رواية صقري من 34-40

.. لحد ما نسمحلهم انهم ينهوا عيلة الحديدي ..و ده بقي مستحيل يحصل 
خالد عندك حق.. مافيش وقت للحزن بس الاول لازم ارجع نغم و اقنعها انها تفضل علي ذمتي هي و حبيبة
صقر ضحك الموضوع صعب الله يعينك اهي الستات دي مهما حولت تفهمها مش بتفهم
و قام خالد من علي السرير يجهز هدومه و صقر لسه هيخرج من الاوضة لكن بص لاخوه
صقر بحب خالد هو انا ممكن اجي معاك مش كدة
خالد ابتسم و حرك راسه بمعني اه ..و اټصدم اول ما لقي صقر قرب منه و حضنه جامد
صقر بۏجع و هو حاضن خالد كل حاجة هتتظبط صدقني يا خالد انا في ضهرك لو ايه حصل
و خالد بادله الحضن ده و كان فرحان اوي..
________________________________________________
في بيت نغم 
....خالد دخل اوضة نغم و كانت قاعدة علي السرير و رافضة تكلمه او تبصله و صقر قاعد برا مع والدتها
خالد قرب صقر ناحيه نغم اللي كانت ملامحها بهتانة و حزينه و ق قدامها انا عارف اني اتاخرت اوي وكان مفروض اجيلك يومها واعتذرلك و افهمك كل حاجة بس انا كنت مصډوم زي زيك
بس صدقيني اللي حصل ده مكنش صعب عليكي انتي بس انا مش عارف انام من يومها 
انا حقيقي مش لاقي مبرر ...نغم .... انا .....انا اسف
نغم مردتش عليه و فضلت بصاله بنفس نظره الحزن و الزعل ..
خالد بعصبية لا متفضليش حزينة اوي كدة ..نغم انا اعتذرتلك برغم اني عارف الاعتذار مالوش لازمة 
بس انا مش قادر اشوفك كدة .. ارجوكي قولي اي حاجة
نغم بدات تدمع و لكنها فضلت ساكتة برضوو و فاجاه خبطته في كتفه جاي تعتذرلي ليه .. جيت تاني ليه اصلا ما انت كنت اختفيت من حياتي 
راجع تظهر تاني علشان تفكرني باللي عملته فيااا
انا عايزة اعرف انا عملتلك ايه علشان تعمل فيا كدة
خالد مسك ايديها بحب معملتيش اي حاجة لكن انا الي غبي كان لازم أقولك كل حاجة من الاول 
انا لو حلفتك اني كنت بمووت منغيرك مش هتصدقي
نغم بدموع و انا لو حلفتلك ان كلامك ده كله مش فارق معايا هتصدقني .. و ربنا يكفيك شړ اللي کرهت حد بعد ما كانت بتحبه اووي يا خالد باشا
و بعدين انت جايلي ليه مش المفروض تبقي مع مراتك دلوقتي و ابنك.. اطلع براا يلااا
خالد مسكها من كتفها لا انا مافيش حد هيبقي علي ذمتي غيرك و لو الادب ما جاش معاكي ييقي هتقعدي زي الجزمة دلوقتي علشان تعرفي كل حاجة..
لانك مش هتسيبيني يا نغم بالذوق او بالعافية اقعدي بقي و اسمعي كلامي
....نغم كانت فرحانة اوي من جواها لأنها حست انها مهمة بالنسبة ليه و بدا خالد يقولها كل الكلام اللي صقر قاله ليه و قد ايه هو بيتعمل ايه تمثيلية كبيره
خالد بارهاق ها عرفتي كل حاجة انا اتظلمت زي زيك يا نغم حتي مكنتش قادر اطلقها لاني ببساطة مكنتش عارف هي سابتي ولا حد اجبرها ولا هي مېتة اصلا انا كنت في حيره لحد ما شوفتك
نغم مسحت دموعها و حضنت خالد ايه القرف ده يا خالد بجد يا ريتني ما كنت حبيتك ولا شوفتك 
انتوا حياتكم صعبة اوي كلها عداوات
خالد و هو بيضحك و حاضنها اه للاسف بس انتي هترجعي معايا و لازم تستحملي وجود حبيبة الفتره دي بس والله فتره موقتة اوي
نغم بتعب ربنا يقدرني بجد و استحملك انت و هي و صقر كمان
خالد ضحك و باس راسها بحبك اوي والله و كنت هتجنن عليكي
....و اخد خالد نغم و مشيوا من البيت و راحوا الفيلا عند صقر بس صقر كان سابقهم و مشي و ما اتقابلش مع نغم 
_______________________________________________
في الاوتيل 
ياسمين كانت قاعدة مستنية كريم يرجع ...
