رواية الشغف العاشق الفصل 11
انت في الصفحة 1 من 4 صفحات
الفصل الحادي عشر
وحوش ضارية على هيئة بشړ لا يعرف الخير إلى دربها عنوانا و أزهار قد ذبلت أوراقها و تناثرت بقاياها بعد أن تم اقتطفها فلم يعد لها في البستان مكانا.
أرفعها لفوق شوية عايز الكل يشوفها و يعرف إن المحل و فروعه بتوع جاسر الراوي و بس
تلك الكلمات صاح بها جاسر الذى أمر رجاله بإزالة لافتة يعقوب و أولاده و تبديلها بأخري باسم مفروشات الجاسر انتهى العامل من تثبيت اللافتة و هبط من الدرج الخشبي فسأله
وقف الأخر يتأمل اللافتة واضعا يديه على جانبي خصره يردد اسم المتجر بسعادة ثم قال
الله ينور يا رجالة يلا بقي على شغلكم
اقترب إليه عرفة بتوجس حتى يخبره أن ما يفعله خطأ ذريع
جاسر بيه معلش إن بتدخل بس نصيحة من واحد قد أبوك الله يرحمه و شغال في المحل
من أيام الحاج عبدالعليم الراوي المحل و السلسلة كلها معروفة بمفروشات يعقوب و أولاده والناس كلها بتيجي على اسم لأنهم بياخدوا الحاجة من عندنا و هم مغمضين عينيهم
المحل ده دلوقتي بقي بتاع مين يا أبو العريف
نظر إلى أسفل پغضب و أجاب على مضض
بتاعك يا بني
أنا هعدي لك كلمة يا بني بمزاجي بس أنت الوحيد مسموح ليك تقولها عشان أنا هابقي جوز بنت أختك
ألجمت الصدمة لسانه فسأله الأخر ساخرا
إيه كلت القطة لسانك!
تمكن عرفة من التحدث أخيرا فسأله بتعجب
قاطعه الأخر بنظرة تحذيرية
مريم هاتتجوزني أنا أبويا خلاص ماټ و الحي أبقي من الميټ ده لو لسة كنت عايز تحافظ على أكل عيشك فى المكان يا أبو أمنية
ما قد سمعه عرفة للتو جعله كالمحاصر بين شقي الرحي الأول يعلم أن مريم تحب يوسف و الأخر يحبها كما يعلم أيضا أن ابنته تحب جاسر بينما الشق الأخر هو عمله في المتجر و الذى عمل فيه منذ أن كان صغيرا و أخذ من عمره أكثر من أربعين عاما فماذا عساه أن يفعل في ذلك المأزق!
ظهر إليه شابا في نفس مرحلته العمرية نحيل القوام و ذو عوينات دائرية تغطي نصف وجهه شعر يوسف بالفرح حينما رأي صديقه
ماجد!
و عانقه و ربت عليه فقال الأخر إليه
أنا روحت لك على البيت قالوا لي إنك مش موجود و روحت لك على المحل
