رواية وهم الفصول من 21-24

على أن عزام يفضل محافظ على وضعه.
قاطعه وسام وبدأ يخبره بجميع المعلومات الجديدة التي جمعها عن عزام وداليا والتي جعلت رامز يتأكد بما لا يدع مجالا للشك أن داليا سوف تبذل قصارى جهدها حتى تدمر عزام.
تحدث رامز معقبا على كلام وسام
تمام يا وسام أنا هتولى موضوع داليا بنفسي وأنت خليك متابع التسجيلات مع حسام أول بأول.
جلست داليا في النادي تستنشق بعضا من الهواء العليل وهي تفكر في أمر مختار الذي صار يحاول التقرب منها بشدة في الآونة الأخيرة.
بدأ الأمر بطلب الصداقة الذي أرسله لها على حساب الفيس بوك ثم بدأ يتودد لها بشكل تدريجي وهي تتظاهر بالبلاهة وقلة الفهم فهي لا تريد أن ترتكب أي خطوة خاطئة تكلفها خسارة فادحة تجعلها تعض أصابعها من شدة الندم.
يجب عليها أن تفكر جيدا قبل أن تتصرف مع مختار فهو شخص يمتلك كل شيء السلطة والنفوذ والأموال الطائلة ولا يمكنها أن تتجاهل كل هذه المغريات في سبيل الحفاظ على زواجها من عزام الذي استطاعت أن تحافظ عليه بصعوبة طوال السنوات الماضية.
شربت داليا رشفة من عصير البرتقال الموضوع أمامها وهي تحدق أمامها بشرود لم يقطعه سوى صوت رامز الذي جعل جفنيها يتسعان من شدة الفزع
إزيك يا طليقتي يا أم ابني عاملة إيه
رمشت داليا بعينيها عدة مرات حتى تتأكد من وجودة وابتلعت ريقها بصعوبة وهتفت وهي تعيد وضع الكأس على الطاولة
أنت بتعمل إيه هنا يا رامز وإزاي عرفت أني موجودة دلوقتي في المكان ده
جلس رامز أمامها دون أن يحصل على إذن منها وتحدث بابتسامة عريضة مستمتعا بملامح الذعر المرتسمة على وجهها والتي تدل على شدة خۏفها منه
اهدي شوية يا داليا أنا جاي عشان أدردش معاك مش أكتر يعني مش هضربك ولا هعضك.
تظاهرت داليا بالشجاعة والحزم وهي تردف بحدة
اتفضل قول بسرعة أنت عايز إيه عشان أنا مش فاضيالك وورايا حاجات كتير
ضحك رامز بتهكم وهتف باستهزاء
ما هو واضح فعلا أنك مشغولة أوي ومفيش عندك وقت فراغ.
استكمل رامز حديثه وهو يقترب منها برأسه قائلا بنبرة ماكرة
الله يكون في عونك يا مدام داليا أنت فعلا مشغولة جدا ومش قادرة تلاحقي على عزام ومختار.
اتسعت عينا داليا پصدمة وانتفضت تدافع عن كرامتها بصوت مرتفع وشديد في صرامته
إيه الكلام الفارغ اللي أنت بتقوله ده يا حيوان!! إذا كنت مفكر أنك كده هتخوفني تبقى غلطان لأن مش أنا اللي هخاف من كلامك ده وأعلى ما في خيلك اركبه.
رفع رامز حاجبيه وعقد ساعديه قائلا بخشونة
اعقلي يا داليا واقعدي وخلينا نتفاهم أحسنلك وصدقيني كلامي هيعجبك أوي وهيجي على هواك.
جلست داليا وهي تتأفف حتى تستمع إلى حديثه وتعرف ما الذي يريد قوله لها
اتفضل قول اللي عندك.
تنهد رامز وهتف بهدوء
بصي يا داليا أنا عارف كويس أنك واحدة طماعة وجشعة ومش بيهمك في الدنيا غير الفلوس وده شيء مش ممكن ينكره أي شخص عاقل وعنده مخ وعشان كده أنا جاي أحذرك من الأيام السودة اللي مستنياك عشان تلحقي تأمني نفسك.
ضحكت داليا هاتفة باستهزاء
أيام سودة!! وإيه بقى اللي هيخليني أصدق الكلام الفارغ اللي أنت عمال تقوله ده!
أخرج رامز هاتفه وفتح بعض الصور ومقاطع الفيديو التي جعلت عينا داليا تتسعتان بشدة ولكنها سرعان ما تمالكت أعصابها قائلة ببرود مصطنع
كل ده عادي عزام أصلا له نزوات كتير وده شيء أنا عارفاه كويس وهو أصلا كل فترة بيروح يرمرم ويصرف شوية فلوس على البنات الرخيصات بس بيرجعلي في الأخر.
هتف رامز مؤكدا الجزء الأول من كلامها ونافيا الجزء الثاني
كلامك صحيح بخصوص أن عزام نسوانجي بس أنت غلطانة أوي يا داليا في تحليلك لأن المرة دي الوضع مختلف البنت دي مع عزام بقالها أكتر من أربع شهور ومش بس كده ده كمان اشترى ليها شقة في التجمع وكتبها باسمها الشهر اللي فات ودلوقتي هو موجود معاها في معرض سيارات عشان يشتري ليها عربية على ذوقها.
أعاد رامز هاتفه إلى جيب سترته بعدما دون لها رقمه في ورقة ووضعها أمامها
أنت تقدري بسهولة جدا أنك تتأكدي من كلامي وتعرفي أن نهايتك مع عزام قربت خلاص لأن البنت دي واكلة دماغه على الأخر وشكلها كده راسمة على كبير وأظن