رواية انتقمت ج3 الفصول الاخيرة
نايم جنبك ..
سارة بضحك ده اكيييييد ..
قاموا هم الاتنين وحضرت الفطار .. وحطته علي السفرة وقالت بهدوء ..
.. مش هتروح تصحي تولين تفطر معانا !!
ادهم بدهشة انتي ايه حكايتك انتي وهي !!
سارة ولا حاجة .. حسيت أني كنت غلطانة وأنها ملهاش ذنب في اي حاجة .. وانت كمان حقك تدلع ...
قاطعتهم تولين وهي بتقول صباح الخير عليكم
قعدت تولين وبتبص للاكل بشهية الله .. تسلم إيدك يا سو .. متحرمش منك ...
قعدوا هم الاتنين يفطروا وادهم واقف بيبص لهم پصدمة ..
سارة اقعد يا حبيبي واقف ليه ...
قعد وقربت منه سارة لقمة ل بوقه ..
سارة خد دي مني يا قلبي ...
قلدتها تولين .. لا خد دي مني انا ...
ومشي وهو شايط من غضبه ... بصت سارة ل تولين وماتوا من الضحك عليه ...
دخل أوضة سارة ومسك اللاب وقعد يشتغل
.. دخلت عليه تولين وسارة .. واحدة قعدت علي يمينه والتانية علي شماله وبيبص لهم ب استغراب ..
بصلهم هم الاتنين إنتوا مش مطمنيني لما اجتمعتوا كده ..
سارة الله مش بنحبك ولازم نريحك ..
ضيق عينيه بشك هاااا .. عايزين ايه
سارة عايزة شهر عسل تاني تعويض ..
ساب ادهم اللاب بتاعه وبص لها بسعادة ..
ادهم بجد يا سارة !!
سارة ايوة طبعا .. انا ملحقتش اعمل شهر عسل .. ولا
تولين طبعا ... ..
تولين بتاكيد ايوة يا ادهم .. احنا محتاجين تغيير جو .. بدل الجو المشحون اللي احنا عايشين فيه ..
بص لجهازه ورجع يشتغل تاني..
ادهم هبقى اشوف .. سيبوني دلوقتي عشان اشتغل ..
سارة بضحكة طيب روح بقى اوضة تولين عشان النهاردة دورها بما انك نمت هنا امبارح ..
ادهم پغضب ساااارة .. اتلمي بدل ما اقلب عليكي .. تولين ادخلي اوضتك .. وانتي يا ست سارة .. قومي اعملي لي قهوة .. محدش اتحرك منهم .. انتوا قاعدين كده ليه ! يلا امشوووا ..
شوية وعملت القهوة وحطتها قدامه .. وفتحت دولابها وبتقلب في هدومها .. خبطت تولين على الباب ..
سارة تعالي يا تولين ..
دخلت وماسكة ملف في ايديها ..
تولين ادهم لو سمحت .. بص انا راجعت الملف الخاص بشركة . ولاقيت فيه اخطاء كتيرة اوي .. وانت عارف ان دي شركة مهمة . واي خطأ معاهم هيكلفنا احنا كتير ..
... وريني كده ..
مسك منها الملف وبدأوا يتناقشوا في الاخطاء اللي قدامهم ومركزين جداا .. وكانوا قريبين من بعض جدا .. وده خلى سارة في اقصي حالات الغيرة .. حاولت تبعدهم عن بعض وتشتت انتباهم ..
سارة بصوت عالي ادهم صحيح بقولك ...
اتخضوا هم الاتنين من صوتها ..
ادهم ايه يا بنتي مالك ! بتزعقي كده ليه ! ..
سارة بضيق مش بزعق .. انا بتكلم عادي .. كنت عايزة اسالك على حاجة .. بخصوص السفر ..
ادهم مش وقته .. مش وقته .. انتي مش شايفانا مشغولين ..
وكملوا شغل وقعدوا فترة طويلة مشغولين .. زهقت سارة من القاعدة .. بدأت تدور في الادراج على حاجة وبتقفلها پعنف ..
نفخ ادهم بنفاذ صبر بتدوري على ايه !
سارة على موبايلي ..
ادهم وموبايلك مش هنا .. موبايلك معايا وانتي عارفة ..
سارة طيب انا عايزاه ..
ادهم لا .. مش هتاخديه ..
