رواية مال قلبي لمن هواه كاملة
عياط انتي قوية هتعدي
وهتفرج
فضلت اكلم و اهدي نفسي طول الطريق لحد ما وصلت للكافيه
في أوضة بحر بليل
معرفتش انام من وقت ما هي مشيت عمال اتقلب ف السرير هي صدقت بجد اني ممكن اقطع رجلها ده انا كنت بقولها كده عشان تخاف تدخل الاوضة هي صدقت كده ازاي ! انا مكنتش عايز اسبب كل الخۏف ده جواها لدرجه انها تكون بتترعش كده مكنتش اعرف اني وحش اوي كده لما شوفت نظرة الضعف و الخۏف و قلة الحيلة دي في عينها نفس النظرة اللي شوفتها في مرايتي وقت ما حصلي اللي حصل انا اكتر واحد حاسس بيها و بمعاناتها من غير ما تحكي حاجه بس هي اللي غلطانة هي اللي مسمعتش الكلام بس هي كده مش هتيجي تاني !
مر اربع ايام
دورت علي شغل كتير بجانب شغلي في الكافيه ملقتش ف بقيت اشتغل في الكافيه الفترتين الصبح و بليل موبايلي مش لاقياه من يوم ما اتطردت من عند استاذ بحر دورت عليه كتير في كل مكان وقفت فيه ملقتوش و مكنتش عارفة اوصل لامي خالص كنت هتتجنن معرفش اذا كان المرتب بتاعي من الكافيه اللي باعته لها وصل ولا لا وهما بخير ولا لا
لما سمعت صوتها قلبي دق و نزلت الجورنال اللي كنت بقرأ فيه من علي وشي اتأكد هي ولا لا
انتي !! انتي كنتي فين ده كله !
بصتله بدهشة و توتر بحر بيه !
بص علي اليونيفورم كنتي فين و بتعملي ايه هنا !
انا بشتغل هنا يا بيه حضرتك تؤمر ب إيه
و شغلك عندي اقصد معايا
حضرتك طردتني ي بيه و انا مش عايزة اقعد في مكان بحس فيه پخوف تاني
تمام واحد قهوة سادة
حسيت بإحباط شديد و كنت مستنية يقولي ارجعي كنت هرجع حتي لو بخاف منه بس حسيت اني ارتويت لما شوفته كإني كنت بقالي سنين عطشانة كنت حاسة انه كان وحشني اوي عملت القهوة و بعتها مع صاحبتي في الشغل تقدمهاله و رحت علي الترابيزات التانية اخد الطلبات و هو مشي بعد ما شرب القهوة
تؤمروا ب ايه يا فندم !
كانوا تلات شباب بصلي من فوق لتحت ب نظرة زيه و واحد فيهم غمزلي و التالت كان بيبصلي بنفس النظرات
نؤمر بيك انت ي قمر
حاولت مبينش اني خاېفة حضرتكم مقولتوش هتشربوا ايه
مسك ايدي و شدني ع الترابيزة ما قولنا نؤمر بيكي تعالي
صړخت فيه سيب ايدي يحيوان ابعد
انا للي هوريك هعمل فيك ايه ي حيلتها
استاذ بحر !!!
مسك الشاب اللي مسك ايدي و و شده من علي الكرسي وقعه ع الارض و
ضربه كان بيضربه كأنه عدوه و الاتنين التانين من المشهد و الضړب اللي اخده صاحبهم جريوا و سابوه و انا كنت واقفة مش عارفة اعمل ايه و لا استوعب انه هنا قام وقف بعد ما استكفي من ضربه و بصله و تف عليه
اتلفت ليا و بصلي قلبي اتخض كان بيدق بسرعة
مسك ايدي و ضغط عليها و ركبني عربيته و بعدين ركب و ساق فضلنا
