رواية مني الفولي الحزء الثاني الفصول الاولي

لا طبعا الناني مؤهلة.
شهاب بضيق وأنا عايز بنتي تتربى في عيلة مش مع الشغالين.  
سوزي بضيق براحتك بس أعمل حسابك عيد  ميلاد لولو السنادي هيتعمل في قاعة مش في شقة حماك زي السنة اللي فاتت.  
شهاب بنفاذ صبر حاضر يا سوزي هانم تؤمري بحاجة تانية.
سوزي بتعجب غريبة أول مرة ما تجادلش وتتعب قلبي.
شهاب بضيق لا ماهو أنا خلاص حفظت أي حاجة باعارضك فيها تتصلي بنغم وتتهميها بأنها سرقتني منك ومعصياني عليكي وأنك ڠضبانة علي وعليها فهي طبعا تستلمني زن لحد ما أعمل لحضرتك اللي أنت عايزه فقلت أجيب من الأخر واريحك واريح نفسي.
سوزي باشمئزاز أيه الالفاظ السوقية دي عشان تصدقني لما أقولك أنهم أثروا عليك.
شهاب زافرا بنفاذ صبر سوري مامي عن أذنك. 
مساءا بأحد النوادي الراقية
سوزي وهي تنضم لطاولة سيدة بمثل سنها وبنفس المظهر المتعالي هاي هايا اتأخرت عليكي يا قلبي.
هايا بابتسامة لا خالص يا قلبي أنا لسه جاية وكله من البني أدم المستفز خطيب ميرا. 
سوزي بتساؤل هو ضايقها تاني هو مش كان وعد أنه هيبطل عمايله القڈرة دي.
هايا بضيق لا والمرة دي مع كالي أعز اصحابها الحيوان.
سوزي پصدمة وعملت معهم أيه
هايا بضيق بالنسبة لكالي فهي الأمور دي عندهم عادي بس المفروض كانت تراعي أنها نزلت الرحلة دي على حسابنا وقاعدة عندنا ويومين والرحلة هتخلص وترجع المانيا المشكلة في الحيوان ده اللي مش مقدر الجوهرة اللي خطبها.
سوزي بتأثر وأنت أيه اللي مصبرك عليه لحد دلوقتي وميرا من امتى وهي ضعيفة كده.
هايا بعتاب ما أنا قلت لك قبل كد أنها بعد صډمتها بجواز شهاب أتأثرت فترة كبيرة ورفضت تعمل أي صداقات وأنا ما صدقت أنها وافقت لما رامي ده اتقدم لها.
سوزي بحرج أيوه بس أنتم عارفين من قبل ما ننزل من المانيا أن شهاب بيعتبرها صديقة مش أكتر.
هايا بلوم فعلا بس كمان وقتها أنت قولتي أنك مش هتلاقي لشهاب زي ميرا وأنه مش حاسس بيها عشان علطول مع بعض وأكيد لما هتبعدوا هيشتاق لها والبنت فضل عندها أمل لغاية ما اټصدمت بخبر جوازه وخصوصا أنه أتجوز واحدة أقل منها في كل حاجة. 
سوزي باعتراض منكرش أني كنت اتمنى أن شهاب يتجوز ميرا خصوصا وأنا وأنتي بقينا أعز أصحاب بس أنا ولادي غير ولادك أنتم جيتوا المانيا والولاد كبار نسبيا لكن ولادي أنا أتولدوا هناك واستقلاليتهم واختياراتهم طول عمرها خط أحمر وأنا مقدرتش امنعه بخيلاء خصوصا والبنت دكتورة وفعلا شخصية ممتازة ومش أقل من أي حد مايعبهاش غير موضوع شغل باباها مع أنه في تعاملاته كلاس وجنتل  مان جدا. 
هايا بتهكم وأنت دلوقتي شايفة الفروق الاجتماعية شئ ثانوي وبتساوي ما بين بنت المهندس والنجار.
سوزي بضيق رغم أن باباها عنده مصنع موبيليا وأكتر من معرض مش نجار زي ما بتقولي بس متهيألي الكلام ده ملوش مكان دلوقتي أيا كان شهاب اتجوز مين فالنتيجة واحدة هو وميرا مش مكتوبين لبعض. 
هايا بضيق اه طبعا وأكيد ده مش لازم يأثر على صداقتنا. 
سوزي بابتسامة أفهم من كده أنك هتقبلي دعوتي على عيد ميلاد لولو بنت شهاب.
هايا بابتسامة مفتعلة أكيد حبيبتي وبالمرة نتعرف على الدكتورة مامتها وأخوها جوز ماهي. 