كريم دخل الاوضة معلش اتاخرت شوية.. مكنتش قادر اتكلم خالص .. انني كويسة يا ياسمين
ياسمين لو سمحت ما تتكلمش معايا بالاسلوب ده وكانك خاېف عليا قوي
لانك لو كنت بتحبني وپتخاف عليا عمرك ما كنت هتفكر تاذي ابويا و تعمل فيا كدة و تخوفني منك
انا بس عايزه ارجع مصر النهارده انا حجزت ليا و ليك ..ده لو انت عايز تسافر
كريم هو الاحسن اننا منتكلمش مع بعض .. بس انا مضحكتش علي حد ..لان ببساطة كدة انا مقلتلكيش اني هسيب حقي .. و تبقي غلطتك انتي لو افتكرتي كدة انا هنزل و هرجع علي ميعاد الطياره لان قعدتي معاكي هيجيب خناق ..
و كريم نزل و قعد في الكافيه لحد ميعاد الطياره
و ركبوا الطياره مع بعض لكن كان كل واحد فيهم 
متجنب التاني ..
______________________________________________
في حديقة في فيلا صقر
خالد عمال يضحك جامد لا نانسي مش عايزة تسكت حقيقي . دي خامس صوره تبعتها بنفس فستان الفرح.. مالها يا عم
صقر سيبها تبعت و ترن و شوف مين اللي هيرد عليها اصلا .. بقولك ايه انا عايزك تقعد تتكلم مع معاذ علشان مش قادر اقعد اتكلم معاه و هو نفسيته وحشة من يوم خناقتنا
خالد غريب ابنك ده اوي ..طالع بيحس برغم انك معندكش ډم ولا قلب اصلا .. موضوع غريب بجد
صقر رفع حاجبه ايه هنبدا نعك تاني ولا ايه و بعدين اللي معندوش قلب ده جيه معاك و انت بترجع ست الحسن و الجمال و لا نسيت
خالد بضحك خلاص يا عم بهزر.. انا هطلع اتكلم معاه متقلقش قمر اصلا لسه قايلالي انه رافض ياكل كمان
انا هقوووم اطلعله
و اول ما دخل الاوضة اتصددددم 
تفتكروا ايه اللي حصل 
و هل كريم ليه حق في اللي عمله مع ياسمين ولا لاء
38
في اوضة معاذ 
دخل خالد الاوضة لقي نغم و قمر قاعدين بيحاولوا يهدوا معاذ ..
قمر بدموع خلاص بقي يا معاذ و حياتي عندك انا كل الساندوتش ده
خالد پحده ايه ده انتوا شكلكوا عامل كدة ليه .. و معاذ ليه بيعيط . مالك يا زيزو
معاذ و هو بيبعد اكتر عن خالد ملكش دعوة بياا 
ابعد عني انت كنت عايز ټضرب بابي انا شوفتك انا كلمت جدو و هروح معاه انا مش هاقعد هنا تاني
خالد بستغراب اضرب بابا ايه بس يا زيزو ده احنا بنلعب مع بعض...و بعدين كلمت جدو .. ليه بس
هو في حد هنا زعلك في حاجة.. ما تفهمني
بص لنغم و قمر و انتوا عاملين كدة ليه ما حد فيكم يفهمني .
