رواية انتقمت ج3 الفصول من الاول للرابع

استقبال الفندق ومعاها خالد وسيف وبدا كل اللي في القاعة يخرجوا 
.................
قلبي اتمناه من بين الدنيا بحالها نداله وجاله
الله الله اهو ده اللي مفيش اتنين في جماله
مين يبقي معاه كل ده ويفكر او يشغل باله
بناس وحياة لا لا لا......
...........................
وقف ادهم يتأمل سارة بحب وهو شايف فرحتها في عيونها وبدا ينزل السلالم ببطئ وهي لسه بتغني لحد ما وصل عندها ووقف قدامها وبدا يبص في عيونها وهي اتكسفت بشدة وبعدت عينيها عنه وكملتغنا 

قلبي اتمناه من بين الدنيا بحالها نداله وجاله
الله الله اهو ده اللي مفيش اتنين في جماله
مين يبقي معاه كل ده ويفكر او يشغل باله
بناس وحياة لا لا لا
............................
وانت ويايا ياما قلت ان شاالله
تبقي ليا ان شاالله
ياحبيب ان شاالله
.......................
عمري ما حنساه
وده وعد عليا وكلمه بأكدهاله
ومن اليوم ده لو فاتوا سنين عمري حاعيدهاله
مين يبقي معاه كل ده ويفكر او يشغل باله
بناس وحياة لا لا لا
......................
ادهم كان  عنده يقين انه منتظراه صعوبات معاها بعد ما يجمعهم بيت واحد لوحدهم .. بس هو قبل التحدي ده من الاول وكله اصرار انه يمتلك سارة كلها مش قلبها بس .
يا من تربعت علي عرش قلبي وسكنت بداخل روحي ..
هل لي أن أنهل من بحور عشقك ..
افتح لي قلبك كي اوصمه باسمي وحبي .. .....
والزغاريط اللي ملت المكان اتجمع حواليهم كل المحبين ليهم ..
الا ان مازالت وسط النظرات المحبة دي نظرات ڠضب غيرة كره 
واقف محمود ومعاه خطيبته رانده اللي كانت الفرحة ملياهم .. مالت رانده علي محمود وبتقوله ..
.. عقبالنا يا برنس ..
بص لها محمود بضحكة خفيفة وبتعجب وقالها ..
.. برنس !! ده لفظ تقوليه لخطيبك !! .. وبعدين انا قلتلك يا معلم نعمل فرحنا معاهم رفضت ولا ايه يا حلو ..
ضحكت رانده علي اسلوبه وردت ..
.. خلاص خلاص حلو ومعلم مكانتش كلمة اتقالت .. وبعدين انا احب اعمل فرحي مع نفسي كده ملكة الليلة لا اخد النظر من حد ولا حد ياخد الاضواء مني انا وانت وبس ..
بص لها محمود بابتسامة حب ..
قريب اوي قريب اوي ..
كنت عاكف عن الزواج ولم أجد من تشاركني حياتي 
ولكن ... عندما نظرت الى عيناك حركت مشاعري اقسمت انك لن تكون الا لي.. ...
علي الناحية التانية .. خالد وندى ..
واقف خالد  بيبتسم وفرحان ان ربنا رزقه بيها .. ندى بنت طيبة جدا رقيقة احلامها بسيطة اوي .. ولكن حظها في الدنيا قليل جدا .. حظها من المشاكل كبير ..
عايشة ندى مع خالد اجمل سنين في عمرها زوج طيب وحنين وقلبه ابيض وفوق كل ده بيعشقها ..
رفعت ندى عينيها لخالد اتقابلت عيونهم في نظرات حب عشق جنون وافتكرت اول موقف ليهم بعد جوازهم بشهر واللي اثبت ليها انها هتعيش مع خالد اجمل ايام حياتها ..
فلاش باااك 
خرج خالد من اوضته وهو بيقفل زراير بيجامته بعد ما رجع من شغله وبينادي علي ندى 
.. ندى .. انتي فين !
ردت ندى عليه من المطبخ وكانت واقفة بتحضر الاكل ..
.. انا هنا يا حبيبي في المطبخ دقايق واحط الاكل ..
دخل عليها خالد هي واقفة عند البوتجاز .. اخد طبق السلطة اللي كان ندى حضرته ومسك معلقه وبدأ ياكل فيه ووقف جنبها ..
شافته ندى وهو بياكل السلطة .. قالت بضيق ..
.. يا خالد مبحبش اللي يبهدلي الاكل قبل ما احطه علي السفرة ..
اتكلم خالد وهو بياكل مانت اللي اتاخرت