رواية صقري من 19-24

ضروره ايه هي نغم اللي معلماك كدة
معاذ _ اه دايما تقول انا لايمكن ابيع ضميري الا و الهدية تستاهل
قمر بضحك _ يا حلاوة لا انا كدة اطمنت عليك بجد 
يعني بشوكولاتة هتبوظ الخطة كلها لا اسمع بقي 
الصح مني السر ده يعني حاجة متطلعي برا عني انا و انت و بس و الا انا همشي من هنا
معاذ حضنها_ لا خليكي علشان خاطري بقي و انا مش هقول حاجة خالص
قمر حضنته بحب _ طب يلا قوم علشان نكمل لعب يا عم انت بقي
و بدوا يلعبوا مع بعض و معاذ كان مبسوط اوي لان قمر كانت اقرب حد ليه قبل ما صقر يصمم انها تسيب الفيلا و خصوصا انه اول كلمة ماما قالها ليها هي علشان كدة معاذ شايف ان صقر هو اللي بيبعد كل الناس عنه قمر و خالد و نغم 
_____________________________________
عساف في اوضته و هو ماسك اللابتوب بتاعة بيتفرج علي دعوة فرح نور و يوسف و صورهم مع بعض
عساف بغيظ رمي كل حاجة قدامه_ واطي يا يوسف 
طول عمرك واطي اشبعوا بعض انتوا اصلا تستاهلوا بعض
و بدا عساف يعيط جامد _ انا اللي مستهلش ولا واحد فيكوا عملت ايه علشان اتبهدل كدة
و فاجاه اتكلم عساف بصړيخ _ عملت ايه 
دخل والدة پخوف و لقه كل حاجة متكسره علي الارض جري علي عساف پخوف _ مالك يا ابني أيه بس اللي حصلك رد عليا يا عساف
عساف ضحك بتريقة _ قصدك ايه اللي محصليش 
كل حاجة حصلت في حياتي كانت وحشة
حبيت واحدة بقالي خمس سنين بنفذ كل اللي هي عيزاه زي العيل الصغير و قولت هي دي اللي هتعوضني عن مۏت امي و اديتها كل حاجة والله العظيم اخدت كل حاجة لدرجة ان مابقاش عندي حاجة ليا انا و سابتني يا بابا 
في الاخر باعتني 
و اتجوزت صاحبي اتجوزت يوسف اللي قعدت جنبه في المستشفي شهر بحاله كنت بسنده علشان يدخل الحمام 
و جاي دلوقتي تسالني اي حصلي
والده بحزن _ استهدي بالله يا ابني لا يوسف و لا نور يستهلوا اللي انت عامله في نفسك ده انت انسان ناجح و كل الناس بتحبك
عساف پحده _ مش عايز حد يحبني انا مش عايز اعرف حد تاني في حياتي كلها ابعدوا عني بقي
حتي صقر وقفت جمبه بكل مشاكله وقعني في كذا مشكلة مع خالد و ربنا وحده اللي يعلم انا بحبه أزاي
ساعات بقعد و اسال نفسي هو انا اصلا شوفت ايه حلوو غير شوية ترقيات کرهت كل زمايلي فيا و قلبت اكتر صديق ليا لعدو قلبت يوسف علياااا
قعدت عساف علي ركبته في الارض يعيط جامد
والده مسك دراعه پحده _ لا عساف انا مربتكش 
علي الضعف ده اوعي تسمح لحد انه يعمل فيك كده قوم اقف و اسند طولك 
و افرد ضهرك ما عاش ولا كان ان يكسرك يا ابني
عساف حضڼ ابوه و هو بيعيط _ تعبان اوي يا بابا تعبان و کرهت كل حياتي 
والده سنده و نيمه علي السرير و فضل جمبه لحد ما تاكد انه نام
_____________________________________
تاني يوم الصبح
في اوضة عساف
عساف كان بيتقلب و بيبص حواليه اټصدم لقه جاسر نايم عكسه في السرير و رجله في وش عساف و كريم نايم الناحية التانية منه و حاطط ايده عليه
عساف پصدمة_ ايه العبط ده هو احنا في اتوبيس يا جدعان و لسه هيزقهم اتفاجاه بالباب بيتفتح و معاذ بيجري عليه
