رواية صقري الفصول الاخيرة

ساقعة
صقر فضل يضحك جامد هو وخالد
خالد تستاهل عشان بقلنا فوق الساعه بنصحي فيك وانت عيل بارد قوم بقى يلا .. النهارده اخر يوم ليكم هنا في ايطاليا وبعد كده هتسافروا مصر
جاسر ايوه يا عساف انا عايزه الف ايطاليا كلها النهارده قبل ما نرجع ثاني للبهدله
عساف تقوموا تعملوا فيا كده تحموني بالميه ده اسمه كلام يعني
خالد اه هو ده اللي عندنا ويلا بقى قوم اغسل وشك وغير هدومك عشان نروح نصلي كلنا في المسجد
عساف رفع حاجبه مسجد في ايطاليا هو في مساجد هنا
الصقر ضحك وقال له يا ابني هو انت كافر اكيد في مساجد هنا اي نعم مش كثير بس فيه
خالد انا اختارت البيت ده مخصوص عشان يبقى قريب من المسجد  .. يلا علشان صلاه الجمعة هتفوتنا
عساف سبحانك يا رب على الايمان شوف واد مؤمن ازاي ما حبكتش الايمان ده غير لما تسافر وتهج مش كده
خالد مسك مخده ورماها علي عساف وانت مالك باقولك ايه انا رايح اغير هدومي خمس دقائق والاقي كل واحد فيه جاهز يلا يا اما والله هاخذ معاذ وامشي واسيبكم
وفعلا خالد جاسر وصقر ومعاذ وعساف وابوه  نزلوا كلهم يصلوا صلاه الجمعه .. اي نعم الاجواء كانت غريبه عليهم في ايطاليا بس صقر اتبسط جدا لان دي كانت اول مره بعد فتره طويله يتجمعوا كلهم ويصلوا بس كان ناقصهم كريم ..
________________________________________________
في الشارع
والد عساف وهو ماسك معاذ في يده حقيقي ايطاليا شكلها حلو قوي يا اولاد انا بافكر اقعد هنا شويه اهو ارتاح من عساف
خالد ضحك ايه يا عمي بتفكر تتجوز .. انا راي انك لسه شباب مشاءلله .. اتجوز و خلف ولد و دخل الواد ده الجيش
عساف ضړب خالد في كتفه يا اخي اتنيل بقى ده انا ضابط حتى وبعدين ريح نفسك كلنا مسافرين بكره اصلا وهنسيبهالك مخډره انت و ست نغوم هانم يا عمري
ضحكوا كلهم علي طريقة عساف .
صقر عارف يا خالد النهارده اليوم ده بيفكرني بايام ما كنا كلنا متجمعين في الصعيد عند جدك وتيجي صلاه الجمعه ونبقى احنا واهل البلد كلها بنصلي مع بعض احساس جميل يا ريته يرجع ثاني
عساف   بصوا هو بغض النظر عن طريقه الحيواني اللي صحتوني بيها دي  وان لحد دلوقت حاسس ان انا بترعش ... الا ان لمتنا دي بتفرحني اوي..  انتم عارفين اخر مره صلينا مع بعض امتى صلاه العيد تقريبا من ثلاث سنين
جاسر  عندك حق يا عساف والله يسلام بقى وكريم كان موجود ياه كنت اتجمعنا كلنا وساعتها فعلا. نبقي رجعنا زي زمان
خالد   معلش هو سافر عشان عنده شغل وعشان امراته بس مسيرنا نتجمع ثاني بس في مصر بقى مش هنا  ...باقول لكم ايه مدوا بقى شويه علشان نغم وقمر حضروا لنا الفطار ..
وفعلا وصلوا كلهم البيت وقمر ونغم كانوا محضرين فطار جميل جدا وسماح كمان وقعدوا كلهم يفطلوا وكان يوم اسري لحد ما جيه ميعاد  الطياره  ..
_________________________________________________
في المطار ..
