رواية صقري من 1-6
قوي ومشي برده وسابني
حتى نغم مشيت وسابتني النهاردة انت كمان هتمشي مش كدة
صقر _ اخس عليك يا معاذ بقي انا همشي برضوو
و اسيبك ده انا ماليش غيرك في الدنيا طب علشان تعرف اني بحبك اوي انا هعمل المستحيل و ارجعلك نغم دي تاني اتفقنااا
معاذ فرح اوي و حضڼ صقر _ علفكرة بقي انا مصدقك علشان انت عمرك ما كدبت علياا و انا بحبك اوي اوي
___________________________________
في الجنينة
صقر حكى كل حاجه لكريم و هو كان مستغرب ان صقر قدر يقنعه انه ياكل
كريم _ على فكره بقى برغم ان انت بعيد عن معاذ
الا ان هو بيحبك جدا وبيعملك خاطر و بيصدق كلامك لانه اواثق انك عمرك ما هتكذب عليه
بس مش قدامي حل غير كده معاذ تعامله اتحسن معنا وبقى يتكلم وبقى يضحك غير الاول خالص
باقول لك يا كريم كلمني مديره الحضانه دي واسالها على الميس دي و هاتلي عنوانها و انا هتصرف
وكلم صقر واعرفه كل حاجه واتفقوا ان هم تانى يوم هيروحوا البيت عندها
__________________________________
تاني يوم الصبح
نغم كانت بتحضر الفطار لوالدتها و اتفاجات بالباب بيخبط و لما فتحت اتفاجات بالاتنين لابسين بدل بودي جاردادت ضخمين
دخل الصقر البيت و معاه كريم صقر فضل يبص علي البيت بدهشة بص لنغم بستغراب _ هو انتي اوعي تكوني انتي نغم
نغم _ انت الواد بتاع البدلة و العربية الفخمة مش كدة و بعدين مالك يا اخويا قرفان من نفسك ليه كدة و انت بتنطق اسمي بقي
كريم اول ما سمع كلامها فضل يضحك جامد علي طريقتها مع صقر و صقر اتغاظ جدا و بص لكريم نظره اسكتته تماما
كريم بحرج _ احم انتي يا بنتي ما تتكلميش كدة انت مش عارفة انتي بتتكلمي مع مين
ده صقر باشا الحديدي
نغم _ والله و هو علشان حديدي يعني هحترمه و بعدين انت مالك انت هو انا وجهتلك كلام وانا بكلم الاستاذ حديد و بساله داخل بتسال عني ليه
ولا انتي فاكرة اني هعديلك اللي عملتيه في العربية
نغم _ الله تصدق فعلا خۏفت من اللي انت هتعمله فياا شكلك كدة يا عم الكتكوت مش عارف انت فين
ده انا لو نديت بس علي اهل المنطقة هيجوا يعملوا معاك الواجب انت و الدواليب دوول
صقر پصدمة _ انتي قولتي ايه يا بت انتي
كريم ادخل ووقف قدامهم و اتكلم بسرعة قبل ما يحصل بينهم خناقة _ لاما قلتش حاجة خالص
و بعدها بص لنغم ووجه كلامه ليها _
انا هقولك احنا مين ده صقر والد معاذ اللي معاكي في الحضانة
نغم _ معقوول معاذ السكر ده يبقي ابوه الحديدي
لا طبعا ما اصدقش بس حتي لو كان هو ابوه معاذ
برضو انا مفهمتش انتوا عايزين مني انا ايه انا سبت الحضانة خلاص او بمعني اصح انا اطردت
صقر بغيظ _ والله العظيم انا اول مره اعرف ان المديره دي بتفهم انها رفدتك من الحضانه لان انت ميكروب هينتشر وسط العيال
نغم _ يا سلام وانت ايه بقى اللي جابك عايز تاخذ الميكروب وبعدين باقولك ايه انت واقف في بيتي يعني احترم نفسك بدل ما تطلع برا
