيه مش شرط المطار
احمد ..عارف وعلشان كده هعين على ملك حراسه تكون معاها فى اى حته بس محدش يحس بيهم اويعرف ان معاها حراسه اصلا وهيتدخلوا علشان خاطر يحموها لو لقدر الله اتعرضت لخطړ وانتى كمان يا ايلا انا هعينلك حراسه
اياد..كلامك مظبوط يا عمى وياريت ملك مترحش فى حته غير الجامعه علشان متبقاش هدف سهل ليهم
احمد..مش بتتكلمى ليه يا ملك
ملك..هقول ايه اعملوا اللى انتوا عايزينه
اياد ..يعنى ايه يا ملك مالك
ملك..يعنى انا اتجوزتك زى ما هم عايزين هاجى على الفرح بقى واعترض عن اذنكم داخله انام
اياد ..انت ضغطت عليها يا عمى
احمد..هى قالت ان امها تيجى وبعدين هى هتوافق ونكتب الكتاب
اياد..يعنى ضغطت عليها يا عمى
احمد..ده كله علشان مصلحتها
اياد..مش بالطريقه دى يا عمى عن اذنك انا لازم امشي ورايا شغل الصبح
احمد ..وانتى يا ايلا مش هتقولى حاجه انتى كمان
ايلا ..انا عارفه ومتاكده يا احمد
انك عمرك مهتعمل حاجه ضد رغبه ملك الا علشان مصلحتها ومع الوقت هى هتتقبل ده
احمد ابتسملها وقرب منها واحتضنها ..وحشتينى اوى يا ايلا وحشتينى اوى يا نصى التانى
فى الصباح
فى فيلا مالك السعيد
استيقظ مالك وقام ليدخل الحمام ليغير ملابسه حتى يذهب الى الجامعه
استيقظت اسيا وجسمها يؤلمها من نومها على الاريكه
اسيا..اه يانى جسمى كله مكسر
خرج مالك على كلامها
مالك..قلتلك تعالى نامى جنبي بس انتى اللى خفتى منى لاتهور
اسيا ..انا مبخفش من حد ولو عايز تتهور يبقى على حد تانى مش انا وهمت لتذهب
مالك امسك زراعها پغضب ..انتى لما اكون بكلمك تقفى لغايه ما اخلص كلامى وبعدين علشان تعيشى مرتاحه يبقى تنفذى كلامى
اولا..تنفذى اى حاجه اقولها من غير نقاش
ثانيا متعرضنيش فى اى حاجه اقولها حتى لو كانت غلط
متتدخليش فى اى حاجه ولا تقولى رايك فى اى حاجه مفهوم ولا لا
اسيا ..انت لو فاكر نفسك لسه عايش فى دور سي السيد انت حر لكن لو فاكر انى ممكن اعيش دور امينه يبقى بتحلم يا دكتور متخلقش لسه اللى يجبر اسيا الشريف على حاجه ونفضت يدها من زراعه پغضب ودلفت الى الحمام
ارتدى مالك ملابسه ونزل الى الاسفل وهو يتوعدها فى سره
ناهد..اذيك يا حبيبي وبعدين انت لابس كده ورايح على فين
مالك..رايح الجامعه ياماما
ناهد..الجامعه ازاى انت النهارده صباحيتك بلاش تروح النهارده وروح بكرة
مالك..يا ماما بس قاطعته ناهد
ناهد ..قلتلك بلاش النهارده وامسكته من يديه ويالا بقى نروح نقعد على ما مراتك تنزل علشان نفطر
ارتدت اسيا نفس الفستان التى كانت ترتديه امس وهمت لتنزل الى الاسفل ولكن قاطعتها رنا
رنا..الجميل رايح فين
اسيا..انا كنت نازله تحت
رنا ..طب تعالى معايا واخذتها وذهبت الى غرفتها وفتحت الدولاب لها
رنا..اختارى بقى اى حاجه تعجبك والبسيهاو بعد العصر كده هنروح نجيب كل اللى انتى عايزاه
اسيا..انا مش عارفه اقولك ايه يا رنا بجد شكرا ليكى
رنا..على ايه بي انتى مرات اخويا يعنى زى اختى
ذهبت اسيا الى غرفتها كى تبدل ثيابها
فى منزل اسر واسيا
افرج عن اسر لان شخصا ما اعترف على نفسه وتم الافراج عن اسر بضمان محل اقامته
بحث اسر فى المنزل عن اسيا ولم يجدها فامسك هاتف المنزل واتصل بها
اسيا..ايه ده رقم البيت يبقى اكيد اسر
اسيا ..الو
اسر..الو انتى فين يا اسيا
اسيا..انت وحشتنى اوى يا اسر
اسر..بقولك انتى فين يا اسيا
اسيا..انا اتجوزت امبارح
يا اسر
اسر ..انتى بتقولى ايه ده وقت
