رواية ايمان ج3

!
أمسك اللواء نزيه بملف أمامه وأعطاه لعمار مرددا 
معتز وطبعا محمد معاك والنهارده وصل النقيب أمير من الأسماعيليه والنقيب طارق من الفيوم والرائد عمرو من المنصوره كل واحد عندك فيه كل المعلومات اللي تخصه واللي بناءا عليها انا اخترته لكن طبيعه المهمه لسه محدش يعرف ومحدش هيعرف الحقيقه غيري انا وانت 
أخذ عمار يفحص تلك الأوراق بدقه وهو يهز رأسه بإيماء ثم أضاف 
ومين الدكتور اللي هيطلع معانا !
أعتدل اللواء نزيه في مجلسه وردد بحرج 
بسنت !
هز له عمار رأسه بعدم 
بسنت مين 
بنتي !
بسنت بنتك وبتقولي مش عايزك تخاطر بزينه
أنا حاولت أقنعها كتير لكن هي كانت مصممه من وقت ما عرفت إنك أنت اللي هتبقي القائد ! بتقول عايزه اخد فرصتي انا كمان !
فرصه إيه وزفت إيه بسنت ملهاش في العمليات اللي زي دي المفروض تبقي في المستشفي العسكري متخرجش منها
بص هي جايه النهارده وتلاقيها وصلت كمان ! أقنعها انت وانا هجيبلك دكتور تاني 
أما أشوف ربنا يستر !
وبالخارج كانت زينه تنظر حولها بتوتر قليلا حيث كانت تلك الأجواء غريبه ومريبه عليها بعض الشئ ولكن ما كان يطمئنها إنها بصحبه عمار فكل صعب بعد ذلك يهون 
وعلي مسافه منها ذلك الذي صعق في دهشه شديده حينما وجدها هنا في ذلك المكان تحديدا !
وما أن ألتفتت الناحيه
الأخري حتي فوجئت بمن يقف أمامها ففزعت قليلا وأندفعت للوراء 
إيه خضيتك المفروض طالما انتي في مكان زي ده متتخضيش ولا تخافي
كان ذلك صوت محمد وهو يرمقها بنظرات غريبه لم تستطع تفسيرها بعدما كان قادما الي مكتب اللواء نزيه ورأها تقف أمام الباب حيث شعر بالحيره بعض الشئ لوجودها إجابته مردده 
معلش اصلي لسه جديده واحده واحده هتعود 
واحده واحده ! إنتي مطوله ولا إنتي
بتعملي إيه هنا إصلا !
كادت زينه أن تجيبه ولكنها تذكرت تحذيرات عمار لها فرددت 
وانت مالك !
أشطات محمد منها فرمقها پغضب وكبرياء مرددا 
أنتي عبيطه يا بت إنتي ولا إيه إنتي عارفه إنتي بتكلمي مين 
أتاه صوت عمار وهو يفتح الباب أمامه 
لا مش عارفه يا محمد بتكلم مين ! والأحسن متعرفش إنك رائد معانا هنا عشان هيبقي منظرك وحش اوي لأن لا دي أخلاق رواد ولا طريقه تعاملهم ككقائد تمام !
دب الخۏف بداخله ولا يدري ماذا يفعل وكيف خرج له عمار من حيث لا يدري واهم من ذلك وجود تلك الفتاه بصحبته هنا ما تفسيره رفع يديه مؤديا التحيه العسكريه وبداخله يلعن اللحظه التي ولد بها ذلك الشخص
تمام يا فندم أنا بسس كنت بعرف 
لا بس ولا مابسش المفروض انك عارف ان في اجتماع دلوقت ليه انت مش في
غرفه الاجتماعات 
أه عارف لكن مش فاهم فجيت عشان افهم من القائد وات 
قاطعه عمار بصرامه
ومن إمته بنيجي هنا عشان نفهم امال أحنا عاملين الأجتماع ليه أتفضل يا باشا علي هناك فورا
رفع يديه علي مضض 
حاضر يا فندم !
