غرور وكبرياء ج3

جيبوا وقال لا يا ماما المره ده غلطانه انتى مفكره انى معرفش امتى بتقولى الحقيقه وامتى لا
عند مراد ونغم
جرس الباب رن
مراد فتح الباب وقال بابتسامه بدر اتفضل
_انا اسف أوى على التاخير
_ولا يهمك عادي
مراد شاور على الكنبه وقال اتفضل هنا دقيقه ونغم هتكون عندك
هز رأسه وقال تمام
مراد ابتسم وبدر قعد فعلا
مراد طلع فوق وقال بصوت هادئ جدا نغم نغم
كانت نايمه على السرير ومتغطيه بالبطانيه ومفيش ولا حته باينه منها
_نغم
نغم_________
مراد بدأ يتعصب وقال نغم ردي عليا
كانت مټعصبه أوى وقالت بضيق عايز اي
مراد وقف مكانه وقال بدر وصل ومنتظرك تحت

_مش نازله ولا رايحه الزفته اطلع بقا
مراد ابتسم وقال براحتك انتى الخسرانه مش انا يلا عن اذنك
وقتها نغم اتعصبت اوى لتقوم من على السرير وتقول انا عارفه انك مش عايزنى اكمل بس عندا فيك هنزل وهنجح
مراد كتم ضحكته وقال بحب التحدي أوى
نغم زقته ونزلت عالطول
مراد انعدل وقال يا بت المجنونه
نغم نزلت تحت ووقفت مكانها حين شافت بدر
_نغم
نغم راحت عنده وقالت مستر بدر اخبارك اي
_الحمدلله بخير انتى اخبارك اي
نغم ابتسمت وقالت الحمدلله بخير مكنتش اعرف ان حضرتك اللى هتدرسلى ولا حتى فكرت في اسمك
مراد نزل ولقي الاتنين مبتسمين وقتها غار أوى لينزل تحت ويقول الظاهر انكم عارفين بعض
نغم مسكت ايد بدر وقالت الاستاذ بدر كان بيدرسلى في سنه أولى من اكتر الشخصيات المحترمه اللى شوفتها في حياتى
مراد شال ايد نغم وقال بغيره مش لازم تمسكى ايدو وانتى بتتكلمى يعنى
نغم حست بغيره مراد وقالت بهمس مالك يا ابن الألفي غيران ولا اي
مراد بهمس أيضا وهغار ليه قولتلك انتى بالنسبالى خدامه مش اكتر
_هههه وانا مش خدامه حد
_احم على العموم المكتب على ايدك اليمين يا بدر
بدر بابتسامه انا حافظ الفيلا كويس يا مراد مفيش داعي انك توصفلى اي مكان بعد كده
مراد ابتسم ايضا وقال تمام وعلى العموم البيت بيتك خد راحتك
بدر هز رأسه وخد بعضه واتجه إلى المكتب فعلا
_انت رايح فين
_بتسالى ليه
نغم بارتباك اقصد هتسبنى لوحدي هنا
مراد قال بتريقه استاذ بدر من اكتر الشخصيات المحترمه اللى شوفتها في حياتى
نغم بغيظ اه فعلا
_اممم عن اذنك
نغم مسكت مراد من دراعه وقالت انت فعلا ناوي تسبنى لوحدي
مراد بعدم تركيز طول ما فيا النفس مش هسيبك أبدا
الابتسامه اترسمت على وش نغم ومراد هز رأسه وقال اقصد على اتفاقنا عن اذنك
نغم فضلت واقفه مكانها ومراد وهو واقف عند الباب مټخافيش راضي هنا
نغم هزت رأسها ومراد طلع وقال راضي راضي
جري عليا وقال نعم يا بيه
_في واحد جوا مع نغم عايزك تكون معاهم لحد ما يمشي
هز رأسه وقال أوامرك يا بيه
مراد لبس النظاره وركب العربيه ليمشي عالطول
نغم دخلت المكتب وبدر قال انتى تعرفي مراد منين واتجوزتوا
نغم_________
_نغم انتى كويسه
نغم هزت رأسها وقالت انا آسفه سرحت شويه كنت بتقول اي
_انسي المهم اي اللى مش فاهمه
نغم بدأت تتكلم مع بدر اللى كان شاغل بالو أوى بعلاقه مراد ونغم
بقلمى دعآآء حجآآج
في قصر عائله السيوفي
قعد على الكرسي وقال ماما استعجلى شويه
عفاف حطت فنجان القهوه وغسان قال حور فين
عفاف بغيره ليه
_مش باينه يعنى
عفاف حست أن غسان متغير أوى خلال الفتره الاخيره وخصوصا اول ما حور دخلت حياته
_ماما انتى كويسه
هزت رأسها وقالت بابتسامه حور فوق عند ماما
غسان خد فنجان القهوه وقال هروح اسلم على تيته وهنزل عالطول لان مراد على وصول
غسان طلع فعلا
وعفاف اتعصبت اوى وقالت اول ما عرف أن حور مع ماما فوق قال هطلع اسلم عليها ومن امتى بيعمل كده
