رواية روعة جدااا الجزء الاول

انا عارفاها لما بتعوز تعمل حاجه بتعملها...
و بحزن اتنهدت يا تري انت فين ي يحي!!
...............................................
رن جرس الباب...
أنور استني انتي ي مروه انا اللي هفتح...
و قام...و راح فتح الباب..و كانت فريده..دخلت سلمت عليه عادي و لا أكن فيه خڼاقه أو حاجه...
أنور حبيبة بابا عامله ايه
فريده الحمد لله ي بابا بخير.
و دخلوا لمكان مروه..
مروه بخضه اي يبنتي هو انتي اتخانقتي تاني مع حماتك...
فريده قعدت جمبها و يحي مشي و مش عارفين راح فين...
مروه بخضه يالهوي حصل ايه لكل ده...
فريده اتاوبت العادي ي ماما..ما انتي عارفاها مش بتطيقني..
مروه بجديه ايوا مش بتطيقك اه لكن دي اول مره يحي يمشي..و ده الغريب..
فريده كل حاجه هتبان بكره..
أنور كلتي يبنتي..
فريده ضحكت بسخريه اه الحمد لله اكلتني فته مليانه توم و سمنه و لحمه محمره ف السمنه!!تقريبا كانت عاوزه ټموتني...
مروه بعد الشړ..خمس دقائق و تأكلي..عامله رقاق و كوسه بالبشاميل عارفه انك بتحبيها..
فريده لا ي ماما بجد مليش نفس..
أنور يلا ي مروه حضري الاكل..
و لفريده بت انتي انا لسه راجع من بره و مامتك مكالتش برضه..ف هتقعدي تأكلي معانا.. ماشي
فريده ضحكتماشي!
...............................................
دنيا بغيظ يعني ي شريف ملقتش الا خالتي دولت اللي تقول عليها..
شريف بجديه اعمل اي يعني ف اللي كنتي شايفاه..
دنيا بتطبق هدوم كنت قول تيجي عندنا..لكن خالتي دولت هتشعلل الدنيا..ما انت عارف..
شريف بغيظ و مقولتيش كده ليه ي اذكي اخواتك..
دنيا اتنهدت انا كنت علي اخري اصلا بسبب اللي حصل و اللي فريده عملته...
و قامت تحط الهدوم ف الدولاب..
شريف عملت ايه فريده!
دنيا مركزه ف ترتيب الهدوم اتعصبنا علي بعض و زقتني و مشيت...
و راحت قعدت جمب شريف علي السرير انا مش مضايقه منها اوي..كفايه اللي امي عملته..انا بس اللي صعبان عليا ف الليله دي كلها يحي..
شريف بجديه ربنا يعينه
الفصل الثالث 
دولت ضړبت علي صدرها يالهوووي..بقي عملت كل ده و يحي ابنك مقالش حاجه..
إسعاد پقهر لا و لا اي حاجه..و ف الآخر مشي و مش عارفين راح فين..
دولت الا تكون سحراله..
إسعاد بغل ما هي فعلا سحراله بت مروه..ده ولا الخاتم ف صباعها..
دولت بخبث و لا تقلقي بعد الغدا اخدك و نروح لشيخ كويس اعرفه يخليه يبطل السحر اللي المنيله دي عملتهوله..
إسعاد بخبث ده انت هخليه يسود عيشتها..و يصبحها بعلقھ و يمسيها بعلقھ..
دولت بتبخ سمها مټخافيش الشيخ مسعد هيعملك كل اللي انتي عاوزاه..ده ليه خدامه..اللهم احفظنا..
إسعاد بفرحه حقه لو حصلت ي دولت يختي لأحلي بوءك..
...................................................
كانت فريده بتساعد مامتها ف المطبخ..و بتجهز السلطه...و مروه أمها جات و قعدت جمبها علي ترابيزه ف نص المطبخ..عشان تقطف الملوخيه..
مروه بابتسامه حزينه معرفوش اي حاجه عن يحي..
فريده ببرود معرفش و الله ي ماما..
مروه سابت عود الملوخيه پصدمه يبنتي حرام عليكي ده جوزك..
فريده بصتلها طب اعمل اي ي ماما ما انا مكلمتش حد منهم من ساعه اللي حصل..
مروه بجديه اه ف تقومي مطنشه جوزك و متتصليش حتي تشوفي فتح تليفونه و الا لا..
و رجعت تكمل تقطيف انا هكلم ابوكي يتصرف..
و سابت العود تاني من ايديها انتي يبنت طالعه بارده لمين كده..
فريده بعدت السلطه اللي خلصتها و اخدت من اعواد الملوخيه تقطفها و بهدوء مين قال اني بارده بس..كل الموضوع ان مفيش وسيله اقدر اعرف بيها ايه اللي حصل أو هو فين..
مروه بجديه يعني ابوكي اللوا أنور نصر..و بتقولي مفيش حاجه تقدر توصلني ليه..
فريده ما اتعودش اطلب حاجه من بابا..
مروه ما تطلبيش ي حبيبتي بس انا هطلب.