سارة بضيق انا مخڼوقة بقى .. هطلع ل ندى ..
قام ادهم وقعدها جنبه على السرير وبقت هي علي شماله وتولين قاعدة على يمينه ..
سارة ايوة كده فهمت انا ايه يعني !
تعرفي تسكتي شوية !!
سارة بعند لا مبعرفش .. واوعى بقي ..
قاطعها ادهم انه حط ايده على بوقها .. وقال اسكتي بقى .. بص ل تولين وكمل بضحك .. اديني سكتها .. خلينا نكمل كلامنا بقى ..
عدى يومين والاوضاع مستقرة على ابطالنا ..
حجز ادهم تذاكر للغردقة .. ليه هو وسارة بس .. رجع من شغله وحب يفرحها.. دخل وبيدور عليها .. وهي واقفة في المطبخ بتحضر له الاكل لان ميعاده قرب ...
ادهم سووو .. حبيبي .. انا جيت ..
خرجت من المطبخ تجري على صوته .. وكانت لابسة فستان جميل جدا .. وكانت فاردة شعرها على ظهرها .. وبعض لمسات المكياج الخفيفة اللي زادتها جمال ..
اول ما شافها انبهر بجمالها .. ر ..
ادهم بانبهار ايه الجمال والحلاوة دي يا سوسو ..
سارة بثقة وغرور ده اقل حاجة عندي ..
ضمھا لحضنه بشدة وقال بحب مانا عارف .. امال انا حبيتك ليه !..
قالت پغضب مصطنع ايه ده بس عشان كده ! ..
بصلها في عيونها بحب لا طبعا .. وعشان قلبك .. وعيونك .. وغمازتك اللي من ناحية واحدة بس ..
سارة بضحك اعمل ايه يعني ! اعترض بقى على خلقة ربنا ..
ادهم طيب غمضي عيونك عندي ليكي مفاجاة ..
غمضت عيونها .. لحظات وقالها فتحي خلاص ..
فتحت عيونها وشافت تذاكر السفر .. نطت من فرحتها وحضنته تاني ..
سارة ربنا يخليك ليا يا حبيبي .. ولا يحرمني منك ابدا .. مسكت التذاكر بايديها .. ايه ده !
ادهم ايه في ايه !
سارة دول تذكرتين بس ..
ادهم ايوة .. ايه المشكلة !
سارة وتولين !
بعد عنها وبصلها باستغراب انتي بتتكلمي بجد !
سارة مش مراتك هي كمان ولا ايه !... كملت بنبرة شك .. ولا انت متجوزها من قبلي وعملتوا شهر عسل !
ادهم لا خالص انتي اول واحدة في حياتي والله .. بس يعني انا بقول
ابقى اروح انا وهي في وقت تاني .. عشان بس نبقى براحتنا ..
سارة لا ما كل واحدة هتبقى فينا في اوضتها .. وهنقسم الوقت بينا .. او ننزل سوا .. مينفعش نسيبها بردو لوحدها ..
اتنهد ادهم ونفخ بضيق ومشي لاوضته ماشي يا سارة بس مترجعيش ټندمي ..
سارة لا مش هندم .. خليك حقاني ..
بصلها بنظرات ضيق ودخل الاوضة ..
وبالفعل اشترى تذكرة تالتة ل تولين وبدأت رحلتهم ..
حطوا الشنط في العربية وقعد ادهم .. ووقفت سارة وتولين قدام باب الكرسي اللي جنب ادهم .. وبيبصوا لبعض ..
ادهم من جوة العربية ايه ما تخلصوا .. اركبي يا سارة وتولين ورا ..
سارة وتولين ماتركبش ليه جنبك وانا ورا !
عض على شفايفه پغضب وقال بزعيق عشان انا قلت كده . اسمعوا الكلام يالااااا ..
اتفزعوا هم الاتنين وسمعوا الكلام وركبوا زي ما قال ..
ساعات مرت وصمت رهيب من ملامح ادهم الڠضبانة .. وصلوا ووصل كل واحدة فيهم اوضتها .. وكانوا اوضتين جنب بعض ..
قرب من سارة وفتح الباب ودخل معاها ..
سارة انت رايح فين ! النهاردة يوم تولين ..
ادهم انا مزاجي اقعد هنا .. وعدي اجازتك دي على خير بقى ..
