رواية مني الجزء الثاني الفصول الرابعة

ادني مكان أعيش فيه ووفري دخل مناسب.
نعم بغيرة كتر خيره طبعا واضح أن أمرك يهمه فعلا بتحذير ملتوي بس كمان المساعدة والأهتمام دول ممكن يبقوا ضدك. 
باكينام بحيرة أزاي!
نعم محاولة السيطرة علي شيطانها بلا جدوى يعني حرمانك من ابنك ممكن مش يبقى بس عشان المكان والدخل لكن أن رجل غريب يصرف عليكي ممكن يكون ده سند لجوزك قدام القاضي لحرمانك من ابنك. 
باكينام باستنكار لا طبعا أولا هو مقعدني في شقة لوحدي وكاتب لي عقد ايجار وكمان هو مش بيصرف علي هو بس شغلني في الشركة وبيديني مرتب كويس ده غير أنهم مش ممكن يحطوا نفسهم في موقف زي ده خصوصا وهما متأكدين أن اهتمام أحمد ومساعدته لي بسبب صداقتي بميرو الله يرحمها مش أكتر فليه يخسروه ويكسبوا عدوته.
نعم باندفاع مين ميرو
بكينام بتلقائية أميرة مرات أحمد الله يرحمها كانت صحابتي وجارتي كمان.
نعم بحرج أنا طبعا مقصدتش أسيئ لك نهائي بس لازم تاخدي حذرك مش في معاملتك مع احمد بس لكن مع زمايلك وجيرانك وأي حد بتتعاملي معه لأنهم أكيد هيحاولوا يمسكوا عليكي أي غلطة.
باكينام بانفعال أنا أساسا مش طايقة كل الرجالة بسببه بس أنت عندك حق أنا لازم أخد بالي واحد باخلاقه ممكن يعمل أي حاجة.
باكينام بضيق لا مش عايزة منه أي حاجة المهم يطلقني ويديني الولد ويبعد عني.
نعم باستنكار بس دي حقوقك وأنت حاليا محتاجة ده.
بكينام بانفعال أي حاجة هيدهني دلوقتي هيقدر يسحبها مني بعدين أنا محتاجة بكينام مش أي حد تاني محتاجة أكمل دراستي واشتغل. 
نعم بدهشة أنت مقررة تكملي شغل أنا لسه كنت هاكمل وأقولك على الاجراءات اللي هناخدها ضد أخوكي عشان تستردي ميراثك. 
سامية بتهكم وحتى لو استلمته هاعمل بيه ايه لو عشت في نفس المستوى اللي اتعودت عليه هضيعه كله باسرع وقت وده اللي هما مراهنين عليه بحماس أنا محتاجة ابني مستقبلي وأغير أسلوب حياتي وأعتمد على نفسي.
نعم پصدمة وهتقدري.
بكينام باصرار وليه لا ياما رجال اعمال كتير وقعوا ورجعوا وقفوا على رجلهم تاني وأنا مش ضعيفة زي ما كنت متخيلة أنا عمري ما تخيلت أني ممكن أواجه شادي أو جوزي أبدا لكن واجهتهم وهاقدر اوقفهم عند حدهم وهاقدر ابني حياة جديدة مع ابني. 
نعم بتقدير أكيد هتقدري وأنا جنبك ومعاكي في أي حاجة تحتاجيها حتى لو بعيد عن الجانب القانوني. 
باكينام بامتنان مرسي يا دكتور بجد له حق أحمد يمدح فيكي قوي كده.
ابتسمت لها بمجاملة وهي تلوم نفسها على مهاجمتها وقتما ظنت اعجابه بها وكذا تحايلها عليها لتعرف طبيعة علاقتهما كما استغربت لما حزنت عندما عرفت أن سبب اهتمامه علاقتها بزوجته
الراحلة لا تعلم لما حزنت بكونه مازال يفكر بها ولو زاد ذلك من تقديرها له ترتعب من فكرة أنه صار ذو مكانة خاصة لديها مكانة خاصة جدا.
بشقة مروة 
مروة بانفعال لا ماهي مش عيشة دي مش كل يوم هترجع لي وش الصبح وقلبت الشقة بنسيون بتجيه على النوم. 
صلاح بضيق يوو هو أنا مش هاخلص من اسطوانة كل يوم دي هو أنا سهران في كباريه أنا باشتغل يا مدام.
مروة بثورة وأنا ذنبي أيه اتذنب كل ليلة بالشكل ده.
صلاح بفاذ صبر وحد طلب منك تستنيني نامي يا ستي على الأقل ترحميني من موشح كل يوم. 
مروة بغيظ موشح بقى حبي لك لهفتي عليك بقى موشح .
صلاح بحدة حب أيه ولهفة أيه أنت فاكرني عبيط باستهزاء النهارده كام في الشهر يا مروة. 
مروة بتوتر يعني أيه النهاردة كام.
صلاح ملوحا بيده بثورة يعني أنا أنسان يا مروة مش آلة محتاج فعلا احس بلهفتك وحبك اللي بتقولي عليهم مجرد إحساسي أن كل اللي يهمك جدول التبويض بيخليني مش طايق البيت من أصله.
مروة پصدمة مش طايق البيت عشان بحبك وعايزة اجيب لك الولد اللي نفسك فيه.
صلاح بسخرية قصدك تجيبي الولد اللي هتكايدي بيه يا دكتورة أنا أصلا بقيت حاسس أني بره حساباتك.
مروة بثورة وأنا فين في حساباتك يا دكتور أنت من يوم ما فتحت المكتب وأنت مبتعملش أي حاجة غير أنك تشتغل وبس وكأنك فعلا اتحولت لآلة.
صلاح باستنكار ده على اساس أنك مش شريكتي فيه وأن كل النجاح ده بيعود عليكي بالخير.
مروة بثورة مش عايزة الخير ده أنا عايزة حتة عيل افرح بيه ومش عايزة حاجة تاني.
صلاح بعند الخلفة دي بايد ربنا يا دكتورة لو ربنا رايد هنخلف طبيعي زي كل الناس من غير الأزمة اللي أنت عاملها دي ومن غير ما نحول حياتنا لحرب نفسية لكن شغلنا هو ده اللي مطلوب مننا نهتم به ونخلص له ونجتهد فيه لأن ده الطبيعي.
مروة بتحدي هو ده أخر كلام عندك
صلاح مستهزءا بصراحة ڠصب عني لازم يبقى أخر كلام لأني جاي تعبان ومش قادر اتكلم تاني وكمان عندي محكمة الصبح بدري تصبحي على خير.
تركها متجها للحمام يستعد للنوم غير مبالي بذلك