ما أن ذهب من امامهم حتي ضحكت زينه بنصر ورددت 
ده انت فرمته ! برافوا عليك يا عموري 
وقف أمامها بصرامه 
وانتي كمان ! إيه عمورك دي هنا انا اسمي القائد والعلاقه اللي بينا زي ما مفهمتك محدش هنا يعرفها انتي معايا في المهمه وهيبقي معاكي فريق غيرك فعايز إلتزام في كل حاجه انا هنا مبهزرش في خلال عشر دقايق تكوني لابسه لبس الجيش اللي هيسلمهولك دلوقت 
ارتابت زينه من تلك اللهجه القاسيه قليلا فنظرت له بتردد
هو الكلام ده ليا يا عمار 
لأ لأمي ! هو اللي هعيده هزيده ! هنا تقوليلي يا قائد أو يا فندم لقب تاني لأ !
فغرت زينه فاها بدهشه فارتفع صوت عمار بلهجه أمره 
إنتي لسه واقفه ! إتحركي
تمتمت زينه بضيق وإرتياب من تلك الحياه الجديده التي اقبلت عليها
حيث تغير كل شئ 
هو الموضوع طلع بجد ولا إيه ! لأ انا عايزه أروح لأمي
اقبلت عليهم إحدي السيدات مرتديه الزي العسكري واصطحبت زينه لغرفتها لتعليمها أولويات العمل هنا في حين إلتقي عمار بمعتز ورحب به وأخبره بأن يذهب أيضا الي غرفه الأجتماعات وكذلك نظر أمامه فوجد كل من أمير وطارق وعمرو يتجهون الي تلك الغرفه أيضا 
اتفضلي ورايا 
مضت خلفه علي مضض وهي مازالت لم تستوعب تلك النقله الحياتيه التي ازلفت بداخلها فجأه 
داخل غرفه واسعه فاخره الأثاث مجهزه ومعده بالداتا شو ينتصفها منضده طويله ويلتف حولها العديد من المقاعد ما أن خطت زينه بقدميها الي تلك الغرفه حتي شعرت بالخۏف نوعا ما ممزوجا بالرهبه من فخامه تلك الغرفه التي بدت لها سريه نوعا ما 
أشار لها عمار بأن تجلس علي إحدي المقاعد وما أن جلست حتي دلف خلفها معتز ومحمد ويليهم كل من أمير وعمرو وطارق وآخرهم اللواء نزيه والذي ما أن دخل حتي اغلق الباب خلفه ولكن وضعت قدم أحدهم وحالت إغلاقه وما أن فتح مره أخري حتي دلفت فتاه جميله الملامح بإبتسامتها الحيويه ترتدي أيضا الزي الرسمي وأسرعت واتخذت مكانها بجوار زينه نظر لها والدها بقله حيله في حين رمقها عمار بضيق ولكنها لم تبال بنظراتهم وأخذت تبتسم نظر اللواء نزيه لعمار وكأنه يخبرهمفيش فايده
جلس عمار بالمقعد الأقرب للواء نزيه الذي كان يرأس مقعده المجلس ولكنه ظل واقفا وشرع في حديثه 
أهلا بيكم جميعا في مقر وحدات الصاعقه طبعا كلكم عارفيني انا اللواء نزيه الديب واللي اخترت كل واحد فيكم للمهمه الوطنيه
دي نبدأ بالتعريف بدايه من النقيب طارق والنقيب أمير عمليات خاصه
الرائد عمرو مخابرات حربيه الرائد معتز والرائد محمد صاعقه والمقدم عمار هو قائد الفريق ومعانا برضه البشمندسه زينه دي اللي هتأمن الشبكات واللاسلكي بمعني تاني الهكر الخاص بينا والدكتوره بسنت هتبقي الطبيب المصاحب ليكم ودلوقت اللي هيشرحلكم طبيعه المهمه هو القائد عمار 
