رواية فاطمة 6-7
زين بصوت عالى ممزوج بنفاذ صبر اااااايوه
تتخض روح من نبره صوته
روح خلاص طيب اهدى
يسيبها ويخرج من الاوضه وينزل .. يلاقى كل صحابه قاعدين ف الريسيبشن معاذ اول ما يلمحه ينادى عليه .. زين يتجاهله تماما ويتجاهل الكل ويخرج من الشاليه .. يركب عربيته ويتحرك .. روح اول ما نزل طلعت الشنط بتاعتهم اللى لسه متفضوش حتى .. جمعت كل متعلقاتهم الشخصيه اللى طلعوها من الشنط وحطتها جوه الشنطه تانى .. بعد ما خلصت دخلت الحمام خدت شاور وغيرت هدومها ولبست هدوم ينفع تخرج بيها وقعدت ع السرير مستنيه زين يرجع .. يعدى الوقت .. زين يرجع الشاليه .. يدوب داخل يوقفه احمد وكان معاه سوزى .. حاول يتجاهلهم بس احمد وقف قدامه ومنعه يمشي
زين هيفيد بايه سواء هديت او لا !
احمد سوزى عاوزه تتكلم معاك
زين مش فاضى
سوزى بدلع يا زينوو..........
يقاطعها زين بحركه من ايده من غير ما يبصلها
زين بصرامه قولت مش فاضى
تقرب منه وتمسك ايده بس زين يسحب ايده منها بهدوء
زين ببرود اعتقد انى هزائتك بالادب .. لو دا مكفكيش انا ممكن اهزائك بقله الادب .. يستحسن تسكتى وتهدى وبطلى ترخصي نفسك لانى بدأت اقرف منك .. بعد اذنكو
زين كده تمام .. يلا
روح باستفسار هنروح فين !
زين متسأليش كتير
روح اوكى
ياخد الشنط وينزل وروح وراه .. صحابه ياخدوا بالهم منه .. كلهم يقوموا ويقفوا قدامه يمنعوه يخرج
معاذ ايه يابنى اللى بتقوله دا ! .. استهدى بالله يا زين دا سوء تفاهم وهيتحل .. متكبرش الموضوع كده
يبصله زين انت شايف انه سوء تفاهم وانى مكبر الموضوع !
يسكت معاذ لانه فعلا معاه حق واحترم قرار صاحبه ووقفته مع مراته
زين بعدين احنا حاليا لازم نروح ونستلم الشاليه
سوزى پصدمه انت اجرت شاليه ! .. انت بجد مش هتقعد معانا
يتجاهلها زين ويمسك ايد روح
زين بعد اذنكو يا جماعه هنروح نرتاح شويه ونتقابل الصبح
احمد يابنى اعقل وبطل اللى بتعمله دا
معاذ خلاص يا احمد سيبه .. خليهم براحتهم
زين مش مضايق بس مش مرتاح هنا .. فالاحسن تسيبونا براحتنا بدل ما نرجع القاهره وكده الموضوع هيكبر بجد
احمد المهم خلى بالك منها
يبصله زين افندم !
احمد يتوتر يعنى خلى بالكو من نفسكو
يبصله زين نظره ليها الف معنى واحمد نوعا ما قلق من نظرته
زين يستحسن الكل يعتبرها مش موجوده والتعامل يكون معايا انا بس .. مراتى خط احمر
روح ما تتلمى بقي يا وليه انتى انا ساكتالك من الصبح
زين يضغط ع ايد روح جامد ويبصلها پحده لدرجه انها خاڤت منه وسكتت .. ياخد الشنط ويخرج روح قدامه .. يركبوا العربيه .. يعدى وقت كتير .. يوصلوا الشاليه اللى زين اجره .. شاليه قدام البحر بالظبط .. الطريق حوليه شبه صحرا .. النور خفيف يدوب مدى ضي للمكان .. روح تبص ع الشاليه
