رواية شيماء الفصول من 25-27

إبداء بعض الاحترام والتقدير له و كأن والده بقرأ ما يجوب بعقله رغم صمته و اتجاهه إلى غرفة الملابس لتجهيز ملابسه استعدادا للخروج 
أنا خاېف عليك يابني مش عايزك كل يوم الصبح تقوم تدور عليها زي المچنون كدا وهي مش فارق معاها وجودك دا مش حب يابني لو بتحبك كانت احترمتك و قدرت

وجودك !
ثم رفع يده التي تحمل الهاتف الخاص به أمام عينيه و أكمل افتح كدا شوف أراهنك لو كانت سيبالك حتى رسالة تطمنك عليها ولا تعرفك هي فين ! دي عاشت حياتها كدا منغير رقيب ولا حسيب وعمرك ماهتعرف تغير دا أنت من عيلة محترمة و فيه ناس حواليك واغلبهم عارفين قصة عاصم ليه عاوز تكررها يابني 
اختار أن يترك المنطق جانبا و يظهر عكس ما يبطنه لأن والده لن يتمكن من إدراك ما بجوب داخله هو هدفه الانتصار بحربه و إخراج زوجته من حيز العائلة غير مبالي بما يحمله ابنه من مشاعر تجاهها لذلك أردف باقتضاب و هو يتحرك إلى المرحاض 
والله أنا حر ! وأنت عملت اللي عليك و نصحتني لما اجيلك ندمان ابقا سمعني كل دا !!!
أوقفه محله حين أردف بهدوء 
تمام يا آسر لو دا رأيك يبقا أنا من حقي أعيش حياتي زي مانا مخططلها !
عقد حاجبيه و أجابه بعقل شارد وتأفف 
اعمل اللي أنت عايزه !
وبالفعل انصرف رأفت بنفس راضية عن صنيعه و أفكاره التي زرعها داخل عقل ابنه بموقف صغير و بسيط وفور أن خرج وجد فريدة تقف أمامه ببسمة صغيرة تنتظره قائلة بهدوء 
أتمنى يكون اقتنع بقا !!
هز رأفت رأسه بالسلب و أردف مبتسما و قد رفع أنامله يعبث بخصلاته الخلفية و علق عينيه بمنزل ابنه 
لأ مش هيجري يطلقها بس أنا عارف ابني كويس الموضوع مش سهل عليه بالمناسبة متشكر ليك لولا كلامك مع الأمن و اهتمامك بوقت خروجها مكنتش هعرف ألاقي مدخل زي دا واتكلم منه دا مكنش قابل أي حرف عنها !!
هزت رأسها و أردفت بلطف و هي تربت فوق ذراعه 
شكر ايه يارأفت أنا معملتش حاجة كلها توقعات وصادفت إنها صح أصل نوعية سديم دي أنا حفظاها مش بتاعة ارتباط بولاد ناس زي آسر و بصراحة ابنك متورط معاها برضه ودا دورك إنك تنقذه !!
ابتسم لها وظهر على ملامحه الإعجاب باختيارها إياه كمنقذ لابنه الذي انساق خلف حفنة مشاعر مدمرة له ! تنهد بصوت مسموع ثم مرر عينيه على ملابسها الرياضية وعقد حاجبيه يسألها بدهشة 
أنت خلصتي ولا لسه هتبدأي لو هتبدأي ممكن نتمشى مع بعض !!
منحته بسمة لطيفة و هزت رأسها بالإيجاب تردد بترحيب رغم أنها بالفعل قد أنهت رياضتها اليوم 
لو حاسس إنك هتقدر يلا أنا لسه هبدأ !
رفع حاجبه وردد باستنكار ساخرا و هو يتجه معها إلى الداخل 
أقدر لأ دا أنت متعرفنيش أبدا !!! على فكرة أنا لسه شباب أوي كل الحكاية إني اتجوزت بدري حبتين لكن أنا أصلا اكبر من عاصم بسنتين بس !!
حصل على ضحكة ناعمة منها و سارا معا إلى داخل المنزل الأساسي !!! 
و بالعودة إلى آسر نجده يقف داخل كابينة الاستحمام تاركا المياه تنهمر فوق رأسه الذي لم يتوقف عن التفكير بكلمات أبيه القاسېة لطالما مقت ضعف عمه تجاه زوجته هل بالفعل يتكرر الأمر معه دون شعوره أم أنها غاضبة منه بعد مصارحته لها لما يجوب عقله ومخاوفه و إن كان الأمر كذلك لماذا لم تحاول إعلامه بخروجها و كيف لم يدرك حركتها و مغادرتها المنزل !!!! والعديد من الأفكار تتسابق داخل عقله و قد ازداد توتره وقلقه من علاقته بها بها وبدأ الشك يراوده أنها تحاول التجاوب معه لرؤيتها ضعفه

