رواية صقري من 13-18

ايه انت عبيط يا صقر ده اخوك عايز تحبسه
جاسر  لا يا صقر انت كده هتزود الموضوع قوي احنا كلنا عارفين ان خالد نفسيته وحشه بلاش تعمل كد ه بلاش توصل لمرحلة الكره  دي بينك وبين اخوك
صقر بعصبيه   لا هاوصلها...  اخويا اللي انت بتتكلموا عنه ده وقف قدامي النهارده وعينيه كلها كره  وقالي انا بكرهك وھقتلك
انا مستحيل امنه على حياتي ولا على ابني و يكون في علمكم خالد لما دخلتش النهارده السچن هاعمل محضر رسمي واحبسه به .
وبالفعل عساف وجاسر ما قدروش يقنعوا صقر بغير كده و عساف بشكل غير رسمي حبس خالد .
بعد مرور خمس ايام  ...علي السفره
سماح بټعيط و رافضة تاكل
قمر يا مدام سماح و حياتي عندك انا كلي اي لقمة 
كدة انتي ممكن تتعبي علشان خاطري
سماح اكل ايه بس يا قمر وانا عارفه ان حفيدي مرمي ما بين اربع حيطان..و تلاقي جعان و تعبان واخوه اللي عامل فيه كده بدل ما يحضنه ويطبطب عليه ... سايبه في السچن حرام عليك يا ابني
قمر بدموع  عندك حق اللي حصل ده زياده قوي طب بصي انا هاقولك على حاجه انتي لازم تكلمي جده ..العمدة هو اللي هيتصرف مع صقر
و انا برضو هطلع اتكلم معاه
وفعلا سماح ما كانتش قادره تسكت وتسيب خالد في المحنه دي وكلمت الحديدي وحكيتله على كل اللي حصل
يومها وصل حديدي القسم و خرج خالد ..
في القسم.
حديدي بعصبية هان عليك اخووك يا صقر بتستقوي عليه اكمنه اضعف منك .. انت ايه خلاص عيارك فلت و مبقاش ليك كبير
صقر بعيون قاسېة انا اللي وحش دلوقتي .. نسيت اللي عمله فيا في المكتب و في الفيلا خالد خلاص اټجنن و كره عمي قلبه و حاول يموتني 
كنت عايزني اعمل ايه اطبطب عليه
حديدي ياريتك طبطبت عليه .. ياريت يا صقر 
اخوك هيخرج النهاردة ..
و بص لعساف بعصبية و انت لولا ابوك و معزته عندي كان زماني وديتك في داهية
وخرج خالد فعلا من الزنزانة و دخل المكتب بتاع عساف و كان شكله يوجع القلب .. الحديدي قرب منه و حضنه يا حبيبي يا ابني .. قوم يا خالد انا مش عايز اشوفك ضعيف كدة يا ولدي
خالد ببتسامة انا كويس والله متخفش عليا 
ده حتي عساف كان مهتم بيا اوي .. مش كدة يا صاحبي يا عشره عمري
خالد بص لصقر بكره لو فاكر انك كسبت .. تبقي خسران لان انا عمري ما هنسي اللي حصل ده ولو فات مليون سنة
الحديدي يلا يا خالد نمشي من هنااا ..يلا
و مشي الحديدي و معاه صقر من القسم ..
باااااااااك
خالد ابتسم شوفتي اني بينا ثار قديم اوي 
انتي بټعيطي كدة ليه يا نغم انا مش بحب اشوف دموعك دي
نغم بدموع انت اتظلمت اوي يا خالد بجد صعبان عليااا.   و قلبي واجعني عليك اوي انا بجد اسفة حقك عليااا
خالد مسك ايديها ليه طيب بتعتذري يا بنتي
نغم بدموع وزعل علشان ظلمتك  و بابا كان دايما يقولي ان اصعب حاجة انك تظلمي شخص و انا شتمتك كتير في ضهرك والله
خالد ضحك جامد بس انا مش زعلان منك خلاص بقي ...
نغم علشان معندكش ډم لكن انا عندي
خالد بضحك يخربيت طول لسانك لا عندي بس كفاية بقي حزن و عياط ..انا عايز اغير جو 
مش كفاية دراعي اللي يواجعني  ده اوي
نغم طب هنعمل ايه
خالد هنحمي الحصنة ايه رايك
نغم مسحت دموعها و ماله تجربة جديدة برضو 
طب اصبر ادخل اصحي معاذ و اجيبه يبلبط معانا
و مشيت نغم و خالد مصډوم هي قالت يبلبط. لا واضح ان المستويات بعيدة اوي بينا
في القسم .
