رواية مني الفولي الحزء الثاني الفصول الثانية

بس حقيقي مش عارفة أيه اللي غلطت فيه بالظبط كل غلطاتي كانت بسبب ظروف ڠصب عني لكن للأسف أن نعم كانت دايما هي اللي بتدفع تمن الظروف دي 
نغم بحيرة مش فاهمة!
نورا بحزن أنت كنتي علطول تهزري وتقولي أني بحب نعم أكتر وكنت ساعات بحس أنك فعلا حاسة ده بس ده مش حقيقي كلكم ولادي وبحبكم زي بعض لكن أنا فعلا كنت باحاول أقرب من نعم لأني كنت حاسة بالذنب نحيتها 
نغم پصدمة ذنب!
نورا بحزن أنا الأول مكنتش أقدر أفهمك بس بعد ما كل حاجة اتعرفت بقى ممكن تفهمي وتحسي بيا بعد اللي حصل زمان وجوازي أنا ومحمود وولادة نعم أول كبرت شوية صحيح محدش كان يقدر يضايقها بكلمة عشان هيبة محمود بس العيال كلهم كانوا واخدين منها جنب لاحد بيراضى يلعب معها ولا يكلمها كانت تشوف البنات بيلعبوا تحت البلكونة كانت تتحايل على تنزل تلعب معهم أول ما تنزل شوية والاقي كل واحدة ندهت بنتهاأو جت سحبتها وهي واقفة ټعيط عشان البنات مشيوا مكنتش بارضى أقول لمحمود عشان منكدش عليه ده غير أن مفيش في أيده حاجة ولا يقدر يجبر العيال يلاعبوها كل اللي كنت باعمله أني بازن أننا نسيب الحارة ابتسمت لحسين بحب لحد ما ربنا رزقنا بوش السعد ومحمود وافق ونقلنا في شقة مؤقتة عقبال ما نظبط أمورنا وكنت هاطير من الفرح لما لاقيت جيرانا عندهم بنات من سنها وحبوا بعض قوي بس ملحقيتش تفرح يا قلبي قعدنا هناك سنتين وكام شهر عقبال ما العمارة دي اتبنيت ونقلنا هنا كانت وقتها حوالي تمن سنين واتفطرت من العياط عشان صحابها خصوصا أن وقتها المنطقة هنا كانت جديدة وشبه فاضية ومكنش في حد تتصاحب عليه أنتم كنتم من سن بعض وعلطول بتلعبوا سوا كانت علطول هي وحيدة
نغم باستنكار بس نعم عمرها ما كانت انطوائية 
نورا بحب الله يرحمها نعمات كانت مغرقها بحنانها وبتحاول على قد ما تقدر تسعدها بس النصيب حرمها منها ومن حلمها سوابحزن لما دخلت ثانوي كان حلمها تدخل كلية اقتصاد وعلوم سياسية وكانت دايما من الأوائل الظروف عاندتها تاني وجدتكم تعبت قوي وانشغلنا بيها وربنا استرد وديعته قبل امتحانات نعم بحاجة بسيطة وطبعا ما جبيتش المجموع اللي يحقق حلمها 
حسين بحنان ماما أنت بتشيلي نفسك فوق طاقتها ليه ده قدر ونعم طول عمرها راضية وعمري ما حسيت أن موضوع الكلية مأثر عليها 
نورا بحزن هي نسيت لأن حناننا كان معوضها وعشان أبوكم اللي رباكم على الرضا لكن أنا أم حاسة أنها قصرت في حق بنتها طبعا فرحت لما لاقيتها تقبلت كليتها وبتتفوق فيها وكمان حبيت واتجوزت لكن رجعت اتقهر عليها تاني لما طلع الواطي ده عنده مشاكل في الخلفة بس سكت لما لاقيتها فرحانة وصابرة مقدرتش استحمل فكرة أني أكون السبب في أن حياتها تبوظ تاني فقولت أي كلام والسلام أقنع نفسي أني مش السبب 
حسين بصدق بس حضرتك فعلا مش السبب دي ظروف حضرتك مش مسئولة عنها وعمرك ما قصرتي مع حد فينا 
نغم بمرارة يا حبيبتي يا نعم كتير كنت أغلس عليها وأحسدها على حبك ليها وعمري ما فكرت أنها ممكن تكون اتعرضت قاسېة كده خلت حضرتك تحسي ناحيتها بالذنب بس برضه أنا رأيي من رأي حسين دي ظروف حضرتك مش مسئولة عنها 
نورا بمرارة ذنبي ولا لا مش ده المهم دلوقتي المهم أن كلنا لازم نكون جنبها لحد ما تعدي الأزمة وترجع أحسن من الأول 