خالد واقف قدام صقر  اللي كان بيبصله وهو فخور بيه جدا
خالد ابتسم   محتار تقولي ايه مش كده عينيك فيها الف سؤال يا صقر
صقر فخور بيك فخور انك اخويا وفرحان انا وانت واقفين قدام بعض وبنتكلم وما سمحناش لاي عداوه تكسر الاخوه اللي بينا
خالد بحب عشان مهما عملت انا باحبك وانت اخويا الكبير ومثلي الاعلى .. صدقني مش هتاخر هنا انا اصلا مش مرتاح في ايطاليا .. اول ما نغم تقوم بالسلامه هارجع وهاعمل سلسله مطاعم في مصر وهاتابع الشغل هنا ما تقلقش يا خالد انا مش هاعرف ابعد عندكم
صقر حضڼ خالد وقال له وانا واثق فيك يا ابن الحديدي ربنا معك و خد بالك من مراتك دي بټموت فيك .
وفعلا سافر صقر هو وكل اللي كانوا معه .. ورجع كل واحد فيهم لحياته الطبيعيه وكانوا علي تواصل .
بعد مروووور حوالي سنة 
في دوار العمدة في الصعيد 
معاذ بيجري من صقر وصقر بيجري وراءه في الدوار معاذ خلاص يا صقر والله حرمت حرمت
صقر وحياه امك ما انا سايبك النهارده .. بقى انا يا ياض تلعب في اللاب توب بتاعي من غير استئذان هو انت فاكرني خالد ولا ايه
وصقر مسك معاذ من البنطلون بتاعه ورفعه
معاذ بضحك وصقر عمال يزغزغه والله حرمت يا صقر مش هاعمل كده ثاني يا نغم الحقيني يا نغم
....نغم خرجت من مطبخ وهي بتحضر الاكل لكارمن بنتها اللي عندها خمس شهور ..
نغم ما خلاص بقى يا عم الدب القطبي انت ما تسيب الوالد وبعدين كفايه صړيخ كارمن هتصحى ولو صحيت هتقلبلكم الدوار كله صړيخ وانت عارف بنت اخوك مجنونه
صقر وهو بينزل معاذ انت هتقولي ليا ما هي شبهك انتي وابوها على فكره خالد كلمني وقالي ان هو لسه خارج من المطار .
نغم پحده قولتلك ما تجيبليش سيرته انا اصلا مخصماه ومش هاكلمه واخوك ده لو ما سودتش ايام ولا صقر يا حديدي ما بقاش انا نغم ..
وسابته ومشيت صقر طلع تليفونه و بعت ريكورد لخالد   الله يكون في عونك يا خالد قلتك ما تسافرش مطعم ايه وزفت ايه دلوقت ...
استلقي وعدك بقى بعد ما ترجع احسن نغم مسننة سنانها عليك ..
________________________________________________
في اوضه قمر قاعده على السرير بحزن وماسكه تست الحمل وهي حزينه
قمر بعياط برضوو مافيش فايدة .. فات اكتر من سنة و انا بحاول ابقي ام اشمعنا انا ما كلهم خلفوا
و بدات قمر ټعيط جامد و دخل صقر في اللحظة دي ..
صقر بدون وعي قمر جهزيلي الطقم .. اي ده انتي بټعيطي كدة ليه يا حبيبتي انتي كويسة
وقرب ناحيتها ولقى تست الحمل في يدها وقالها   ثاني يا قمر .. انا مش فاهم ايه كم التوتر اللي انت فيه ده فيها ايه يعني لما ربنا ياخر شويه الخلفه انت ما عندكيش اي مشاكل ولا انا
قمر بدموع   ما هو ده اللي هيجنني يا صقر احنا  بقالنا فوق السنه متجوزين ولحد دلوقت ما فيش حمل خالص... انا نفسي اخلفلك عيل اللي نفسك حاسة اني حرماك من حقك
صقر ضحك ومعاذ ده يبقى ابن مين يعني
صقر قرب منها و باس راسها  قمر ما فيش حاجه اسمها حرماني كل ده في يد ربنا سواء خلفنا دلوقت او بعدين او مخلفناش خالص انا مش فارق معايا 
قمر انا باحبك وعايزك جنبي ومش عايز اي حاجه من الدنيا غير حضنك
قمر ابتسمت و حضنت صقر و صقر .. انتي مش عارفة حضنك ده بيفرق معايا ازاي .. بيهون عليا كل خۏفي و حزني بيعوضني حضڼ امي ..
وبعد عنها صقر وقالها پحده مصطنعة   يلا خشي اغسلي وشك وبطلي عياط من الهبل ده وغيري هدومك عشان النهارده عيد ميلاد معاذ وعايز اعمله اكبر واحلى حفله في الصعيد كلها يلا بدل ما انت زي القمر كده
قمر ابتسمت و باسته من خده وقالتله   ربنا يخليك ليا يا رب وما يحرمنيش منك ابدا .