تجاهها فقط و لكن الحقيقة أنه خارج مجال رؤية قلبها !!!!
زفر پغضب ناثرا قطرات المياه فوق الزجاج و خرج من الكابينة يلف خصره بالمنشفة متجها إلى الهاتف الذي تركه فوق سطح الرف الجانبي و عبث به لحظات ثم ضبطه على وضع مكبر الصوت وتحرك إلى غرفة الملابس ليأتيه صوتها الهادئ تردف بإتزان أشعل فتيل غضبه لثباتها وكأنها لم تفعل شيئ 
ايوا يا آسر !
عقد حاجبيه محاولا السيطرة على أعصابه لكنه فشل وخرج صوته الغاضب صائحا بإنفعال 
لأ آسر ايه بقااا قولي ستالايت أسهل أنت فين !!!!
استمع إلى صوت أنفاسها و كأنها تزفرها پغضب أو إجهاد ثم صوتها المحافظ على ثباته رغم طريقته الھجومية عليها 
أنا كنت هبعتلك لوكيشن أصلا و عربية نائل اكيد وصلت خدها عشان عربيتك معايا أنا بعت حد جابها الصبح !
عجز عن فهم ما تهدف إليه بتصرفاتها وكلماتها و أردف محتدا على طريقتها المنتهجة بتحريكه حسب رغبتها كأنه قطعة شطرنج 
يعني إيه تبعتيلي لوكيشن على أي أساس فكرتي بالشكل دا و إني فاضي مثلا و تحت أمرك أنا مش عارف مين فينا اللي بيمشي التاني بجد بس تعرفي أنا محتاج فعلا أجي واتكلم معاك عشان نحط حد للهبل دا !!!
صمتها رغم اشتعاله يجعله داخل حالة من الهياج و يؤكد شعور أنها لا تكترث لأمره بل و تتعمد إهانته لذلك سارع بإغلاق الهاتف بوجهها قبل أن يتفاقم الأمر بينهما من فرط اشتعاله وغضبه !!!
بينما على الجهة الأخرى و داخل المقهى المعتاد لها وضعت الهاتف فوق المنضدة و رفعت عينيها إلى سليم الذي علق بثقة واضحة 
حصل مشكلة أكيد !
ثم أكمل معاتبا بهدوء 
كنت صحيه ياسديم قوليله إنك خارجة هو مش هيمانع لكن كدا أكيد الأمن بلغه بمعاد خروجك كأنك عاملة کاړثة من وراه !!
بللت شفتيها وهزت رأسها بالإيجاب و قد رفعت يديها تدسها داخل خصلاتها و تعبث بها بتوتر بين هامسة بنبرة مليئة بالألم و الإجهاد 
عندك حق أنا فعلا مركزتش وجايز متعودتش على كدا !
حمحم نائل و اعتدل بجلسته يردف محاولا التخفيف من حدة الموقف و من جهة أخرى داخله يرفض التخلي عنها منذ ما رآه صباح اليوم من وحدة شديدة البشاعة على فتاة بعمرها كما أنه من حقها مساحة خاصة لها هي وزوجها 
طيب أنا شايف إن وجودنا ملهوش لازمة يعني لو جيه وشافنا ممكن يتضايق أكتر أنا هقعد على تربيزة قريبة عشان نروح سوا و أنت ياسليم هتروح تجيب نيرة مش كدا 
هز سليم رأسه بالإيجاب بينما أردفت سديم بامتنان وهي تراقب استقامتهم و جمع متعلقاتهم 
أنا مش عارفة أشكرك إزاي ياسليم بس أنا هحاول اظبط موضوع السواق دا لنيرة في أقرب وقت !
رمقها نائل باشمئزاز و أردف ساخطا 
هو إيه دا اللي تشكريه إزاي لما أنا اللي بفضيلك المكان ياناكرة الجمايل أنت مفيش شكرا يانائل على بهدلتك من امبارح ولا أنا حظي في الشكر كمان زفت زي حظي في قرايبي كدا !!
رفعت حاجبها الأيسر و سألته باستنكار 
أنت بتتكلم عليا أنا يلاا !!!
اتسعت عينيه وحملق بها بذهول ثم ازدرد رمقه بتوتر من نظراتها المحذرة و أردف متراجعا عن كلماته 
لا طبعا أنا أقصد قرايبي من جهة والدي العزيز يعني أصله بعيد عنك معرفش يختار عيلته