رواية صقري الفصول الاخيرة

بسرعه على الموبايل وقفلوا وبصلها بغيظ وقالها هاخطفها .. ايه نغم الاغنيه دي في حد في الدنيا يشغل اغنيه زي دي واحنا في ايطاليا
مدرونا بضحك حقيقي كتير مهضومة يا نغم  دمك خفيف جدا خالد حكالي عنك كثير وتمنيت اني اشوفك .
نغم اهي امنيتك اتحققت يا اختي و شوفتيني و طبعا كلعت احلي بكتير من الصورة اللي رسمهالي
انا بقي ربنا لسه محققش امنيتي انا
و اتكلمت بصوت واطي بس خالد سمعها انا امنتيتي ان ربنا ياخدك من الدنيا دي كلها ..يا قادر يا كريم
خالد خپطها في كتفها جامد نغم اتلمي هااا بدل ما الف و ارجعك مصر في اقرب طياره انا مچنون و اعملها
نغم مسكت ايده بسرعة و نامت علي كتفه لا وعلي ايه انا هقعد بادبي و احترامي .. انا مودبة والله
خالد ضمھا لحضنه بحب ايوة كدة بقي انا هبص للبت دي برضو و أنا معايا النغم كله
نغم ابتسمت اوي و اتكلمت بصوت واطي طب انا نفسي ابوسك دلوقتي اعملها ازاي دي و احنا في العربية و البنت دي هتحسدنا
خالد ضحك جامد طب استمي نوصل الاوتيل و انا اللي هقوم بالواجب 
و فعلا نغم فضلت قاعدة ساكتة في حضڼ خالد  لحد ما راحوا الاوتيل و بدا خالد في التجهيزات علشان يشتري مطعم لان ده شرط من شروط المسابقة ان الشخص يبقي ليه مطعم حتي لو صغير في نفس بلد المسابقة ....
و فعلا فضل خالد يتمرن علي كل شروط المسابقة و صقر بيكلمه كل يوم بيشجعه ووعده ان يوم المسابقة كلهم هيبقوا حواليه ...
و بعد مرور شهرين كاملين و المطعم كان جهز  ...و اتبقي اسبوع واحد علي المسابقة بتاعة خالد ..
_______________________________________________
في القسم ..
عساف بعصبية انت بتستهبل يلا ولا ايه . ازاي مش عارف مين اللي سرق المحل و انت ممسوك فيه ياض بقولك اي انت شكلك عايز تنورنا النهاردة في الحبس
الراجل جري علي عساف و باس ايده   ابوس ايدك يا بيه .. انا ماليش ذنب في اي حاجة.. انا كنت معاهم براقبلهم الجو بس وحياه عيالك متحبسنيش
عساف اتوجع اوي من كلمه و بعد عنه يا عسكري خده علي الحبس لحد ما يتكلم و يقول اللي عنده
و مشي الراجل و عساف قعد علي مكتبه بحزن و افتكر يوم ما اعترف بحبه لهمس ..
فلاش باااااك
في الشارع .. همس بفرحة انا مبسوطة اوي يا عساف النهاردة اسعد يوم في حياتي يارب الدنيا تمطر بقي
عساف بضحك عايزة الدنيا تمطر ليه يا مچنونة انتي ما هي لو مطرت هناخد برد و هنتبهدل
همس مسكت ايده اصل انت مش عارف انا بحب المطر اوي من وانا صغيره متعودة اقف تحتيه و ادعي ربنا انه يحققلي كل الاماني بتاعتي .
عساف حط ايده علي وشها بحب و ايه بقي الامنية اللي نفسك تتحقق يا همس ... قولي اللي نفسك فيه
همس نفسي يجمعني انا و انت بيت يا عساف .. و نخلف ولاد كتير اوي ... عساف انا  بحبك اوي وحياتي عندك اوعي تجرحني في يوم او تيجي عليا انت مش عارف انت بالنسبة ليا ايه
عساف قرب منها و حضنها بحب و بدا يلف بيها عمري ما اقدر اعمل اي حاجة تزعلك والله .. و طول ما انتي معايا هتبقي فرحانة بس
فاق عساف من ذكرياته و عيط جامد بحزن كدب كدب كل اللي قولتها ليها كان كدب انا اكتر واحد ۏجعها و ظلمها و اذاها .. انا مستهلش افوز بيها انا عارف .. و اديها سافرت و مش هشوفها تاني
... في اللحظة دي دخل صقر المكتب بتاعه و هو فرحان
صقر خلاص يا ابني انا حجزت كل التذاكر عشان هنسافر ايطاليا بعد يومين انت كلمت سياده اللواء
مالك يا عساف انت كويس . ليه عامل كدة .