_______________________________________________
قدام الدوار عربيه داخله و فيها زينه و بلالين كتير ..تفتكروا مين فيهاااااا ..

65
قدام الدوار عربيه داخله و فيها زينه و بلالين كتير
اول ما دخلت العربيه الغفير جري عليها بفرحة  يا كريم بيه يا كريم بيه حمد لله على السلامه
كريم خرج بالعربيه وهو بيضحك. ازيك يا عم مسعد يا راجل يا طيب عامل ايه
مسعد  انا كويس يا سعاده البيه والله العظيم  وحشتنا انت و البيه الصغير ..
ياسمين بضحك    اهوووو يزن شاور لعمه .. بص يا عم مسعد هو لسه بيتعلم يتكلم هو 10 شهور دلوقتي ...يزن قوله ازيك يا عمو
.مسعد قرب منه وشاله  و كان نسخة من كريم و هو صغير ما شاء الله ربنا يحفظه ليكم ويحافظ  عليه يا ابني اتفضلوا ده صقر باشا مستنيكم من بدري ..
كريم ضحك   صقر على طول مستعجل اصلا هو مين جوه صحيح .. خالد وصل من ايطاليا
مسعد لا والله بس كلهم جوه صقر بيه و ست قمر وست نغم ومعاذ وست سماح جوه والحاج والد عساف باشا  بس عساف باشا جاي في الطريق ولسه مكلمني
كريم طيب الراجل يا بركه يلا يا ياسمين نخش عشان تلاقي صقر اصلا دلوقتي متعصب .
________________________________________
في القسم 
...عساف بعد ما حاول كثير ان هو يتكلم مع همس وفشل قرر ان هو يهتم بالشغل وقفل على قلبه تماما وفعلا اجتهد في شغله جدا في خلال السنه اللي فاتت و اتعرف في الداخليه و اتكرم وكمان اترقى واصبح من الضباط المميزين .. 
في مكتب عدلي ..
عدلي انا مش عارفه اقولكم ايه بس بجد اسود انا كنت واثق ان العمليه دي ما حدش هيعرف يخلصها غيرك انت يا عساف واسامه كمان
عساف بفخر شكرا سعادتك .. كل ده حصل تحت ارشادك يا فندم ..
عدلي بفخر لا يا عساف انا حقيقي فخور بك جدا انت و اسامه كمان .. وكل ما بيعدي يوم وانت معنا في الداخليه بتاكد انك من أكفأ الضباط الموجودين هنا شكرا لكم
اسامه يا فندم ده شغلنا واحنا مهمتنا حمايه الوطن 
مصر دي امي بس هي امي مش هيدينا اي مكافاه خالص ..
عساف ضحك وحاول يكتم ضحكته و بص سياده اللواء وقاله   انا اسف يا فندم
عدلي ابتسم وقاله ان شاء الله بعد المجهود الكبير ده اكيد هيبقى في مكافاه تفضلوا على المكاتبكم
وخرج اسامه وعساف وهم من المكتب
عساف فضل يضحك وقاله روح يا اخي الله ېخرب بيتك .. كنت هتودينا في داهيه
اسامة و فيها اي لما اساله علي المكافاه مش حقي يا عم ده احنا طلع عينينا في المامورية دي و بعدين هو كان واعدنا
عساف بضحك تقوم تقول كدة برضووو مافيش ذوق خالص باقولك ايه انا رايح المكتب علشان عايزه اخلص اللي ورايا لان النهارده عيد ميلاد معاذ ابن صقر الحديدي ولازم ابقي حاضر يلا بعد اذنك . 
واول ما دخل عساف المكتب وهو لسه مبتسم اتفاجئ بواحده واقفه قدام المكتب بس كانت واقفه بظهرها وعماله تلعب في الورق بتاعه
عساف پحده   ايه ده انتي مين سمحلك تخشي المكتب ده اصلا .. بصيلي هنا و انا بكلمك
لفت البنت وقلعت النظاره وقالتله والله انا حره انا بقى الصحفيه وجايه عمل تحقيق عن مچرم هنا عندك مانع يا فندم و لا يمكن بتمنعني عن حقي الدستوري يا حضرت الضابط
عساف اټصدم وبرق جامد وقالها ما