جلس اللواء نزيه في مقعده في حين نهض عمار واشعل الداتا شو لتظهر بعض الصور لمناطق معينه وأسلحه وذخيره مختلفه الأنواع والأحجام والأشكال وبأخر تلك الصور التي ظلت ثابته لم تتحرك صوره تهامي أبو الدهب 
ما أن رآي محمد تلك الصوره حتي تحرك بتوتر من موضعه وإتبتلع ريقه وهو يستمع لعمار
تحدث عمار بتوضيح 
تهامي أبو الدهب وتنظيم القاعده أو ما يطلق عليه داعش 
تحرك من مكانه قليلا وهو يرتب كلماته ليطلقها ببساطه وأسلوب قيادي محنك 
من البدايه خالص طبعا كلنا عارفين أطماع وعينها الثابته علي مصر واللي مدخلها سيناء عامله خطه ثابته وهي أن سيناء في النهايه ليها ومتأكده أنها هتحقق أهدافها من غير قيود وبتخطط للموضوع ده من اربع سنين من وقت ما فكرت في إنشاء منطقه أمنه للوقايه من الأرهاب في سيناء سيناء مهمه مادامت جزء مهمل من القاهره ومنطقه صحراويه مصر مش محتاجاها ومعظم أراضيها صحاري وكمان سيناء ضعف مساحه وفيها كل الخيررات الأقتصاديه وعشان كده عايزينها دوله قائمه بذاتها يعني عايزين يحولوا سيناء بأكملها الي دوله 
وطبعا أحنا رفضنا وده الطبيعي والمتوقع مننا وده كان سبب أنهم يبدأو يحاربونا بس بطريقه غير مباشره وهي داعش 
رفعت بسنت يديها فأذن لها عمار وقالت 
اللي هو إزاي ! مش المفروض أن دول يكونو تبع مش تنظيم القاعده 
إبتسم عمار وهز رأسه بإيماء 
بالظبط يا دكتوره برافوا عليكي ! منين جايين يهاجموا اللي بيضربوهم في ارضنا اللي هما داعش ومنين يبقي اللي بيهاجم برضه هو داعش يعني بيضربوا في بعضهم مثلا وده ملوش غير تفسير واحد بس أن المنظمات الأرهابيه او تنظيم القاعده مصدرها
الحقيقي 
عايزين يقولولنا أن سيناء بقت خطړ علي وأن مصر مش قادره تتصدي لها وتواجه القاعده في سيناء فتدخل سيناء ضمن مسارح الإرهاب العالميه اللي طلعتها أمريكا وعايزه تقود الحړب ضد القاعده فيها 
يعني بكل وضوح عايزه تدخل سيناء
وتقتل داعش وتقضي علي القاعده اللي هما اصلا دخلوها سيناء وطبعا دي حرب وبكده هيقتلوا أو هيقضوا علي أهل سيناء كلها واحنا نسقف لهم ونقولهم شابوو انتو قضيتوا علي داعش والقاعدة وطهرتوا سيناء 
والمضحك في الموضوع أنه بيقولك أن الارهاب ده مجاش الا بعد ما سابت سيناء كمل بتريقه جه بديل عن الفراغ الأمني والتنموي اللي سابه غياب 
ضحك الجميع وكذلك اللواء نزيه في حين هرشت زينه برأسه وهي تشعر بأنها لا تفهم اي شئ مما يقال أمامها ولكن تذكرت شيئا هاما فرفعت يدها هي الأخري تعجب عمار قليلا ولكن إذن لها فتحدثت 
هو يعني بعيدا عن عظمه الكلام ده !! 