أسامة خلاص بقي يا عساف متسوقش فيها و سيبها تروح و هي مش عايزة تعمل اي حوار تاني طول عمرها...
عساف وربنا ما يحصل .. ايه رايك بقي البت دي هتعيش معانا هنا في القسم كدا علطوول
أسامة ضحك خلاص باقولك يا عساف ما تسوقش فيها .. البت شكلها غلبان
عساف بقي دي غلبانة دي متشردة ..دي نغم بجبروتها عمرها ما استفزتني
اسامة معلش اي بنت برضوو .. يا شويش روح هات همس من الزنزانة
و بعد حوالي شعر دقايق دخلت همس المكتب بتاع عساف و هي متعصبة اوي
همس بقي انا يتعمل فيا كدة .. فاكرني هسكت هااا 
انا خلاص عرفت اسمك و هكتب عنك و هوريك
عساف يا بنتي امشي من قدامي ده انا بصباع رجلي اخرملك عينيك . بلاش البجاحة دي و امشي بقي
همس حلووو ټهديد صريح و علني .. اغلط كمان يا باشا انا عارفة القانون بكل خباياه
عساف هي وصلت لخباياه طيب ..
و طلع عساف المسډس برا يا بت ...براااا
جريت همس برا المكتب و أسامة قعد و فضل يضحك جامد
عساف بتضحك هي بت مچنونة حقيقي ..لا زنانة زن يا ساتر يارب .ربنا يكون في عون اهلها بجد
اسامة شكلها بت مسترجلة اصلا . بقولك ايه انت هتعمل ايه دلوقتي
عساف  ولا حاجه هاروح عشان ابويا عمال يرن علي وعايزني في البيت و اغير هدومي .. انت ناسي القضية اللي شغالين عليها دي
..وفعلا عساف مشي وراح البيت علشان يشوف والده و يغير هدومه
قمر قاعدة في أوضتها بټعيط و اختها مني جمبها
مني طب انا عايزة افهم ايه سبب العياط علشان اللي اسمه صقر ده مهتم بنغم .. هو انتي يا بت
متخيلة انه ممكن يحبك اصلا
قمر  لا يا مني . انا واثقة انه عمره ما هيبصلي بس 
ڠصب عني لسه بفكر فيه .. مني انا كل حاجة في حياتي حلوة كانت بسبب صقر .
هو اللي اخدني من الصعيد من و انا في اعدادي علشان ادخل ثانوي في مصر  و كان بيهتم بياا 
و دخلني جامعة .. هو اللي عمل كل ده
مني. ايوة و هو اللي خلاكي مش شايفة راجل غيره 
و متعلقة بيه هو و بس و ناسية ان فرحك علي عزمي خلاص قرب اوي
قمر مني حرام عليكي بقي كفاية .. بقولك اخرجي و سيبيني لوحدي
و فعلا خرجت مني و قمر فصلت قاعدة بتفتكر 
لما كانت بتشتغل عند صقر الحديدي في الفيلا ..
فلاش بااااااك
...في اوضة صقر الحديدي.. كان قاعد بيشرب سچاره و التعب باين عليه .. قمر قربت منه و حطت القهوة علي المكتب .
قمر صقر بيه القهوة اهي
....صقر كان ملامح التعب مالية وشه و قمر كانت خاېفة عليه جدا و قربت و حطت ايدها علي كتفه
قمر انت كويس .. شكلك تعبان اوي
...صقر مسك ايديها و رفع راسه و دموعه كانت باينة و قمر اتفاجات لا مش كويس.. و حياتي كلها زفت في زفت .. قمر هو انا وحش ردي عليا بصراحة
قمر لا والله .. انت عمرك ما كنت وحش ابدا 
صدقني ده شيطان دخل ما بينك انت خالد  يا صقر
صقر قام من علي السرير و قربها منه و حضنها جامد و بدا يعيط بۏجع طب امتي الشيطان ده هيحل عننا .. انا تعبت و رحمة امي و ابويا انا تعبت
انا حاسس اني فاشل