رواية هدير ج1

قالت في سرها 
هو آسر بيحبها عشان بتلبس واسع ولا بيحبها عشان شكلها حلو و مش بتحط ميكب ولا عشان مش بتعمل مشاكل مع حد و هادية... مسمعتش انهم اتخانقوا قبل كده... ده معناه ان هي مريحاه و بتسمع كلامه... عشان كده بيحبها... يعني مستحيل يحبني...
بعد مرور 3 ساعات... رجع آسر لوعيه... تحرك پألم و فتح عينيه... وجدهم هم ال 6 ملفتين حول السرير ينظرون إليه
بسمھ الله الرحمن الرحيم... انا بتحاسب ولا ايه... 
ضحكوا جميعا... حاول آسر في النهوض... وضعت رغد المخدة خلفه و اسند ضهره عليها... 
اخيرا صحيت... 
لكنه قال 
متقربيش... 
وقفت و تغلغت الدموع في عيناها و قالت 
آسر... انا خۏفت عليك بجد... 
لم ينظر لها و ظل صامتا... قال محمد 
قلبنا اتقطع من الخۏف عليك... ارجوك متتعاملش معانا كده 
لم يرد عليه و وقعت عيناه على معاذ...
كمان ليك عين تيجي هنا !! امشي اطلع بره... 
قالها آسر بإنفعال عليه 
انا غلطان لاني خۏفت عليك و... 
طرق الباب و دخل الطيب هو و الممرضة... صمت معاذ و نظر لآسر پغضب... ركبت الممرضة محلولا جديدا لآسر... 
حاسس بأي ألم في ايدك... كتفك... 
لا انا كويس... بس رأسي مصدعة شوية... 
شكلك اتخبطت فيها جامد... على العموم متقلقش... تاخد حباية صداع و هيروح... و تاخد كمان الأدوية اللي هكتبها... بعد اسبوعين تغير جبس ايدك... هو ك سر بسيط بس لازم يتجبس برضو... رأسك مچروحة من وراء كمان... القماش الطبي اللي على رأسك يتغير كل يوم بالليل...
تمام... 
سمعت انك ضابط في المنظمة الوطنية... 
ايوة صح... انا شغال هناك... 
نشكرك للتضحية اللي قدمتها عشان تنقذ الاطفال اللي كانوا هيموتوا من وراء القڼبلھ دي... بس للأسف لازم ترتاح في البيت كويس... فبلاش شغل خاالص الأيام دي... خد إجازة... 
ماشي هشوف... 
اهي ورقة بكل الأدوية اللي هتحتاجها... وضع الورقة على الطاولة خلي بالك على نفسك... 
شكرا يا دكتور... 
خرج الطبيب هو و الممرضة... امسكت رنا الورقة التي مكتوب فيها الأدوية و خرجت لتشتريهم... تفادى آسر نظرات اهله له... نظر للجانب الآخر و قال 
اخرجوا بره كلكم... ما عدا رغد... 
تفاجئوا من كلامه... خرج معاذ و هو يلعن آسر في سره و تبعته ريناد... 
قولت اخرجوا انتوا كمان... 
ليه 
مش عايز اشوفكم... وصلت ولا اوضح أكتر 
كان محمد سيرد لكن فاطمة امسكت يده و أشارت له بعيناها ان يخرجوا كمان يقول...
خرجوا... جلست رغد بجانب آسر و ظلت تنظر له 
لو سمحتي متتكلميش معايا في حوارهم و تقوليلي ليه طلبت منهم يخرجوا... 
مكنتش هتكلم في كده اصلا... مبحبش اضغط عليك... المهم انت كويس 
اه تمام... 
عايزة اقولك حاجة مهمة اوي... 
قولي... 
رنا مراتك... 
مالها 
بتعشقك... 
اممم... مش انا قولتلك امبارح بطلي تتفرجي على مسلسلات 
انا بتكلم بجد... اصل انت مشوفتهاش بدري... كانت هتقطع نفسها من العياط عليك... ده حتى كمان اتبرعتلك بجزء من ډمها لانك ڼزفت كتير... 
تعجب كثيرا مما سمعه منها... 
انتي بتقولي الحقيقة 
اها... حتى اهي جريت تجبلك الأدوية... 
نظر لها لوهلة و صمت... أشارت رغد بيدها لعروق آسر 
كده ډمها بيجري جواك... يعني هي تبقى مراتك و شريكة حياتك كمان بقا بينكم صلة ډم... حاجة آخر كريتيڤ... 
ابتسم آسر ابتسامة خفيفة... نظر ل رغد و قال 
هي فين 
مين 
مراتي... قصدي رنا... رنا فين 
ابتسمت رغد و قالت 
نزلت للصيدلية تشتري أدويتك... كام دقيقة كده و هتيجي... 
طرق الباب ف قالت رغد
عدت الدقايق... اهي جات... 
