رواية موها كاملة

وخد مريم ويونس 
بدر امرى لله هاتى يونس
بدر لو احتاچتى اى حاچه ابعتيلى طوالى اتفجنا
نجاة حاضر
لف بدر ولسه هيطلع من الاوضه نادت عليه بدر 
نعم محتاچه حاچه
نجاة لا بس كنت عايزه اجولك انى بحبك جوى جوى وهتتوحشنى انت ويونس ومريم جوى
بدر ابتسم وانا كمان بحبك جوى 
نجاة صوح يابدر 
بدر صوح ياجلب بدر 
خرج بدر ونجاة غمضت عنيها نامت طلع بدر لمريم اخدها وروح بعد ما اقنعها ان نجاة هى الى حلفته يروحوا يرتاحوا
فى بيت الزينى كانت حسيبه قعده ماسكه تليفونها وبتتكلم فيه بعصبيه انتى لساتك مخلصتيش عاد 

المتصله لا لسه بس هانت ياست حسيبه
حسيبه بغل جسما بالله لو ماعملتى الى جولت عليه الليله لكون مخلصه عليكى سمعانى يابت 
المتصله حاضر حاضر ياست 
قفلت حسيبه وقرب منها جابر وراكى ايه ياحسيبه 
حسيبه بتوتر يعنى ايه وراكى ايه ديه !!
جابر يعنى بتخططى لايه يابت عمى 
حسيبه
انى لا بخطط ولا برسم وباعد عنى ياچابر انى مش نجصاك
جابر بجولك ايه ياحسيبه ماتاچى نلعب على المكشوف 
حسيبه لع مش عايزها اللعبه دى مش لده عليا انى فيتاك لحالك سلام 
قامت طلعت اوضتها وسابت جابر غرقان فى تفكيره ياترى وراكى ايه تانى ياحسيبه الكلب
فى بيت حمزه الدهشان دخل شايل بسمه الى معترضه وعماله
تقوله نزلنى ياحمزه الناس اتفرچت عليا 
حمزه بصلها قوى الى يتفرچ يتفرچ واحد شايل مارته وبته التعبانين الناس ډخلها ايه عاد 
بسمه ياحمزه انا زينه انا دوخت بس هبابه من جلت الوكل كنت خلينى عيند نچاة لما اطمن عليها 
حمزه وصل الاوضه نيمها على السرير وقعد جنبها وهو بيكمل كلامه نچاة الحمد لله الدكتور طمنى عليها وبجيت زينه وانى معنديش استعداد انك تتعبى اكتر من اكده انتى مشيفاش وشك مصفر كيف 
ابتسمت بسمه
بحب خفت عليا
ياحمزه 
بسمه بحب رابنا يخليك ليا ياواد عمى
حمزه قرب منها قوى ويخليكى ليا ياام بتى بجولك ايه 
بسمه بكسوف نعم 
حمزه غمزاها لساتك دايخه 
بسمه ووشها كله احمر لا بجيت زينه بتسال ليه 
حمزه بخبث اصل عايز اطمن على الى فى بطنك واكد انها تبجى بت 
ضحكت بسمه كل الرچاله بيبجى نفسهم فى واد وانت مش عايزه الا بت نفسى اعرف ليه
بسمه انى بحبك جوى ياحمزه 
حمزه بفرحه وقام من جنبها وااه ياناس مش مصدج حالى مربيها على يدى لحد ما كبرت وخطبتها سنتين ومتجوز بجالى اربع شهور واول مره تجولى بحبك يافرحه جلبك ياحمزه 
ضحكت بسمه بصوتها كله على حبيب عمرها الى بيتنطط من الفرحه على كلمه بحبك امال لو قالتله انها مش بس بتحبه دى بتعشقه هيعمل ايه خلاص ياحمزه هتلم علينا الى فى الدار كلياتهم
رجع جنبها تانى وايه يعنى ماياچوا يشوفوا ابنهم عايش سعيد مع مارته الى بېموت فيها كيف 
بسمه بنص عين شدت الغطا عليها طيب انى هنعس بجى تصبح على خير 
حمزه شد الغطا منها وربى مايحصل جبل مااطمن على بتى تعالى هنا 
وراح يطمن على بنته ملناش دعوه احنا دا راجل بيحب الاتقان فى عمله 
وصل بدر البيت هو ومريم ومعاهم يونس اطلعى انتى نامى يامريم انتى مرتحتيش من امبارح 
مريم طيب هات يونس انيمه 
الباب خبط ودخل الحاج صالح صاحى ياولدى 
بدر بزعل ايوا يابوى اتفضل 
قرب صالح وقعد جنبه اواعك ياولدى تفكر انى ساكت على مرض نچاة مشيان هى متهمنيش ولا ميشان كل همى تجبلى الواد لا ياولدى انا ساكت لانها حالفتنى على كتاب رابنا ووعدتنى انها مش هتخلف وهتاخد