فريده بجديه ي ماما بل....
أنور قاطع كلامهم بدخوله للمطبخ اي ي جماعه أتاخرتوا ليه كده ف الاكل..انا جعان..
فريده بابتسامه نص ساعه و الاكل هيكون جاهز..
أنور أما نشوف..
و جه يخرج بس وقف لانه افتكر حاجه اه صحيح ي ديدا الحاج محمد و دنيا جايين النهارده بعد المغرب..
فريده ليه!
مروه پحده هو ايه اللي ليه
أنور ببرود هنشوف لما يجوا..
مروه بجديه يارب صبرني هتجنن منهم .
أنور ابتسم بخبث و خرج من المطبخ..
..........................................................
دنيا قاعده ع السفره مع جوزها و ادامهم الاكل..
دنيا بجديه يلا ي كنزي خلصي اكلك عشان تروحي تقعدي مع خالتو شمس..
كنزي بفرحه شموسه.
شريف الصراحه شايف أن مرواحكم ملوش لازمه..
دنيا اومال نعمل

ايه ي شريف..نفضل سايبنها هناك كده..اهو حتي نحل اللي حصل..
شريف بجديه مش هترجع ي دنيا..
كنزي مامي عاوزه مايه..
دنيا بتحط لبنتها مايه ليه بس حرام عليك..
شريف مجرد توقع و كمان ابوها مش هيسمح بعد اللي حصل..
دنيا ما بيحصل كل مره ي شريف..
شريف بهدوء و لازم حل نهائي ل ده..
دنيا سابت المعلقه و بصتله قصدك ايه!!!
شريف بجديه اللي فهمتيه..
و قام الحمد لله انا شبعت..و راح ع الحمام..و دنيا حطت أيدها علي خدها..بتفكر ف كلامه...
كان يحي ف مرسي مطروح قاعد علي الكورنيش و الشمس ادامه بتغرب... بيفكر ف اللي كل اللي حصل من ساعه جوازهم..لحد اللحظه اللي هو قاعد فيها..بيراجع كل حدث..كل ذكري..سواء سعيده أو حزينه..و فضل كده سرحان ف تفكيره لحد ما فاق علي صوت موجه قويه وصله منها نقط مايه و الدنيا بقت ليل...
كانت شمس قاعده بتلعب مع كنزي...
كنزي شموسه عاوزه تتجوزي عمو نادر ليه..
شمس استغربت سؤال كنزي بس قررت انها ترد عليها عشان بحبه ي كوكي..و بعدين ايه مش نفسك لما تكبري تلبسي الفستان الابيض المنفوش...
شمس عاوزه البس الفستان بس مش عاوزه اتجوز و مش عاوزاكي انتي كمان تتجوزي ي شموسه..
شمس باستغراب ليه ي كوكي..
كنزي ببراءه عشان طنت سحر مامت عمو نادر هتعاملك وحش زي ما تيتا بتعامل طنت فريده مرات خالو يحي..
شمس أتصدمت من اللي كنزي قالته..و بلعت ريقها...و مبقتش عارفه ترد عليها تقول ايه..
شمس بتحاول تغير الموضوع تيجي معايا نعمل كيكه شوكولاته عشان لما يجوا نقعد نأكلها..
كنزي سقفت بفرحه هيييه..يلا ي شموسه...
كان قاعد ف الاوتيل و بيفتكر ذكرياته معاها..حبه ليها..اللي لحد الان مقلش..لكن هي اللي بعدت..
قاعد بيفكر يا تري هو اللي غلطان ف حبه ليها بالطريقه دي..و الا هي ف بعدها عنه بالشكل ده..علاقتهم اتقلبت ١٨٠ درجه...هو عارف ان ده كله نصيب و مكتوب و مش معترض..لكن ليه اللي هي بتعمله ده..ليه امه كمان تكون معاها بالشكل ده..و اقسم أنه مش هيرجع الا لما يلاقي حل...هو سكت كتير و خلاص مبقاش ينفع يسكت تاني..
مروه پصدمه انتي لسه مجهزتيش..
فريده قاعده علي السرير و مشغله اللابتوب ايوا ي ماما..
مروه بقله حيله يبنتي حماكي جاي و الراجل ملوش ذنب و لازم تخرجي تقابليه..
فريده بصتلها و ببرود حاضر ي ماما..
مروه قفلت الباب و فضلت ماشيه تكلم نفسها لحد ما راحت للكنبه اللي أنور عليها..و قعدت جمبه..
أنور بهدوء مكانش ليها لازمه انك تعملي كده..
مروه بجديه أنور بطل تقوي ف البنت..انت شايف بقت عامله ازاي..
أنور بيشرب الشاي اي حد بيتغير ي مروه بس المهم أنه يتغير للاحسن..و فريده الحمد لله متغيرتش للوحش..
مروه بسخريه و لا اتغيرت للاحسن ي أنور..
أنور بقله حيله طب اعمل ايه ي مروه..ما ده كله بسبب حماتها..