نغم مسحت دموعها و اخدت خالد من ايده و دخلوا اوضتهم معاذ نفسيته زفت بجد علشان شافك انت و صقر عايزين تموتوا بعض .. شوفتوا اخر اسلوبكم
خالد پصدمة و هو مستوعب الكلام ده يا نغم ده عيل صغير .. اكيد هو مضايق لاني بعيد عنه بس 
انا هروحله
نغم مسك ايد خالد قبل ما يتحرك خالد اسمع مني الاطفال بيحسوا بكل حاجة 
و هو كان حاسس ان انتوا الاتنين بتكرهوا بعض بس لما شاف خناقتكم اتاكد و رفض ياكل و يشرب
خالد بۏجع حتي العيل الصغير موجوع ده ايه العيلة دي
نغم بجدية ما انا قولتلك انتوا عيلة فقر مصدقتنيش 
يا خالد بقولك ايه انا ماليش في النكد ده 
اعمل حسابك اني هنزل ابلبط في البسين اللي تحت ده انا و معاذ يعني علشان يفرفش شوية
خالد مسكها من قفاها انشالله عن امه ما فرفش بسين ايه اللي عايزة تنزليه و صقر موجود و الخدم اظبطي كدة بدل ما اعلقك من رجل واحدة
نغم بس يا خالد ارحمني قفايا ورم منك و بعدين 
فيها ايه يعني .. ده انا كنت هقولك خلي صقر ينزل معانا
خالد مسك نغم من قفاها تاني صقر مين اللي ينزل معانا لمي الدور احسلك .. سامعة ولا لاء
نغم يا عم بس سيبني انا قصدي ان كلنا ننزل مع بعض علشان زيزو يحس اننا عيلة .. فاهم حاجة 
اكيد طبعا مش فاهم انا فقدت فيك الامل خلاص
و فاجاه خالد شدها لحضنه و كانت نغم قريبة منو اوي و بتبص في عينيه و هو كمان .
خالد بحب برغم كل اللي انا فيه ده الا اني نفسي اخدك و نمشي من هنا حالا علشان وحشتيني اوي
بذمتك مش نفسك نبقي في مكان لوحدنا انا و انتي
نغم كانت سرحانة في كلامه و حضنته نفسي اوي يا خالد بس ده مش هيحصل و مش هبقي مراتك رسمي الا لما تطلق حبيبة نفسي اطمن بقي ان كل الحوارات دي خلصت للابد
خالد و هو بيطبطب عليها هتخلص والله ..بس انتي اصبري شوية .. بقولك ايه مافيش بوسة مثلا تصبيره لحد ما الحظر بتاعك يتفك
نغم و هي بتزقه ده بعينك يا جوز الاتنين اوعي اروح اشوف معاذ
خالد ابتسم و انا كمان و رايا مشوار مهم اوي
______________________________________________
في المطعم 
جاسر و عزة كانوا بيتكلموا مع بعض
عزة بضحك طب والله كريم ده جدع اوي .. ده كفاية انه قرر ينسي اذية ابوها و اتجوزها ..صحيح الحب بيعمل المعجزات
جاسر عندك حق .. بس مش في كل الاوقات طب ما عندك صقر و قمر بيحبوا بعض و كلنا عارفين 
و رغم ذلك عمرهم ما هيكونوا مع بعض ..
عزة بزعل معاك حق في قصص كدة بتبقي معروفة بالفشل .. صحيح سهيلة فين دي اتاخرت اوي.. هي مش هتيجي ولا ايه
جاسر بهزار ايه ده هو انتي مداياها ميعاد ولا ايه .. انا مش بتكلم مع سهيلة اصلا..انا بس كنت برخم عليكي بقولك ايه .. انا هطلب اكل اطلبلك معايا
عزة بفرحة موافقة.. هاكل معاك علشان بس افتح نفسك
جاسر مسك ايديها اتفقنا يا عم الحج
عزة زقت ايده طب اظبط يا لذيذ هاا و ابعد ايديك بدل ما توحشك
جاسر برق پصدمة و طلب الاكل و لقه كريم بيرن عليه الو يا عريس هو انت مش منبه علينا ان مافيش حد يكلمك ..اهو انت اللي بترجع في كلامك
ايه ده مال صوتك يا كريم .... ايه 
قفل جاسر السكة في وش كريم و بص لعزة واضح ان النحس مش ناوي يبعد عن شلتنا .. كريم راجع هو و ياسمين و طالبة الطلاق
عزة يا نهار اسووود ..و هما لحقوا 
_____________________________________________
في بيت عند حبيبة 
حبية بتتكلم في التليفون
حبيبة طب و انا مالي خالد بقاله اسبوع قافل تليفونه و اكيد قاعد في الفيلا .. انت اټجننت اروح الفيلا عند صقر طب ده كان علقني كدة
الشخص لا يا روح امك انا مش مرجعك من برا علشان ماتنفذيش اللي انا عايزة اظبطي كدة 
انتي من ساعة ما رجعتي و علاقتهم اتحسنت ببعض مش سائت
حبيبة طب