عفاف هزت راسها وقالت لا لا مستحيل يحصل كده
_وممكن يحصل يا مدام عفاف
عفاف الټفت ليها وقالت نرمين
نرمين راحت عندها وقالت بذكاءانا آسفه انى بدخل بس احب اقولك أن حور هتاخد غسان منك واكبر دليل على كلامى اللى عملوا من شويه
عفاف بدأت تفكر في كده والاخري بدأت تكرها في حور اكتر
عفاف باندفاع محدش يقدر ياخد ابنى منى
نرمين حطت أيدها على كتف عفاف وقالت بشړ حور تقدر يا مدام عفاف
عفاف بارتباك طب طب والعمل
نرمين بخبث حور وغسان لازم يبعدوا عن بعض ومينفعش يتقربوا من بعض خالص
_بس ده ازاى
نرمين مدت أيدها لعفاف وقالت انا مستعده اساعدك يا مدام
عفاف بفضول وهتساعدينى ليه يا نرمين
_انتى عملتى معايا كتير اوى يا مدام وواجب عليا اردلك اللى عملتى معايا
عفاف مدت أيدها وقالت بشړ وانا موافقه
الاتنين بصوا لبعض وابتسموا بخبث
في اوضه وفاء
_رد عليا عشان خاطري
امير بعياط مش عايز اكلم حد فيكم
غسان دخل وقتها وقال في اي هنا
وفاء بصت لغسان وقالت بعصبية اطلع برا يا غسان
غسان باستغراب ليه
_بقا تنسي عيد ميلاد امير
غسان ابتسم وراح عند امير ونزل لمستواه وقال مين قال كده
امير حضڼ حور وقال بعصبية انا مش عايز اكلمك تانى
_بجد
امير هز رأسه وقال اه بجد انت وحش يا خالو
غسان قام وقال وهو بياخد شهيق على العموم انت حرا سلام
غسان طلع وحور بصت لوفاء اللى قالت باستغراب ده اول مره يسيب امير زعلان كده
امير قعد يعيط وقال خالو اتغير يا اميرتي خالو مكنش كده
حور نزلت لمستواه وقالت اي رايك نروح الملاهى
امير بعصبية مش عايز اروح الزفته
بعد ما قال كده طلع يجري عالطول وحور بصت لوفاء اللى قالت مش عارفه غسان عمل كده ليه
حور في سرها اكيدا عامل ليا مفاجاه
حور هزت رأسها وقالت بتردد المغرور يعمل كده مستحيل
غسان نزل تحت ولقي ريناد في وشه
_ياسر رجع
هزت رأسها وقالت اه رجع وحاليا عند ماما
_يعنى كلوا تمام
هزت رأسها للمره الثانيه وقالت أمير لازم يطلع من هنا بأي طريقه يا غسان ثم كملت بس ازاى
حور نزلت وغسان بصلها وقال تعالى هنا
حور بصت حواليها وقالت وهي بتشاور على نفسها انا
غسان بتريقه هو في حد غيرك يعنى
حور هزت رأسها وقالت لا
غسان بدأ يتعصب اوى من غباءها وحور راحت عندهم عالطول وقالت اي
غسان بص لريناد وقال حور اللى هتطلع امير من هنا
ريناد بفضول ازاى
غسان مسك ايد حور اللى ارتعشت انتفضت حين مسك ايدها
_حور هتقول لأمير اي حاجه واعتقد أنه هيوافق
ريناد بتفكير تفتكر
غسان بص لحور وقال هتاخدي امير الملاهى
حور بصت لغسان وقالت بس هو رفض
_حاولي تانى هيوافق
حور بصت على ايد غسان وقالت بارتباك ح حاضر
غسان ساب أيدها عالطول وقتها مراد دخل وحور طلعت فوق
_ريناد اخبارك اي
ريناد بابتسامه الحمدلله زي ما انت متغيرتش يا مراد
مراد بص لغسان وقال ده فعلا يا غسان
غسان وهو ماشي ورايا
مراد محاولا تقليد غسان ورايا
ريناد ضړبت مراد على كتفه وقالت خد بالك من نفسك
_ميقدرش يعمل حاجه مټخافيش
_ههه معتقدش
_مرااااااد
مراد طلع يجري عالطول وريناد قالت وهي بتضحك واضح
مراد وغسان طلعوا برا
غسان ركب العربيه ومراد ركب أيضا وقال على المصنع ولا على الشركه
_هو مش انا قولتلك رايحين للدكتور يعنى المستشفي
مراد پخوف مستشفي
غسان بص على دراعه وقال اتخانقت مع سامر امبارح والظاهر ده أثر على دراعى و
مراد قاطعه وقال وحاسس بأي دلوقتى
_مش عارف
مراد شغل العربيه وقال عالطول مهمل في نفسك
_عصبنى وربنا ما هرحموا سامر
_اي اللى حصل
_بلاش تفتح الموضوع ده كتير عشان بيضايقنى اوى
مراد هز رأسه وقال براحتك
بقلمى دعآآء حجآآج
حور وهي بتخبط على الباب امير أمير
امير______