سارة حاضر انا قلت حاجة .. انا قلت بس عشان مش تشيل ذنب .. انك مش بتعدل ما بينا ..
ادهم مايخصكيش .. تعالي بقى خدي عشان ننزل نتغدى ..
وبالفعل اخدت دش ولبست فستان جميل جدا وبسيط اوي وحجابها .. بصلها ادهم بحب واعجاب .. واخدها في ايده وخرجوا من الاوضة .. اول ما خرجوا لقى اللي جت مسكت ايده التانية ..
ادهم تولين !!!
تولين انتوا هتتغدوا لوحدكم !..
اتنهد بضيق لا طبعا مش لوحدنا .. تعالي ياختي تعالي ..
نزلوا واتغدوا .. بس قطع عليهم قعدتهم تولين وتعبها .. مسكت راسها وبتتالم بضعف ..
سارة مالك ! حاسة ب ايه !
تولين بضعف دايخة اووي .. وبطني ۏجعاني .. انا هطلع ارتاح شوية ..
ادهم ماشي .. شوية وهخلص انا وسارة وهطلع اطمن عليكي ..
وقفت ومشيت خطوتين ووقعت اغمى عليها .. جري عليها ادهم وشالها وطلع بيها اوضتها .. دقايق وطلع لهم موظف من الفندق ومعاه دكتور ..
الموظف حضرتك معايا دكتور الفندق .. لو حضرتك حابب يكشف على المدام ونطمن عليها ..
ادهم باستسلام ايوة طبعا .. اتفضل ..
وبعد دقايق انتهى الدكتور من الكشف .. وقرب من ادهم وابتسم ..
.. مبروك المدام حامل .. ياريت بس ترتاح لان شكلها ضعيفة ..
خرج الدكتور وسابهم على وشهم الصدمة ..
بصت سارة لادهم نظرة فيها كتير من التساؤلات .. وخرجت من الاوضة پغضب ..
وقف ادهم مبقاش عارف يروح وراها ولا يستنى مع تولين .. ولما شاف تولين نايمة مشي ورا سارة ..
رايحة جايه في الاوضة پغضب .. وبتكلم نفسها ..
.. حامل .. لا مش معقولة .. مستحيل ..
دخل عليها ادهم .. واول ما شافته زعقت في وشه ..
انا كنت مدية لنفسي امل .. دي قالت لي انه مقربلهاش .. وانها لحظة ضعف منك. وفوقف منها بسرعة .. وهمتني انك مش بتحبها وفي الاخر طلعت حامل ..
وقفها ومسكها من كتفها وبيبص لها ..
سارة افهمي .. انا ....
شالت ايده من عليها پعنف .. وبدأت دموعها ټخونها .. وقالت بعياط وقهر ..
.. انت عارف .. انا عبيطة .. وبصدق .. دخلت عليا يوم الفرح وقالت لي انك مقربتلهاش .. ومش متجوزين غير على الورق بس .. ومن اول لحظة وانت بتتكلم معاها عني .. قلت يمكن لما استفزك تتراجع عن اللي بتعمله معاها .. وتتراجع عن وجودها في حياتنا .. الا اني لقيتك انك مصر تكمل معاها الاربع شهور .. ليه ! ..
زقته سارة لحد الباب .. وهو مستسلم لها .. وخرجته بره الاوضة .. وقالت بضعف شديد ..
.. اطلع بره .. مش عايزة اشوف وشك خااالص ..
قفلت الباب وقعدت على الارض كالعادة بټعيط على حالها ..
وقف وسند راسه على الباب ..
ادهم بحزن انا آآآسف .. بجد أنا آآسف ..
ودخل ل تولين .. لاقاها فاقت وقاعدة على السرير ..
ادهم بضيق انتي كويسة !
تولين بضعف الحمدلله .. سارة فين !
ادهم
ڠضبت لما عرفت انك حامل .. انا مكنتش عايزك تيجي عشان كده ..
تولين والله يا ادهم ڠصب عني ..
ادهم انتي صحيح اتكلمتي معاها
يوم ما رجعنا من الفرح !
تولين ايوة .. صراحة انا خفت على نفسي .. انا مش مستغنية عن البيبي ده .. ده هو اللي طلعت بيه من الدنيا وانت عارف .. خفت تعمل فيا حاجة وابقى الحاجة الوحيدة اللي بتمناها راحت مني ..
ادهم طيب .. طيب