مروه بحزن منها لله و الله انا بنتي انطفت..حسبي الله و نعم الوكيل..
رن جرس الباب...
مروه شكلهم جم انا هقوم افتح!
و قامت فتحت الباب...
محمد بابتسامه السلام عليكم..
مروه بهدوء و عليكم السلام ي حاج اتفضل..
دنيا سلمت عليها ازيك ي طنت..
مروه بخير ي حبيبتي اتفضلي...و قفلت الباب...
أنور قام وقف من علي الكنبه و سلم علي محمد بابتسامه اهلا اهلا حاج محمد نورتنا..اتفضل اتفضل..
محمد بنورك ي استاذ أنور..
أنور لدنيا اتفضلي ي بنتي...
دنيا بابتسامه ميرسي ي عمو...
أنور يلا ي مروه شوفي الجماعه يشربوا ايه
محمد بشكر و لا اي حاجه..احنا مش جايين نضايف ي استاذ انور.
أنور بجديه يعني ينفع اللي حصل ده ي حاج محمد..ترضاه يحصل لمدام دنيا أو انسه شمس..
محمد بهدوء مرضهاش علي حد..و انتوا اكيد عرفتوا اللي حصل.. بس اعمل ايه ربنا يهديها..
مروه كانت ف المطبخ بتجهز عصير ليهم..و خلصت و طلعت قدمت العصير و قعدت جمب أنور...
محمد يحي ابني من امبارح مش عارف هو فين قلبت عليه الدنيا و مش لاقيه..و مش هينفع لما يرجع يلاقي مراته مش ف البيت..
محمد بهدوء و مراته مش ف مكان غريب ده بيت ابوها..و يحي لما بيسافر من غيرها بتيجي تقعد هنا برضه..
دنيا بهدوء هي فين ي طنت عاوزه اتكلم معاها..
مروه ف اوضتها ي حبيبتي تعالي اوريهالك..
و قامت مروه و معاها دنيا...
محمد كنا بنقول ايه.
أنور بجديه كنا بنقول ان انا بنتي كل شويه تتهان عندكم ادام الكل و ډمها يتحرق و جوزها ميجيبش حقها..كنا بنقول ان الحاله اللي بنتي وصلت ليها بسبب اللي بتسمعه كل شويه..مستحيل ي حاج محمد ارجعها غير لما اتكلم مع يحي..قدر يرد لبنتي حقها كان بها معرفش يبقي كل واحد يروح لحاله..
محمد بجديه انت بتقول اي ي استاذ أنور طلاق ايه اللي انت عاوزه..
أنور مش احسن ما البنت ټموت مقهوره..و الا يحصلها حاجه..انا شاري بنتي و سكتت كتير و هي استحملت بهدله كتير..بس لحد كده و كفايه..
محمد بهدوء طب ع الأقل راعي مجيتي ليك..
أنور بابتسامه هاديه علي عيني و علي رأسي و نورتني..بس معلش ف ده و مش

هقدر..
محمد تمام..و قام وقف معلش نادي مدام مروه عشان تجيب دنيا..
.............................................................
كانوا قاعدين ادام التليفزيون
إسعاد بقولك ايه ي دولت يختي..هو مينفعش الشيخ مسعد ده يجيلنا هنا إلا انا حيلي مهدود من ساعه اللي حصل..
دولت بتتفرج طبعا يختي يجي ميجيش ليه بس اكيد هيطلب اكتر..
إسعاد بحرقه ادفع فلوس الدنيا بس اشوف بنت فريده و ابني بيطلقها....
الباب اتفتح..و دخلت منه بنت لابسه شيك جدا...
أميره السلام عليكم ي أهل الدار..
إسعاد بفرحه و عليكم السلام يقلب خالتو...
دولت اكلتي و الا لا ي ميرو..
أميره قعدت بتعب لا ي ماما و الله.. عاملين أكل ايه..
دولت خالتك إسعاد عملتلنا دقيه باميه باللحمه الضاني..و انا عملتلك الرز المعمر اللي بتحبيه..
أميره بابتسامه تسلم ايديكم...
دولت ف سرها اهو دي البنات يختي..تاكل و ترضي بالموجود و تربرب كده مش زي المله اللي ابني متجوزها...قال اي الاكل تقيل علي معدتها بنت الناشفه..و ديني لاطلقها منه...
..............................................................
شريف يشهد الله ي عمي اني قولت ل دنيا قبل ما تروحوا أن ابوها مش هيوافق..
محمد بحزن معاه حق يبني..انا مرضهاش علي بنتي...منك لله ي إسعاد منك لله زي ما هتخربي بيت إبنك...
شمس انا مش مصدقه أنها رفضت حتي تتكلم مع دنيا...
دنيا فريده اتغيرت جدا ي شمس..
شريف المشكله ف يحي..لو رجع هيعمل ايه...
محمد بجديه ابني مغلطش ي شريف اللي غلطت امه...و اللي غلط يصلح غلطه..
دنيا ي بابا مستحيل ماما توافق علي ده..
محمد پحده هتوافق