فتحت رغد الباب... دخلت رنا وضعت كيس الأدوية على الطاولة... قالت رغد 
يلهوي يا بطني... 
مالك 
مش عارفة يا رنا... شكلي كده تقلت جامد في الفطار... هروح الحمام... 
ماشي روحي... لو احتجتي حاجة اتصلي عليا... 
ماشي يا سكر... 
اغلقت رغد الباب... بقيا هم الاثنان بمفردهم في الغرفة... آسر نظر الى الى رنا الجالسة على الاريكة و تقرأ التعليمات المكتوبة على كل دواء... 
احم... عايز اشرب... 
اومأت له و فتحت الثلاجة الصغيرة التي بالغرفة... فتحت زجاجة المياه و ملأت له الكوب... اخذه منه و شرب... 
شكرا... 
العفو... جعان اجبلك تاكل 
مفيش مشكلة... 
اومأت له و خرجت و بعد دقائق عادت و معها طبق شوربة خضار... 
مش بتاكل ليه مش بتحب
شوربة الخضار 
لا بالعكس بحبها جدا... بس ايدي مك سورة و متجبسة زي ما انتي شايفة... 
و ايدك التانية 
ۏجعاني شوية... 
ۏجعاك ! هروح انادي على الدكتور... 
لا استني بس... ۏجع بسيط... مش مهم يعني بس مش هقدر أكل بيها... 
نظرت له لوهلة و تسائلت... هل يقول تلك الحجج حتى تطعمه بنفسها 
سحب كرسي و جلست عليه... اخذت معلقة من الشوربة و مررتها له... اكلها من يدها و هو ينظر ل عيناها و هي احست بالحرج و تفادت نظراته... ظلت تطعه حتى انهى الطبق... اخذت منديل و مسحت به فمه و عيناه لا تنزل من عليها... 
الدكتور مقالش هخرج امتى 
قال هتقعد يومين هنا... 
يومين ايه... انا بتخنق من جو المستشفيات ده... انا عايز اخرج من هنا
بس انت لسه تعبان... 
ما كده كده هقعد في البيت... معلش خليه يكتبلي على خروج... انا كويس و هبقى كويس اكتر لما اخرج اشم هواء.. 
اومأت له و ذهبت للطبيب... و وافق على خروجه
في القصر ليلا...... 
كويس انك قولتلي انك في البيت... كنت هروح على المستشفى... الف سلامة عليك يا وحش... 
الله يسلمك يا خالد... في حد اتضرر غيري 
لا... 
الحمد لله... 
لولا انك تعبان و لسه خارج من المستشفى كنت هتخانق معاك... 
ليه 
مش تستنى أمر مني ازاي تاخد القڼبلھ و تھرب بيها 
عايزني اعمل ايه 
كنت هجيب خبير مفرقعات تاني... 
و لما يوصل تكون القنبلة اڼفجرت فيا و في المستشفى كلها... 
و المهندس وائل ازاي معرفش يفكها 
وائل ده فستك... لسه جاي يكتشف ان في قڼابل عداد الوقت بتاعها من بيوقف غير بالريمورت بتاعها... اخدت القنبلة و جريت بره المستشفى... لحسن الحظ ان المنطقة اللي وصلتلها كان معظمها طرق بس و مفيش ناس ولا مباني... سيبتها هناك و اڼفجرت... طلعت القنبلة دي قوية بشكل... كنت على بعد 20 متر منها و حصل فيا كده... ما بالك لو قدر الله
اڼفجرت في المستشفى اللي كلها متقفلة و إزاز و اجهزة كهربائية... الحمد لله سترت و الاطفال بخير... و انا كلها اسبوع و هقوم زي القرد عادي... 
آسر انت كل مرة بتثبتلي اد انت واحد شجاع و شهم وضع يده على كتفه و اكمل انا فخور بيك... 
ابتسم له آسر بسرور... طرق الباب... دخلت رنا و معها مشاريب الضيافة... وضعتها على الطاولة و ذهبت... 
تعرف يا آسر... انت محظوظ بمراتك دي... 
ما تلم نفسك يا خالد !! في ايه مالك 
قالها آسر بإنفعال عليه... ضحك خالد و قال 
مقصدش حاجة غلط... ما انا متجوز و مخلف كمان... قصدي يعني ان مراتك شجاعة زيك... عملت المستحيل عشان تدخل تاخد اخوها... مهتمش لكوم الجنود اللي واقفين ولا اهتمت بوجودي... و دخلت اخدت اخوها... 
عشان بتحبه و متعلقة بيه... 
خاېفة ترجع اخوها المستشفى... خاېفة ان الحوار ده ممكن يتكرر تاني... 
لازم نعرف مين الكلب اللي دخل المستشفى و حط القنبلة دي... 
حطيت حراسة مشددة قدام المستشفى دي و مستشفيات الاطفال اللي في نفس الخط... حتى الأطفال مش سايبنهم في حالهم... ربنا يحرقهم... 