علاجها وفهمتنى انها مش عايزه تشوف منيك نظرة العطف والشفجه وانى وافجت لما لجتها مچروحه وبتبكى ولولا اكده انى كنت جولتلك 
بدر تجوم تچرحها بزياده بانك تچوزنى غيرها ومن غير حتى ماتجولى السبب
صالح انى عملت اكده مشانك وسكت ميشانها 
بدر بص للارض يابوى سكوتك كان هيبجى السبب فى مۏتها مش يمكن لو جولتيلى كنت على الاجل اهتميت بحملها اكتر من اكده وكنا تابعنا مع داكتور جلب 
صالح مين جال انى ماودتهاش لدكتور جلب وعطاها علاج تمشى عليه طول الحمل بس هى مهمله فى حالها كنت كل ماجولها اختدى علاچك تجولى نسيت 
بدر خلاص يابوى الى حوصل حوصل والحمد لله انها جت لحد اكده 
صالح يعنى انت مانك زعلان منى 
بدر انت على دماغى ياحاچ ومهما تعمل اكيد انت الصح 
قام صالح وقف رابنا يريح جلبك ياولدى ويكمل شفا مارتك على خير وتشوف يونس احسن الناس 
بدر امين يارب 
صالح يالا ياولدى تصبح على خير 
بدر وانت من اهل الخير ياحاچ
طلع بدر على السرير يحاول ينام ويادوب عنيه هتغفل تليفونه رن برقم المستشفى قام مخضوض الو 
المتصل استاذ بدر انا دكتور عصام المسؤل عن حاله المدام 
بدر قلبه عمال يدق پخوف ايو خير يادكتور مارتى ليها حاچه
عصام بحزن البقاء لله المدام اټوفت 
عصام بحزن البقاء لله المدام اټوفت 
بدر وقف وهو مسهم وقلبه عمال يدق انت بتجول ايه مين الى ماټت 
عصام بحزن انى اسف ياستاذ بدر البقاء لله
التليفون وقع منه من غير ما يحس لف بص على صوريتها وهو عقله مش مستوعب دى كانت كويسه ولسه كان عمال يوعدها انه هيعوضها بس ملحقش محسش بنفسه الا وهو بيقول بعلو صوته ااااااااااااااااه يانچااااااااة 
البيت كله صحى على صوته ومريم طلعت تجرى عليه وهو نازل بدر فى ايه نچاة مالها تعبت تانى 
بدر لف بصلها مش عارف يقولها ايه 
خرج ابوه ووراه سعديه الى جريت عليه فى ايه ياولدى نچاة تعبت تانى 
وقف بدر والدموع نزلت من عنيه ڠصب عنه لف بص لمريم الى اول ماشافت دموعه فضلت تحرك راسها بلا وصوتها طلع متقطع لالا اواعك تجول انها راحت منى لا يابدر نچاة بخير انى لسه كنت معاها جول يابدر انها بخير 
بدر اخيرا صوته طلع البقاء لله 
مريم وسعديه فى صوت واحد لاااااااا 
الحاج صالح قعد على اول كرسى وحط راسه بين ايده انا لله وانا اليه راجعون
بعد ربع ساعه كانوا كلهم فى المستشفى دخلت مريم تشوف نجاة لاخر مره رفعت الغطا من على وشها ودموعها نازله زى الشلال وبصوت كله ۏجع وحرقه كده يانجاة تسيبينى فى الدنيا لوحدى دانا ماليش غيرك من بعد امى وابويا انتى كنتى بدالهم ليا كنتى ابويا وامى واختى وصحبتى طب قوليلى اعمل ايه من غيرك اعيش ازاى طب ارجعى عشان خاطرى انا بكلمك مصرى زى مانتى عايزه اهو ردى عليا ياحبيبتى انتى ساكته ليه !!! بس هتردى ازاى وانتى روحتى عند الى خلقك علشان كده كنتى بتوصينى على يونس ماتخفيش ياحبيبتى يونس ولدى وزى ماربتينى هربيه وهفضل طول عمرى جنبه 
دخل بدر وعنيه على نجاة وقلبه الندم ماليه اطلعى يامريم يونس مش مبطل بيكى ومحدش عارف يسكته زى الى جلبه حاسس 