احنا بنسمع من زمان أن تنظيم القاعده أو داعش دول جماعات اسلاميه ! يعني مسلمين فهما ليه بيعملوا كده 
أشار إليها يستوقها مقاطعا بجديه
مادام الأرهاب خطړ عالمي اتمكنت من الربط بينه وبين الأسلام والمقاومه الأسلاميه والجهاد و و و يعني زي ما يكون كده محرفين اسلام وعاملين لنفسهم
دين جديد وكل اللي ينضم ليهم بيتعمله غسيل دماغ عشان يبقي هو اللي علي حق 
وأكبر دليل علي كلامي ده الشخص اللي قدامكم في الصوره ! تهامي أبو الدهب اللي مسؤل عن داعش في مصر أو تحديدا سيناء 
معرفش كلكم عارفينه ولا لأ لكن لو عملتوا سيرش بسيط عنه هتعرفوا أنه ابعد ما يكون عن الإسلام والمسلمين وأنه كل أعماله غير مشروعه من تجاره أعضاء وسلاح ومخډرات 
تحدثت زينه مره أخري 
لم يستطع الجميع كتم ضحكاته في حين نظر لها عمار بجديه 
بالظبط وللأسف محصلش هجوم منهم ولا الحړب حصلت ! لكن المخابرات أكدت لنا أنهم عندهم خطه بديله 
ودي المهمه بتاعتنا اللي تم اختيارنا عشانها 
تحدث الرائد عمرو
وبالنسبه لتهامي ابو الدهب ليه متقبض عليه !
ابو الدهب هرب النهارده أول ما رفعنا المراقبه من عليه نظر لمحمد الذي شعر بالتوتر أو وصلناله أنه المراقبه اترفعت من عليه عشان
يهرب ويروح لهم ومن هناك هيتم القبض عليه وناخد كل المعلومات اللي عاملاها المنظمه للهجوم علي مصر وإحتلال سيناء يعني ببساطه ابو الدهب هو اللي هيوصلنا ليهم عشان نعرف الخطه الهجوميه اللي بيخططوا ليها لأحتلال سيناء 
ضغط عمار علي بعض الأزرار لتظهر مجموعه من مقاطع الفيديو عباره عن صور واضاف 
قدامنا بالظبط ١٠ ايام وهنتحرك من هنا في خلال ال١٠ أيام دول هيكون معانا تفاصيل العمليه من الف للياء الفيديوهات اللي بتنشرها تنظيم القاعده علي اليوتيوب بيوضح تحليل الصور أن مقاتلين التنظيم بيتبعوا عقيده قتاليه منهجيه وعندهم تسلل قيادي وتنظيمي وكذلك اسلحه متطوره نسبيا اعلي حاجه فيهم هي الصواريخ المضاده للطائرات وطبعا كل انواع الاسلحه
الخفيفه والبنادق والأر بي جي والاجهزه المتفجره وأنواع تانيه كتير هعرفكم عليها واحده واحده في خلال الفتره دي 
وده طبعا لأن انا اللي شفت بعيني الاسلحه اللي ابو الدهب كان بيصدرهالهم عشان الحړب وأنا برضه بصحبه مجموعه من الزملاء للي قضينا عليها ودمرناها قبل ما توصلهم ومش عايزه اقولكم إحنا خسرناهم قد إيه 
ظل كل منهم يسأل حول طبيعه المهمه من ناحيته الخاصه وعمار يجيبه بسلاسه وموضوعيه حتي اتضحت كل الجوانب الغامضه حول طبيعه تلك المهمه 
وما أن انتهي حتي لاحظ عمار أن الجميع كانوا يتبادلون الأسئلة بإستثناء محمد فنظر له عمار مرددا 
وأنت يا محمد معندكش اي سؤال !
ضحك محمد بكراهيه وغيظ مجيبا 
لا بصراحه ماشاء الله مفيش سؤال متسألش عن المهمه دي ! لكن أنا سؤالي واحد بس !
هز عمار رأسه ليسأل فاكمل محمد 
احنا رايحين تقريبا ومهمه سريه ولو اتمسكنا مش هنطلع منها غير چثث دا إذا كانوا حنينين علينا وقتلونا يعني البنات دي بتعمل معانا إيه هو إحنا رايحين نهرج 
كظم عمار غيظه ونظر له بحنق
شديد 
وأنت بتعمل معانا إيه اخترناك بناءا علي اساس إيه مفيش منك اتنين مثلا !!! كل واحد هنا تم اختياره لسبب معين سبب واحد فقط مش لأن مفيش غيره واللي عايز يعرف فيكم ايه السبب ده يسأل القيادات العليا ده شغلهم وهما ادري بيه منك كلنا هنبقي إيد واحده هنا يا نروح كلنا ونرجع إيد
واحده يا حد مننا إيده تفلت ويضيعنا كلنا مفهوم !