معاذ نط علي السرير _ عسااف وحشتني اوي انا كنت مستنيك مجتش ليه
جاسر_ حاسب رجلك يا معاذ مش عارف انام بقي
عساف پحده _ وحياه امك قول يلا انت و هو 
قوم يا كريم بدل ما ازقك
كريم و جاسر قاموا من علي السرير و هما بيضحكوا جامد
عساف_ انا عايز اعرف ايه جابكم هنا حالا 
و انت يا عم كريم مش كنت عاملي فيها حزين 
يلا اطلعوا برا انا عايز اقعد لوحدي
كريم ضربه علي راسه _ هو ايه ده اللي تقعد لوحدك
انت صدقت نفسك ولا ايه ما تظبط كدة متخليش الواحد يقلب عليك ده انت مستفز اوي
جاسر _ ايوة بالضبط كدة و بصراحة و منغير مقدمات احنا عاملين ليك مفاجاه جامدة
عساف_ لا والنبي و ايه بقي المفاجاه دي يا لذيذ انت و هو و انت يا عم معاذ انت متشعلق في رقبتي لبه هو ابوك مسلطك عليا
معاذ و هو بيبوسه في خده _ اه يلا بقي تعالي ناكل مع بعض
عساف باس معاذ بحب _ بقولكوا ايه اطلعوا كلكوا برا و سيبوا معاذ ينام معايا
جاسر پحده _ نوم تاني اديك بالجزمة ولا اعمل ايه دلوقتي انا عرفت الحل الواد ده مش هيجي الا بالعڼفايديك معايا يا كريم
عساف پصدمة _ انتوا هتعملوا ايه لا بقولكوا ايه
انا ضابط و ربنا احبسكوا يالهووي
و فاجاه عساف لقه نفسه مرفوع من الارض و اخدوه علي الحمام
___________________________________
في المستشفي عند خالد
خالد و نغم كانوا عمالين يضحكوا مع بعض
نغم بضحك _ ده علي كدا انت كنت مشاغب اوي و انت صغير
خالد بضحك_ اوعي و كنت بتاع بنات بصي صقر مكنش زي هو كان العاقل و الرزين بس ميمنعش اننا كنا بنعمل مقالب في كل الناس
مره و احنا اطفال و كنا شبه بعض اكتر من دلوقتي 
و كنا عايزين نشتري حاجة من البقال
دخل صقر و جاب عصير و دفع للراجل فلوس و اخد الباقي منه و مشي و بعدها روحت انا و معايا نفس العصير و قولت للراجل لو سمحت انا اديتك الفلوس و عايز الباقي و الراجل يا عين امه فضل يحلفلي انه دفعلي الفلوس و انا اقوله تعالي فتشني مش معايا
نغم _ و الراجل عمل ايه
خالد _ اداني بقالي الفلوس ما هو فتشني ما لقاش معايا الفكة اللي اداها لصقر
نغم _ لا ده انتوا كنتوا شياطين حرام عليكم والله
خالد _ لا الراجل ده فضلنا نشتغله مثلا لحد ما بقينا في الجامعة انا و صقر
نغم بضحك _ طب ما انت في ذكريات حلوة اهو بينك و بين صقر اومال بقي يا عم
خالد ابتسم و هو بيفتكر ايام زمان
فلاش بااااك
خالد كان قاعد في المدرسة زعلان قرب صقر منه 
و حط ايده علي كتفه
صقر _ هو انت زعلان من المدرس بتاع الماث مش كدة علشان زعقلك
خالد بعياط _ ايوا فيها ايه يعني اني معرفش اجاوب سؤال فضل يزعقلي جامد و طردني برا
عساف في نفس الفصل معاهم _ طب متعيطش يا عم انت صقر سيبلي انا الطالعة دي
كريم اصغر منهم بسنة _ لا بس بلاش عبط بدل ما يحصل مشاكل انا ابويا تعبان و مش هيجي استدعاء
صقر _ و انا مش هسيب حق اخويا ده خالد الحديدي يا ابني انت و هو بقولكوا ايه استنوا جاسر لما يخرج من الفصل و نتجمع برا اتفقنا
فاق خالد و قعد يضحك جامد و نغم مكنتش فاهمة حاجة
نغم _ مالك بتضحك ليه كدة هو انت افتكرت حاجة ولا ايه
خالد _ أه افتكرت احسن ايام في حياتي وقتها اتجمنا كلنا و بوظنا عربية مدرس في المدرسة