صقر بعصبية قرب منها و مسكها من هدومها _ مين ده اللي يطلع برا يا قزمة انتي انتي عارفة لولا ان معاذ متعلق بيكي انا كنت ندمتك علي كل كلمة انتي قولتيها دلوقتي
كريم حاول يبعدهم عن بعض _ خلاص يا جماعه بقى استهدوا بالله بصي يا انسه نغم احنا جايين عشان نطلب منك انك تيجي الفيلا عندنا وتقعدي مع معاذ يعني تبقى مربيه بتاعته ايه رايك
نغم بعصبية _انت بتقول ايه يا جدع انت هو حد قالك عليا ان انا خدامه ولا ايه انا اه فعلا باحب معاذ جدا ومتعلقة بيه لكن مش لدرجه ان انا اروح اشتغل في البيوت انا خريجة تجارة
صقر بصلها _ وهتاخذي 5000 جنيه في الشهر قلتي ايه اعتقد ان مبلغ كبير قوي وهيخليكي تتنزلي شويه عن جزء من مبادئك
وبعدين ما حدش قالك انك هتبقي خدامه احنا قلنا مربيه مع معاذ
نغم _ وانت بقى جاي تقولي لي على 5000 عشان تكسر عيني مش كده لا بص بقى انا اخر حاجه بافكر فيها الفلوس ومش هاقولها تاني
انا ما تعبتش في دراستي كل ده علشان في الاخر اشتغل مربيه ويجيء واحد زيك يقعد يقولي اعملي وما تعمليش و الكلام العبيط ده و اتفضل بقى من هنا منغير مطرود عشان انا بصراحه مش مرحبه بيك في بيتي يا حمادة
صقر بعصبية _ بيتك هو ده بيت دي صفيحة ژبالة يا ژبالة والله لاربيكي علي كل كلمة انتي قولتيها و هعلمك الادب و هخليكي تعرفي مين هو صقر الحديدي كويس اوي
نغم _ طيب يا حماده شوف انت هتعمل ايه بس بعيد عن هنا
واه علفكرة الشتيمة بتلف و تلزق في قفا صاحبها وما تجيش هنا ثاني عشان ما اقطعش رجلك وخذ الاتوبيسين النهري اللي انت جايبهم معاك دول
وبصطت ناحيه كريم اللي واقف بيضحك قالتله _ اه و خد الواد العبيط اللي عمال يضحك من الصبح ده
يلا ما تجيش هنا ثاني يلا يا حبيبي بره يلا يا بابا ما تتنحشي كدة
وفعلا خرج صقر من البيت وهو متعصب جدا وبيتوعدلها
اما كريم فبصلها وقرب منها وهو بيضحك وقال لها _ على فكره انت جباره انت مش عارفه انت عملت ايه النهارده
مشي كريم هو وصقر وركب العربيه وصقر كان على اخره ومش عارف ازاي مكنش قادر يرد عليها
__________________________________
في العربية
صقر _ كريم احسنلك تنزل تركب اي تاكسي
لاني لو شفتك بتضحك مش هيحصل خير
انت سامع ولا لاء
كريم وهو بيحاول يمسك ضحكته _ خلاص والله انا هسكت تماما اطلع يا عم محسن
و قعد كريم بيحاول انه يسكت و بيبص للشباك علشان ما يضحكش لكنه فاجاه اڼفجر كريم في الضحك
صقر بغيظ _ عم محسن وقف العربية و نزل الواد ده منها
____________________________________
في بيت نغم
مامتها _ اخص عليكي يا نغم انتي كنتي قليلة الذوق قوي معاهم ليه يا بنتي كده حرام عليكي
نغم وهي بتجهز الفطار _ بصي انا عمري ما كنت قليله الذوق مع حد بس هو من ساعه ما دخل هو فاكر نفسه حاجه عشان هو معه فلوس فكان لازم ياخد علي دماغه الصراحة