ردد محمد علي مضض وضيق 
مفهوم يا فندم !
امرهم اللواء نزيه بالانصراف ليأخذون قسط من الراحه إلي أن يصلهم اخبار من المخابرات الحربيه بمكان ابو الدهب وبعدها سيتم الاعداد المتقن والتدريبات لهم من الصباح الباكر 
وما أن خرجوا جميعا وأمر عمار بأن يظل معه جلس أمامه فردد اللواء نزيه 
كده بسنت معاكم خلاص 
هز عمار رأسه بالأستسلام
الحماس اللي شفته في عينيها والأصرار اللي جواها ده بيقول أنها صعب تتراجع ! ومن حقها بصراحه تاخد فرصتها زي ما هي
عايزه لكن متبدأش بمهمه صعبه زي دي ! يا عالم هنرجع منها ولا لأ 
مع اني واثق طول ما هي معاك انا متطمن ! لكن برضه حاول معاها هي بتسمع كلامك 
نهض عمار مرددا 
تمام ! أول ما يوصل خبر من المخابرات الحربيه بلغني علي طول ! مش هنام دلوقت
نهض اللواء نزيه متجها الي مكتبه بعدما أكد لعمار أنه سيفعل ذلك بالفعل 
كانت زينه بإنتظار عمار بالخارج في مكان معين بينما كانت بسنت واقفه أمام الغرفه بالخارج بإنتظار عمار أيضا والذي ما أن لمحته أسرعت إليه 
مساء الخير يا قائد !
توقف عمار أمامها مبتسما والتي ما أن رأته زينه حتي دب الڠضب يحرقها من الداخل ردد عمار 
مساء النور يا دكتوره ! هي جمله واحده بس !
أسرعت بسنت تردد بضحك أيضا 
اقولك انا ! هتقولي فكك من المهمه دي انتي مش قدها وأنها صعبه عليكي وانتي لسه مش عارفه أيه واصلا بابا تلاقيه هو اللي قالك أقنعها تتراجع صح 
ربع عمار ذراعيه أسفل صدره ونظر لها بإهتمام مرددا 
في ٣ أشخاص المنظمات الأرهابيه مبتحبهومش وتقال علي قلبهم أولهم العساكر يعني الشرطه والجيش عشان بيحاربوهم والمعلمين عشان بيدوا للناس امل والدكاتره عشان بيعالحوا اللي هما بېقتلوهم 
هزت بسنت رأسها بعدم اقتناع 
والمفروض دلوقت انا أخاف !
لو انا مكانك كنت خفت !
طب وبالنسبه للبشمهندسه اللي معانا اشمعنا هي وانا لأ ! علي الأقل انا طب عسكري يعني متدربه وممكن اكون احسن منها
علي فكره !
هي كمان متدربه دا غير اني محتاجها هي بالذات هي أنسب واحده هتقوم بالمهمه دي لكن انتي في بديل ليكي 
ماشي بس مع ذلك ليا فرصتي ومش من حقكم تعترضوا وانا عايزه أستغلها 
مش من حقنا !