نغم بحب طبعا يا ماما أنا مش هسيبها لازم ترجع أحسن من الأول وتبقى أقوى من كده ولازم كمان تحقق حلمها وتكمل الدكتوراة ومتضيعش مستقبلها عشان الواطي ده بتفكير هي أكيد رصيد اجازاتها خلص الفترة اللي قعدتها دي أنا من بكرة هاتصل بدكتور شريف اللي جه لها أول ما تعبت وهاحاول اجيب منه شهادة نقدمها للجامعة تاخد بيها أطول اجازة ممكنة
لحد ما توقف على رجليها تاني 
حسين بحمية وأنا هاخد الشهادة وهاروح الجامعة واحاول اتصرف هناك متقلقيش حضرتك احنا لا يمكن نتخلى عنها 
نورا بعتاب ودي بقى حضرتك رقم كام ولا خلاص مابقيتش استاهل كلمة ماما يا حسين 
حسين متلعثما لا طبعا بس أنا مش عارف يعني حضرتك ممكن 
نورا مقاطعة بعتاب مش عارف أيه وممكن أيه أن مكنش محمود حكى لك على كل حاجة وعرفت أنك كنت وش السعد اللي دوب كل اللي كان بنا أنت ابني يا حسين ومفيش حاجة ممكن تغير ده حتى لو كنت اتنرفزت وغلطت في حقك في ساعة شيطان زي ما قلت ولا أنت لسه مش مسامحني 
حسين بحب أنت تقولي اللي أنت عايزه يا ست الكل ومحدش يقدر يعترض ومن غير أي اعتذار اصلا أن عمري ما أقدر أزعل منك عشان اسامحك 
نورا بحب ربنا يكرمك وميحرمنيش منك ابدا يا حبيبي 
حسين بحب ولا يحرمني منك يا ست الكل يا احن أم في الدنيا 
نغم بمشاكسة على فكرة أنت وقتها زعقتي لي أنا كمان يبقى وقت الدلع على الأقل ينوبني من الحب جانب 
نورا بابتسامة ربنا مايحرمنيش منكم انتم الثلاثة ابدا يا حبايبي وربنا يعوضك يا نعم ويهونها عليكي 
حسين برجاء بإذن الله ربنا هيجبرها 
نغم بحب آمين 
فتحت ذراعيها فالقيا بنفسيهما بحضنها بسعادة فشددت من احتضانهما وهي تمتم بكلمات الاعتذار والدعاء لهما ليقطع لحظتهم هذه صوت محمود المرح 
محمود متذمرا بمزاح يعني عاملة حظر تجول على البيت كله ومعتزلنا في أوضة نعمات الله يرحمها وأجي أخرجك بنفسي وأول ما تخرجي مقضيها حب في ولادك ونسياني 
نورا بحب أنت الأصل يا حبيبي ربنا ما يحرمنا منك 
ليقترب منهم محتويا الجميع بأحضانه وهو يدعو بقلبه أن تخرج أسرته من تلك المحڼة بسلام 
باليوم التالي بغرفة نعم
تجلس شاردة على
الفراش لا تلتفت لكل محاولات نورا لمجاذبتها اطراف الحديث 
نورا برجاء يا حبيبتي فوقي لنفسك محدش يستاهل تعملي في نفسك كده عشانه صلاح زيه زي سالم واللي يخسرهم كسبان 
نعم بحيرة سالم مين 
نورا بحماس لتجاوبها سالم خطيبي مداعبة بس أوعي تقولي لابوكي ليدبحني ضاحكة ماهو أنا عمري ماجيبت سيرته بس بجملة الفضايح بقى 
قصت على ابنتها تفاصيل خطوبتها السابقة وسعدت لتجاوب ابنتها معها وانجذابها للقصة فاسترسلت في سرد التفاصيل المضحكة وتضخيم أفعال أم سالم وردود أفعالها معها حتى اقتنصت منها ضحكة اثلجت صدرها 
نعم ضاحكة معقول بابا دهنهم كده وهو كان قاصد ولا غلط يعني 
نورا بسعادة لنجاحها لإخراجها مما هي فيه ولو لدقائق معدودة لا ما هو أنا سألته وقالي أنه كان قاصد من حړقة قلبه علي بدلال ماهو كان بېموت في وأنا ولا هنا بس هو قالي أنه كان ناوي يبهدلهم على خفيف كده بس لما لأني مبسوطة وباضحك اتوصى بيهم ضاحكة ياسلام لو شوفتيهم وأم سالم عاملة زي آمال زايد في أخر لقطة من طاقية الاخفا والمعمل مفرق في وشها ولا سالم اللي وشه كله اتلون ولما قلع النظارة حوالين عينيه النظيفة كأنه لابس ماسك 
اڼفجرت نعم لنوبة ضحك هيستيري تحولت فاجأة لنوبة