و بعدها نغم فطرت مامتها وبعدها قررت تنزل تدور شغل وخصوصا بعد ما عزه قالتلها ان الحضانه اللي كانت قايله عليها ما فيهاش اماكن فاضية
و طبعا ملقتش و لما رجعت البيت اتفاجئت بمامتها مغمى عليها
نغم اتخضت و جريت عليها _ ماما مالك يا حبيبتي ردي علياااا
و لما لقت انها فاقدة الوعي تماما قررت انها تنادي علي البواب علشان يساعدها و فعلا عملت كدة و اخدتها علي المستشفي
______________________________________
في المستشفى
الدكتور _ بصي يا نغم مامتك حالتك للاسف اتدهورت جدا واضح انها كانت مش بتاخذ الدوا في مواعيده وانا مضطر حاليا اكتبلها ادوية مختلفه بس للاسف هو اغلى شويه من الدوا اللي انا كان معاكوا
فعلا كتب الدكتور على اسامي الادويه ونغم اخذت الروشته ونزلت الصيدلية علشان تعرف اسعار الادويه
واټصدمت لما عرفت اسعارها ما كانتش عارفه تعمل ايه وما كانتش عارفه كمان هتجيب مصاريف المستشفى منين فضلت تفكر لحد ما وصلت لفكرة واحدة بس
وفعلا مشيت نغم وسالت عن فيلته و لما وصلت اټصدمت من منظرها و كمية الحر اسة اللي علي الباب
نغم في سرها _ يخيبك يا حديدي بقي انت قاعد في كل ده لوحدك
و فاجاه لقت حد من الحرس _ انتي مين و عايزة ايه
نغم بخضة _ يا ساتر يارب ما براحة يا عم الدولاب انت التاني انا عايزه صقر الحديدي في موضوع مهم
تفتكروا نغم هتقابل صقر فعلا
و هو هيبقي رد فعله ايه
بارت 3
في فيلا صقر
الحرس _ عايزه تقابل مين صقر الحديدي كده حاف يا بنتي انت عارفه انت جايه تقابلي مين
ده اسمه صقر باشا
نغم_ اللهم طولك يا روح طيب ممكن اقابل صقر باشا حديدي بيه في موضوع مهم ها حلو كدة يا عن الحج
الحرس فضلوا يضحكوا جامد _ واضح بقى ان ډمك خفيف بس نصيحه مني ما تهزريش معاه عشان هو ما بيحبش استظراف
نغم _ شكرا يا اخويا علي النصيحة لكن
من غير ما تقولي هو باين عليه ان دمه ثقيل وبعدين يلا بقى خش قوله ان نغم عايزة تقابله
الحرس بضحك _ ده لو وافق اصلا انك تدخلي الفيلا
توضيح
مين هو صقر الحديدي ده رجل اعمال كبير عنده تقريبا 32 سنه مراته متوفيه وعند ولد اسمه معاذ
اما نغم فهي عندها 23 سنه متخرجه من كليه تجاره وشخصيه بتحب الحياه والفكاهه
باقي الابطال هنعرفهم بالتدريج
____________________________________
صقر كان قاعد في مكتبه هو و كريم بيشتغلوا
كريم _ لا ما هو انت اكيد يعني لازم تسافر الصعيد حتى لو خالد موجود هناك صقر جدك هيضايق قوي لو انت ما سافرتش ما تنساش انك انت حفيده البكري
صقر _ يا كريم باقولك مش قادر اشوف خالد
واديك شايف معاذ لسه متعلق به قوي وبيعاقبني ان هو خرج من حياتنا وما يعرفش اللي هو كان عايز يعمله فيا
كريم بحزن_ حاول تنسى خالد بكل اللي عمله صقر صدقيني
و فجاه الدادة دخلت المكتب _ مساء الخير يا صقر باشا الحرس بلغني ان في واحدة اسمها نغم تقريبا عايزة تقابلك واقفة برا
كريم اټصدمت _