بصت لنجاة لاخر مره وخرجت تجرى قرب بدر منها وفضل باصص عليها وساكت وبعد فتره اتكلم بۏجع ليه ياغاليه تروحى وتسبينى للندم ېحرق قلبى كنتى استنى لحد ما احاول اعوضك على كل الفتره الى عدت عليا وانا بعيد عنك عمرى ماهسامح نفسى ابدا بس هطلب منك اخر طلب سامحينى يانجاة!!سامحينى وارضى عنى يمكن اقدر فى يوم اسامح نفسى
دخل دكتور عصام وقرب طبطب على كتفه شد حيلك 
بدر بصله هى مش كانت حالتها اتحسنت وانت طمنتنى عليها 
عصام بحزن والله يااستاذ بدر هى كانت كويسه واخدت العلاج ونامت الممرضه دخلت بعدها بساعه تطمن عليها لقتها اټوفت الظاهر انها لما فاقت كان مجرد صحوة مۏت لان سبب الوفاه هبوط فى الجلب 
بدر بۏجع طيب لو سمحت تصريح الډفن طلع 
خرج عصام ورقه من جيبه اه اتفضل والبقاء لله
بدر ونعمه بالله 
بعد اذان الظهر ادفنت نجاة وسط عياط وزهول وحزن ناس وفرحت ناس تانيه 
بليل فى العزا اتجمع اكتر اهل البلد ستات ورجاله عشان يعزوا 
قرب عمار من بدر البجيه فى حياتك يابدر 
بدر واقف مش مستوعب ان نجاة ماټت وان بدال مايعمل سبوع ابنه ويفرحها عاملها عزا البقاء والدوام لله 
عمار شد حيلك يابدر ميشان خاطر ابنك 
بدر انا زين ياعمار ماتخافش 
قرب منه حمزه حضنه شد حيلك ياولد عمى
بدر الشده على الله 
جوه البيت كانت سعديه قعده ودموعها نازله فى صمت وجنبها مريم قعده فى عالم تانى وعلى ايدها يونس اخداه فى حضنها ودموعها نازله 
دخلت حسيبه تمثل الحزن وهى بتصوت وتولول ياحبيبتى يانچاة ياغاليه يابت الغالين روحت ياصغيره مكنش يووووومك ياختتتتى
قامت سعديه برقتلها بلاها ولوله ياحسيبه ماحدش جالك ان حرام الصويت ديه 
بصتلها حسيبه بنص عين ومثلت العياط حزنانه على بت سالفى حرام احزن عليها 
سعديه بتريقه مانى خابره زين انتى حزنانه جد ايه الله يصبرك اصلك كنتى بتحبيها جوى 
حسيبه بغل مدارى يعلم رابنا الى فى جلبى 
راحت حسيبه قعده ورجعت سعديه مكانها وهى بتقول لنفسها الى فى جلبك انى خبراه زين جوى رابنا على كل ظالم 
لفت بصت لمريم الى فى عالم تانى طبطبت وقلبها بيتقطع عليها جومى يابتى ريحى هبابه انتى مريحتيش من امبارح 
مريم مردتش لانها مسمعتش اصلا وكل الى سمعاه صوت نجاة وهما صغيرين
فلاش باك
مريم واقفه بټعيط جنب البيت وكانت ساعتها لسه عشر سنين قربت منها نجاة پخوف وخدتها فى حضنها مالك ياخيتى بيكى ايه 
مريم بعياط العيال فى المدرسه بيعيرونى انى ماعنيدش ام ولا اب 
نجاة بقهره على اختها امال انى ايه مش انى امك يامريم 
مريم طلعت من حضنها انتى صغيره يانچاة تبجى امى كيف
نجاة انى مش صغيرة ولا حاچه انا عندى ١٥سنه يعنى ممكن ابجى ام عادى 
مريم ابتسمت صوح يانچاة وهتفضلى چنبى طول العمر
نجاة بضحكه ايوا صوح وهفضل جارك لحد مااچوزك واچوز عيالك كمان ولو حد جالك ايوتها حديد عفش تانى تعالى جوليلى وانى اروح اطلع عنيه بس اوعاكى تزعلى ابدا 
مريم ده وعد 
نجاة وعد 
حضنتها مريم انى بحبك جوى يانچاة رابنا يخليكى ليا 
نجاة ويخليكى ليا ياحبيبتى
باك
مريم بصوت ضعيف كده يانچاة تخلفى وعدك وتسبينى لحالى طب مين هيچبلى حجى لو حد زعلنى مين هيچوزنى ويچوز عيالى بصة ليونسشوفت يايونس امك اختارت المۏت وسابتنى انا وانت لحالنا من غير ضهر نتعجز عليه ياوجع جلبى من بعدك ياخيتى 
قربت سعديه منها تحاول تهديها خدتها فى حضنها هدى حالك يامريم يابتى هى راحت للى احسن منك ومن الدنيا