_اي رايك نروح الملاهى
_قولتلك مش عايز اروح الزفته
_اممم خلاص انا هروح لوحدي سلام
حور بدأت تمشي براحه جدآ على أمل امير يطلع
_مطلعش ليه
حور فقدت الأمل وكانت ماشيه الا أنها سمعت صوت الباب وهو بينفتح
فتح الباب وقال بعصبية وعايزه تروحى من غيري
حور قالت بابتسامه مقدرش
امير جري عليها ومسك أيدها وقال هنقعد هناك كتير
حور هزت رأسها وقالت موافقه
امير هز رأسه أيضا وقال وانا كمان موافق
_طب يلا
_يلا
امير وحور نزلوا وريناد بعتت مسج لغسان بيقول
امير وافق ينزل مع حور هتعمل اي تانى
في الطريق
المسج وصل لغسان اللى مسك التليفون وقال حلو اوى
مراد بصله وقال بعدم فهم هو اي اللى حلو
_متاخدش في بالك
مراد وقف العربيه وقال انت متغير اوى الفتره ده ياض
_متغير ازاى
مراد شغل العربيه وقال اكيدا الاجابه عندك مش عندي
غسان قعد يضحك على تفكير مراد المحدود جدا ولكن مراد عنده حق فعلا ان المغرور بدأ يتغير
في فيلا مراد الألفي
بدر قام وقال ان شاء الله هنكمل بكره
نغم قامت أيضا وقالت ليه
_نغم انتى مش مركزه معايا خالص اتمنى لما اجى بكره تكونى احسن من كده
نغم ضمت حواجبها وقالت ما انا بخير
خد الشنطه وقال انتى مكنتيش معايا خالص يلا عن اذنك
_اتفضل
بدر طلع مع راضي ونغم قالت والله كنت مركزه معا شكله هو اللى مكنش مركز خالص
نغم خدت نفس عميق وقالت انا جعانه اوى البومه مخلتنيش اكل كويس
نغم دخلت المطبخ وقالت ولا مراد أكل
للحظه نغم سرحت وقالت يا تري مراد كان فين امبارح وليه مرداش يقولي معقول راح لمريم فعلا
فاقت من تلك الأفكار وبدأت تعمل مكرونه لنفسها
بعد مرور عشر دقائق وتحديدا في المستشفي
_انا قولتلك اي يا غسان
_معلش مكنتش مركز معاك
_للاسف لازم تشيل الجبيره الجبس وهتعمل اشعه
غسان باندفاع بلا اشعه بلا نيله انا بخير
_بخير ازاى واضح على ايدك الورم
مراد حط ايدو على كتف غسان وقال غسان بلاش تكون جبروت كده واعمل زي ما الدكتور بيقول
غسان خد نفس عميق وقال يا ريت تستعجل مش ناقص
الدكتور ابتسم والممرضه دخلت وبدأت تفك الجبس لغسان
مراد مسك ايد غسان وكان حاسس بالۏجع هو
غسان بص لمراد وقال بابتسامه اطمن يا اهبل انا بخير
_مش هتتغير هتفضل جبروت طول عمرك
_فعلا
بدأ يمر الوقت لتغرب الشمس ويظهر القمر
مراد رجع البيت وقلع الجاكيت وبدأ يفك ازرار القميص لينتهى من فكهم ويرمى القميص على الأرض وفك الحزام أيضا ليفضل بالشورت
نغم شافت مراد كده اڼصدمت
مراد راح عندها وقال عملتى اي
نغم كانت مكسوفه منه اوى وقالت في اي
_احنا هنهزر
نغم بصت في عيونه وقالت الظاهر استاذ بدر مكنش مركز خالص
_ليه اي إللى حصل
مراد كان بيتكلم وهو بيقرب من نغم وهي بتبعد
_قام مره واحده وقال كلام غريب اوى
مراد كان بيقرب وهي كانت بترجع لوراء
_واي الغريب اللى قالوا
نغم بصت وراها وقالت ابعد شويه انا كده هقع في المياه
مراد بص وراها وقال شكلك مبتعرفيش تعومى
_لا بعرف بس بخاف
_ازاى
نغم حست بالارتباك ومراد قال فعلا معايا حق
_معاك حق في اي
مراد بص على المياه وقال مش بتعرفي تعومى
نغم بثقه لا بعرف انت ناسي ولا اي
_لا مش فاكر
_لما حضرتك جيت ولقتنى في المياه
_لا مش فاكر
نغم بارتباك هروح اجهز العشاء مش هتاخر
نغم كانت ماشيه إلا ان مراد مسك أيدها وقال خاېفه ټغرقي
نغم هزت رأسها وقالت بثقه لا مش خاېفه
_طب اثبتيلى
٠٠٠
.
الحلقة 26
.
غرور_وكبرياء_عاشق. عشقت_حلمى_وهدفي
نغم حطت أيدها حوالينا رقبه مراد اللى خدها في حضنه ونزلوا في المياه
نزلوا تحت ونغم مكنتش قادره تاخد نفسها
مراد حط ايدو على خصرها ورفعها لفوق
نغم بدأت تاخد شهيق وزفير