أحم احم ! سوري مقصدش انكم تقدرو تمنعوني لكن انتو مش هتعملوا كده صح ! عمار انت بتعتبرني اختك الصغيره انا بجد نفسي اطلع معاك في مهمه زي دي نفسي اسمي يتذكر معاك في بطولاتك وان شالله حتي علي الهامش متحرمنيش بالله عليك من الأمنيه دي مش بتكرر كتير 
ومن ناحيه أخري كانت زينه واقفه تراقبهم من بعيد والغيظ يفتك بقلبها من تلك التي تتحدث معه بضحك وسلاسه دون قيود ! هو يخبرها بأن لا تضحك أو تتحدث معه إلا بنظام وأوامر وها هو مع تلك يفضفض معها بكل اريحيه وصوت ضحكها يكاد أن يصل إليها 
رآها محمد من بعيد فابتسم بخبث وذهب إليها ولكنها لم تشعر به فنظر إلي مرمي بصرها وأدرك أنها مندمجه مع عمار الذي يتحدث مع بسنت فخرج صوته قائلا
متركزيش معاه ! هو عنده بسنت دي حاجه تانيه تقريبا كده كان هيحصل مشروع ارتباط بينهم وفشل أو اجلوه الله أعلم !
نظرت له زينه بغيظ وضيق شديد 
أنت بتقول إيه 
انتبه لكلامه مرددا بخبث 
لا متاخديش في بالك !
نظرت له زينه بإمتعاض وقرف 
أيوه يعني جاي ليه عايز ايه مني !
بصراحه يا بشمهندسه حسيت إني افورت معاكم جوه شويه ! فحبيت اعتذر عن الكلمه السخيفه اللي قلتها !
متهيقلي القائد رد عليك جوه وإني زيي زيك هنا فوفر اعتذارك
كز محمد علي أسنانه وود لو أنه استطاع تلكيمها في حين هدا من روعه ورسم ابتسامه علي شفتيه 
بس برضه اتمني انك تكوني بتعرفي ټضربي ڼار علي الأقل
عشان تكبري في عيني 
شعرت زينه بالإشمئزاز منه ورددت 
ياباشا انا كبيره في عين نفسي عينك دي تعالي احطلك فيها أيلاينر 
وحيثما انهي عمار حديثه مع بسنت 
مفيش فايده ! امري لله أتفضلي روحي علي اوضتك عشان هتصحي بدري معانا 
ولم يكد ينهي حديثه حتي وقعت عينيه علي محمد وهو يكاد أن يتطاول علي زينه فأسرع إليه في ڠضب 
في إيه اللي بيحصل هنا 
وقبل أن تتحدث زينه أسرع محمد 
لقيتها واقفه
وعماله تتصنت علي كلامك انت والدكتوره فبقولها واقفتك هنا غلط وممكن يتحقق معاكي وخصوصا انك لسه جديده محدش يعرفك ببص لقيتها اتفتحت فيا ولسانها بقي مترين وبتشتم ومش هاممها حد !
اردفت زينه پغضب 
كداااب انا كنت 
قاطعها عمار موجها حديثه لمحمد 
ياريت تتفضل انت كمان علي اوضتك مع زمايلك عشان زي ما وقفتها هنا غلط وقفتك انت كمان غلط 
قدم له التحيه العسكريه ونظر لزينه بتشفي وانتصار قبل أن يرحل في حين أمر عمار بسنت بالمغادره أيضا وظل بمفرده معها جذبها من ذراعها بقوه خلفه الي مكتبه وما أن دلف بداخله حتي اغلق الباب خلفه واطفا الكاميرات 
وقف أمامها پغضب مرددا 
انا فهمتك وقلت لك إيه انت مفكره نفسك جايه هنا تعملي ايه يا زينه 
نظرت له زينه بحزن وترقرقت الدموع بعينيها 
تحدث عمار بصرامه ممزوجه ببعض اللين 
عمار اللي كان معاكي امبارح ده حبيبك وجوزك لكن عمار اللي هنا في الكتيبه حاجه تانيه ! انا معنديش في الشغل يما ارحميني وانتي بالذات يا زينه ! انتي بالذات اكتر واحده هكون شديد معاها واعاملها علي أساس اني معرفهاش نهائي وأنها مش مراتي ولا بيننا اي علاقه انتي مفكره نفسك تعرفي طبيعه المهمه
