رواية انتقمت ج3 الفصول من 9-12

كان مروان خارج من اوضته شافهم وابتسم 
بيحاول ادهم يفتح الباب لكن الكارت الخاص بالاوضة وقع من ايده 
وهنا قرب منهم مروان واخد الكارت من الارض وفتح لهم الباب 
ادهم متشكر مكنش في داعي تتعب نفسك 
مروان بابتسامة لا العفو كويس انك خرجتوا وان حضرتك عرفت تتصرف 
أدهم مكنش مستحمل مروان كمان تصرف سارة ناحية سيف كان مخليه كاتم غضبه بالعافية 
حاول يتحكم في اعصابه ورد ببرود 
ايوة طبعا هنسيب الجو ده ونقعد في الاوضة ما هو مش معقولة بردو عن اذنك 
مروان ايوة طبعا اتفضل 
مشي مروان دخل ادهم وسارة الاوضة سابها ادهم علي طرف السرير وبسرعة اخدت الموبايل بتاعها وبتتصل بمريم لكن كان تليفونها مقفول حاولت مرات ومرات وبردو مفيش فايدة 
حاول ادهم يتحكم في غضبه لان حالة القلق والتوتر اللي فيها سارة لا تستدعي ڠضب وخناق وهيطلع هو الغلطان لانه مش مقدر الظروف 
فقال ادهم لنفسه 
وبعدين ما هو انت سبتها تاني يوم فرحها لوحدها وروحت ل ندى متكلمتش ولا اعترضت . ولا قالت لك لا متروحش 
طيب ما ندى دي بنت عمي وزي اختي ! لكن سيف ده ايه ! 
اوعى تكايل بمكيالين لان اي مقارنه بينك وبين سيف هتكون كفة سيف هي الراجحة اللي عمله معاها مفيش اي حد عمله ومش هتوصل لحاجة غير انك هتخسر سارة وبس 
قاطع تفكيره سارة وهي بتنادي عليه 
سارة ادهم ! انت سرحان في ايه !
ادهم معلش سرحت شوية بس افتكرت ن دى 
سارة بحزن معلش ممكن تساعدني نلم الحاجة عشان نلحق نسافر 
ادهم اه طبعا اكيد خليكي انتي وانا هقوم اخلص 
وبالفعل بدأ ادهم يجمع الحاجات بتاعتهم من الاوضة 
قاعدة سارة على طرف السرير متضايقة بټعيط بتهز رجلها بتوتر ومتضايقة انها مش عارفة توصل لمريم 
بعد دقايق كانت تقريبا ادهم خلص لانهم اصلا ملحقوش يطلعوا اغلب حاجتهم مسك أدهم المرهم بتاع سارة وافتكر معاده 
قرب منها وهي في حالة شديدة من التوتر سحب منها الموبايل ورماه عالسرير 
بصت له بتعجب وضيق 
سارة في ايه يا ادهم 
ادهم بهدوء بصي انتي كده كده مش عارفة توصلي لها تعالي بس احط لك المرهم عشان نعرف نتحرك ونسافر . وانا هتصرف 
أدهم بهدوء بحبك 
سارة وانا كمان 
أدهم ووحشتيني 
ادهم في ايه ! انتي لسه خاېفة !
سارة بتوتر لا لا مش قصدي بس عشان الوقت مش مناسب ولا انت ايه رايك !
ادهم بضيق فعلا عندك حق 
ادهم بضيق حاولي
مع مريم تاني يمكن فتحت موبايلها 
اتنهدت سارة بضيق 
سارة ادهم حبيبي انت .
قاطعها ادهم بضيق وقال 
مش وقته يا سارة ولا ايه !!
نفخت بضيق وقالت في نفسها 
سامحيني يا ادهم بس فعلا مش وقته 
.
عند ياسمين .
قاعدة في اوضتها علي سريرها وجنبها ابنها نايم بتلعب في شعره وبتبتسم ولكن خناقتها مع اسلام بتعكر صفو الابتسامة دي 
بتفكر مع نفسها اد ايه هي ظلمت نفسها وظلمت ابنها معاها 
بتفتكر حنية اسلام معاها وحزينة من تغيره الفظيع 
فلاش باااااااك 
واقف اسلام متوتر وخارجة ياسمين من الحمام بتتسند علي الحيطة وماسكة بطنها 
اسلام ياسمينتي ارتاحي دقيقة هنزل اشوف لك اي دوا 
ياسمين بارهاق ماشي يا حبيبي متتاخرش 
اسلام متقلقيش يا قلبي خمس دقايق وابقى عندك 
اتصل اسلام بكريم عشان يساله على دوا ل ياسمين 
كريم ممكن مراتك حامل مش برد زي ما انت فاكر 
اسلام بلهفة كريم اوعى تكون بتعشمني !
كريم بضحك يا سيدي خليها تعمل تحليل واتاكد وابقى طمني 
اسلام بس هي مش قادرة تتحرك !!!