عساف مسح دموعه بسرعة مافيش يا ابني انا تمام .. بس انت شايف الشغل صعب شوية و انا مودي ...
صقر قرب منه وحط ايده على كتفه وقاله انا عارف ان انت سمعت الكلام ده مني كثير بس صدقني هترجع قريب والله وهتقول صقر قال
عساف عيط نفسي اشوفها يا صقر .. بقيت مچنون نفسي اروح لحد عندها و اقولها كفاية تعذبيني انا مش ناقص بعاد بس برجع اقول انا السبب انا اللي خبتها تبعد من الاول
صقر حضنه كفاية بقي نكد ده انا اللي جايه افرحك واقول لك ان خلاص خالد هيدخل مسابقه وعدى كل المراحل الاولى المطعم بتاعه جهز تقوم منكد عليا كده يا عساف
عساف ضحك   لا يا عم مش هانكد عليك ان شاء الله ربنا هيكرمه وهيكسب في المسابقه وهتقول عساف بقى اللي قال .. ده لسه مكلمني و قالي ان في خبر حلو اوي هنعرفه اول ما نوصل
صقر ما هو الرخم قال ليا نفس الكلام ده برضو ونغم مردتش تقول لقمر وما عرفناش ايه الخبر اللي بيقوله عليه ده .. بس خلاص ادينا مسافرين بعد يومين اهوو .. يلا علشان هتيجي تتغدي معانا
عساف ضحك اجي فين يا اهبل انت انا عندي شغل كتير اوي لازم اخلصه ... امشي يا صقر الله يسترك
صقر اللهي تولع يا شيخ .. اتغدي و بعدين ارجع للشغل تاني ..ابوك اصلا قاعد عندنا يلا بقي بطل رغي
..و اخد صقر عساف و رجع بيه الفيلا و اتغدوا مع بعض و خبي عن عساف انه مسافر بليل ..
______________________________________________
في اوضه صقر معاذ كان عمال يحط الهدوم في شنطه صقر هو و قمر
قمر عايزه اعرف ايه اللي كبر الموضوع في دماغك كده يا صقر ما كان ممكن تسافر السفريه دي بعد ما نروح لخالد المسابقة حتي يبقي خالد و عساف معاك
صقر و هو بيلبس القميص لا انا عايز اروح لوحدي قمر انا مطمن على خالد جدا حتى لو انا ما عرفتش اسافر انتي وعساف و معاذ وجدتي هتسافروا وهتبقوا جنبه لكن المشوار ده مافيش حد غيري يقدر يعمله
قمر بالعكس بقى يا صقر خالد محتاجك جنبه جدا يوم المسابقة ده هيبقيةاهم يوم في حياته ..  انت ناسي هو تعب ازاي لحد ما وصل للمرحله دي
صقر انا عارف والله الكلام ده كله بس خالد لما يعرف انا سافرت ليه هيعذرني وبعدين باذن الله هاقدر ارجع قبل السفريه
قمر قربت و حضنته طب والنبي تخلي بالك من نفسك اوي و تكلمني هاااا
صقر باس راسها يا بت هو انا رايح احارب اطمني بقي مالوش لازمة القلق ده
معاذ يا بابي هتوحشني اوووي .. شيلني علشان ابوسك بقي
صقر ضحك و شاله و باس معاذ هتوحشني يا لمض خلي بالك من قمر واوعي تزعلها .. يلا سلام عليكم
...و سافر فعلا صقر و قمر كانت قلقانة اوي عليه و كان نفسها تمنعه من السفرية دي بس مقدرتش .
وفعلا سافر صقر ....  تفتكروا هيكون سافر فين 
59
في المطار .. صقر وصل و ماسك تليفونه و بيطمن قمر عليه .
صقر بضحك خلاص يا قمري والله وصلت اطمني بقي و حاولي ترتاحي شوية .