لكن المهمه دي ليها وش تانيه محدش يعرفه من الفريق نهائي وحتي انتي مينفعش اقولهولك حتي لو كنتي مراتي 
كان يقصد بحديثه خېانه محمد لهم وأن الوجهه الأخر للمهمه هو الامساك به وإيقاعه قبل ايقاع ابو الدهب وبالطبع لا يريد عمار بأن يشتبه بالعلاقه بينهم حيث لا تكن نقطه ضعفه مره أخري ويصيبها مكروه في حين فسرت زينه تلك الكلمات أنه لا يريد تلك الطبيبه بسنت أن تعرف بأنها زوجته أو أن له علاقه أخري بغيرها احتفظت زينه بذلك التفسير لنفسها وكتمت بداخلها المها في حين أضاف عمار 
أرجوكي يا زينه اسمعي كلامي وأستحملي الميري اللي هنا انا خاېف عليكي ومش عايز يجرالك حاجه ! متتهوريش وتمشي من دماغك زي
المره اللي فاتت واللي اقولك عليه تنفذيه 
أبتعدت زينه خطوه عنه ونظرت له بعتاب وهي تجفف دموعها وهزت رأسها مردده 
تحت امرك يا قائد
حقك عليا يا حبيبتي لكن عشان خاطري انا اصبري لحد المهمه دي ما تخلص عشان نتجوز ! إنتي عارفه إن هي اللي مأجله فرحنا انا صابر وهصبر وهتحمل عشان نتقابل في الأخر واوصلك اصبري واتحملي انتي كمان زيي
مبستحملش اشوف نظرتك دي ! ولا بحب اشوفك حزينه يا زينه 
اومأت برأسها في حب فأضاف عمار هامسا 
لأ انا بحب أشوف ضحكتك ! يلا وريني
لو اتمسكت انا وانتي هنا هنروح في داهيه 
ضحكت زينه أكتر واجابته 
موافقه اروح في داهيه عادي
طالما معاك 
طب متنقيش فيها بس بدل ما نروح بجد 
ظلت تضحك لمجرد تخيلها أنها معه في كارثه ما أو چريمه مشتركه قبل عمار رأسها وقال
يلا ارجعي اوضتك عشان هتصحي الصبح بدري ! وأحذري من محمد اياكي اشوفك بتتكلمي معاه
محمد بس اللي متكلمش معاه والباقي اصاحبهم طب حلو هما اصلا كلهم مزز !
مزز أوي يعني ! قصدي يعني مش حلوين خالص ولا فيهم ريحه الجمال طب بقولك إيه أنا ماشيه يدوبك الحق انام عشان أصحي بكره الصبح مع المزز قصدي مع الفريق 
أمسك بها عمار من ذراعها پعنف 
ملكيش لا كلام معاه ولا كلام معاهم ! كلامك معايا انا بس انا القائد غير كده مسمعش نفسك أو اشوف عينك تترفع علي اي حد فيهم مفهوم !
مفهوم ياباشا مفهوم وربنا انا أصلا لما ببص لغيرك بيجيلي شلل رعاش طب سلامو عليكوا همشي انا بقه للسلاح يطول 
تركها عمار وأسرعت من أمامه إلي غرفتها 
في حين خرج عمار واغلق الباب خلفه وأخذ يمر علي الغرف فلمح بطريقه أحدا ما يقف وهو يتلفت يمينا ويسارا وهو يتحدث بالهاتف 
وقف عمار خلفه وعرفه علي الفور خرج صوته صارما 
بتعمل إيه عندك يا محمد 
ولحد هنا الحلقه خلصت 
الروايه اخدت منحني تاني خالص يا جماعه ونقله جديه في حياه الأبطال منهم
اللي كمل معانا ومنهم اللي دخل جديد وكل واحد ليه دوره 
حكايه عمار وزينه هيبقي ليها جزء واحد فقط فياريت اعرف انتو حابين محور الروايه الجديد ومكملين فيها ولا لأ ! 
مع العلم أن من اول هنا والروايه هتزيد الأثاره فيها واللعب هيبقي علي أصوله بجد من كافه النواحي !
فسيبوا رايكم