كريم هقولك علي بديل 
وبالفعل دقايق ورجع اسلام لياسمين وبالفعل عملت تحليل واعرفت انها حامل 
ياسمين بفرحة حبيبي انا حامل 
اسلام بفرحة شديدة حبيبي يا سمسمتي واخيرا هيبقى عندنا بيبي وحتة منك من هنا ورايح مفيش شغل ولا تنضيف انتي تنامي في السرير ال تسع شهور بتوعك مش عايز الجميل يتعب خالص 
ياسمين بضحك ليه كل ده ! ما كلهم بيشتغلوا وبيتحركوا 
قاطعها اسلام هم براحتهم لكن ياسمينتي انا حاجة تانية . انتي عقلي وروحي وعمري ربنا يقومك ليا بالسلامة .
بااااااااااااااك 
قاطع ذكريات ياسمين صوت رسالة على موبايلها من اسلام ابتسمت اول ما شافت اسمه ولكن اختفت بسرعة الابتسامة دي لما فتحتها واللي كانت مضمونها 
اعقلي يا ياسمين وارجعي بيتك والا هتصرف بطريقة مش هتعجبك ابدا بس عشان متقوليش اني مش حذرتك 
اڼهارت من العياط 
دقايق ودخلت عليها شكرية وشافتها في حالتها السيئة دي واخدتها في حضنها وبتطبطب عليها بحنية 
شكرية بحزن ايه اللي حصل يا بنتي !
ياسمين بعياط اسلام انا مش عايزة اعيش معاه تاني انا عايز اتطلق منه 
مسكت شكرية ياسمين من كتفاها وبعدتها عنها وقالت بفزع 
ايه الهبل اللي انتي بتقوليه ده ! انتي مش فاهمة يعني ايه طلاق !! فاهمة يعني ايه واحدة مطلقة !
ياسمين بس ! هو ده اللي هامك يا ماما ! لقب مطلقة ! ولا ! سعادتي !
جسمك انتي اللي بيوجعك من علقة بتاخديها ولا كرامتي اللي اتهانت بالجزم !
دخل عليهم كريم وهو بيلبس ساعته وقال بجدية 
ماما لو سمحتي سيبي ياسمين في اللي هي فيه بعد اللي حصل امبارح أنا اول واحد همشي في اجراءات طلاقها ومستحيل اسمح بانها ترجع للبني آدم ده تاني وانتي يا ياسمين لو قضيتي يومك كله عياط انتي اللي هتتضري وهتضري ابنك ومفيش حاجة هتتصلح فوقي لنفسك قبل ماتدمريها عن اذنكم انا رايح المستشفى 
مشي كريم وسابهم في حالة من الحزن 
اما عند سيف 
كانوا في اوضة العمليات بيحاولوا يسعفوه بعد ما جالهم وعنده اصابات كتيرة وجسمه كله چروح 
الدكتور انا مش فاكر انا شفت الشخص ده فين قبل كده بص للممرضة انتي قولتي لي اسمه ايه !
الممرضة اسمه سيف عبدالعظيم ظابط 
اتوتر الدكتور وايده اترعشت بص له الدكتور المساعد بتعجب وقاله 
في حاجة
يا دكتور ! حضرتك تعبان تحب تخرج تستريح !
الدكتور بتوتر اه ممكن تروح تكلم دكتور رمزي وتناديه ومتتأخرش 
وبالفعل خرج الدكتور المساعد وجت مكانه الممرضة 
الدكتور تعالي اعدلي معايا المړيض لما اشوف الچرح بتاع دماغه ده 
وبالفعل نيموا سيف علي جنبه وبدأ الدكتور يعالج الڼزيف اللي في دماغه ولكن توتره واضح جدا 
دقايق ودخل علي الطبيب المساعد والدكتور رمزي واتفاجئوا بوضع سيف 
رمزي بتعجب حضرتك بتعمل ايه يا دكتور حسن !
اتفزع حسن ووقع المشرط من ايده 
حسن بفزع لالا ولا حاجة انا فعلا تعبان ومحتاج ارتاح 
وبالفعل سابهم وخرج وعلى وشه نظرات توتر لبس الدكتور الجوانتي الطبي وقرب من سيف اخدت الممرضة المشرط من على الارض وبعدته مع الادوات الغير معقمة 
بص رمزي للدكتور المساعد بتعجب وقال 
بيعمل ايه بمشرط في چرح في الراس !!
اما عند مريم .
كان وضعها الصحي لا يطمئن لما دخل عليها الدكتور ولقاها مڼهارة
الدكتور كده مينفعش يا مدام مريم . المفترض نهتم بصحتنا اكتر من كده انتي قايمة من عملية خطېرة ولازم ناخد بالنا من نفسنا 
آسر هي حزينة بس شوية ورافضة حتى تاخد الادوية 
الدكتور بجدية احنا بكل بساطة ممكن نخليها تاخدها بالعافية بس مانصحكيش لازم تشدي حيلك عشان تقومي بسرعة بالسلامة وتخرجي من هنا 
ماجدة حاضر يا دكتور ان شاء الله 
اداها الدكتور الادوية وخرج هو والممرضة 
ماجدة سمعتي كلام الدكتور وسمعتي قال ايه 
مريم بعياط انا خذلته وزعلته اووي مكنش المفروض اعمل كده ابدا ابدا 
ماجده