قمر لا انا مش هطمن غير لما ترجع لحضني انا و ابنك طب ده معاذ طول الليل يعيط علشان عايز ينام في حضنك و نيمته بالعافية صحيح انت هتروح فين دلوقتي
صقر انا هروح الاوتيل اغير هدومي و  اكل و اطلع علي عنده علطول . المهم خلي بالكم من نفسكوا انا قولت لعساف يبقي معاكوا لو احتاجتوا حاجة .. سلام 
______________________________________
عند كريم و ياسمين 
في المستشفي الدكتورة كانت بتابع حالة الجنين عن طريق السونار و كريم ماسك ايد ياسمين بسعادة و فرحة
كريم طمني يا دكتور و النبي ولد صح .
ياسمين ابتسمت يا كريم لسه مش دلوقتي انت مستعجل اوي كدة ليه .
كريم الله مش لازم اطمن واد ولا بت انا مشاعري متلخبطة اوي يا ياسو بقي
الدكتور هو لسه يا استاذ كريم .. ممكن في المتابعة الجاية او اللي بعدها تعرف بس اطمن ربنا هيكتبلك الصالح.. و سواء ولد او بنت يارب يطلعوا صالحين
كريم ضحك والله انا بحبك اوي يا دكتور بحسك عمي اوي .. لانك عربي في بلد اجنبية و لسه محتفظ بلغتك و بكل عادتنا عارف انا اول ما شوفت حضرتك مكنتش عايز اجي تاني بس بعد كدة معزتك عندي بقت عالية جدا دكتور انا عيد ميلادي بكره انا عازمك يلا إنشاءالله ما حد حوش انا حبيتك والله
ياسمين ضحكت كريم اهدي مش كدة .. معلش يا دكتور هو طريقته طفولية اوي بس ياريت حضرتك تقبل العزومة انت و المدام
الدكتور انا يشرفني طبعا .. و هاجي باذن الله و هجيبلك هدية هتعجبك اوي يا كريم
كريم ابتسم بحب موافق المهم حضرتك تيجي ..
...و اخد كريم ياسمين و مشي من عند الدكتور و ياسمين كانت عارفة هو ليه متعلق بالدكتور ده جدا 
لان طريقة كلامه كانت بتفكره بصقر جدا علي الرغم ان كريم رافض يتعامل مع اي حد منهم تاني .
______________________________________
قدام عربية كريم 
كريم بضحك علي مهلك يا حبيبتي وانتي ماشيه العربيه خلاص كمان خطوتين بلاش شغل المكسحين ده والنبي و مدي شوية
ياسمين خبطته في كتفه اتلم بدل ما ادعي اللي فيا يجي فيك و انت حر هتتبهدل
كريم مسكها من قفاها يجي فيا ازاي يا بت اتلمي الناس هتفهمني غلط .. و بعدين متعرفيش تجيبلنا الواد ده كمان اسبوع و اتبسط بقي
ياسمين اه يا حبيبي و ماله .. الله يخربيت بجاحتك يا اخي..  يلا ساعدني ادخل العربية يا لذيذ
و ركبت ياسمين العربية و مسكت ايد كريم بحب ممكن اعرف بقي ليه عزمت الدكتور علي عيد ميلادك و ليه بتقاوح مع نفسك يا كريم ما انت كنت صفيت من ناحية صقر
كريم بحزن والله العظيم يا ياسمين حاولت اني اسامح وارجع ثاني اتكلم معاه وارجع ثاني مصر بس ما قدرتش . انا مرتاح كده متشغليش بالك بيا
ياسمين بزعل لا طبعا اشغل دماغي بيك انت جوزي وابو عيالي ... كريم انت مش كويس خالص انت كل يوم تبقى عايز تروح عند الدكتور عشان تشوفه وتتكلم عشان تفتكر صقر يبقى ازاي كويس
كريم ياسمين وحياتي عندك قفلي علي الحوار ده 
يمكن مش كويس دلوقتي بس هبقي كويس في المستقبل .. صدقيني
و مشي كريم بعربيته و روح البيت هو و مراته 
______________________________________
في ايطاليا 
خالد ماسك القران و بيقري بصوته العذب و نغم قاعدة علي السرير جنبه