بشقة نعم
تجلس نعمة منهمكة بتفحص عدة أوراق بيديها
صلاح متذمرا أيه يا قلبي كل ده ولسه ما خلصتيش.
نعم باعتذار أسفة يا حبيبي اتاخرت عليك بس المرة دي القضايا أكتر من كل مرة. 
صلاح بضيق أنا مش عارف أنت ليه واجعة قلبك بالقضايا دي ده أنت اللي بتصرفي عليها من جيبك.
نعم برقة زكاة عن علمنا يا حبيبي دول ستات غلابة ملهومش سند ولولا دار الضيافة كان زمانهم في الشارع وأنا بحاول اساعدهم على قد ما باقدر وعلى فكرة في قضية منهم كنت محتاجة مساعدتك فيها. 
صلاح بجدية بس زي اتفاقنا أنا مبحبش الروتين وبحب أنجز أنا مش باخد حاجة لنفسي بس كل خطوة محتاجة مصاريف دمغات ورسوم وشاي.
نعم بابتسامة عارفة يا حبيبي مفيش مشكلة بابا متحمل مصاريف كل القضايا دي من وقت ما قررت أمسك قضايا دار الضيافة. 
صلاح بابتسامة أوك هاتي القضية اللي عايزني أطلع عليها ولو اكتر من قضية مفيش مشكلة. 
نعم بابتسامة ربنا ما يحرمني منك خد الملف ده دلوقتي ولو اتزنقت هاجيب لك الباقي أنت عارف عيد ميلاد لولو فاضل له كام يوم بس وهبقى مشغولة مع نغم جدا.
صلاح بضيق على فكرة أنا مش هاروح عيد الميلاد ده.
نعم بدهشة ليه!
صلاح بسخافة وهو شهاب باشا كان عزمني.
نعم باستنكار يعزمك أيه ده عيد ميلاد لولو بتعتنا.
صلاح بعصبية لولو دي بنته هو مش بتعتنا واللي مش هيقدرني مش هاقدره عن أذنك.
تركها مذهولة لا تدري لما تلك العصبية المفرطة بأمر كهذا ثم شعرت بالآسى من أجله وهي ترجع عصبيته لحرمانهما من الأطفال لتقرر أن تحتويه وتحاول إرضاءه كما اعتادت دائما.
بشقة نغم 
نغم بخفوت بالهاتف لا خلاص حاضر ولا يهمك.... ماشي يا قلبي..... متضايقيش نفسك الموضوع بسيط..... وأنت طيبة يا نومي.
شهاب بتساءل مالها نعم.
نغم بابتسامة لا مفيش يا قلبي دي مضايقة بس كده من موضوع بسيط وكمان كانت بتسألني على الحاجات اللي ممكن تساعدني فيها بعيد ميلاد لولو وأنا قلت لها أن مامتك حجزت القاعة وظبطت كل حاجة بتوتر صحيح هو أنت عزمت صلاح على عيد الميلاد ولا لسه.
شهاب بدهشة وهما محتاجين عزومة.
نغم بارتباك لا بس يعني السنة اللي فاتت الحفلة كانت هناك عندهم في شقة بابا وأكيد مش محتاج عزومة لكن المرة دي في قاعة وممكن يتحرج يجي لو أنت معزمتوش.
شهاب بدهاء يتحرج ولا يتقمص.
نغم بارتباك يتقمص أيه بس يا شهاب هو عيل صغير أنا بس باتكلم في الأصول يا قلبي.
شهاب بابتسامة عابثة هو ده بقى الموضوع البسيط اللي مضايق نعم المتر عاش عليها الدور وبيملي شروطه كالعادة طيب تراهني أن أول واحد هيجي الحفلة دي هو صلاح حتى لو أنا معزمتوش أو حتى لمحت له أني مش عايزه يجي.
نغم بدهشة اللي هو أزاي يعني! 
شهاب بتأكيد ممكن أوريكي وأثبت لك بس مش هاعمل كده عشان محبش انكد على نعم اللي باعتبرها زي ماهي بثقة لكن أنا متأكد أن الدكتور لا يمكن يفوت فرصة زي دي وهو عارف أن الحفلة هيكون فيها أصدقاء بابا وصاحبات ماما من النادي يعني الطبقة اللي هو هيتجنن ويتعرف عليها ويبقى منها. 
نغم باستنكار لا طبعا هو صيحح عقله صغير بس مش وصولي.
شهاب بحب لا يا قلبي أنتم اللي ناس طبية زيادة عن اللزوم لكن أنا عمري كله عيشته بره مع ناس حياتهم كلها ماديات