كانت خطة صقر و جاسر ايام كانت حلوة اوي
نغم _ لا والنبي لتحكيلي هو انتوا و جاسر قد بعض
خالد _ بصي صقر اكبر مني بخمس دقائق و كريم اصغر مننا بسنة و نص تقريبا اللي كان قدنا هو عساف بس نقلوه فصل تاني علشان كنا بنعمل مصايب مع بعض اما جاسر فهو الوحيد اللي اكبر يجي بسنة و شهرين كدة
نغم _ الله ده انتوا كلكوا كنتوا نفس السن اكيد دي حاجة حلوة
خالد _ اووي كنا پنتخانق في اليوم يجي الف مره حرفيااا بس كلنا بنحب بعض اوي و خصوصا صقر 
حقيقي مكنش بيستحمل ان حد يزعل حد فينا
نغم سقفت بفرحة_ ايوا بقي والله انا قلبي حاسس انه هتتصالحوا قريب اوي
خالد بضحك_ نغم انا بحبك اوي و عايز اتجوزك قولتي ايه
نغم 
تفتكروا ايه هيبقي رد فعل نغم 
______________________________________
في اوضة عساف في الحمام
كريم كان ماسك ايد عساف ڠصب عنه و معاذ كان بيساعده
عساف _ انتوا بستقوا عليا يعني اوعي يا كريم 
انتوا عارفين اني ممكن احبسكوا عادي اوعوا بقي
جاسر _ اثبت علشان احلقلك دقنك دي طب بذمتك ده منظر ضابط شرطة يا لص اثبت يلاااا
عساف _ يوووه حتي يا معاذ بتساعدهم 
جاسر انت هتتنفخ علفكره
جاسر _ بص افضل اتحرك كدة لحد ما اعورك عادي يعني هو وشك ولا وشي مثلا
و فعلا بعد معاناه حلقوا لعساف دقنه و شعروا و خرج من الحمام و هو عمال يشتمهم
كريم _ افضل اشتم انت كدة معانا عيل صغير بيلقط 
مش انت بتلقط يا معاذ
معاذ بضحك_ اه بلقط يا كيموو
عساف ضحك جامد_ طب هات حضڼ يا اللي بتلقط انت بقولكوا ايه خلصتوا و رخمتوا عليا اطلعوا برا بقي
جاسر _ يووه انت قفيل يلااا ليه كدة و بعدين عمو
جهز الفطار و قبل ما تعترض يلا كريم شيل الواد ده معايا
وفعلا طلعوا فطروا مع بعض و كل واحد بعدها نزل
_____________________________________
جاسر راح يستني عزة قدام الحضانة بتاعتها
جاسر بستهبال _ ايه ده معقول الصدفة الرهيبة دي و بعدين انتي ازاي يا بت انتي تقفلي التليفون في وشي امبارح و انا بكلمك
عزة _ انا اسمي عزة مش بت و بعدين معقول الصدفة جابتك تقف قدام شغلي واوعي بقي من وشي علشان انا عندي شغل
جاسر _ طيب انتي اللي بقالك كتير واقفة كدة ولا ايه اركبي يلا علشان اوصلك لاني عايز اتكلم معاكي في موضوع مهم جدا
عزة _ بس انا بقي مش عايزه اتكلم معاك و اتكل بقي علي الله علشان انا مودي وحش اوي النهاردة و مش فايقالك
جاسر _ ايه يا بنتي قلة الذوق دي و بعدين انا مش بطلب منك انا بأمرك انك تركبي اصلا يلااا قدامي 
يلا علشان مش عايز اعلي صوتي في الشارع
و مسك ايد عزة ڠصب عنها و عزة حاولت تزقه
عزة بټهديد _ انت عارف لو مسبتش ايدي أنا هعمل فيك ايه حالا يا جاسر
جاسر _ ولا تقدري تعملي حاجة علفكرة انتوا كدة البنات مش بتعملوا حاجة غير انكوا تهددوا يلا اركبي بقي الناس بدات تبص علينا
عزة _ كدة طيب انت اللي جبتوا لنفسك الحقووووني 
يا ناااس حرااامي
و فضلت عزة تصوت و الناس فجاه اتلمت حوالين جاسر و هو كان مصډوم من اللي حصل
جاسر پصدمة _ الله يخربيتك علفكرة انا مش حرامي دي بتكدب والله