يارب... 
يلا انا همشي... هجيلك تاني... 
تنور في اي وقت... 
ابتسم و ذهب... جاءت رنا و اغلقت باب الغرفة... اعطت آسر ادويته... 
ياسين كويس 
اه كويس... الحمد لله... 
طيب انتي عارفة ان ياسين عنده جلسات... يعني مينفعش يقعد هنا... 
بس انا خاېفة عليه... 
اممم... طب بصي هشوف لو ينفع يروح على معاد الجلسات بس يبقى خليه قاعد هنا و معاكي... 
بجد هتعمل كده 
اه... ياسين خلاص بقا صاحبي... 
ابتسمت رنا و نهضت لتذهب... امسك يدها و قال 
رايحة فين 
هروح انيمه... 
تنيميه و تيجي تاني... 
تعجبت رنا من كلامه و تسأل نفسها... لماذا كلامه اصبح غريبا بهذا الشكل نظرت ليده الممسكة بيدها ف لاحظ و تركها... ذهبت لياسين... قال آسر بضجر 
من الصبح مش عارف اتكلم معاكي كلمتين على بعض... بعدين دي كذابة... بتتحجج بياسين عشان تھرب مني... بس ماااشي... مش نايم غير لما نتكلم...
الساعة 1 ليلا.... 
فتحت رنا باب الغرفة و رأت آسر ثم قالت في سرها 
يوووه ده لسه صاحي زي البومة اهو... انا اتأخرت قصدا عشان لما اجي يكون نايم... 
وجدت آسر اخذ وسادة و وضعها على الاريكة و سينام... جاءت بسرعة و اخذت الوسادة 
في ايه 
انت هتنام على الكنبة 
ايوة... 
لا مينفعش... انت تعبان و لسه خارج من المستشفى... نام انت على السرير و انا هنام على الكنبة... 
مش هتعرفي تنامي عليها... 
لا هعرف... يلا روح انت نام على السرير... 
نظر لها لوهلة ف قالت 
انت لسه هتبصلي روح نام يا حضرة الضابط... 
ابتسم و اومأ لها... ذهب للسرير و استلقى عليه لكنه نهض مجددا... 
في حاجة مضيقاك 
التيشيرت ده مضايقني اوي... 
و بيد واحد حاول خلعه لكنه لم يستطيع... اقتربت منه رنا و قالت 
خليني اساعدك... 
اومأ لها و ساعدته في خلعه... ثم إلتفت و دخلت الحمام... تنهد آسر و قال 
بتھرب ي مني ليييه... هعضك يعني... اوووف انا زهقت... 
بعد دقائق خرجت بعد ان لبست ملابس النوم... فتحت الدولاب و وضعت فيه الملابس التي بدلتها... اغلقت الدولاب و إلتفتت... وجدت آسر خلفها 
محتاج حاجة اجبهالك 
انتي بتھرب ي مني ليه 
اهرب !! مش فاهمة... 
من الصبح بحاول اتكلم معاكي... مرة حد يدخل علينا و مرة انتي تمشي... 
عايز تتكلم في ايه 
اقترب منها و قال 
صحيح اللي سمعته ده 
اللي هو ايه 
انك ادتيني من دمك عشان اعيش... 
ايوة 
عملتي ليه كده 
الدكتور ملقيش فصيلتك في بنك الډم... ف كنا هندور على متبرع من بره... لما عرف فصيلتك من رغد لقيتها نفس فصيلتي... لسه يعني هنشوف من بره و ناخد وقت 
ايوة برضو عملتي كده ليه 
مش فاهمة قصدك... 
يعني بالرغم اني ساعتها قولتلك اني بكرهك في وشك... بالرغم من كل الكلام الۏحش اللي قولته ليكي... ساعدتيني برضو... ليه 
عشان انت كنت هتضحي بنفسك عشان ياسين و عشان بقية الأطفال يعيشوا... طالما ياسين بخير يرجع الفضل ل ربنا ثم ليك انت... ف حوار ان اديك من ډمي دي اقل حاجة اعملها قصاد اللي عملته امبارح... 
انهت كلامها عانقها في الحال... تفاجئت رنا و بدأت تتوتر... مسد على شعرها برفق و قال 
اشكرك... 
ظلت يداها مكانها... لم تبادله العناق... لاحظ آسر ذلك ف ابتعد و قال 
تصبحي على خير... 
و انت من أهله... 
استلقى آسر على السرير و نام... استلقت رنا على الكنبة و لكن لم تستطع ان تنام... ظلت تتقلب على الجمب اليمين مرة و الشمال مرة... حتى استقرت ان تنام على ظهرها... 
يلهوي ايه الكنبة دي... ازاي بينام عليها ده انا طلعت ظلماه و اخدت السرير كله لوحدي من اول ما اتجوزته... ازاي بينام عليها دي... 
قالت ذلك في سرها ثم نظرت إليه وجدته نائم... تذكرت